taylor dinner's Profile

食過荃灣瀛喜幾次，最深ge印象係超多選擇，幾乎係食過咁多間放題，最多紙仔選擇ge一間，其次係early bird時段第二位半價，連加一人均$150走人，十分抵吃。今次轉戰元朗店，交通廣場不常路過，但瀛喜位置前身好似係台式野，或者係頂手關係? 見場內唔少用具都仲有圓山Logo，一室過的Food Court式座位，非常嘈吵又檯貼檯，第一印象荃灣店好得多說回正題，食物選擇多，隨意在每張紙選幾樣都一定飽肚，只要落單數量合理，好少會漏單，而且上菜速度都幾快，好驚喜呢度ge壽司出品無論size同新鮮都非常正常，唔會好似某d放題變左Finger Sushi又或者鋪唔滿ge情況，所以不停encore壽司。另外出色ge有唔同ge燒物，特別係每次放題都必點的燒羊架，夠臊夠肥美，多叫幾件已經回本飽肚。燒三文魚頭雖然無乜肉食，但面頰的肉最為嫩滑。曾經係平成22放題見過有火鍋，呢度無，但都有唔少鍋物，泡菜鍋、豆乳鍋都有，不期望內裡有滿滿的食材，但係熱騰騰ge感覺已經是誠意之作，將另外點，本來平平無奇的牛肉烏冬加入鍋內吃，感覺好似即時升左呢，食物溫度有時真係好影響食後感。甜品紙都離唔開迷你雪米慈，但竟然有原包裝的牛奶公司定維記個款朱古力奶雪條，驚喜位! 整體水準其實只有六七十分左右，但計埋人均$150，真係係附近西餐廳食碟羊架都唔止…Read More

民泰街食店不停轉，媽咪雞蛋仔就日日人山人海，周末的下午茶，老婆堅持要等雞蛋仔，，走到轉角位一家不起眼的乳酪店，幾乎用全相片陣吸引路人，有些七彩的配搭是乳酪再加唔同色ge糖粉，個人受不了，店員比左少少自製爆谷試下，最後就決定要爆谷配乳酪，其實呢度都有淨爆谷可以買，大大部爆谷機就放係當眼位置，糖漿包得好勻，唔太漏，而且新鮮熱辣好難唔好食。價錢少貴，印象中細$28 大$35，但爆谷份量都算唔少ge全香港的Froyo應該都係個兩三隻牌子ge乳酪粉開成，無話特別好唔好味，但店內即製的爆谷配乳酪雪糕就已經加分，爆谷本身已經好好食，下次放工路過會考慮淨買爆谷。不過這區面對最大ge問題就係地鐵大型工程的問題，行人路一改再改，又窄又多塵，這裡小食店要加倍注意衛生，有心小店會繼續支持…Read More

無乜機會過大海，但好多時都會特登入黎食個葡撻飲杯咖啡，座位唔多，都係高桌椅為主，不過坐得幾舒服，特別係入口左面的位置，好有自成一閣感覺。放雪櫃的火雞三文治可以烘熱享用，件頭不少，加埋葡撻足夠飽肚有餘，麵包兩邊都夾烘得金黃，熱力傳得平均，裡面除左煙火雞片，仲有番茄同火箭菜，唔會dry爆難啃，可以一試。這裡最大的賣點就係澳門安德魯葡撻，雖然要$10.5一個，但質素穩定，油酥撻皮鬆化得很。或者比不上路環總店，但省下船錢，係正旺區中心點有得食，止下癮都非常唔錯，不過可能依家大部份香港人都只關心香港那裡有洪瑞珍三文治「水貨」，而唔記得有間安德魯葡撻。食飽又可以繼續陪老婆Shopping…Read More

亞士厘道呢段食街，好多時夜晚都間間爆滿，都有食廈上面唔同ge選擇，朋友睇中呢間有戶外位置，當晚餐廳真係好靜，計埋我地得兩檯，但係另一檯就坐係戶外，為免有機會吸二手煙，都係揀左室內位。人少還人少，但其實由坐低到離開，服務態度同食物都比想像中好好多，有心做但無人賞識自選五款刺身 $168，刺身有光澤，厚切，係裝飾呢d細心位都做得好足，而且呢個價錢有五款，比起連鎖壽司店仲抵。佐酒一流的炸雞軟骨，炸漿厚薄均一，香口小食真係惹味食唔停。石頭鍋燒走地雞飯底層有薄薄一層飯焦，脆口唔痴牙，而且一般食石鍋飯，好多時配菜比肉仲要多，而呢度就幾乎全鋪滿雞肉，照燒汁拌起雞肉洋蔥加埋熱辣辣飯底，有石鍋保持溫度，吃到尾都依然暖身。飯後仲有雪糕送，呢d日式小店已經賣少見少，有質素又坐得舒服，但偏偏靜到嚇死人，當初好驚中伏，但事實證明一切，可以有下次…Read More

