love_world's Profile

一向都喜歡食中東菜，尤其係羊，見呢間野都幾多人有正面的評價就上來試試。服務態度非常好，以whatsapp溝通，問定喜愛和不喜愛的食物，真有點期待廚師會為我們準備什麼菜式。先來個雞肉腸沙律，個雞肉腸都幾特別:)，係咸左少少，沙律菜就不過不失，第一道菜都算唔失望，加上超肚餓，好想知仲有咩食。呢個時候，店員送來一jar蘋果汁，以為咁正????o車.....原來只係果汁先生o個隻蘋果汁:(前菜再來個炸芝士乳酪，因為廚房唔O係度，都係D整定O既食物，店員只是在屏風後整返熱D野食，所以唔多好食，芝士也不是太有芝士味，雖然睇落好大粒咁，中間空心既....麻麻地!!主菜來了.......吓!!!!!魚!!!!!!我無寫我鐘意食魚WO...(雖然我都冇寫唔鍾意)...店員介紹呢條係將鯖魚起肉切碎混入土耳其特色的香料和nuts果乾，再炸。聽落好似幾特別，試下先。:(:(都唔好食既...係特別既...入面混雜左一d松子仁、提子乾、酸菜等，但係有D腥，又超多骨，鯖魚本身又冇咩魚咩又唔甜，我唔識欣賞。:(有一道係紅飯釀烤雞，一見到個樣就覺得好味,冇影相就食左。呢味就差唔多，雞肉好慢，飯的香料味好好味，早知直接叫呢道菜仲好啦~竟然仲有兩碗咁既咖哩，一碗係羊，一碗係雞，駛唔駛咁多呀LOL....羊咖哩就幾好食，但雞就鞋到不得了，成碗野一人試左一舊就冇郁過。 佢配左個烤皮，好軟好香，OK既，不過一人得一塊仔少左D lor最多埋單成千蚊....每人$200，食物係算多..但唔係樣樣好食lor...所以覺得幾唔抵。私房菜呢個玩法係令人有d期待，但真係唔知會係驚定喜lor~~~~試左一次，夠了!…Read More

悠閒的星期六懶洋洋的起了身，打算食返個whole day breakfast來開始。知道屯門新開左甜牙牙，又知佢有whole day breakfast，就去試試看。11:30a.m.去到， 竟然未開！有早餐食的店鋪竟然11點半都未開？咁算，人地又無話個早餐係早上食，咁好啦，等下啦，悠閒星期六丫嘛。12點開門，第一時間坐低，環境好靚，係冷氣凍左d，唔駛諗落單等食 :) 。等，等，等...........等等下等左成半個鐘！ 好彩有智能手機玩下先唔覺唔覺原來等左咁耐，餐飲杯熱朱古力又飲晒，手機又玩到無野好玩 :( ，搞錯呀，當我係第二張單落都無理由等咁耐呀？我俾多15分鐘佢，12:45，我問個早餐有未，佢話俾多3分鐘煎埋隻蛋，好，咁我俾多3分鐘你。其間已經有兩台客都已經不耐煩追order，佢地都大概等左35mins同20mins。究竟咩早餐要整咁耐呀？ 3分鐘後，來了我老公的下雨天早餐，份量好少咋喎，d腸仔火腿凍嘅！我份法式多士早餐仲要等 ，最後，最後，最後，63mins後，即大概一個小時後，呢份早餐才送到 ，所有野都係凍嘅，um....唔係嘅.....暖過由雪櫃拎出來 :( ，包括隻蛋都係凍嘅，只有舊多士係暖暖地。法式多士早餐內的煙肉，腸仔，其實都唔似煎過，似係舔過下d油，所以我真係唔明點解要等一個鐘。係咪要將份早餐在廚房攤涼一個鐘先可以拎出來？等一個鐘先有早餐食，唔怪得知空肚食早餐真係唔好。…Read More

去三聖食海鮮,平過鯉魚門,西貢多多聲啦!!友人一早訂左台,再去三聖個街市揀左D靚海鮮,再來這裡等師傅炒一炒,就係正lor!青瓜幾爽脆,個醬調得不錯,不會太油或太水!九肚魚不是自己買的,在這的椒鹽九肚魚真係必食推介!!!!!!外皮鬆脆,椒鹽份量剛,不會太咸,內裡juicy嫩滑,唔鍾意食魚的我都覺得冇腥味,仲要一食再食!!!!雖然唔係海鮮,亦十分值得一試!外層咁多醬汁包住,一咬落口竟然仲係咁鬆化,排骨肉質彈牙,不會煮得太老或太"林"自己買的巨型聖子,不用說就是新鮮好食!!但呢味送師傅真係失手左少少聖子王咁大條都冇切開,個汁唔夠香,好似只係豉油加生粉水咁!又係自己買的鮑魚,咁新鮮仲識郁就緊係清蒸最正!!!!!!!蒸到剛剛好,豉油香蔥調味也是prefect!!!真想用埋D豉油撈飯!個咖哩汁真係好正,搞到真係要叫多碟飯黎撈飯!!!用左幾大隻的肉蟹,隻蟹都幾新鮮,炒得也是剛好,蟹肉保持鮮嫩!呢度鋪位有D隱閉,要來就要落足眼力望清楚個招牌喇!!!!…Read More

