cwmsandy's Profile

今次係第二次黎呢度食，上次同同事食完之後，大家都覺得呢度好抵食，想encore，不過約極都約唔齊人，今日終於齊人開飯啦😆今次轉左主題，蟹🦀 。不過我對蟹麻麻地，因為太麻煩，要拆。我只係食左啲蟹腳，同事話蟹腳咸，但我就接受到。之後就食沙律，佢沙律款式都ok; 跟手食左啲熱盤，不失不過；再食就係佢呢度即叫即煮既炒天使麵，都係不失不過；最後就當然係甜品啦！今次好surprise, 有芋圓呀 因為我對芋圓有情意結，今次要加分比佢自助餐黎講呢度真係好平，加上OpenRice 優惠，買單只係288，平過食放題如果你要請一家大細黎，呢度絕對係抵食之選！…Read More

姪仔對留白念念不望，今日唯有再同亞妹帶佢去食。個𡃁仔只係九歲，都已經咁識食，再大個啲都唔知要帶佢去食咩🤣上次我試左bagel，今次想試下意粉。我叫左三文魚菠菜意粉with cream。佢啲意粉軟硬適中，亦都彈牙，口感好好。另外叫左個黑松露雜菌意粉，因為唔係我食，所以無影到相。我試左一口，味道好好。亞妹話份量有啲多，食食下會覺得偏咸，但係好食既，另外雜菌都好多。不過以我經驗，呢類雜菌意粉係會飽肚啲既。至於咸淡就因人而異，食得較淡既人，可以問下廚師可唔可以做得淡啲。甜品今次本來想試石，但姪仔想食蕉，唯有叫比佢食，水準不變，仍然係咁好食唯然店入面得一個人，但服務都好好，我無叫野飲，佢都會好細心咁比柸水我。呢個係值得一讚既…Read More

而家同朋友出街食飯，都好少會去食中菜， 因為感覺上中菜要多人先可以試到多啲款式，開心啲！不過今日朋友對呢間有興趣，就試下啦聽講話係米芝連，睇完個餐牌，感覺菜式都有啲特別，想試既野好多，不過胃容量有限，加上我地得兩個人... 諗左好耐，決定叫三樣野，佢最出名既開胃菜蝦苗伴紫菜，因為我鐘意芋頭，叫左個炒芋心，朋友想試紅菇，就叫左個紅菇豆皮湯。你見到啲相有碟青綠色既野，呢碟係welcome 菜，至於茶係菊花茶。最後仲送左份甜品比我地整體黎講係好食，推薦個紫菜，真係好特別！呢間我會encore。下次要同屋企人黎食，我一家十口，可以試好多款呢度既服務都好好，期間見到有人係度慶生，佢呢到有個慶生牌比你影相嫁。啲職員都好主動幫你影相。至於價錢方面我覺得係正常偏高少少，不過佢呢期有優惠就拉均番。佢地做緊18週年慶祝活動，任揀一款開胃菜，18蚊，只限一款。心…Read More

今晚同朋友黎左個養生聚🤣 去左養生殿品嚐養生湯底火鍋。我地想試兩款湯底，所以叫鴛鴦鍋 - 麻辣鍋同酸菜白肉鍋。呢到要提提大家，佢既湯底好足料，同時有啲火鍋料係入面。例如麻辣有鴨血，酸菜白肉有寬粉等。如果湯底有既，可以唔洗order 火鍋料，等食完湯底入面嗰啲，想再encore 先叫都未遲。係呢到我要推介一下佢既黑松露丸，真係好特別，好好味；另外午餐肉都值得食，佢表層係脆嫁👍🏻。你見到我啲相入面有一張係類似炸野既厘，呢個係用黎熝面用嫁。感覺上好貼心😊 至於價錢方面就見仁見智，我覺得價錢同質素係相對既，不過不失。我地三個人食，鴛鴦鍋 + 8款火鍋料，一jug 酸梅湯，買單每人二百七十幾。大家可以參考下。仲有，如果你可以七點前結賬就半價，八點半前結賬都有優惠，不過唔記得左幾折。…Read More

今日去荃灣閒逛，無意中經過呢間餐廳，有睇開我寫野既朋友，就知到我鐘意食粉絲。係門口見到佢個餐牌有粉絲柸，我就諗都唔諗行左入去😁呢間韓式餐廳係快餐形式，都有唔少配搭。我當然揀我最愛既粉絲柸，另外叫多份甜辣炸雞。份量屬於正常，但對於我黎講就偏飽😅個粉絲夾雜左蔥，蘿蔔絲，洋蔥，味道都唔錯，但如果有辣醬會更好；甜辣炸雞係雞粒，雖然唔係正中炸雞，但勝在好味😋至於價錢就見仁見智，呢類韓式料理，我覺得係偏貴既。睇餐牌都係平價食材，但賣價唔平。不過如果你鐘意韓食，又懶煮，呢到絕對係一個好選擇👍🏻…Read More

