foodaroundme's Profile

純粹經過買咗杯豆漿飲，豆腐巴巴果然豆類嘢都好出色😂😂😂仲有分黑豆，有糖同無糖，我買咗杯有糖，本人喜歡食甜嘢，所以一定要有糖，佢嘅豆漿唔算好甜，豆味好重，好味，下次會試埋佢其他產品，睇咗個menu發覺都有幾多嘢食！…Read More

一行四人係咁熱嘅天氣想拿拿林搵間茶餐廳坐低，發現咗一個有誠意嘅小店！自己叫咗一個set, 煙肉芝士撈通粉，芝士好容易撈，唔似平時咁要撈好耐，都有可能因為係通粉所以易撈啲😂，跟一個奶油豬同蘑菇火腿奄列，超級飽，食唔哂。因為係奶茶咖啡室，於是我叫咗杯鴛鴦😂，係真係幾好飲，自己覺得香港嘅鴛鴦好難搵到沖得好飲，呢間真係唔錯！另一個重點係口水雞，係朋友叫嘅，但由於太正，所以個個都掙住夾，哈哈！口水雞唔算好辣，又唔算好油😂啲雞又幾滑，加加埋埋就好好食❤️呢個手寫餐牌好勁，可以寫到咁多嘢仲咁整齊😂…Read More

朋友住沙田圍附近推介呢間，於是山長水遠搭咗成個半鐘車入嚟！好彩不負所望！一開始先食個凍蟹，認真好鮮甜！然後重點嚟啦！超大隻咖哩蟹同椒蟹，每人係半隻，4個人就2隻，每款可以一隻，如果細食，食埋隻蟹可能飽咗😂食完蟹就可以打邊爐，叫咗鴛鴦，一邊麻辣一邊菇，強力推薦麻辣！！！差唔多所有嘢都放咗落麻辣！值得推介係炸魚皮同響鈴，超長，炸魚皮其實唔知要唔要好似平時咁浸落湯，因為就咁食都已經好味😌佢係新鮮即炸，上到嚟仲係熱辣辣！總括都好滿意，有濕紙巾提供，有嘢問一定要問侍應，會推介比你食！…Read More

荷葉飯無得輸，差唔多枱枱都有叫，熱辣辣咁多，又大份又好味！魚皮都好爽，食頭盤必食，不過呢個就有啲貴，要$50！不過真心正所以都係叫咗兩碟！冰梅骨比有拔絲嘅感覺，甜酸加脆卜卜！食到一半先記得影相，黃金南瓜超正！勁鍾意食蛋黃，本身想叫兩碟，但係另外都叫咗個黃金蝦，所以都係一碟算，個人覺得黃金配南瓜好味過蝦，食蝦懶得去咬走個殼，不過黃金乜乜乜都好食㗎啦！超級令我震驚嘅係佢上菜速度快到暈！真係超高速，高速得嚟仲係碟碟熱辣辣！正…Read More

食左個粥底火鍋一豬一牛，南瓜湯底加粟米甜甜地好味！成個餐跟埋油炸鬼同個蔬菜拼盤, 油炸鬼打邊爐好正，但個3粒丸麻麻地，因為本人唔鍾意食鯪魚，所以麻麻😂成個餐係超級飽，細食嘅人兩個人食一個餐再加配少少嘢就夠…Read More