夏日炎炎,都係躲在舒適的冷氣地方比較好!相約朋友到酒店來個high tea,聊聊天,呷啖茶,食下野,真係夠晒8婆仔我們仨要一個兩人份high tea set,另加一位飲品3個女仔都幾夠食!食到尾仲有D膩,可能食物裡有太多cream關係吧!這個high tea set不算差,但也不算太特別!底層: 蛋沙律多士和三文魚卷最讚 不知是鵝肝定雞肝的mini burger有點腥,還要加泰式的甜酸醬,味道更怪!中層: 求其放4個鬆餅,應該是填飽肚子最簡單的方法吧! 但鬆餅配搭的3種jam,其中的柑橘jam很清香,讚!!! 頂層: 女孩子最愛的甜品 大部分甜品都帶有酸味,應該是減低甜膩的感覺吧!所以吃上來頗醒胃 最甜應是第2行左起第1個的chocolate truffle,用黑朱古力,不會太甜,但絕不會苦,反而有黑朱古力的甘香細膩,正! 第1行左起第2個是green appple pie,帶有蘋果肉,甜中帶醱,更有青蘋果的清香,可惜是refill的甜品,只有小小的一件! 有朵可愛橙色小花的puff,外皮鬆脆,但想不到內裡的cream竟是極酸>~<我還是喜歡愛吃甜的puff!其他的都一般,沒有什麼大驚喜,也不難食,反正就是還我們舒舒服服地度過一個悠閒的下午。…Read More

一行4人麻辣組睇左報紙後又去搵麻辣野食!!睇報紙話這間係正宗麻辣..點可以唔試呀!!!要左個麻辣火鍋+4鵝掌見到成鍋野黑蚊蚊咁...以為...係以為會好辣點知開始食...個鍋中間的白湯就滾到瀉..但係側邊的麻辣湯就滾都唔滾...以為係因為油所以唔滾.但其實成餐飯煲湯真係冇滾過lor~~~成個鍋的設計好有問題:(我地叫左佢寫住推介的食物..最好食的應該只有午餐肉和本地手切肥牛肥牛真係值得一讚，好嫩好滑..正不過..o個d咩牛面青,黃喉,血鱔,豬紅,豬潤.....真係唔多得講下咩係牛面青....見到佢個樣都真係唔知係咩...似牛展乾...而且比牛展硬十倍..唔好食!!!黃喉更加唔知係乜...冇味..口感似香口膠..唔爽唔脆唔煙韌..都唔知食左乜落肚!!!!最最最大問題係...鍋野好油好油好油..同埋唔辣已經叫左加辣..都係唔辣最恐怖係d油...好似加左豬油同萬年油咁油到成個咀都黏住..計個碗同筷子唔食擺係度一陣已經黏實左台面上的油蹟...乾左之後竟然會有層蠟面..平時d油蹟邊會咁架!!!仲唔係加左豬油!!!真係好難想像入左肚o個d會係點!!!如果食極都唔肥或者想增肥的人可以去試下食咁多油的火鍋!如果唔食得辣又想食麻辣的人都可以去試下食這個加左成碗辣椒醬都唔辣的火鍋!…Read More

未食過地中海菜就去試下餐廳位置幾方便, o係街尾又唔會太嘈估唔到人也是一種食材好的服務質素令人心情愉快之餘, 仲會order多d食多d, 咁佢地就可以賺多d!!睇餐牌時, Mr Manager行埋黎話:"喂, 唔好睇set呢d, 唔抵食架!!"咦, 咁搞笑o既?!玩親民wo, 不過又受!!!order的時候, 想叫4 in 1的拼盤小食, Mr Manager又話:" 要呢d唔抵架!得o個4格仔好少架!又貴wo!!!"哈哈, 難道佢之前係做開理財顧問?!咁搞笑一於就聽佢講啦!!叫左3樣野一支白酒兩個人食, 食物黎齊晒擺到一枱都係,Mr Manager2 行過又搭嘴:" 嘩,,,食唔食得晒架你地?!"總之每次佢地行過..都好似好想搭嘴傾下計咁!!態度咁親切, 客人都開心d~~記得Mr Manager2問我地係唔係在openrice見到而來的當然也是看到這裡的推介, 所以要回報一下走上黎讚一讚佢…Read More