Doing Wong's Profile

得知西九龍中心開了社企銀杏館-越老仔，就一於星期日返完教會，一家四個口就黎呢到食個晏仔。一貫如其他銀杏館既水準，服務既年長員工是十分用心，又待客如賓既態度對待每一位顧客。十分專業，亦十分感到他們的認真。那份熱愛工作的心，讓我動容又讓我感動。難怪香港昔日有如此光輝燦爛的日子，正正就是他們活生生地經營出來的。贊呀👍👍👍講返食物，我地叫左3個午餐，分別是「手作春卷撈檬」、「烤豬頸肉撈檬」、「香茅豬扒蛋餅飯」。我兩位公主👸👸食到反哂肚。最出人意外的是套餐包埋係自助無限添飲服務，對我呢個水怪黎講，實在太好啦。我特別欣賞提供既熱紅茶，好香濃，茶味十足，正呀。之後，我一定會再黎幫襯，正呀😁😁😁…Read More

今晚一家人專誠黎到油麻地搵食,原先係打算食煲仔飯既,不過細妹身體剛剛病好,都係唔好食咁油既野啦,咁搵下咩食時,就發現呢間銀杏館. 之前係美孚時,我己幫襯過,佢地專門邀請一班年長DD既為服務員.不過我係佢地地上體會到的是活力,熱誠,對客有禮,以及認真.當我地一家黎到時,發現服務依家是高水準,十分細心.讚呀!!!!我地叫左三個食物,其中火車頭米粉真係好震撼,真係好大碗呀!!!!!同埋用料十足...正呀!!!!!另外真係一讚呢班長者,佢地服務時的細心,係無得頂呀!!!只係個頭望多望,佢地己經意會到你想搵人,就主動行埋黎問你有咩需要.雖然佢地係一班上了年紀的人士,但佢地認真的對待每一個客人,令到我地好感動!!!…Read More

難得太太帶埋兩個女去接我去玩，咁一於試下係赤柱食下野，輕鬆下啦。原先我地無打算係呢到食，不過見周圍都無哂位，咁我地行下行下，經過一條小巷仔，就搵到呢間美心美食啦。裝修就一般啦，沒有豪華及高貴的所謂氣氛，不過有親切的店員。我地入到店後，就坐係店的中間位置。因為，冷氣風口位麻，特別涼快！！！我地望下個餐牌，可以選擇既不多，因為有黑椒，阿女唔食得，佢地有少少辣都不行的。最後我地叫左一個黑椒雞排意粉，同埋菠蘿义燒炒飯。黑椒雞排意粉就好快上枱，都好好味既，不算太辣，兩個女都可以試下既。咁我地食下食下，好快食哂啦。但係個炒飯就等左好耐啦，好在我地不趕時間，可以入面廚師不多，上菜比較慢，結果我地等左呢碟炒飯等左２５分鐘。不過，菠蘿炒飯始終係小朋友既喜愛食物之一，佢地一食到菠蘿，就開心哂！！！！最後，如果有機會，我地都會打算再黎多次。原因係呢到坐得舒服，唔太逼，又夠靜，舒舒服服，安安靜靜之下，享受午餐，是一大快樂事！！！正呀！！！！…Read More

由今年年頭知道這間素食私房菜之後，就一直都想試下味。但等了多時，不是朋友說＂素食。。。不要啦＂、＂食齋。。。無咩好食喎＂，就是訂唔到枱。結果足足等左１０個月，係１０個月先有機會試下味。呢到絕對適合招呼朋友，不論是十幾人，甚至得兩個人都有地方招呼到客人。見朋友們不反對食素，我就早兩星期訂枱，接聽既店員都話“你早咁多打黎，一定有位啦”嘻嘻！！！好～～～我們一行四個人跟住摸錯入口後，好困難先搵到部電梯，是古式個種要自己拉閘既電梯，真係好正呀！！！我們坐下不久就來了冬蔭功湯，不辣的，好好味。跟住一碟又一碟送上枱上，我們開始心想，還有？！？！？！不知不覺之後，我們食左９碟美食。我第一次係呢到食，感覺上，樣樣都好好食。加上，呢到令我對素食有一種徹底既改觀。從來覺得素食是淡而無味的，經過今晚既洗禮，我諗我要從新改一改試食路線啦。…Read More

