我對食物要求唔高GA's Profile

有次要係觀塘區揾間茶樓同屋企人飲茶，係open rice search 到評語唔錯，交通又方便，食左一次覺得食物中上，坐得舒服，服務ok，印象唔錯，今次兩丁友晚上來試小菜。6點半到入座，客人唔多，基本上任坐，嗌左個孖寶：燒味拼盤+鮑魚雞煲，另外叫左小炒皇。燒味拼盤係例牌，冇得㨂，今次係燒排骨、海蜇同豉油雞，賣相同味道都冇咩特別，相都冇影。鮑魚雞煲就足料啦，4隻細鮑魚，但絕不將貨就會比d迷你飽魚你，味道亦不錯.小炒皇亦好好味，落埋帶子炒，配埋d乾魚仔、蝦乾等香口野，好好味。最後送埋陳皮紅豆沙，係普通料，不過送就冇所謂啦。…Read More

最出名的酸種蛋撻，真係層層薄脆鬆化，蛋醬甜度適中，即使放凍咗亦都很好食，難怪成為必食之選，一次過食2個都唔夠喉。另外買多個士多啤梨丹麥酥，中間的吉利醬超好味，加上酸酸哋的士多啤梨兩者味道超夾，不過，$40一個係有d小貴。我去過銅鑼灣店同灣仔店，灣仔店的店員比較禮貌同有效率。…Read More

一個月大概都會去2次飲茶，點心係同區算中上，質素穩定，坐得舒服，唔嘈。今次去枱面多左張特價點心紙，話益食家，鼓勵留港消息，同行長者係咁話「嗌呢張特價點心啦」，我睇上面就冇寫平幾多啦，最後埋單，對返正價牌價錢，跟本冇平過 😕…Read More

呢間午餐成日排長隊，咁岩晚上冇人排就入去試下，叫左豉汁蒸鱔同麻婆豆腐，個蒸鱔餐$110，鱔嘅份量都算多，豉汁又好味，仲有d粉絲墊底，算中上，麻婆豆腐就正常，冇咩特別，個例湯好淡，唔飲都冇損失。叫杯熱奶茶，澀到呢，好難飲最估唔到係d服務員，好似成日要辣著火頭要同客嘈咁，d人等堂食位時又鬧個客唔跟隊形，另一枱客要行入入面，條路係好窄，明明只可以一個人過，但個待應落緊單，企正係條路度都佢唔讓個客，仲問返人哋行去邊，真係黑人問號…Read More

同個外國朋友去，叫左2個餸1個湯，冇一樣食物係合格椒鹽九肚魚-麵粉多，魚肉極少，又炸得唔脆小炒王-無鑊氣，料又少，我都唔知自己食左d乜燉湯-好似飲例湯咁…淡而無味，連個湯叫乜名我都冇印象了總括：價錢唔平，食物質素差，服務員ok,環境好岩打卡*呢度晚市係冇點心…Read More

甜酸齋係齋舖必賣食品之一，應該甜酸俱備，買左份$13外賣，返到屋企食發覺要沾多d汁個味先會好食，有幾舊只有甜而酸度不夠，立即覺得好可惜🫣$13一份細細份當開吓胃都唔錯…Read More

叫個牛肚河拎走，個河粉質素較差，唔滑，又幼，又硬，牛肚切得太幼了，失去咬口，最估唔到既係食食下有條毛，湯底又其求，得個咸字，應該冇下次了，成碗野真係好差，雖然$25，但至少要衞生呀…Read More

之前食過一次滷水腩肉蛋飯，個滷水係佢哋自己煮，勁香，今次一於外賣同媽媽食晚飯！由灣仔拎到入大西北仲暖既，但阿媽堅持要翻熱，估唔到個「思鄉雞」仲咁滑，一啲都唔鞋，d薑絲切到…可能係世界上最幼既薑絲，連埋d木耳，雞汁一齊撈飯，真係好好味😋個「咕喱茶」係佢哋個招牌菜，用湯骨同藥材煲既，又幾足料，鮮甜香濃，唔似出面d肉骨茶得個鹹字，肉骨岩岩好，一扯條肉就出黎了，正！2個餐加埋都係$103，成碗湯飲晒，d雞汁又清埋，但一d都唔口乾，老細話冇味精又冇雞粉係真既，完全真材實料。…Read More

慕名而來，購物過程順利，店員有禮。買了一個伯爵蛋卷，cream不太甜，微微既茶香味，面上灑上可可粉，一切味道來得自然不造作，鬆軟度剛剛好，如果再鬆軟d更好，$37有點少貴，但間唔中一次半次係ok ga~…Read More

先講套餐，佢既選擇真係多，價錢又平，女仔食一個迷你焗飯加個前菜都夠飽ga la ~ 焗飯又快，唔似其他餐廳要等，不失為一個快食既選擇。我叫個迷你雜箘焗意粉，水平一般啦，唔難食，同一般茶記差不多，個芝麻醬雜菜沙律賣相唔錯，食落ok的，奶茶夠濃。所以要求平、快、多選擇既話，呢間就岩你啦，但唔好追求味道了。…Read More

比佢個招牌吸引左，個奶茶又好似得獎無數咁就試下。佢招牌寫甜而不膩、滑而不潺、濃而不澀、香而不俗，老實講係比一般奶茶出色，講濃都未夠濃，細心飲都仲有少少澀，如果要單叫$22一杯就真係唔太值，跟餐加錢都仲可以。食物我叫左鮮牛旦三文治，鮮牛係ok ge,厚薄適中，同炒旦味道好夾，食厭食咸牛既換下味道都可以…Read More

行過見到有紅豆宇治綠茶，張相幾靚就買杯試下。紅豆軟綿微甜，略嫌綠茶味不夠強。店主細心pack 好飲品，杯口加張紙令我就算拎住行都唔怕瀉出來。整體飲品質素中上，價錢$34亦合理…Read More

凍凍地諗住食d熱野，叫左魚片粥、生菜同炒面。魚片粥入面d魚片極薄，又唔係多，粥底唔綿，米又落唔多，只能說岩岩合格。炒面冇味，乜料都冇，個菜就咁清水淥左算，要自己落豉油。總括來講係為填飽個肚而食，冇味道可言…Read More

叫左個泡椒雞（半隻）套餐，我期望係好似青椒皮蛋個汁咁，點知係大量薑粒加少許紅椒粒，但味道又唔突出，都唔知自己食緊乜，雞又冇咩肉，我情願佢比雞件我，起碼有d肉食下。反而係個韮黃魚肚羹好食，足料，加d紅醋好好味😋收銀姐姐好好態度，前面個阿伯改乜改乜都好好笑容。…Read More

純粹係見到個招牌就想來試下，位係唔多，第一次佢話冇枱，咁就算，第二次walkin 咁岩有2張吉枱。叫左3個餸:豉椒爆生腸：菜多生腸少，估唔到入面有d麻子，食到頭皮發麻。豆腐魚頭湯：湯係奶白色，魚頭冇咩肉，有d菇同白菜，幾清新下。臘味炒芥蘭：唔知用咩臘腸，好咸，份量較少叫左4支啤酒，買三送一，用戰鬥碗飲，同某間出名既大排檔菜館一樣。埋單$478。總括來講都好食，但如果又要book又要限時90分鐘食（門口個牌咁寫，唔知真唔真），咁我情願walk in 食其他餐館…Read More