hahawoo's Profile

星期六lunch嚟東大街呢條食街睇吓有啲咩食，行吓行吓見到有泰國菜，價錢都幾抵食，就入去醫肚啦。一入門口職員都主動招呼，好快就安排坐低啦，呢度係用QR code落單嘅，亦都有餐牌可以睇睇完就自己落order。呢度有set lunch，都幾多選擇，有飯有粉揀，見到有船麵，幅相好吸引，二話不說就叫佢啦，小食有湯或者沙律揀，咁就揀咗青木瓜沙律，飲品太多選擇啦，最終揀咗椰汁冰（少甜）。先嚟青木瓜沙律，一個飯碗嘅size，份量啱啱好跟住嚟椰汁冰，我叫小甜覺得個味道啱啱好唔會太甜跟住就嚟主角出場「牛魔王船麵」，嚟到個心嘩咗一下都幾大碗，而且好足料好多餸，滿足另外加咗個小食「串燒（3串）雞，牛，豬」，燒得幾靚最後叫埋「芒果糯米飯」，職員放上枱嘅時候見到糯米飯出現，仲熱㗎，軟熟啱啱好，而且個擺盤都幾靚丫…Read More

嚟到淘大商場，好多餐廳選擇，行住邊睇邊搵邊間食晚飯，同行朋友想食意粉，但我就想食好耐冇食過嘅「鐵板扒餐」，好彩見到呢間「Gold Label Cafe & Restaurant 」有曬呢兩樣嘢食，而且仲有好多選擇。餐廳以QR Code自己落單，一嚟就先揀鐵板餐，實在有好多選擇，牛，豬，羊…，最後揀咗「加拿大龍蝦尾拼紐西蘭肉眼扒 - （鐵板餐）」，有意粉，飯或者薯條揀，餐湯要紅湯跟蒜蓉包。朋友揀咗「青醬煙三文魚意粉」，可揀多汁，份量多喎👍🏻飲品有好多選擇，呢度仲有經典嘅「黑牛」可樂+雪糕，我即點😋朋友就揀咗「鹹檸七」。大滿足✨…Read More

放假去咗太古城行街街，好肚餓乜都想食，又想飲湯，又想食甜品，經過「HAND3AG」望吓個餐牌，原來有好多選擇，啱晒我啦有湯飲又有埋甜品。呢度用QR code 自己落單叫個主菜，可以加配餐湯同埋飲品「法式龍蝦濃湯」，雖然天氣有啲熱，但真係想飲碗熱湯，呢碗湯真係夠熱，味道啱啱好，飲完舒服飲品一樣好多選擇，有茶有咖啡有汽水，最後揀咗「蜜桃梳打」嚟到主菜「燒西班牙帶骨豬扒. 牛肝野菌汁」呢度甜品有「特濃咖啡Affogato牛乳軟雪糕芭菲」，滿足的一餐。😄😄…Read More

從旺角走到山東街朗豪坊再前走一少段路發現新嘅建築物「One Soho」，叫得Soho 會對呢個名字比較多啲好奇，走近去睇發現好多綠色植物嘅佈置，樓梯落去成個感覺已經同人多車多嘅旺角截然不同，自成一角嘅地方，見到「骨子裡」係呢度開咗，二話不說就入去叫返杯咖啡坐底感受下個vibe。當日天氣有點熱，太陽伯伯盡忠職守，滿滿嘅陽光，叫返杯Iced Americano，淺焙舒服。北海道紅豆🫘牛油吐司🍞，與西環舊舖一樣款式。…Read More

放工約咗老友兩個去銅鑼灣行街同埋Dinner，醒起新加坡過江龍「文東記」係登龍街開咗，一於就揀呢間試試佢！打開餐牌見到有個「二人雞套餐」幾抵食，另外單點仲燉湯，加埋飲品，好滿足豐富嘅一餐。套餐包括「美味白切雞半隻」，份量好足，仲有酸菜伴碟，雖然係半碟，但係酸菜一樣好味，唔會好鹹，好平衡的味道，白切雞點埋三色醬，好正啊！套餐，咕嚕肉，佢哋嘅咕嚕肉粒相對細粒，可以一口就食到，唔錯，送飯一流。套餐可以選擇招牌「脆皮豆腐」，豆腐厚切，而且外脆內軟。我揀咗油飯，我朋友揀咗白飯，可以自由選擇。另外單點咗兩個燉湯「茶樹菇燉豬脊骨湯」，幾清甜，冇味精足料飲落舒服。另外餐牌見到呢款自家製薏米水，被吸引了，薏米打溶晒，好夠味，熱辣辣天氣飲埋佢就好舒服啦。…Read More

