蝦仁炸蛋's Profile

留港消費，支持香港食肆，點知中左伏。第一次幫襯呢間鋪頭夜晚叫外賣。先講土豆絲，盛惠$100，呢個價錢既土豆絲係咁既樣，突然發覺自己變左水魚。燒饅魚，完全食唔到落肚，腥味既極至，食落似去隔離買條急凍饅魚叮返熱比你咁款。4個人加加埋埋其他野，埋單成千蚊，完全唔值，性價比係零。係零呀！！！我覺得呢啲冇誠意做既餐廳嚴重破壞哂香港食肆既形象。有圖有真相，我唔知佢其他菜式如何，但我叫左呢幾樣就知呢間餐廳既質素同誠意去到邊到，大家請三思！！…Read More

同朋友一齊去食呢間打邊爐，入到鋪頭個裝修好殘舊，間中聞到陣陣廁所味。坐底叫野食，火鍋醬料得幾款，牛肉正常，但又係得幾款。海鮮方面象拔新鮮，但其他海鮮一般。一人送一隻鮑魚，但質素可想而知唔洗我講。其他火鍋配料選擇也不多，價錢偏貴，比起一年前食都加左價。湯底越食越咸又油，部分員工極度冇禮貌，態度好差，食到差不多尾聲又趕住執枱。環境麻麻，服務麻麻，食物麻麻，價錢貴貴，平均$500一位只能食到普通野，我唔會再幫襯。😩😩…Read More

食完一肚氣！突然cut單！冇禮貌！個爐唔熱！食物唔新鮮！服務態度差！同朋友放工去食，見個場都唔爆，又容易book枱，心諗有d奇怪，不過諗住未食過去試下啦！點知奶野，食過最差既放題！咁差一定一定要寫食評以舒發我既憤怒！😡如果你想食伏野，就去呢間感受下！！海鮮唔新鮮，d肉質素好低，都唔係果個level。咁既價錢完完全唔值得，夠食十餐快餐店。最好飲就係罐可樂囉！比個讚罐可樂呀！嬲嬲嬲嬲嬲嬲嬲嬲嬲到震😡…Read More

上網見到呢間餐廳，睇圖片以為好有水準，圖片同現實同理想總係有一條萬里長城既距離，也是世界上最遙遠嘅距離。食過好多次放題燒肉，從來都唔會有期望，但呢次係令我最失望。可惜我冇影到相，影唔到最真實既相片比大家睇係我的錯。$398價錢同食物質素完全唔食正比，呢間餐廳係所有食物質素都好差，海鮮唔新鮮，和牛有一半係肥膏，炸物勁咸，連基本白飯都係隔夜飯，最好飲係罐汽水，$398最值得係罐可口可樂。可樂無得頂，我飲左兩罐，！！…Read More

第一，打邊爐同燒肉一樣，最重要係個爐。呢間餐廳既爐非常特別，只有中間個位有火，周圍係「零熱力」既，仲會燒燒下自己停火。第二，$398加一主打既和牛套餐，所有和牛有一半都係肥膏，質素極尚差劣，街邊車仔檔肥牛都好食過佢。其他食材海鮮魚生勿吃。食物種類少，但佢連最基本既白飯都係凍又硬既隔夜飯。第三，所有放題限時間唔出奇，但通常都會通知你last order，但呢間係唔會，侍應突然間會黎叫你埋單，就已經冇得再叫野食。 總之，呢間野係「伏中之霸」。…Read More

第一次食雪糕火鍋想試下，上網見到廣告雪糕火鍋好吸引，標準版有成32個雪糕球，感覺幾抵可以試盡所有味道，而且哈根大師雪糕一向水準高，好期待。但係當食過後發現雪球size比想像中細，而且朱古力醬很濃，點少少已經蓋哂雪糕隻味，食唔到本身雪糕既味道，有點可惜。不過整體黎講雪糕火鍋食法幾得意，可一試，不過份量同個價錢比就偏貴。…Read More