osada's Profile

果日紅假下午6：30右左，我地即興去咗呢間餐廳。當時由一位紮馬尾的年輕女待應安排我地3人入座。佢語氣麻麻，好似唔想招待我地坐底，講左2次 “你地冇book位㗎嘛！？”。老實說鋪內又唔係多人，又冇人等位，冇book位都唔洗畀說話我地聽嘛👉👈 坐低之後，佢畀左張印有QR code的紙我地，叫我地scan QR code自助落單。我地嘗試用wechat scan, 3部手機都scan唔到。咁我地誤以為手機network收得差，就connect鋪內的wifi, 再次用wechat scan但都冇反應。我再用其他scan QR code的 apps，都係read唔到個QR code, 唯有叫職員嚟落單。走過嚟的就是剛才帶位馬尾的年輕女待應。佢叫我地connect wifi, 我地好聲好氣表示我地3個人，3部機已connect wifi, 用過不同apps都read唔到個code。佢非常好晦氣同我地講：「你攞部機出嚟！」我地果吓真係好愕然! 第一，佢語氣好差。第二，被勒令要攞部手機出嚟。莫非佢覺得我地呃佢？正常一個待應遇到客人手機不能自助落單，都會自動提出人手幫客人落；又或者有禮貌地話“不如我幫你睇睇部手機？”。最後佢用自己手機試左幾次scan QR code都係唔得， 一句都冇講就嬲爆爆咁走左去。我地一頭霧水都唔知佢做咩態度咁差，係咪剛被老闆鬧完呢？Anyway我地覺得唔想再受佢氣，所以決定起身走人！…Read More

我平時好少寫食抨，但今次一定要寫，真的十分感激他們🙇🙇🙇 近日去食lunch放題，我地一行5人被安排係坐在一個可容立20～30人的area內。食食下來了2位說普通話的客人，其中一人不停“索”鼻，鼻都紅埋。恕我地緊張，呢個時勢大家都驚驚地，所以厚著面皮問職員可否轉枱。職員2話不說樂意立即安排，我地不停多謝佢地，佢話是應該的，大家體諒。果一刻十分感動，不愧我地keep著嚟食！呢間放題我地食左好多次，每次gathering都來，一年嚟幾次，坐得舒服唔會焗唔會迫，唔太嘈傾到計；上菜快而且好新鮮味道又okay；有常溫的罐裝飲品/支裝茶選擇，啱晒怕凍的我；雪糕有movenpick；性價比高！有人情味的食店！…Read More

之前食過呢間喇沙已覺得有陣怪味😣😣😣諗著畀多次機會佢啦，一樣有陣。。。洗潔精味。可能因為湯底欠缺魚露，又冇椰汁味，只有檸檬味，所以覺得有陣洗潔精味料。料有2隻蝦，size okay; 細細片魚片（好似將街市長方形果款 half cut 咁但好薄)；好少牙菜，半隻烚蛋，同豆卜。喇沙嚟講，真心覺得佢難食👎👎👎👎👎👎👎寧願食出前一丁set都唔想再食喇沙！其實佢咁多bad comment, 管理層應該正視下，唔好再揞埋對耳仔！…Read More

一心諗着去勝利道食好西，沿途經過呢間店仔，口乾咪入去叫左杯菠蘿多多同食左陳皮魚蛋。菠蘿多多口味fit晒我，酸酸地唔會太甜，上面塊菠蘿食得出係新鮮菠蘿唔係罐頭, 估唔到店仔細細都用新鮮菠蘿。fit晒我呢個菠蘿怪嘅要求😅😅，唔怪之得個個入嚟都飲呢樣。陳皮魚蛋都好香，店主推介我加啲辣椒油，咪試下lor。 原來佢哋個辣椒油係自家製, 唔怪之得辣得嚟有蔥香味，唔錯。食食下隔離啲店個男人嚟買湯圓，但賣晒，店主話要等一陣，要即場包。嘩，估你唔到，咁細嘅店湯圓竟然係自家製嘅，今時今日真係唔係咁多店咁有誠意。下次再嚟我都想試下佢地個湯圓。。。…Read More