kingnamm's Profile

專程搭左成個鐘的士過嚟食好出名嘅Froyo，點知勁失望。賣$58冇$58嘅質素，不如食Smile好過。個froyo係完全冇乳酪嗰種酸味，得死甜，滑就幾滑嘅，但乜味都冇，滑又咩用？再講啲toppings，叫咗三款分別係Raspberry Sauce，綠茶糯米糍，honeycomb。三款都好難食，raspberry sauce 冇raspberry 味，只係一pat紅色嘅醬。 綠茶糯米糍好硬又冇綠茶味，只係一嚿好似隔咗夜老化嘅糯米糰。個honeycomb氣泡太細，食落太實同硬，仲落得太多baking soda，一陣梳打粉味喺個口度揮之不去。唔建議專登過嚟食……不如食smile…..…Read More

仲叫左冬蔭功，燒八爪魚咀串，椰青海鮮焗飯冬蔭功啲蝦又係唔新鮮，好霉燒八爪魚咀串黎到係凍既！完全唔係燒過咁，似白恰多，仲要我地叫左辣竟然一啲辣都冇個椰青焗飯好一般，啲肉鬆有怪味，不過係幾多海鮮既呢間食店仲差既唔係啲味道，係菜式完全唔熱，食落係凍既，唔熟同唔熱係食野既大忌我應為。一行五個人食左八百幾蚊，雖然係銅鑼灣食係貴啲，但係你煮得好食我完全唔會太在意價錢，但相反就一啲都唔值。早知行完少少去食新泰好過哪來咁多好評？而家係咪真話啲人已經唔鐘意聽？…Read More

呢個甜品比起waffle較遜色 麻麻地 不過咁大舊棉花糖 的確可以post上ig呃下like 但係底下個奶凍就唔係咁夠滑 同埋士多啤梨太多 有啲喧賓奪主 亦唔太夾好香 啲泡好濃密 好飲過starbuck 唔會死甜件waffle外脆內富蛋香 仲熱熱地 真係好有驚喜 而且份量唔小 香蕉連埋焦糖又係外脆內軟 好香 不過個吉士醬係成個甜品既敗筆 極奇怪 似麵糊多過吉士醬 好糊口 而且冇咩味 係呢度差少少下次會試下啲咸點…Read More

大年初二 屋企人話去飲茶 本身諗住食好點就去左之前openrice排名榜入圍既譚點心諗實冇死,應該好好味.但係卻換來一肚氣 唔知仲會唔會有一肚蟲 果日差唔多叫曬點心紙上既點心第一樣黎到既係燒賣 結果搞到成餐冇胃口同反胃!點解?因為成籠都係生既!到左差唔多食曬我家姐先發現係生既之前都冇留意 .我老豆仲已經成粒食左 同枱仲有老人家係度.有冇搞錯 煮熟食物係最基本既事我寧願難食都唔要食生既豬肉. 當我地話比個待應知果陣佢就急急腳換番兩籠比我地 心諗其實搞到咁都唔會再食你呢度既燒賣。之後上果啲我格硬塞落個口度廢事剩咁多野食，不過真係好想嘔，個口好似有啲豬肉既腥味，勁反胃本來都冇諗過開account寫食評，但係今次真係好難忍，有咩可能會咁離譜，舊豬肉生到唔可以再生。買單果陣同個收銀講番就淨係識講唔好意思一啲歉意都冇，番到屋企我老豆仲肚瀉。真係又散財又傷身。冇下次，加上其實只係賣相好睇，味道同普通酒樓冇分別，但係就貴成倍，值唔值真係自己衡量喇…Read More