唔係食神's Profile

夜晚收工已經9點幾10點，唔想啃老麥，於是行吓公司附近有啲咩嘢食。見到呢間小店裏面冇乜人，以為就嚟收工，點知老細走出嚟問我係咪食嘢，佢哋有排都未收，至少去到12點幾！於是乎走入佢試吓，見到門口同menu都推介花膠米粉，就點咗個，跟餐點多個蔥油廣島蠔。花膠都算大塊，米粉份量只可以話啱女士，如果正常男士晚餐就略嫌少，大胃口人士就更加覺得少。湯底OK，唔係死鹹嗰種，可以俾個like。蔥油廣島蠔就冇乜特別。我冇叫跟餐飲品，因為見到樣樣都係甜，不過老闆係咁叫我試吓啦，免費㗎，低糖㗎，🧐，咁熱情，叫咗竹蔗茅根，OK，唔係好甜。總結係建議米粉份量可以加多啲，應該唔會好影響成本。小店經營困難，可以支持。…Read More

中午，去開鰂魚涌太古坊，睇吓有啲咩食，都已經1:30仍然有啲食店有好多人排隊見到，想食意粉而呢一間環境好似幾好，裏便仲有位未滿，咁咪走入去囉。門口帶位嘅小妹妹問我幾多位，知道一位之後就指咗我去Bar枱，望吓望吓邊度Bar枱呢？原來所謂吧枱只係一張好長嘅木板我都唔知點形容，同我一般理解嘅Bar枱有好大出入！（令我想起電影「食神」對白講：「啲枱櫈整到有咁窄得咁窄，等啲客食完快啲走！」- 純粹個人聯想）其實已經1:30，望落入去有啲枱已經執緊枱有啲四人枱直情空咗出嚟，都冇意思俾我坐。唔通佢見到我唔係着緊上班服，就是但啦？（因緣要求加句-純粹個人推測）我上星期六去間茶餐廳，個阿姐都會講句哥仔呢邊近玻璃好曬，不如坐入面冷氣涼啲！點完餐（自助），隔咗15分鐘，突然間後面有人掉低咗碟青醬忌廉雞肉長通粉，轉頭就走咗去真係嗌都捱唔住！喂！唔係我叫㗎！隔幾分鐘又有個人過嚟拎走咗！食物質素只可以合格，叫咗個虎蝦意粉，加一杯凍咖啡，埋單$150。感覺好似去咗間大XX快餐店叫咗個午餐，不過收緊我兩倍價錢。性價比係點，你哋自己計啦。我就坐咗35分鐘就走人啦！…Read More

嗰日經過曾經都幾出名嘅大渣哥，咁耐都未試過，於是試一試佢嘅手藝！揀咗個靠大玻璃邊嘅位置坐低好多選擇，見到個打躉套餐都OK，就落咗order。最先嚟咗煎蛋同多士，跟住就好多朋友仔嚟，以為一兩隻點知掃極都仲有，打死咗一隻又有第二隻飛來，有啲仲飛咗落食物嗰度，頓時已經冇晒食慾。可能侍應姐姐都發覺有啲唔妥，後尾先知道原來嗰幾個位置真係好多呢啲小飛蟲。侍應姐姐主動幫我換位雖然換咗去另一個角落，但係仍然有幾隻係咁飛來飛去，最諷刺嘅就係我係叫一個打躉套餐諗住喺度打躉一兩粒鐘最後真係頂唔順，速速食完然後走人⋯⋯雖然我好欣賞侍應姐姐主動幫我換位，但係都要同呢個老闆講一聲（唔知仲係唔係嗰位港姐冠軍老闆）。唔該衛生係餐廳之中佔一個好重要嘅因素，唔該你搞搞啲衛生，如果唔係就算侍應服務幾好都好難搞！食物質素普通冇乜特別，所以唔係重點需要提的地方！…Read More