月尾有朋友來拜年，想起大家新年應該又飽又滯，所以主菜選擇左素食盤菜，好好彩可以前一日訂就ok，堂食$428，外賣連盤$448，驟眼睇真係一d都唔似素菜，雞鴨都做得超神似，味道都唔差ge，連雞軟骨的質感都模仿得到。不過大家都覺得唔夠綠色蔬菜，墊底的都係蓮藕多，綠色就只有圍邊的西蘭花。雖然比起一般的葷食盤菜價錢平一大截，味道都較為清淡易接受，唔會一食完個個爭水飲，但除了放面有靚靚賣相之外的食物，底下就係蓮藕多，整體性價比偏低，七百幾的連鎖快餐盤菜，起碼都有d魚蛋豬皮蘿蔔燒肉，不過素葷都係不宜比較，就當勝在可以一天前預訂…Read More

赴會前仲有少少時間，都係適宜填填肚，都唔知幾點開席，無黎登龍街一排，又變了另一個戰場，最多人的一定係新開的三田，六點已經排長龍，遲d run順左先試，今次先入對面的金田家，唔洗排。店員介紹款式只有三款，腩肉、肩肉叉燒的分別，既來之則安之，同太太一人一款，再加隻溏心蛋，幾分鐘就有得食，拉麵真係永遠都係攝時間趕時間ge良伴麵條可以選擇軟硬，人人口味唔同，個人覺得普通的已經好足夠，可以食到麵條又滑又有彈性的質感，腩肉的叉燒肥瘦肥瘦間住，拉麵的最佳配料，可以女士們會怕肥選肩肉，但食得拉麵就唔好顧慮咁多啦! 溏心蛋原隻上，但一咬開深黃色半流心，做得好好，而成碗麵ge靈魂相信就係濃厚的豬骨湯前前後後只係三個字左右就行返出舖，唔會阻礙行程，水準都幾滿意，不過毛雨天氣黎呢條街搵食就麻煩d，前前後後都無瓦遮頭。…Read More

因為太太有會員卡的關係，間唔中都會來，就算weekend晚餐時段通常都有位，平時會點$158二人餐，都有飯/意粉揀，雖然變化唔多，但包沙律/湯，再加上飲品和雪糕，價錢合理的。最近一次到訪多了個二百幾蚊的二人餐，陣容比較豐富，酥皮湯之外，仲有Ribs, Pizza呢d揀，以前係Bistro Delifrance食到ge大碟菜式，依家都慢慢做起來，看來將淡靜的cafe格局升為西餐廳都可以殺出一條路，反正餐廳背景一早已有，只係員工要忙多少少。酥皮湯等左好耐好耐，經理見我地眼望望都特登走過黎話仲有幾分鐘焗緊，上菜沒有失望，金黃酥皮漲卜卜，一咬開就噴出蒸氣，差d灼傷，熱辣辣新鮮出爐已加分。 Pizza 唔會有太高期望，厚批質感但有d韌，夏威夷批簡單只有茄膏、菠蘿同火腿，好難失手，只係配料唔係太平均，酸酸甜甜夠飽肚，小朋友指定要食的pizza，也滿足了他之前在Bistro又或者Alfafa都食過佢地ge Ribs，醬汁包住肋骨，調味依然不變，肉質無Ruby Tuesday個d咁淋咁散，要用牙力扯開，有好有壞，至少無將Ribs烚到碎曬，但咬到牙隙都是肉絲。隨上的碎蛋沙律焗薯加沙律，整碟菜式有菜有肉有澱粉質，幾好的配搭，非常飽足，而且成個餐只係2xx，平時係美國餐廳單叫ribs都唔止飽到食唔曬，最後的雪糕都只係隨意吃幾啖，飲品可以試試最新的有機果茶，味道幾香。成個餐真係抵食…Read More