今晚又有一大籍口外出用餐 - 同同事慶祝生日呢間韓燒好似都係7080旗下既餐廳，不過係任食型式。佢有三個set比你揀，我地就揀左最平嗰個試，因為覺得都夠多種類。其他兩個既種類就再多啲，不過相對都會貴啲。食物質素都算高，餐牌唔止生野，仲有啲熟食，都係韓式傳統食物。我最鐘意炒粉絲，當然一定會叫啦不過炒粉絲一定要加辣椒醬先好食。另外最鐘意薄切五花肉，最快熟，差唔多熟時，放啲泡菜上去燒，之後再用肉卷住泡菜，好食過用生菜包。呢度既泡菜可以無限添，蛋漿都可以，不過蕃薯仔就要5蚊6粒，鐘意食都可以添下，因為真係唔錯。至於環境就...好煙霧瀰漫😂 可能抽風系統唔係咁好，食完後，你自己都會嫌棄自己身上陣味。直得一讚既就係佢地換塊燒版換得好密…Read More

今日因為要kill time，想搵個可以坐耐啲既地方食lunch。突然記起之前亞妹提過呢間野。今日就同朋友黎試下。其實店面好細，室內有12坐，室外有4個吧台既坐位。去到推門入去，見到有位，分開兩台，每台只可坐兩個。因為我地係三個人，所以要等。大約等左35分鐘左右（因為不限時，所以有人會係度閒聊）。如果遇上無位既無你，店員會話比你知：唔知要等幾耐，因為唔知入面啲客人會坐幾耐。如果你等，留低電話，我會幫你留位，有位會call 你。其實呢個服務都幾好。主食種類唔算多，有bagel / spaghetti / all day breakfast / egg benedict；飲品相對地多選擇；甜品就有三款。我鐘意bagel，叫左煙三文魚bagel，飲品要左紫，朋友都揀左大蝦意粉，飲品就要左橙。質素好ok, 個bagel 係亞麻籽bagel，料都好足。大蝦意粉朋友話好食，不過喊左啲。我柸飲品紫，係雜莓，感覺好似加左醋，都唔錯，好開胃。朋友柸橙應該都好飲，見佢連入面啲橙肉都食埋就知。甜品叫左蛋同香蕉。真係好好好好好好味味道係呢到留一個想像比大家，大家一定要去試下，以平常心去，食完之後你會嘩一聲另外價錢都好平，係高質素既食物，平民既價格…Read More

今日lunch 食遲左，朋友帶我去呢間味苑食燒味，入坐時已經1:45pm. 見到餐牌有下午茶，兩點就開始，咁當然係等下午茶啦，每個餐平十蚊😆其他餐廳下午茶都要兩點半至三點呢段時間先開始，呢間算好早👍🏻我叫左叉燒拼燒腩仔，朋友就叫左燒腩仔拼燻蹄。叉燒嫩滑軟腍、有咬口得黎又鬆化；燒腩仔既皮好脆；燻蹄都唔錯。因為平左10蚊，同朋左決定叫多碟時菜-芥蘭，稍微灼得熟左啲。飲品可揀湯/大路野飲，不過如果個餐有湯揀，我一定飲湯😌 個湯都ok, 唔會太喊。出現茶餐廳啲老火湯通常都偏喊，呢間就岩岩好😁茶餐呢間價格略高，買單每位54蚊，不過同朋友當食lunch 就接受到。另外呢間用公雞圖案既餐具感覺有啲懷舊，黎食既朋友可以影下相。…Read More

每次路過都好想入去試下，但次次都滿座。今日好好彩有位，於是同朋友二話不說入左去坐😌形式同Starbucks一樣，自己搵位，自己出counter 點餐，取餐。menu 好簡單，得五組選擇，因為係cafe，所以飲品選擇多啲。餐包一柸普通飲品，即檸茶/水/咖啡/奶茶。不過黎得cafe，當然想試下啲特別飲品啦！呢到叫手調飲品，跟餐可以半價換購。我叫左daily set + 熱既宇治抹茶牛乳。對於我黎講個daily set 份量略多，不過味道唔錯，好食👍🏻 至於柸飲品就唔洗講啦，東海堂出名綠茶產品，當然係好飲啦，牛乳味亦好重。聽到隔離台話，抵過去Starbucks 坐。仲品係平靚正😏😆…Read More

生日總係會去食西餐，放題，打邊爐或者自助餐。但係食得多都會悶⋯今晚同同事決定突破下，去食越南野🇻🇳係荃灣蒲咁耐，都未入過呢間餐廳食，原因係佢周邊既米線都好吸引😆 今晚難得有機會一試😎我地叫左一個4人餐，升級左要柚子鮮蝦沙律同軟殼蟹紙米卷，然後要左燒魚同燒雞，最後揀豬頸肉炒飯。飲品我就點左意米水。個沙律好common, 勝在柚子多吸引我食；紙米卷都無咩特別，正常可入口；之後有三款跟餐小食，雞亦好食過燒雞；直得推薦既係蒸粉包，個皮唔厚，幾好食；春卷都係正常，有啲辣。到任選兩款既燒雞，啲雞太乾，唔好食；但無條魚就好掂，好好食，好滑👍🏻 但因爲太好味，唔記得影相😂😂😂最後太飽既關係，食唔落個飯，打包拎走。 飲品-意米水就甜左啲，感覺唔fresh，好似少左啲檸檬汁😂😂😂 可能之前係其他餐廳飲過，多數入口都有fresh 既感覺😌 比較下就呢間無咁好飲。整體黎講呢間都食得過😁另外直得一提既係，staffs 既態度同服務都好好👍🏻…Read More

