kennyhk418's Profile

餐廳本身位置偏遠少少，但深水埗黃餐廳選擇唔多 行得遠都要試下。去到見到環境麻麻，但茶記唔expect幾多。因為自己一個食，咁就揀個最貴既飯支持下。個餐牌寫咖哩牛扒牛肉牛脷飯 好邪惡 岩晒我，加埋野飲要$76，但心諗你黃點都要支持下。好啦 首先等餐等左40分鐘左右，我本野飲都差唔多飲完。但你黃，我忍。對面個哥仔早到過我連單都漏埋，但我諗佢都係因為黃而沈得住氣。好啦到個飯到啦，一開始見到黃色既咖哩汁入面有d啡色既汁分離，一開始以為咖哩油分離左咁唔理啦，到我mix埋佢就開始唔對路，咁多啡色汁既？攪攪下發現係腩汁 再睇睇 咦 牛腩黎既？當時諗ok 你送腩比我仲好啦有賺。再認真d睇 牛脷呢？牛扒呢？ 原來比佢自動轉左牛腩同一粒牛丸。(伙記無講過因爲食材問題而轉，而係就咁上碟。咁樣同呃食客有咩分別？）而因為牛腩應該係係盤腩汁堆入面拎出黎既所以先咁多腩汁！ d腩汁搞到成個咖哩汁一d味都無 無辣無腩汁味 係無味。真心希望黃店自己搞番好d ，有時見到咁多人排美心，排元氣，可能只係真係無得選擇……Read More

做完個ＧＹＭ想搵下Ｄ　ＣＬＥＡＮ　Ｄ既食物，又要夠ＰＲＯＴＥＩＮ既，咁就諗到三哥食全肉餐。為左無咁肥，我叫左雞牛豬清湯走腐皮（腐皮係炸既好肥架！）。唔知大家有無食過清湯啦，我就第一次食，原來清湯即係同清水差唔多（不過無ＣＯＭＰＬＡＩＮ既因為我要食清Ｄ）。肉就同平時一樣咁多，麵又大份，食完就已經好夠飽又夠晒蛋白質。可惜我一邊食一邊係到拍走Ｄ蒼蠅，仲忙過番工大佬。本身都算啦，講真香港地好多地方食飯都多蒼蠅架啦，點知食完行到番屋企就肚痛，仲屙左爤添，我估係廚房既衛生都唔多好，分分鐘我同左好多隻蒼蠅ＳＨＡＲＥ左碗野，所以下次無咩都唔會再去呢間三哥食。…Read More

想係大埔搵一間黃店食，見到呢間平平地就入去試試啦。一入到去見到樓面無咩黃既擺設，店員全部都以普通話溝通，所以唔係好知道係唔係真係黃（呢一點大家自己ＦＣ下啦），但係聽到廚房係講越南話既，咁應該都算係比較正式既越南菜黎既。講番個飯，不過不失啦，始終佢唔係Ｄ　ＦＡＮＣＹ既餐廳，價錢比較平，所以ＣＰ值都算唔錯。留意一下個飯唔係白飯，而係有加香料既油飯，所以好香口。豬扒都唔錯，唔會好似茶記果Ｄ又油又肥，呢個食完都覺得唔會增肥既飯。佢後面個配菜都幾好味，有青瓜、蘿蔔、花生，都算係幾多而又幾好味。ＯＶＥＲＡＬＬ，就係可以話幾好味既快餐咁啦，好岩一個人快食！…Read More

