lovecoral_ccwy's Profile

如果之前有看我的食評，就會留意到我經常在銅鑼灣區食午飯。銅鑼灣外出吃午飯，食得好的話都要過100元以上，如果每天都出去食，負擔都大，所以可以找到底食好味之選，就真是一大樂事。上兩個月同事的妹妹就給我們推介了這間餐廳的午市一人一鍋套餐，$68，加一之後都是$74。除了便宜之外，味道也很好。每個一人一鍋套餐，可以選牛/羊/豬，一個湯底，兩款丸/雲吞/餃子，烏冬/麵（忘記了有沒有飯的選擇），再配上一款飲品。每一個餐都已經有預先備好的配菜，例如娃娃菜、凍豆腐、午餐肉、蟹柳、冬菇等等，十分足料。餐廳內也有自助調料區，可以自己選醬，不過我覺得火鍋有時候湯底好就不用醬了。我第一次吃的時候選擇了藥膳湯底配羊肉，變成藥膳羊肉鍋😋很搭配。不過第二次來的時候，我選了牛肉，藥膳湯底這次就偏濃，煮久了就太入味。下次可能會試試蕃茄湯底。這裡午市我認為是適合四人以下，因為枱子都是四人枱。價格來說真的是底食又好味之選！…Read More

以前我要特別出旺角或是銅鑼灣去吃茶木，還要排很久才吃到。過了幾年，現在的茶木開遍各區，好像總有一間在左近。不過午飯時間的銅鑼灣茶木也是很多人的，要排位。幸好今次我們八人早點到來，所以一到埗就有位，不然還要像門外的食客一樣等位呢。今次我點了午市套餐，有三個小前菜、主菜三杯里肌和肉燥飯，以及熱柚子茶。三個小菜分別為鹵蛋、豆腐（？）和醬菜（？）。有打問號的兩個小菜是我不太肯定它們是什麼造成的，不過味道還是可以的，特別是豆腐頗挺身。主菜三杯里肌很香口，爽口入味，很下飯，配白飯已經夠了。當然本來我已有肉燥在白飯上啦！哈哈！總括來說，茶木不失為午市80元以下的好選擇。…Read More

再次是生日飯的時候，今次同朋友一起選了位於QRE 高層的餐廳。到了搭電梯的時候才發現原來我去年也是在這座大樓的另一間餐廳慶祝，似乎我和這兒頗有緣呢！我們叫了tapas,一些海鮮，以及這次慕名而來的熟成牛配配菜。先來了兩個tapas, 分別是沙甸魚和乾蕃茄配多士，以及芒果醬配脆片。多士很脆，我就是蕃茄愛好者，加上這個乾蕃茄味道濃郁，塗上多士讓人覺得特別開胃。脆片當然是夠脆啦，不過最讓我印象深刻的是，脆片略帶一點點辣味很是特別，我覺得不配芒果醬已經好好味了。再來的是兩個海鮮類。首先到的是seasonal clams ,很鮮味。它也是配上多士。蜆是用白汁煮，白汁味道不如普遍餐廳一樣濃濃的，有點稀稀的。但是這不代表它味道不好哦，白汁還是有濃郁的味道，感覺很足料，所以它也配上多士，讓我們把所有汁吃掉，真貼心。第二樣海鮮是蝦，它和平常慣吃的蝦不一樣，有條長長的東西，也是頗鮮味。店家貼心提供小棒子給我們吃蝦呢！終於到了主菜，熟成牛！！我們選了dry age30日的，它再配上白蒜醬和黑蒜醬。我第一次見到熟成牛，原來它是外面深色，裏面紅色的。我自己較喜歡黑蒜醬，和牛很搭。另外三樣配菜，我最深刻的是四川口味炒菜，因為在西餐廳找到中式口味很特別。焗薯的味道也是很亮眼，而沙律就正正常常啦！吃了新餐廳、新菜式，和好姐妹過了一個簡單的生日真的很滿足。不知下年會否再來QRE發掘新餐廳呢！？其實我覺得QRE有很多餐廳值得再多些宣傳，讓更多人知道它的好呢！下次有機會要再來這邊找找新菜式呢！當然這間熟成牛餐廳，我還是會再和其他朋友來呢！…Read More

同事同我食lunch預早慶祝生日，又係因為落雨的關係就去左希慎13樓這間餐廳。一坐入去就俾呢枝水吸引住了。餐廳有俾個QR code我地點餐，不過因為我地唔識點樣可以順利操作，所以最後都係揾左個店員落單我地叫左四個set lunch，三個人都係叫薯粒鑊仔，一個叫意粉，仲有飲品。先來的是意粉，賣相唔錯，但係因為我無試食，所以就不評論味道了。再來就是我們的薯粒鑊仔，其實佢個菜名是長一點的，但我忘記了，就描述下裏面有什麼材料吧！有腸仔、蕃茄、青椒、芝士、粒柆薯粒，以及兩隻水煮蛋。水煮蛋上面雖看似有啲香料，但其實是清的，沒有太多味。真正濃郁的是芝士搭配腸仔，加上薯粒，很香口！份量好像不太大，但都是澱粉質，加上好好味吃得特別快，很快就感到有點飽了。不過雖然飽，但太好吃了，所以最後也是吃完的。休息了一下就送上了附送的鬆餅，不是特別甜，有種簡單的鬆餅香。不用上糖漿，就已經好好味了。不過同事就要幫我用糖漿寫「HB」代表生日快樂,真開心又溫馨❤️下次要再來食一下鑊仔和鬆餅，值得推介！…Read More