放題原來真係會食上癮，尖沙咀的一夜有考慮過到加威的極尚大喜屋，最後都book左山林道的平成22，要不是訂了這放題，都未行過入呢條又長又密的食街，對於山林道，只記得早前路口M記結業的大新聞店內環境都幾舒服，唔會有焗促的感覺，深長的舖面其實坐到唔少人，眼見兩節時間都全場爆滿，交場時間門口企滿人真誇張，但整條山林道明明路人不多。點菜紙八張，每張紙的選擇又唔算好多，看來是貴精不貴多，而且慢工出細貨，從對答知道老闆就是壽司吧內的大師傅，點了幾款刺身，蝦又大又鮮甜，三文魚紋理平均又有光澤，最出色係帶子刺身，厚而有彈性，最怕食到雪未溶晒的帶子雪芭燒雞翼超有誠意，開邊攤開來燒，薄脆香口惹味，雖然咁做可能會犧牲了雞肉不夠嫩，但整體可以encore再encore。燒豬腸一客兩件剛好，肥膩之物適可宜止，燒羊架蘇味一般，肉質彈牙，放題有呢d重量級肉食真好，往往係港式西餐叫幾件搭少少沙律已經百幾蚊。魷魚如果有刀叉會比較易分開，咬開就要用d力，索性一啖過，主要是調味做得香口。出菜比較慢，但食物尚算有質素，會有再來的機會…Read More

永遠的指定路線，食完坤記糕就行幾步到公和門口，依家擴充後連食物種類都多左，其實一間老店已經夠旺，唔搞咁多花臣都大把人，腸粉炒麵都有得食真係出奇，為免太飽都只係一試咖哩魚蛋同蘿蔔就算。咖哩汁底是相同的，而且做得好好，又濃又香，同街邊檔咖哩魚蛋的汁好唔同，出面多數深到啡，呢度依然是偏泥黃，辣度一般。蘿蔔清甜無渣，配起咖哩汁特別香，如果再來會encore蘿蔔加腸粉，淨要咖哩汁豆腐豆卜雙拼，豆卜份量好似少了一點，可能是自已記錯，配上豆瓣醬又或者甜酸醬人人皆愛，豆卜純吃脆口感覺，炸到得返個殼咁，豆腐較為實在，不鬆散。最後再飲啖凍豆漿解一解咖哩的辣味，豆味依然香濃。邊食邊聽他們落單的內容才知道原來還有閣樓座位，從沒發現!…Read More

年近歲晚，坤記人龍不絕，水洩不通，幾經辛苦先排到埋去，基本上店員都做到燥底兼摩打手，唔會同客人有眼神交流，糕已一早入好，聽order執幾下就收錢。一黑一白，先吃白糖糕，雖然夠厚身，但發酵過度，酸味太搶，而且質感糊口，完全不像從前乾爽彈牙看到一絲絲紋理，吃不完。反而芝麻糕水準不變，依然好有芝麻糊的味道，一層一層厚度和質地相約，可以逐層吃，又或者一口九層過。不冷不熱吃就最好，因為夏天一買已經快溶，膠袋內都黏滿芝麻漿。下次來可以skip白糖糕，淨食芝麻糕…Read More

已經好幾年無係厚福街搵食，對上一次到H8食廈應該是新開的時候，到阿利水吃韓國菜，今次再望望水牌，開apps睇ranking，上了12樓西餐廳。這裡依然是一梯一伙的設計，比較有私隱度，而且人流唔會太大，平日一晚一兩轉生意，相對氣氛會較靜，見幾檯都是為慶祝而來。餐牌內菜式幾豐富，set dinner定價好比中上環，最後在主餐牌選擇。蟹肉芝士忌廉煮牛油果釀大傘菇 $98，材料的組合幾豐富，牛油果的份量較多，所以會吃到軟滑的口感內帶蟹肉甜味，份量不大但較為膩，味道濃郁，兩人share就剛好龍蝦濃湯 $68，質感不是濃濃杰杰的幼滑湯品，但龍蝦味好突出，與忌廉拌勻後味道會比較平均煙鴨胸忌廉手卷粉 $108，同Risotto一樣，份量唔會太多，但因為忌廉汁較漏，加上鴨胸都十分飽肚。手卷粉第一次食，與普通macaroni通粉又或者長通粉Penne 都不同，長得來的又通心，好有咬口，醬汁都fill滿了意粉裡面，很獨特又有趣的意粉，可以一試。甜品見其他檯多數揀黑炭球，但最後都要了焦糖燉蛋，焦糖層很厚硬實，但應該都會有客人喜歡濃甜的脆脆焦糖，燉蛋可以多加鮮奶或忌廉，更幼滑軟身就更好食。手卷粉的質感好特別，計埋環境都值一個笑面…Read More