黎到呢間打邊爐舖，見到個門口整得咁靚都知道價錢應該都貴貴地，但真係無諗過會咁貴。我地兩個人去食，揀完個湯底都已經覺得荷包要縮水了。最後叫左都唔算多野食，肉就叫左個羊肉片，味道係幾好既，幾新鮮，但得幾塊，真係要慳住咁食。湯底其實都有一隻細雞同少少瘦肉，但係因為係湯底既關係，食落好似煲湯肉咁，唔係幾好味。翅就唔係好識分係真定假，不過唔係好爽果隻，即使係真既翅我諗都唔係好靚（不過呢個價都唔會比到好靚架啦，呢點我理解既）。之後就叫左個菜盤，菜既種類唔多，份量係幾多既，不過都要＄８０（我地去街市買我估＄２０可能會多過佢）。本身想叫個響鈴，因為佢又推薦，而又見到身邊既人都有叫，但我一睇個ＭＥＮＵ，又係＄８０，即刻放棄。最後就係果個黑松露麵，呢個就有驚喜，佢個口感唔係麵咁煙韌，反而有少少似係好軟既魚蛋。因為佢個松露好平均，所以ＰＡＲＴ　ＰＡＲＴ都食到果陣味，蟹籽就還好唔算太多，不過我比較鐘意松露所以都ＯＫ既。ＯＶＥＲＡＬＬ，我覺得呢個價黎講可以有好多其他選擇，呢間真係ＣＰ值太低。…Read More

我估住大埔既人都知道呢間舖架啦。我每一次經過呢頭，一入商場就見到三四十人企係門口係度等，而且佢Ｄ雞蛋仔真係好香好吸引。奈何見到每一次都咁多人，我都決定ＳＫＩＰ左佢，等有一日唔洗排隊先去。終於今次比我等到啦！（真係第一次見少過十個人等唔係講笑）即刻諗都唔諗就叫左個咖啡味雞蛋仔（佢個價錢同媽咪差唔多，味道口感講真都差唔多，因為媽咪都幾好食。但重點係黃到發金，咁唔洗諗一定揀佢ＯＶＥＲ媽咪啦！）。講番個雞蛋仔先，雞蛋仔好唔好味對我黎講第一樣野係唔會好林，有Ｄ好地道既細舖我有時見到都會ＡＳＳＵＭＥ係Ｄ好有經驗又會好好味，點知好多時都失望。呢個雞蛋仔第一件事係脆！咖啡味唔會超重但對我黎講已經夠。熱熱地唔會辣手，但又唔會係凍，所以係岩岩好。我同女朋友用左５分鐘唔夠就ＫＯ晒成件野，已經唔洗太需要講太多。（另外，間舖有賣台式奶茶，我自己無試過，但係又係超多人飲，所以應該唔會伏）。至於點解黃到金，佢成間舖你ＵＰ得出宣傳五大訢求既野佢都有齊，等緊既同時都可以好似去睇博物館咁欣賞一下（當然有Ｄ大家都可以買番屋企）…Read More

入到黎元朗，好怕果Ｄ近大馬路既餐廳排隊都排到唔洗食。今次搵到一間遠少少又唔算超級多人既日式餐廳就試試佢啦。入到去環境都算乾淨，不過就唔係果Ｄ打卡日本餐廳，比較似Ｄ親民果類（咁價格就多數無咁高啦）。因為懶得揀食咩，所以就咁叫個二人餐（包兩個湯，一個刺身拼盤，一個大沙律，兩個主食，一個和食）＄３２８，加埋一就＄３６０左右。湯就ＭＩＳＯ　ＳＯＵＰ正正常常，沙律就好大份，已經預計左會飽到嘔。刺身就每樣兩件，北寄貝就４件，又係算好多講真。（食果陣唔知係唔係刺身放得太耐先食，個蝦唔係太新鮮，其他都好好）。主食我地就揀左呢個拉麵同角切魚生飯。兩個都係好味既，魚生飯Ｄ魚生都幾新鮮，而叉燒拉麵係我最鐘意既黑蒜湯底，叉燒隻色果唔係好似平時大路果隻，不過味道都係差唔多。和食我就揀左炸蠔，本身無食過炸蠔，第一啖咬落去有驚喜，味道好好（當然炸左就唔會係鮮味，不過完全無果陣海鮮醒臭）所以ＯＶＥＲＡＬＬ好好。食晒咁多樣野行出門口真係差唔多要托住個肚行，如果唔係大食既我覺得一個主食兩個和食都應該夠飽ＬＵ…Read More