結束了一整天的辛勞後，我覺得有些餓了。偶然經過了一家名為「大叻越南牛肉粉餐廳」的小店，我決定進去試試他們的晚餐。因為時間接近9:00，店內人流並不多。正好趁著這個機會，我可以悠閒地享受一頓美食。我點了一份生牛肉湯檬和一杯咸檸檬梳打。咸檸檬梳打在越南餐廳並唔係時時見到，因為我需要控制血糖，所以唔飲咸檸7。等待的時間不長，一碗生牛肉檬粉端了上來。賣相看起來不錯，有芽菜、檸檬和辣椒，分開供應。對於我這樣不太能接受辣的人來說，我可以選擇少放一些辣椒。除此之外，他們還額外送上兩隻炸蝦，這確實讓我驚喜。這些蝦子明顯是現炸的，外皮炸得又脆又熱辣。這真是一道美味的點心，讓整餐體驗更加豐富。總括來說，是一家值得推薦的小店。他們提供的美食品質不錯，而且服務也很周到。我們應該多多支持這樣的小店，讓它們不被大型連鎖店壟斷市場。我已經迫不及待地想再次光顧這家餐廳，品嚐他們其他的特色美食了。…Read More

約咗舊同事敘舊，因為大家都喺港島區工作，所以搵個中間點銅鑼灣食飯。有喺銅鑼灣食開飯嘅朋友推介呢間，話個view 幾好，食飯傾偈都𣈱快啲😂我們迫不及待地前往。先點了個前菜日本紅蝦他他，不過我們都太興奮了，忘記拍照給大家看。隨後朋友點了燴牛頰肉配薯蓉，而我則選擇了龍蝦汁紐西蘭青口扁意粉作為主菜。紅蝦他他的整體口感非常出色，充滿了海水的鮮味。而那碗龍蝦汁紐西蘭青口扁意粉的醬汁非常濃郁，味道令人滿意。整體而言，這家餐廳絕對值得一試，尤其是那美麗的海景。我想，如果在晚上來的話，景色應該更加迷人。不過，要注意一點的是，份量稍微適合女士多一點。如果你是個大胃王，可能需要再考慮來這裡享用下午茶才夠飽哈哈。這次的聚會真是愉快而美味，我們舊日的回憶在這美食的陪伴下更加生動。如果你在銅鑼灣附近，不妨來這家餐廳一嚐他們的佳餚，相信你也會有類似的美好體驗。Lunch set menu …Read More

去中港城搭船，入閘前醫肚，朝早冇太多選擇，嗰間大家樂又唔係供應正常早餐，咁就盲舂舂咁去咗呢間。入到去，招呼冇乜問題，都係一般茶餐廳，朝早都人多。諗住都係穩穩陣陣叫咗一般沙嗲牛肉麵，雪菜肉絲米等等茶記嘢食，點知都中伏⋯⋯唔知係咪選料問題定係煮法問題，啲米粉好鬼死硬，又冇味；沙嗲牛啲牛肉好韌，米粉同麵，無論味道同口感都唔係一般茶餐廳食到！下次如果唔想食大家樂嘅雲吞麵，我寧願去七仔買個杯麵，都唔敢再試啦！…Read More

打着Ricky 張錦祥旗號，可不要以為有星級大廚坐鎮就一定係大廚煮！下午過了食飯時間去買咗個海南雞飯外賣，味道就真係麻麻哋！醬料亦都冇乜特別。不過講到員工的服務態度就同我之前提及嘅陶X中菜差好遠呀！雖然係外賣，但係服務員見到冇乜人亦都叫我坐喺度等，仲要倒杯茶招呼我，係呢方面我又覺得大廚可能真係有對員工做足服務嘅訓練！起碼我會下次嚟試吓其他招牌菜！另外都要有少少提醒做外賣嘅員工，我叫咗個椒鹽雞軟骨，好多餐廳外賣炸物都應該會懂得係個盒開兩個窿，如果唔係拎到返屋企都軟晒就唔好食啦！…Read More

第一次去，之前已經聽聞呢一間陶源好出名⋯⋯出名服務差😓但係作為街坊，都要親身試吓🧐星期六下午，過了午飯時間，試吓下午茶，問門口知客係咪有點心，佢話有。入到去嗌完茶之後跟住就問你買唔買年糕蘿蔔糕, 跟住就冇再喺附近出現過😓，寫完點心紙之後舉手成10分鐘都冇人理🤬，附近最少有四五個侍應周圍走，但係「都好專心去收拾」，最後只可以用高八度的聲線去嗌唔該。個侍應過到嚟第一句唔係話唔好意思，而係話：「快啲落單啦就嚟接單喇！」（大姐，我都舉手舉左10分鐘啦，喺門口問佢有冇點心嗰陣時又唔同我講話就嚟截單點心嚟到就記起有句金句，千祈唔好喺點心截單前落單⋯⋯春卷— 唔脆，已經有一半係軟咗豆苗餃— 都幾肯定係翻叮，個皮😰乾炒牛河— 算係合格，都炒得算乾身小籠包— 比較似Yeung一件點心，裏便係有肉汁嘅，不過好奇怪唔知點解剩係得三粒？齋腸— 不過不失總結一句，逆境自強，唔好成日話疫情點樣影響生意，逆境未到的時候，最先被淘汰肯定係不思進取的一群！…Read More