天氣有少少唔穩定，所以就去離office近近地的大廈揾野食。本來係打算食樓上的泰國菜，但係因為full左就再次嚟到呢間日本餐廳。我地入左去之後，佢地都好快坐滿了，大家如果12:30放lunch的話記住早啲嚟啦。我地坐的位置係有一道日式趟門，房入面與出面分隔，相信係可以包場用。今次個lunch menu同上次唔同左，正價餐牌同lunch menu近期（2019 MAR)都有八折，幾底食。啲卷物同魚生飯都好吸引。不過因為天氣太凍，仲有少少雨，所以最後都係叫左豚肉生薑燒呢個熱食。先嚟左個麵豉湯，熱騰騰的，立即幫手暖暖我的身體。湯入面有豆腐同海帶，味道偏濃一點。之後我同事叫的卷物同魚生飯先來了，我地另外幾個叫的生薑燒就等左好一會兒才嚟。每一個上菜的時候都是熱烘烘的，似是即炒即上。沙律配胡麻醬，蕃茄配醋都好好味。白飯粒粒可口，不太硬，有在日本食到的味道。洋蔥炒豚肉很惹味，和白飯一起吃很下飯，讓人很想再添一碗飯。雖然套餐沒有飲品，但店裏的綠茶很好喝呢！冷冰冰的天氣，吃上這個熱騰騰的香噴噴套餐，真不錯！…Read More

又到一星期出外午餐的日子，今次去左蘭芳道個度食越南河。店員問我地介唔介意坐房，我地無所謂就坐了。入到去發現有兩張枱，如果想靜靜傾下計，坐入面都唔錯。但係因為太入面，要叫店員就有少少難度，因為店員多是集中在外面。我叫左碗特別牛肉湯河，是單點的，唔包飲品。芽菜青檸係分開上的，視乎你需要同喜歡嚟自己加幾多。呢個湯河入面有生牛肉、腩片、牛丸、牛柏葉，款色多多，有濃濃的牛肉味。不過，如果牛丸大粒少少同埋牛柏葉不用切這樣細會更好。越南河個湯好傳統，搭配河粉一流，我特別喜歡夾埋洋蔥一齊食。河粉大大碗，都幾滿足！但係如果呢個價格係包埋飲品，會感覺實惠一點！…Read More

舊同事嚟左銅鑼灣揾我食lunch, 問我有咩實惠推介。我即刻推介呢間泰國餐廳，因為佢既午餐真係底食，同埋環境都好舒服，適合講野。去到午飯時間等候上位於金百利的餐廳，係要預啲時間，不過上到去都好快有位。午市的套餐係半自助餐，一個主食，一杯飲品，仲可以自己拎湯，沙律同蝦片。湯有中湯同冬陰功，我自己就只試過冬陰功同蝦片。冬陰功有好多料，唔太辣，我特別覺得啲菇好爽口。蝦片好脆脆，會食到停唔到口。那天我就叫左每次必點的炒金邊粉。一如既往的好足料，大大份，即炒又好香。自己可以因應可接受的辣度或味道再去撈放在邊邊的辣椒、花生和糖。銅鑼灣70蚊內食到呢個包飲品，又有沙律、湯的套餐真底食！…Read More

同舊同事約食飯去左元朗又新街一間餐廳，都唔錯，所以打算推介俾大家😎呢間餐廳好多人去架，我地訂左八點，我個日早左放工，早左啲到，但因為全場爆滿了，要夠鐘先入到座。不過店員超熱心，好好咁搬左張椅子我坐，真係好貼心。到左八點，入座了。呢間餐廳有indoor同outdoor給大家選擇，因為都係冬天怕大風，所以都係坐入面。餐牌中食物同飲品都選擇多多，最後我地叫左一個黑松露菌醬野菌pizza同煎北海道帶子魷魚燒南瓜粟米法邊豆黃金意大利飯。飲品方面就叫左red sangria 同 柚子啤酒。先嚟左兩杯飲品。我試飲了朋友的柚子啤酒🍻本來以為是泡泡有柚子味，原來係個底都有柚子粒粒，味道同啤酒都幾夾。我自己個杯red sangria呢，好大杯，都有好多果粒。不過我自己偏好酒味重啲，呢度就果味重啲🤣，如果酒味再重多少少就好啦。再等多一陣，黃金意大利飯上菜了。有三粒大大的帶子，好吸引。帶子趁熱食，特別鮮味。其他材料都溶入了意大利飯入面，每食一啖口感都好豐富。之後黑松露pizza登場了，有勁多芝士同野菌，搭配埋火箭菜，真係勁好味。雖然係薄批，兩個人食的份量好足夠。聽住歌，飲下酒，食好味的菜式，為我個blue Monday添了點色彩！下次選個周末再來享受。…Read More