有日經過元朗搵下食咩就搵到呢間cafe仔。間店都幾難搵，加上附近ｄ店都好似關晒門定係執晒所以附近都幾冷清。但就係因為咁所以環境好寧靜，而且cafe既最重要既一點就係夠好坐，咁呢一點佢贏晒！講番食物先，今次就叫左個waffle同螺絲粉。意粉就不過不失啦，話超級好味又好難既始終材料簡單而普及，但係都係偏向好食既，個粉唔會煮到好硬，而個汁岩岩好，唔太多（我個人唔鐘意多汁）。Waffle呢就夠晒脆，加上Ｄ醬唔會太多，所以唔會太膩。奈何我自己就唔係好鐘意食CREAM，所以係呢度就扣番少少分數，但係價錢都幾平，$46蚊，好多時你去Ｄ大型少少既CAFE分分鐘都上$70，而且佢味道唔輸蝕所以我就覺得CP價爆分…Read More

今次去左荃灣食街果頭既BEANS食甜品，初初已經係早少少時間經過間店見到好多人排隊就放棄左食晚餐。回頭時見到無咩人就去食番個甜品先走（原來果陣都差唔多ＬＡＳＴ　ＯＲＤＥＲ）。因為晚餐食得幾飽下所以只係點左兩個，而又因為太遲入去所以好多ＣＡＫＥ呀ＷＡＦＦＬＥＳ都無晒。最後就叫左呢兩個啦。先講下個薑汁梳乎厘，食左第一啖先知原來我未食過梳乎厘，食完覺得好似食緊空氣咁　哈哈。後來先知原來梳乎厘一般都係咁，但呢個都好有薑汁味，所以算係唔錯架啦，但係就一如梳乎厘咁，食完無咩飽肚感。第二樣就係ＧＡＴ，一上到黎個盒下層係放左乾冰，好似去左食日式料理咁　哈哈，岩晒打卡愛好者。中間就有三個桔仔樣既野，但佢地並唔係桔仔，而係好似奶黃包咁既野，加上附近既檸檬醬同埋士多啤梨，食落就唔會太膩。雪糕我地就揀左豆腐味，佢係好有豆腐味！所以呢個真係睇得又好味…Read More

基本上前身既翠麗快餐個名整得麻麻地，所以我都好耐無去落樓下食個呢間茶記。環境係比而前好左好多（起馬都乾淨左，坐得落人），伙記都幾好禮貌。今次就叫左個黑椒雞扒飯，本身就叫左汁另上，因為我個人就唔鐘意飯太多汁。點知佢唔記得左，佢一上到黎我心諗：嘩，呢個係湯飯黎架？Ｄ汁多到咁。如果鐘意多汁既人應該會幾鐘意食，因為其實味道係ＯＫ（當然係茶記STANDARD ），但我自己鐘意乾身飯就食得有Ｄ辛苦。好彩雞扒都幾好食，但係慘就慘在食完好GUILTY :( 我食左幾多CALORIES落肚呀。不過，茶記黎計都算不過不失架啦（如果汁有另上我分分鐘比個５星你）…Read More

今次晚餐就去左呢間位於K11既食店，舖頭位置都幾難搵（係另一間唔記得賣咩既店既入面）。因為BOOK左位，所以等５分鐘左右就有得入去。入到去環境係唔錯，座位幾闊落。但係一打開個MENU，見到飲品一杯都五十幾蚊就知道應該幾貴。最後，我地叫左兩個前菜（TRUFFLE FRIES，芝士雞翼，OIOIN RINGS），黑毛豬同埋一個意粉。TRUFFLE FRIES同OION RNGS就正正常常啦，芝士雞翼入面就好多好濃既芝士(我既最愛)，呢個係我好推薦既(雖然價錢好似係大約70蚊4隻)。黑毛豬就真係好TENDER既，好有肉汁，但係份量好少，三個人差唔多一人兩啖就無了。意粉就仲誇張，真係一人幾條咁分。最後我地係每人２百幾蚊，但係唔夠飽要去第二間食。但無法啦，Ｋ１１你去食個飯其實都係幫緊佢交租，我都好理解。…Read More

Haven't had Hong kong style food for a long time. Dropped by this Hong Kong style restaurant. Didn't have much expectation beforehand. However, surprisingly it was way better than what I predicted. $38 for a meal during night time wahhhhhh how are you gonna beat that? Food is of course not as yummy as those fancy things you would get from those five star hotels, but then it definitely tastes better than other places nearby. Definitely an A+ experience (ps that lady working at the front is super polite and cute!) …Read More