JZ9717's Profile

今日同friend一齊去dragon centre食飯，我去到既時候大部分都關門，得返T.Co，所以我就叫咗大碗飯+薯條+飲品。大碗飯總體黎講算OK，個飯有d油膩，但係有鮮番茄洋蔥青瓜解膩，可能我平時食慣洋蔥，覺得碗飯入面洋蔥太少，所以唔夠解，分量對我哩講算唔夠，食完飲完仲要去食糖水先得。薯條感覺似係麥當勞無鹽薯條，即場鮮炸既薯條同麥當勞鮮炸既口感幾乎一樣，所以我唔建議大家揀薯條。飲品就係惠康賣既蘋果綠茶有氣飲品。Total: 78蚊，大家可以試下，但我唔太建議去。…Read More

今日去北角有野做，地鐵站出黎見有麥當勞咁啱手上有coupon，所以就入去幫襯下。叫咗，脆辣雞腿堡，無鹽薯條，奶昔同埋麥樂雞。脆辣雞腿堡: 乾到以為食紙皮，我無叫走醬唔知點解仲係咁。無鹽薯條: 感覺唔似鮮炸，有d淋。奶昔同麥樂雞: 正正常常。個環境，衛生算唔錯，就係野食令人失望，希望下次如果有機會食可以食返正常d，起碼唔好難食過山道間M記啦。同埋個廁所係無指示牌，所以要搵，入到餐廳counter右手邊有個通道入去，你可以聞到陣廁所味。…Read More

食咗4年譚仔，前前後後都洗咗上萬蚊，但係今次真係令我頂唔順，以後再也不吃了。夜晚搞完asm之後落去譚仔食飯，同平時一樣叫咗碗過橋米線番茄3小辣。當我見到碗米線，我真係火都起埋，我知道我去得遲，但係我不敢相信成碗野都係邊角料，大佬啊我洗65蚊係黎enjoy熱辣辣美食，唔係幫你清垃圾架。個酸菜大部分食唔到，d餸又係明顯劣質，我係真係覺得比人敷衍。宜家市面上已經有大把譚仔同類產品，例如我宜家都食九頭鳥，我估今次食完譚仔以後都係食九頭鳥算，起碼服務態度好，食物質素好。…Read More

入到餐廳先知只收八達通 + 現金，同埋自己落單，好彩我銀行有d錢唔係真係食唔到(錢係支付寶度)。叫咗九州烏冬，漢堡扒飯，同埋兩杯西瓜汁，個烏冬同大學canteen食既差唔多，個價格40幾算尚可。個漢堡扒飯就唔係幾抵，唔建議食。兩杯西瓜汁其實得一半飲到，其他都係泡 + 冰。如果話128蚊咁樣既飯我覺得ok既，但係一睇賬單，居然收咗加一服務費??甚至幫我補埋0??? (128+12.8=141)大佬你個食物質素最多值128，收返咁多大家都滿意，但你要我多12.8，再四捨五入，對唔住，原本我想比中上，宜家我只能比下了。哩間好伏，唔好食。…Read More

比出面d譚仔三哥難食，餐具有異物。對比其他科大餐廳哩講算垃圾。所以如果你急時間就可以去食(唔駛排隊)。但係如果你想歎就排其他啦。科大有咁多餐廳點解睇唔開食譚仔。PS: 次次食完都要炆屎(但係食出面d三哥唔會)。…Read More

中學時期最中意去就係薩莉亞，因為又平又好味，又可以同時滿足食意粉同披薩既慾望。中學畢咗業到大學就一直無機會食返薩莉亞。時隔4年終於同朋友食返一轉，感覺同以前無咩分別，無論係食物質素，價格，環境，還是衛生等。個服務係十分好，甜品2分鐘出，面8分鐘，披薩15分鐘。個52蚊甜蝦意粉一如既往唔抵，都係要叫30蚊肉醬意粉先好。個三倍水牛芝士披薩就中規中矩，同dough bros差唔多，但係38蚊有良心。個20蚊tiramisu就有d唔抵，一啖就可以食曬，味道算中下，最多值15蚊。個環境都幾好，就係座位有d細。但係我有合理原因懷疑個洗碗工比人壓榨，因為個餐具真係污糟到想嘔…Read More

平時都係食sweet home同埋松記，今日試下哩間潮記甜品。叫咗三份甜品，感覺個quality同平時食開既糖水店無太大分別，但係佢係實行先付款後享用既制度，唔駛食完先計邊個要比幾多跟住R曬頭(僅限AA制)。如果大家想試下可以去試，35蚊一碗都算🆗。…Read More

今晚同個friend揀餐廳，見想食台灣菜，又咁岩係西寶城下面，咁咪去食囖。入到去見間餐廳都幾細，少人係度食所以個環境幾chill，跟住我地入到去叫咗兩碗兵哥麵同飯。個飯配番茄就算尚可，中規中矩。但係兩碗兵哥麵真係令人大失所望。個分量又細，個牛肉又好難嚼。到野飲個part，杯朱古力比想象中淡，杯益力多同奶茶就平平淡淡，但我覺得唔抵20蚊。我係無諗到10年前就開既老餐廳到宜家個質素都唔抵價格，但反而又幾多客幫襯。反正無論如何， 我都覺得哩餐飯total 225 HKD真係有d智商稅，哩個係本人個人意見，大家見仁見智。祝大家搵到好味既餐廳。…Read More

原本見到支付寶話199蚊任食6個鐘就覺得好正，買咗先發現要多79蚊(週末99，晚市119)，已經比大瀛喜貴。買咗無得退款咁咪去食囉，到餐廳門口已經成陣煙味，跟住間餐廳裝飾好L寒酸，午繁得我一個係度，已經知死得。跟住12點叫咗刺身，沙律，粥，烏冬，到一點先得一半分量既刺身，要催先會比烏冬同埋粥，最陰功係食到完落咗5次沙律都無。個刺身似係擺咗幾日，烏冬難食到我想嘔，唯一覺得ok既係粥，可能係因為味精都係1 9樣。支付寶優惠券寫明話會有安格斯牛肉，但我又唔見有窩，可能係餐廳想cut cost。飲品得d周街都有既cheap野，雪糕都係d出面4蚊一個既垃圾，甜品得d啫喱粉沖出黎既野，大佬啊支付寶優惠券寫咁多野你係一個都無?總括而言，餐廳推廣宣傳既野，一係無，一係狗屎垃圾，跟住個價格就睇齊大瀛喜，我只可以當今次交學費，以後食飯之前要去睇open rice評論，唔係又浪費錢又曬時間(我特登從科技大學過黎食)又搞到成個下午心情好差。如果你想價格睇齊大瀛喜唔該你比到d質素出黎，咁樣劏客遲早要執架。…Read More