以前去東涌只可以坐船或者從梅窩捱巴士。一落船或者落車就見到華都茶餐廳，冇錯好多好多年以前係叫華都茶餐廳，嗰時仲未起機場。懷舊完畢。現在的新華都海鮮酒家是第一次光顧，環境沒有大變化，面對風景優美的東涌灣和赤立角海岸，可邊賞景邊晚飯，別有一番風味。(其實用文字美化酒家了內環境)酒家門口有個小型魚池俾你揀海鮮。門邊放了一些明星相，現世代餐廳酒家的指定動作。點了蒜蓉粉絲扇貝，椒鹽鮮魷，清蒸"金豉"魚，豉椒炒蜆，薑蔥炒蟹，白灼蝦，東江豆腐煲，臘味煲仔飯。全枱人一致評價清蒸"金豉"魚very good!這魚的味道鮮美，肉質十分嫩滑。另外這個蒜蓉粉絲扇貝亦係推介之一！不過這道菜沒有難度，材料新鮮已經係成功的一半。椒鹽鮮魷唔錯，粉唔算厚。脆口嘢都會受歡迎啲！豉椒炒蜆麻麻，個汁唔掂！薑蔥炒蟹ok啦！白灼蝦沒有難度。東江豆腐煲-同枱的人說不錯。臘味煲仔飯-沒有期望下都算過得去，起碼有飯焦，不過臘鴨有點鹹！(註．筆者唔想透露年齡的秘密，所以標題用XX代替數字，總之係兩位數啦！)…Read More

同老婆睇完醫生，去世貿中心食午飯。原本想吃日本料理，但等了很久，唯有轉去吃翡翠拉麵小籠包。不用等位已可就坐，隨即侍應已送上一杯水一杯茶，我老婆懷孕半年以來，出街食飯都未試過有這麼細心(或者是醒目)的侍應，一般都是要特別出聲要杯水，因為懷孕不宜喝茶的。在另外的翡翠拉麵小籠包也未試過。點了擔擔麵，口水雞拌麵，小籠包和山東手抓餅。小籠包維持水準，皮不太厚也不太薄，我覺得小籠包皮太薄也不好吃。口水雞拌麵以前未試過，都好辣吓，但味道不錯。(這篇食評，講食的只佔很少篇幅，唔知會否被Openrice DQ 呢！？)…Read More

平時都有去開這一家吃午餐或晚餐，但是中午時常要等位。今天遲了出去吃午飯，看見有一個吉位在呼喚我，好，就入去食個lunch。如果點番平時的巴東蘋果牛肉糙米飯就唔會有呢篇食評。好衰唔衰又俾個廚師精選吸引咗！落單！唔係食神：香煎澳洲西冷(紅酒汁)，唔該！侍應：幾多成熟？3,5,7,9？唔係食神：(心想都好pro吓！)5成，唔該！侍應：5成？即係切開有血出"個喎"！唔係食神：係，知道！等了18分鐘，期間侍應都好有禮貌說就到就到，no problem.等多陣。到咗！望個樣都有啲唔妥！切開..........血？在那裡？唔好話血，紅都唔多覺，有少少粉紅，其餘全熟！以我個人多年食牛排經驗，一定超過9成！唉！其實我只想提醒經營者，如果沒有把握就唔好咁高調放喺"廚師精選"度！…Read More

環境幽暗。食物水準不錯。點了Pizza，好食，用料足夠，個底都夠"趣"。甜品要了Epic Brownie。雪糕好快溶，但又好好味。怕食甜就唔好試喇。個意粉都ok。不過我對白汁就麻麻地。…Read More

年尾同事想食好啲，有人提議這家日本料理，拍心口保證like！去到環境不錯，但係我哋唔係食環境加嘛。Menu 有很多選擇，但同事又拍多次心口說點壽司就可以！選了自選12貫壽司定食，有每日精選之深海池魚，石鯛，鰤魚。仲選咗海胆，吞拿魚腩，帶子，甘蝦。二文魚子。賣相不錯，食落全部高分。吞拿魚腩入口融化，上選。題外話，大鄉里出城，筷子頭為一次性即棄竹製品，未見過。…Read More