想食唔同日式菜式，又想飲湯，而且仲想食埋甜品，就醒起觀塘開源道有間「一汁一菜」，好在同觀塘地鐵站都幾近，位置好方便。一踏入餐廳，職員好有禮貌，好快就坐低用QR code自選菜式，太多選擇花多眼亂，好在想點配搭都得，最後揀咗「和風定食」。日本味付溏心蛋飯自家製野菌醬燒和牛漢堡扒厚燒玉子和風雞肉燴厚揚豆腐北海道產甜粟雞肉豆乳濃湯（小盛）一汁一菜拉提拉米蘇日本白桃特飲（凍）日式裝修，蔬菜插畫好cute cute😍…Read More

星期五約咗兩個朋友食晚飯，幾個人又好耐冇食中菜，見到呢間前身係食麻辣嘢嘅轉型做咗大排檔小炒，一於嚟試吓。花多眼亂都好多餸菜選擇，其中避風塘小炒好多配搭，因為椒鹽九肚魚都幾難煮，見到佢有所以叫嚟試，調味啱啱好，九肚魚又唔炸到爛晒，好味呀。見到餐牌第一行係乳鴿，即刻叫嚟試。叫完海鮮叫咗個肉，梗係要叫個菜啦，佢有金銀蛋莧菜，鹹蛋黃都好足夠，正呀。即係港式小炒，京都豬扒，酸酸甜甜，豬扒份量好多。呢個薑蔥魚腩煲，足料，又夠薑，又夠蔥去爆，惹味。叫咗啤酒同埋菠蘿冰，菠蘿冰上枱勁大杯，飲品都多選擇。…Read More

星期日，下晝大約4:00嚟深水埗搵間Cafe，見到呢排比較多人討論嘅Cafe，一於嚟Jen Cafe試吓。嚟到都預咗要等位嘅，其實大約15分鐘就入得去坐低，因為佢本身有限時食嘢。見到呢度話出名食Roll cake，同埋有款好特別嘅叉燒sourdough ，再加埋必須要飲嘅咖啡latte同埋flat white，開頭本身叫咗四樣嘢，最後叫多個roll cake。叉燒sourdough 份量都足宇治濃小山園抹茶卷蛋，好好味好濃。濃開心果蝶豆花草莓卷蛋…Read More

星期日Lunch時間兩個人嚟到大壩街，沿路直行睇吓有乜嘢食，遠遠見到一個大招牌「米線二」，勁搶眼，似乎係新開嘅，一於入去試吓先。QR code自己落單，步驟清晰簡單，好快就點完餐。兩個人叫咗兩碗米線，兩個小食，兩杯飲品。「自選小窩米線」：酸辣，小辣，米線腍啲，走韭菜。叫咗三款餸，冬菇，豬膶，豬軟骨。「自選小窩米線」：清湯，肉碎辣，多芽菜。叫咗三個餸，雞翼，豬軟骨，螺旋藻。勁大碗，好多肉碎，口感勁豐富！本身唔食得辣，所以叫清湯，佢雖然有注明（肉碎辣），但都算辣，如果唔食得辣都建議走肉碎啊！兩款小食分別係；豆卜釀豬肉，香脆雞球。兩款小食都係炸嘅，炸到脆卜卜。兩杯凍檸茶少冰走甜，由於走甜嘅關係，特別飲得出茶底味同埋檸檬香。勁搶眼嘅招牌門口…Read More

晚餐時份係荃灣楊屋道附近，想食泰國菜，見到呢間「金屋泰國菜館」一於試吓。一入到餐廳，全部職員都係泰國人，而且好有禮貌。裝修方面，有好多泰國物品裝飾，忍唔住影低啲吊燈，好靚好有feel。坐係卡位餐牌兩個人叫咗呢啲菜式：「泰式香茅燒雞」需時煮理，上枱熱到出煙，皮薄，正👍🏻。「馬拉盞鮮魷通菜」「泰式燒豬頸肉」份量好多，大大片。「蝦頭油鮮蝦炒飯」「菠蘿沙冰」「椰汁千層糕&椰汁西米糕」飯後總會想食埋甜品，呢兩款每人叫一件，岩岩好👍🏻…Read More

