今日喺 crema 食咗個蒜香忌廉意粉，跟咗杯凍橙汁咖啡，成套 $80。講真一開始覺得有少少貴，不過原來普通咖啡平時都係$62，有杯咖啡送都算抵。意粉熱辣辣上枱，啲忌廉香得嚟又唔膩，配埋蒜香好惹味，啖啖都好滿足。醬汁唔係死杰嗰種，係滑身又有味道，食到最後都唔覺 heavy。但最大驚喜係杯凍橙汁咖啡，第一次試，居然幾夾。橙味清爽，帶少少果酸，啱啱好中和咗咖啡嘅微苦，飲落唔會甜膩，真係幾 refreshing。今次體驗唔錯，唔算平價快餐，但感覺用料有心思，特別係杯橙汁咖啡，值得一試。…Read More
