irene_foodtour's Profile

我叫左日本廣島蠔意大利飯，加Latte，朋友叫左lunch set烤牛翼板扒配韓式燒汁，配咖啡，但最後我哋share，因為兩款都想試。啲蠔隻隻飽滿，又煮得嫩，配上濃味忌廉汁意大利飯，唔會好滯，啱啱好。牛扒烤到五成熟，外皮脆口，入面肉嫩，又有牛味，我平時食牛扒通常咩汁都唔落，因為個人覺得原味加少少鹽係最好味嘅，但依個配上燒汁，竟然意外地令味道更豐富。…Read More

喺灣仔想食cafe lunch,依間都唔錯。點辣茄醬煙三文魚意粉時，店員問要唔要少辣，好彩叫左，少辣都幾辣，我覺得少啲辣至食到各樣野既原味。H+全日早餐轉牛角窩夫，蛋夠滑，紫薯餅入面有栗子蓉，幾特別又好味，窩夫夠脆，總括嚟講樣樣都唔錯。…Read More

朋友叫左明太子蛋包意粉，因為好少地方有蛋包意粉，多數都係蛋包飯。意粉食落味濃，亦彈牙，唔錯。我就叫左咖哩牛肋肉蛋包飯，因為我覺得咖哩同蛋包飯會幾夾，果然味道無令我失望，好味到我成碟食晒。另外，我哋叫咗個極日式布甸船。我本身好鍾意食Lotus餅乾、雪糕，依個Lotus芝士蛋糕真係好啱我口味，大大件都食哂，我一定會搵日再食，而個布甸一般水準啦，唔算好好食。…Read More

果然係意大利餐廳，Seafood tagliolini好食。個沙律都新鮮好食，份量亦好多。Carbonara pizza 幾特別，但鹹味做得唔平均，有部份比較鹹。雞腿只係睇得，味道麻麻，唔夠入味。…Read More

我同朋友叫左德州燒烤牛肉漢堡、墨西哥手撕豬肉三文治、一杯tiramisu 、一杯Garfield同埋熔岩Tiramisu疏乎厘班戟。先食漢堡同三文治，都非常足料好味。至於杯tiramisu，好濃好正，放上面既lady finger餅乾入去杯野度，味道就好似食緊tiramisu 咁。個班戟就好似無想像中咁好食，可能期望過高啦，初初食都有蛋味，好食，食到尾無乜熔岩就好似有啲乾。…Read More

由於搭夜機，有啲時間，下晝就去咗依間餐廳，食個靚景下午茶。我哋叫咗Churros、果汁同啤酒, Churros配朱古力醬，啱我口味，我食咗好多。呢度真係有無敵靚景，可以睇到日落，可惜依家正值盛夏，坐出邊真係熱到搞唔掂，遲啲涼啲，我一定會再嚟過，坐戶外睇住日落食嘢。…Read More

想食all day breakfast又想食waffle，所以就揀咗依間。我叫左個Sunshine breakfast，同一杯Iced latte，早餐都幾滿意，樣樣食物都新鮮，個原味waffle好食，脆口有蛋味。朋友叫左Green Cleanse 加無麩質waffle,我試左少少無麩質waffle，就麻麻地，味道比較粗糙同單一，唔啱我。…Read More

見門面以為得中式糖水，點知都有綿花冰、芒果河粉之類唔同嘅嘢食，所以喺無特別期望下入左去食。入到去先知原來係米芝蓮店，即刻有好多幻想同期望，由於天氣太熱，我同朋友叫咗芒果綿綿冰同榴槤綿綿冰，後尾先知叫唔中舖頭嘅signature dish。不過兩款綿綿冰都算細嫩柔滑，尤其是榴槤綿綿冰，榴槤味好濃，綿綿冰亦比較滑。個人都幾期望下次再去，點佢出名嘅楊枝甘露試吓。…Read More

無意中搵到間好食既燒烤小店，啱晒鍾意濃味嘅朋友，連我個奄尖嘅朋友都話正呀！椒鹽粟米係必食架，香口，令人食唔停口！麻辣肉碎茄子都好香口，好濃味。燒韭菜都係濃味，好有特色。麻辣牛柏葉都幾辣，好過癮。食完哂啲濃味菜式，再食啲燒烤，就覺得啲燒烤好清淡😆。其中個燒牛舌係厚燒，但我覺得可能薄燒會香口脆口啲。最後我叫左個冰菠蘿清清個口，兼降下溫，正呀！…Read More

好似茶餐廳咁，我哋2個人入座要坐埋一邊。點左鮮茄牛肉湯河，味道正常，夠味，份量都夠大，女仔食完會幾飽。總括嚟講，要求唔高，喺灣仔趕返工，一個鐘內食個lunch，依度係其中一個選擇。…Read More

剛開張時食過，當時覺得好好食，所以放工後心血來潮，又黎食下。首先，啲泡菜唔吸引，味道差少少。叫牛肋骨，無，改叫牛雪花同牛舌，都幾細碟，感覺唔值依個價錢。芝士炸雞唔算非常好食，但cp值高囉，平過連鎖店咁滯，芝士有拉絲，算有啲驚喜。…Read More

朋友話依間腸粉好食，其實我未食過石磨腸粉架，佢啲腸粉又好有特色咁，所以都好期待。招牌腸粉好惹味，未食已經聞到蒜味好香，食落啲菜圃令腸粉好夠味。窩蛋牛肉我就覺得好有特色，好似比較少有，所以特別叫依款，但感覺淡左少少，好似招牌好食啲。…Read More

朋友話依間巴斯克芝士蛋糕好味，所以專程黎深水埗試一試依款名物啦。蛋糕外型都似樣，食落夠濕潤，有焦糖味，值得一試。依期香港實在太熱啦，下午茶嚟呢度唞一唞，食件蛋糕都唔錯。…Read More

喺灣仔食lunch都幾多餐廳選擇,我近近地就揀咗依間。前菜叫左三文魚沙律，都夠新鮮脆口，正常水準。主菜叫左西冷，外面煎得脆口，入面佢嫩，唔錯。甜品叫左朱古力蛋糕配雪糕，凍熱一齊食最過癮。…Read More

黎食下午茶，要求坐Tatami，有特色啲，真係食都食得開心啲。叫左抺茶奶油芝士·白玉丸子·焙茶脆餅，奶油芝士好啱口味，加上脆餅，多個脆口感覺，更加豐富口感。同埋巧克力軟奶油·大黃·野莓，朱古力好rich，加埋野莓酸酸地，剛剛好。…Read More