星期五趕好假期前完成工作，所以晏左少少食Lunch，趁係荃灣附近行下有咩食。係荃新天地第2期見到新開嘅「一門町」好多嘢食咁，行咗個圈最後揀咗食天丼。雖然我晏咗少少嚟，已經接近下午茶時間，好在個餐牌仲有好多選擇，最後決定要兩個小食，同埋穴子海鮮天丼。梅漬車厘茄，去曬皮酸酸甜甜爆汁好好味。蟹柳蟹籽青瓜沙律，青瓜新鮮夠凍夠爽脆。食完小食等咗一陣就嚟今餐主菜「穴子海鮮天丼」，包括有 穴子，虎蝦2隻，粟米芯，蓮藕，流心蛋，穴子勁長，虎蝦新鮮夠彈牙，正呀。食完好奇上網望下呢度「 一門町市場」資料，原來係籌備咗2年，帶日本風格嘅美食街。…Read More

星期五同朋友嚟中環怡和附近整啲嘢，完成後諗起想食泰國嘢，見到BASEHALL有泰國菜食喎，一於嚟試吓。★ THAI HAINAESE CHICKEN RICE★ GRILLED PORK NECK★ BBQ SKEWER COMBO (3 pcs) PORK，BEEF，CHICKEN★ GARLIC BUTTER CHICKEN WING★ MANGO STICKY RICE★ THAI LEMON WATER (COLD)唔同醬料配唔同嘢食，好夾味好正！…Read More

約咗兩個飯腳嚟參加《試食活動》，起初有點擔心自己食唔到辣，打開餐牌睇吓好在有辣度選擇咁就放心揀食乜。小食：黃金粟米上枱嘅時候已經聞到好香鹹蛋黃味麻辣小食：蒜泥白肉外觀已經好靚，麻辣程度啱啱好睇睇吓餐牌，見到有個好吸睛嘅菜式「荔枝蝦球」，好靚呀好特別又有霧效果，真心必叫！自選干鍋：鮑魚，魚卜，蓮藕片，土豆片，肥腸（自選口味；重蒜，走辣）飲品叫咗水蜜桃雜果茶，勁大Jar，上枱時三個杯都係雪凍咗嘅，好細心，咁樣就會飲到真正冰凍嘅果茶，不過偏淡味。…Read More

招牌牛柳牛丸粉（pho bo vien)好好味，堅係牛柳，牛丸實而彈，河粉爽身，湯底清而濃，跟幾舊油條用嚟輕輕浸湯食。越發牛油雞翼（canh ga chien bo)超級好味，焦糖牛油蒜蓉集於一身，擺明即叫即炸，堅牛油香又有少少甜同埋蒜味，唔係炸到好脆果隻，但，呢個牛油雞翼係我食過最好味既。不得不提，就連細微既一杯免費水，都好有心思，一飲已經知道係斑斕味👍🏻舖仔細細，坐得好逼😆之前專登嚟食，可惜第一浸人剛坐滿，咁無謂等，今晚再次專程嚟食，排隊等佢開門（其實2-3分鐘就入得啦😂）…Read More

某日星期六lunch時間經過金巴利道，邊行邊睇有咩食，望到呢間擺門口個大餐牌有鰻魚蛋包飯（咖哩汁），有位喎，就入嚟試上佢。第一次嚟既，店內空間細少，我一個人揀左卡位坐。人客唔多得幾個人，一望餐牌都係叫返鰻魚蛋包飯，加個小食加埋個餐飲。鰻魚蛋包飯👈🏻個咖哩汁還可以，蛋都有蛋味都偏滑，鰻魚係港式鰻魚份量係大條既，白飯凍凍地而且偏硬（完全冇日本米既粘性），整體普通。忌廉蟹肉薯餅👈🏻忌廉薯餅而已，個樣一點都唔日式，冇蟹肉味，好在佢係即炸，熱辣辣。熱伯爵綠茶👈🏻可以，有時伯爵茶都幾大味，但呢隻綠茶伯爵就兩者平衡返個味。順帶一提，其實個場冇咩客，果一刻都係得我叫野食，但職員有點不願意要工作既態度咁，全程可以冇反應，都唔知佢其實聽唔聽到咁。其實返工做好基本責任係必須的。…Read More