話說那天同中同去食生日飯，因為係weekday的關係，就大家放工方便，所以揾左尖沙咀的餐廳。呢間餐廳係地鐵站isquare一出行5分鐘左右就到。一入到去覺得環境都幾闊落，幾適合傾計。個餐牌選擇都好多，最後我地叫左四樣野食，分別係和風北海道帶子配魚子沙律、黑松露大啡菇意大利飯、明太子海膽意粉同香煎牛肋骨。飲品方面我就叫左杯cocktail Celebration, 切合慶祝主題。一嚟就係上個沙律，的的飾飾，以為只係賣相好睇，點知食落勁鮮味，真係令人吃出望外！之後嚟既係意粉同意大利飯，兩個都好creamy，唔乾身，味道恰到好處，讓人好想添完一次再一次。自己平時都鍾意大啡菇，雖然配黑松露係常見配搭，但呢度真係煮得好好味，值得其他大啡菇同好人士嚟試下。而我就係第一次食海膽配意大利飯，以前都係食日本野先食海膽，有時係香港都好少食到好味既，呢度就真係好好味，係新鮮同香的。牛肋骨就真係好大份，有35oz。本來以為會多骨，但又唔會喎，勁多肉食。因為之前食左意粉同飯，三個人最後食唔曬，所以有啲可惜。建議女士們，大家下次嚟想食牛肋骨，另外配一個意粉或飯，再加前菜或小食，其實都可能夠啦。呢度地理位置方便，食物質素又高，值得encore!…Read More

平時都有去食佢隔離的greyhound,但係王家沙真係第一次食。這裡一間西餐廳同中菜館share同一個reception，真係好有趣。我地一行七人星期五十二點幾入去食lunch,唔洗等位就入左去啦！不過呢食食下就見個場開始爆滿了。一入去見到裝修好特別，最讓我留下深刻印象的係天花板的雕花設計。有魚字同福字，還有一些我認不到的。我地打算一人叫一個粉麵飯，所以無特別睇點心小菜個啲。我本人偏好吃辣的東西，所以叫左個回鍋肉炒年糕。而實際上呢個回鍋肉都唔太辣，幾香口，整體個炒年糕都唔算太油。看似細細份，但都幾飽架！埋單的時候發現，除左加一之外，因為係中國餐館所以係盛惠12蚊一位茶位。哈哈！我地講笑話，唔怪之得店員咁落力添茶，我地應該飲多幾杯。不過講真，呢度服務係可以的！…Read More

年初四，過了三天公眾假期，重新上班。這天當然要食好啲啦！同事們話銅鑼灣新開左間鰻魚專門店，我上網查查記得之前去日本食過都唔錯，就決定一齊去試下香港分店的味道如何。十二點幾去到，餐廳入面坐滿人，所以我地都等左7－8分鐘先有位。見住個餐牌款款都係鰻魚，同事就去問問佢地的分別。店員好友善咁同我地解釋，話鰻魚重同鰻魚重上同鰻魚重特上的分別在於魚腩魚尾部分的數量。而我地個日魚尾賣完了，所以我地叫鰻魚重特上（＄158)，魚尾部分會換上了魚腩，總共會有三塊魚腩。等飯到來的間，就睇下枱上的調味品，有山椒同七味，喜歡再加調味的朋友可以一試。而我自己就喜歡品嚐原味，所以上菜後我是沒有加調味品的。個飯盒看似不是太深，但吃着吃着都會飽了，可能因為我地有三塊肥美的魚腩吧！即場現烤，有炭火香味，所以一定要趁熱品嚐哦！鰻魚汁拌飯，甜甜香香。呢一間餐廳會再嚟，下次再去食lunch的時候，希望可以試到魚尾啦！…Read More

留意到這間餐廳已經有一段時間，但是終是未有機會來這裡一試。記得之前兩次朋友都是因為它的特色餐牌而被吸引了，但兩次都因為預約滿了而不能成行。今次我們沒有預約，打算去碰碰運氣，就幸運地讓我們成功了。餐牌的設計不算特別精緻，但是內容實在太有意思了，所以禁不住把整本都看了一遍，真的不得不佩服餐廳負責人的創意。（有一個tips:其實只要看英文的菜名就可以知道是什麼菜了，哈哈）最後我和朋友二人叫了"森山黑松露蘑菇頭天使面"和熱門的"我個牛皮包係邊度"。先來的是，”森山黑松露蘑菇頭天使面”，蘑菇爽口，份量充足。不過我偏好硬一點的意粉，所以如果意粉能再硬一點就更有口感了。再來的是熱門菜式”我個牛皮包係邊度”，其實就是威靈頓牛扒。本來我也未有嘗過威靈頓牛扒，所以也是第一次吃到。有一塊酥皮包着的牛扒，醬汁和沙律。店員建議我們從中間切開，會比較容易分。因為牛扒肉質鮮嫩，很容易就切開了。這個菜一定要趁熱吃，不然酥皮就很容易軟了。最後因為份量充足，吃得太飽了，所以未有吃到甜品，下次再有機會要再來試試看。…Read More