我們一家四口，見呢到開左咁耐，想入去試味。但往往都沒有機會，今天一於經過入去試一試。但一到門口，發覺店內冷氣嚴重不足，在三十多度的高溫之下，竟然冷氣嚴重不足，確實令到食客難以忍受。向店員查詢，她的回應是「係呀，師父炆緊一大煲野，冷氣又有Ｄ不妥，係熱Ｄ架，我地開左風扇架啦。」面對員工如此態度，我也不想再討論下去。另外，我們叫了一碗「蕃茄南瓜湯烏冬」，但入面發現一大舊既檸檬。我問其中一名店員，店員既回答是「師父整既係有加檸檬架，你第一次食呀？？」我想講第一，態度咁既員工，令食客難受；第𠄠，食品入面加左一大舊檸檬，我第一次食到咁又點？我係覺得奇怪才會咁發問。第三，我是要鮮牛肉，但來的是白肉，好明顯不是牛肉。在今天競爭咁惡劣的環境下，竟然有呢Ｄ咁既服務態度既員工，加上惡劣的進食環境，我諗呢間７５９雲吞麵店真係需要強一些心機及心思，才能吸引及挽回客人的。最後，我可以總結的是我一家四口，不要再踏呢間店進食。…Read More

我們一家四個口,我都係住係東涌,平日真係甚少黎到屯門,只係咁o岩黎探親,就一於pat pat 痕就黎行下屯門既商場啦.咁我地係D商場駁商場,行下買下,都唔知自己行左去邊到,每一到都好似差唔多咁. 跟住行到咁上下,見夠鐘,就搵嘢食啦.見到到都咁多人......點算....................突然落電梯既時候,發現呢到無乜人.............就衝入去啦. 就算點心都好啦,一於試一試味先!!!!我地叫左豬仔型奶皇飽,菜心燒賣,牛肉球,兩籠蒸飯.其實呢D都係平常既酒樓點心....無乜特別既....只係個豬仔造型就令到我兩個小朋友比較興奮咯.食到咁上下,就試一試佢個中式甜品 - 豆沙鍋餅. 呢個都OK既~~~~另外要讚一讚既,係員工既服務啦,佢地落單好快,做野好爽手.同埋環境方面,呢到夠靜同非常乾淨.唔錯唔錯!~~~~ …Read More

全日放假,上午同埋D朋友去左踢波,下午就要找找數,去圖書館溫書啦.溫到咁上下,當然要入入油,整個下午茶,補充下能源咯.睇完成個餐牌,發現呢個最平最抵.一隻大熱狗(司華力腸)+一碗粉(炸菜肉碎)+一杯飲品(熱咖啡) = $22.5真係抵到爛.味道就老實講一般架啦.係大學既環境,以照顧學生既荷包需要為重,所以價錢上一定係經濟同實惠啦.既然有咁平既價錢,味道唔太差,已經係上等架啦.試下以$22.5黎計,去街到我諗.....只能夠食到一碟腸粉加埋豆漿啦.不過惟一要彈下既,就係冷氣唔多夠.如果冷氣再大少少,咁就完美啦~!~~…Read More

當日放工去完油麻地醫完個背部後,就搵地方醫下個肚.行下行下,見到呢類比較舊式既燒味店,應該都有咁返上下"風味"啦.好啦...一於試下啦.叫左個燒肉燒鴨飯($42)+再加罐可樂($8)老實講,係呢個時候,加埋都係$50,都算係咁啦.食落D燒肉好好味,燒鴨又正.唔錯唔錯~~~~~~不過可惜我坐既位置是風口位,當時又人多,轉唔到位.有少少吹到風痛!!!~~~不過總體經驗係好既~~~~希望有機會出城時再黎啦!!!…Read More

呢到既員工好有問題,1. 落單唔係去你個位到寫,而係佢用背對住你,面向落單既機禁禁禁,你係需要大聲呼叫佢先落到單..........2. 等位問題: 我們一行四人,無位就攞飛係門口等. 但期間不斷有D 一個人既, 兩個人既, 自己行入去攞位坐.  我自己估計,係等既10分鐘入面, 足足入去起碼10個人.問個員工,就話預留左張4人枱走左就比我地.....呢D員工既邏輯係咪好有問題架..........呢張4人枱既人唔走,我地係咪永遠唔洗入去食?? 其實嗰10個人亦都同樣攞飛等位,對其他等緊既係好公平同好公道咯. 真係比呢到D員工激死.…Read More