感覺呢間餐廳好似轉左幾次手，之前試過兩次，都幾好食。今日行經呢到，餐廳既人話轉左餐牌，於是就入去試下。其實餐廳既裝修係幾好既，比人感覺好休閒。午餐選擇都唔少。有日式同美式，仲有意大利飯同意粉。價格唔算好貴，午餐包一柸飲品。今次叫左意粉-煙三文魚明太子忌廉炒意粉。意粉相對地幼，但口感都唔錯，可能加左明太子，味道咸左少少，整體係ok 既。朋友就叫左意大利飯，不過評價都係咸左少少。推薦比食得濃味既你。另外凍飲唔洗加錢，亦都唔洗加一。唯一缺點就係落錯單，不過啲staff 都好nice，好樂意幫你換。多出街食飯既你應該知出面有啲餐廳，就算落錯單，你同侍應講，佢地會即刻黑面嫁麻。不過呢間就無。…Read More

約左朋友慶祝生日，諗住就朋友約係荃灣，上網隨意搵，見到呢間野評價都幾好，就決定試呢間😆一去到門口，個心嘩嘩聲，洗唔洗咁pink呀🙈 嚇死我😂 難怪叫girlboss🤦🏻‍♀️呢到有用餐時限 - 1.5小時，入坐後即刻神速落單。啲價錢都合理，我地叫左Bossy Royal Set，兩個人食好夠食，如果個set 包埋飲品，就真係好抵。不過我覺得呢個餐可以做三人份量，因為兩個人食唔曬😁我最鐘意龍蝦料理，所以一定唔會放過呢到既龍蝦包，試過之後⋯感覺都ok😆 唔算神級，但都可以試下。其他食物都不失不過啦。我地無叫飲品，因為個餐既份量我地都食唔曬，就唔好再浪費。但見其他枱既飲品都好特別，或者下次再光顧既時候可以試下😆…Read More

如果屋企有小朋友，唔方便養小動物，可以考慮下帶佢地黎呢到玩下。一黎可以滿足小朋友既好奇，二黎又可以教下佢地點同動物玩同愛護佢地。今日同姪仔姪女係呢到放空左一個小時，佢地都地都好enjoy。每小時HKD65/head，包一杯飲品。呢到仲有一個買猫糧餵猫環節。猫糧每隔一小時出售一次（14:30 / 15:30 / 16:30 etc.)。數量有限，人多要出去排隊買。上黎呢到最好著襪，因為要除鞋入場，另地下好多猫毛。如果有敏感就唔建議你上黎。個場可以比你周圍走去玩猫，姪仔姪女就周圍走，我就坐定定等猫行過黎比我玩😌 有隻貓坐左係我張枱到，都好長時間下，我唯有幫佢影下寫真啦😂😂😂…Read More

今日忙裡偷閒，中午同同事去青衣泳池側既西餐廳食飯。其實之前都食過兩次。但因為上餐時間實在太慢，好耐都無去食。今日就比多次機會佢😌等位時已經想點定餐，點知老闆話上餐好快，三分鐘就得。入坐後，真係三分鐘就上左沙律，跟手又上埋主菜，真係要比個勁佢👍🏻今次點左厚切豬排跟意粉，好好食呀😋 豬排唔會太dry, 啲意粉軟硬適中。之前黎過食三文魚意粉，嗰時已經覺得尼度既意粉好好食。價錢真係好抵，買單都只係HKD55。一個主菜，另有沙律/餐湯/飲品三選一。今時今日，尼個價真係超值，重點係好食。唯一美中不足既係，佢啲椅比人感覺dirty。但我接受到😌…Read More

小女子胃容量較細，但又想同屋企人一齊去食自助餐，開心一下。本著唔輸蝕既心態，上OpenRice 搵下有無啲平價既自助餐。無意中睇到尼間同時又有OpenRice 優惠。計落每位都係HKD275咁上下。個價好親民，決定同屋企人黎試下。我覺得整體都幾好👍🏻 冷盤-沙律有6 - 7 款，又有可以自己mix 既沙律bar. 海鮮4款 - 凍蝦，螺，長腳蟹腳，龍蝦鉗。尼個價錢都算可以。湯就有兩款，包類就得一款，仲要係最普通既餐包。愛包既我就覺得尼個係唯一美中不足既地方。仲有即點即煮湯粉，熱盤大約10款咁上下。甜品款式我覺得都算多，有十幾款，另有兩個品牌既雪糕，一個平價，一個貴價。細細杯，可以食兩三杯😋另外尼期去食有半隻焗龍蝦送，不過應該熟得濟😂 好好趙口🤪呀～ 仲有一樣野要讚既係員工反應好快，見你食完，即下過黎幫你收走隻碟，呢啲就係服務啦👍🏻同屋企人都過左個好滿足既夜晚😆😆😆…Read More