據說請人不果，只能在周末假期開放，人人都衝住來，由村口入來一直都是單線雙程，如果駕車來的朋友要預上塞對頭車、倒車、塞對頭車再倒車，分分鐘成個鐘先入到去，場內都要派2個職員控制交通，熱鬧過龍。車龍長，人龍都長，以往只限周末供應的食品取消，3,4點時份其他都陸續沽清，想食就要早來500ml 鮮奶，味道的確幾濃郁又順滑，如果想要脫脂低脂就只剩下1L裝，這周末天氣很熱，喝上一盒凍鮮奶正好降降溫，另外郊遊三寶的餐蛋麵幾乎人人都點，正所謂山長水又遠，總覺得好味d。餐肉keep住一批批煎，都夠香口脆身，麵底是紅叮，補充鹽份的好機會。想要小食的可以叫茶葉蛋或者燒賣，燒賣質地唔會太淋，夠彈牙，茶葉蛋都易剝又入味，連蛋黃都有微啡，一家人share 這小食小食的下午茶，然後可以買草餵下羊都係一個不錯的周末節目…Read More

已經好一段時間無來，但荃灣幾間刀削麵店，還是鍾情捐血站旁這一間，周末期間沒有lunch set，而且現在手拉麵通通餐牌價加$5，其他刀削麵、年糕就不變，令不少人卻步，眼見大部份人都點刀削麵。水餃刀削麵$37，再加碟拍青瓜，麵食依舊即叫即削，上菜時間比以前長得多，尤其周末人客明明不多，又或者肚餓時覺得時間特別漫長，水餃仍然是大件頭，皮薄餡靚，菜多肉少，一客四隻連麵食已足夠飽肚。刀削麵厚薄均稱，每條都煙煙韌韌。而拍青瓜調味以醋酸為主，而非麻辣，更開胃，青瓜用刀身拍爛，自然爛開的口感比刀切完整的更好，而且係麵食以外多個蔬菜選擇。…Read More

年頭食好d，跟上司簡便 lunch meeting，就來了元氣，$78有烏冬、刺身、壽司、蒸蛋、湯/汽水，係茶記都要$42的年頭，已經不算貴，因為機械式的製作，出菜都好快，但食落會發覺無論刺身、火灸壽司和普通壽司都是蝦蝦蝦，至少吃了四五隻，都算慳水慳力慳功夫。見餐牌是冷烏冬的，最後來了熱湯烏冬，更好，烏冬好彈牙，份量都唔少，一個套餐男士們都吃得飽。特別一讚蒸蛋保溫能力強，放到最後吃都要吹一吹先放入口，而且內裡材料特多，蟹柳、鳴門卷、鮮菇等，吃了壽司刺身，最後吃碗蒸蛋暖胃，再喝麵豉湯，偶然來一次也不錯，至少不用常到加太賀…Read More

趁天暖前也要打一打邊爐，在公司附近而有試得過的，再問問住附近的朋友意見，就揀了這裡，地點不易找，平日晚市人流一般，但食物水準其實不錯，價錢都合理，見有二人雞煲套餐，雞煲以外再有幾碟火鍋配料，都只係$300。朋友推介必吃蟹煲，就點了這個，再選其他配料雜菌花甲蟹鍋 $180，湯底有大量菇菌、粟米、花甲、膏蟹，材料簡單，但已足夠煲出超鮮甜的湯底，可以先喝湯，再加湯打邊爐，感覺單是鍋內本身的材料已吃不完，如果兩個人來只吃這個都飽，但人總是眼闊肚窄的，最後都叫了幾款配料，鵝腸、黑椒豬肚丸拼牛筋丸、西洋菜等。在大排檔吃鵝腸就多，但打邊爐再加上新鮮帶肥膏的鵝腸是第一次，新鮮夠彈牙，爽口的，值得試試。未試過午餐肉打邊爐，但經常見朋友吃韓國鍋會落，又試試，較煎香的少了份彈牙感覺，好滑溜軟身的，但因為中間都夾有不少火腿絲，所以都仲有少少咬口。黑椒豬肚丸只有淡淡黑椒味，怕辣的朋友都可以試試。花甲肥大肉厚，而且吃極都吃不完，到最後熄火投降都還未吃完，蟹肉鮮甜易拆肉，粟米都是鍋內不可不吃的食材，因為吸滿了湯底精華，有水準的火鍋，可以再約大班朋友來試更多…Read More