mandywongbeau's Profile

觀塘工廈小店林立，周不時都會有意外驚喜。呢間餐廳地點好方便，地鐵出口一出就係。環境舒適，寧靜，乾净，全部木製桌椅，顯得井然有序。同朋友邊食邊傾，不知不覺傾左3個幾鍾。價錢唔算太貴，飲品選擇好多，味道亦唔錯。朋友試咗桂花烏龍波霸奶茶，話值得推介。自己試咗黑糖奶蓋波霸奶茶，奶蓋香濃嫩滑，仲有啖啖黑糖味，唔怕糖分超標嘅一定要試。吐司亦係必食之選！我地點左鹽酥鷄排台式鐵板吐司，鷄排好香脆~一送上枱，朋友就一直講「好香，好香」，講左好多次😂😂分量好大件，一人一半，食都完都已經飽飽地~（ps:可能我地比較細食）流心蛋煙三文魚白汁意大利麵就不過不失，有唔少三文魚，白汁嘅味道尚可，意粉份量足。食完已經飽哂。最後我地仲叫咗個甜品：黑糖奶蓋波霸巴斯克芝士蛋糕。鍾意食甜野的朋友會適合，因爲表面有黑焦糖，再淋上珍珠奶蓋，賣相好好。雖然個芝士蛋糕乾咗少少，奶蓋（應該同奶茶嘅奶蓋一樣😂）甜左少少，但整體嚟講都好味😋…Read More

感覺好有印度feel的印度餐廳🤣book咗12點去食lunch，還沒有其他客人，清淨舒適。餐廳環境不錯，有個大屏幕，播住印度音樂🎵感覺悠閒舒適。餐牌全英文，沒有圖片！決定憑感覺同網上推介盲點！🤣還好，最後結果滿意！Golggappe 原來呢個係印度好有特色的一味小食！外面係炸咗嘅脆波波，裡面是調過味嘅薯蓉，洋蔥，有少少辣。玻璃杯裝住嘅黃綠色（液體？）汁，酸酸辣辣～感覺不太好形容🤣但還是可以接受！Chicken Chaat又係一個特色嘅頭盤開胃菜。一個冷盤菜，裡面有雞肉，蕃茄，洋蔥同埋一啲香料。雞肉偏咸，蕃茄酸酸甜甜，又有少少辣，食落真係幾開胃。之後因為雞肉真係太咸，點咗落啲咖哩再食，中和咗個咸味，又幾好食😋Lahori - Chicken Makhni (half)➕Sada Naan雞胸肉煮得太老，食落有少少‘鞋’口，雞翼同雞髀就啱啱好，幾嫩滑。咖喱好濃郁！配埋個naan真係一流！Naan是軟身的，好香口。點埋個咖哩汁一齊食，我自己一個人都可以食曬一碟naan😅Mango Lassi最後一定要飲 mango lassi🥭～朋友一開始說他朋友每次吃印度餐都必點這杯飲料，我一開始還不信有什麼特別🤣一試愛上❤️芒果好甜，應該是用新鮮芒果肉加乳酪打出嚟🥭所以比較杰身，芒果味好香濃，超級好喝👍…Read More

想要私隱度高但係又唔想太貴嘅餐廳，呢間就啱啦！餐廳屬於簡約裝修，環境乾淨，即使兩個人都可以坐房，可以放心同朋友暢所欲言...服務員全程態度都好好，細心，會介紹房內設施，又好好笑容 👍🏻手拍青瓜微辣爽口，唔錯嘅開胃菜，細細碟，但疊得幾高下，份量唔小。咕嚕肉味道偏甜，新鮮炸起，外脆內軟，食落啖啖肉，好適合食肉獸，而且送飯一流，如果用新鮮菠蘿就更一流。金薯蜜椒牛柳粒味道濃郁，牛柳粒炒得剛剛好，薯仔亦入味，好味，下次會再叫。椒鹽雞軟骨份量唔小，炸得啱啱好，上面有少少椒鹽粉，好食福建炒飯好好食，又唔會太咸，如果唔想食太乾嘅飯，福建炒飯就啱你，分量十足，抵食臨走嘅時候，服務員仲同我哋介紹，佢哋有一個大房，可以容納10幾人。可以唱K,打麻雀。約齊三五知己一齊去玩下食下都唔錯。或者家庭聚會都可以選擇。…Read More

