laumei12343's Profile

昨晚去長沙灣公園球場睇朋友踢波打氣，完場後都很夜了，成10點多，成班人一齊想搵地方宵夜，蒲行出街口就見到有間小店還開，一行十人有著落試吓街頭風味，這店專營腸粉和粉面，我地叫咗肉碎生菜腸，羅漢齋腸，叉燒腸和炸両，炸両認真正，油條係即炸，香脆，腸粉又滑，還有酸辣粉，好好味個雲吞粉亦唔錯，份量剛好，還有其他小食，嗰晚有風，風涼水冷，在大樹下別有一番風味。問阿姐，佢哋只係做夜市，下午6:00至晚上11點，有客就收遲啲。…Read More

即叫即製腸粉，腸粉質地又滑又爽口，皮薄而挺身不糊口，係食過最好吃嘅腸粉。佢哋滕王閣有分素食和肉類，砂鍋米缐做得出色，湯底選擇多，有全素湯底和葷的湯底，煲煲獨立煮，又分開食具，非常貼心。腸粉亦有分素同肉，最難得係腸粉亦分開爐具處理，令素客食得放心 ，係非常有❤️嘅食店。營業時間放在下午七時至十一時，方便晩收工和宵夜人士，舖頭細但外面空地大，可放多張檯凳，夜晚坐在外面食嘢好有街頭風味，別具一格，服務亦好，時常問你意見，好有專業精神。…Read More

今天行開去北角，再次去這間滕王閣，選了豬頸肉薯粉加木耳絲，酸辣湯底，中辣，味道無變，一樣非常好味，係食極都唔會厭，豬頸肉烤得好香好入味，薯粉配酸辣湯一絕，今餐非常之滿足。只見小店都不見太多客，要多點支持小店。…Read More

這裏很特別，連湯底都有多款選擇，有素湯底可照顧到素食者需要，非常有❤️抵讚👍我點了砂鍋豬潤米線，沙嗲湯，湯底香濃，無油，豬潤剛剛熟，正🍜朋友想食素，聽講腐皮卷好味，要了雲耳腐皮卷米線，日本面豉湯，湯底香濃同米缐很夾，非常好咪呢😋還要了素餃子米線，兩份分，係咪好大食呢，超級滿足，這裏餃子是自家做的，有素餃子，素雲吞和肉餃子，肉雲吞，非常有心😘豆漿超濃不太甜，比坊間好飲好多，紫米漿很特別，很爽口又不太甜👏值得再光顧的食店…Read More

約朋友食飯，因朋友食素，聽聞北角有間米線店，有素和肉，都頗受歡迎，就去試下。我叫咗生滾雞片加豬大腸酸辣湯底米線，朋友叫咗蘿蔔雲耳同炸腐竹麻辣湯底素米線，真的不負所望，湯底香濃，米線爽滑，每條米線都入哂味，超級正，下次一定會再來，佢地還有其他湯底，都好似幾吸引，再提下佢地湯底少油，抵讚，食完唔口渴再讚。…Read More