聖誕節係公司搞聖誕party，到會一定唔少得。經過疫情，平靚正嘅到會已經買少見少。咁啱朋友介紹觀塘呢間泰國餐廳今年有到會套餐。老細又話小店就支持下啦！所以就訂咗試吓。聚會派對 10-12人套餐 $1688泰小食拼盤 (炸蝦餅X 6、炸魚餅X 6、炸雞翼X 6炸春卷X 6、炸雞卷X 6)柚子鮮蝦沙律 (2磅)炭烤松阪豬頸肉 (2磅) 泰式炒雜菜 (2磅)炭烤沙嗲串拼盤 (雞X 6 / 牛X 6 / 豬X 6)泰酸辣鳳爪 (2磅)海南雞 (一隻)菠蘿海鮮炒飯 (3磅)送：椰香班蘭千層糕 12客送餐好準時，我哋定12:30到，預咗會遲15-30分鐘，點知未到12:30就到咗😂😂但我哋開飯時間係1:00😂😂雖然話係10-12人餐，但我哋12個人都食得好飽。兩個冷盤都好開胃，柚子鮮蝦沙律勁多柚子，目測可能有成個柚子。酸辣鳳爪好爽口，好足料。兩個冷盤都俾我哋清哂。小食拼盤雖然每種得6件，但除雞翼外，其他都有切開一半，所以大家都可試到。雖然係到會，我地亦放左半個鐘，但食嘅時候仲好酥脆香口。豬頸肉係消滅得最快嘅一盤。好好食，外脆內軟，仲好香炭燒味。😋😋雜菜同串燒就不過不失。可能係因為已經有少少凍咗。點都比唔上熱辣辣上枱咁好食。海南雞正常發揮，雞肉幾嫩滑。菠蘿海鮮炒飯都好好食，餐廳無將肉鬆腰果一齊炒，放左係邊邊，食嘅時候先撈埋一齊，肉鬆同腰果仲係脆口。呢點幾貼心，值得讚賞。斑斕千層糕都唔錯，但已經食得太飽，之後再食呢個千層糕可能會覺得太膩。總體嚟講都好唔錯，可年有機會可以再訂。…Read More

同事聽聞今年利東街嘅聖誕裝飾唔錯，就過去行吓，影下相。但其實唔太特別。5分鐘行完影完就去咗覓食。然後，同事又話好耐無食酸菜魚啦，就上網搵吓附近有冇。然後就搵到克街近期新開左間食酸菜魚嘅。就去試吓。環境唔錯，座位闊落。裝飾偏中式。睇完片餐牌，兩個選擇困難症最後揀左個二人套餐。醋香爽木耳作為一個開胃前菜，木耳嘅爽脆，配上陳醋酸酸甜甜嘅味道，簡直令人胃口大開。麻辣水晶粉皮水晶粉皮亦好爽口，麻辣味越食個口就越麻，再食返啖木耳中和，簡直係挑戰味蕾啊😂😂智尊酸菜魚（少辣）魚肉嫩滑爽口，份量亦好足。魚湯酸甜可口。最驚喜嘅係裡面有少少寛粉，煙煙韌韌，我嘅至愛。我覺得美中不足嘅係，酸菜其實可以再酸啲。可能我本身食得比較酸，總覺得酸度唔太夠。家鄉紅燒豆腐紅燒豆腐味道比較濃，適合口味比較重嘅人（我哋）😂…Read More

多年無嚟大角咀，再次踏足，已經改變到完全唔認得。四圍閒逛嘅時候，見到一間設計簡約，樓底好高嘅西班牙餐廳，就決定入去試試新野😋西班牙辣椒仔雖然叫佢辣椒仔，但其實一啲都唔辣。雖然係炸嘅辣椒仔，但炸完都仲好juicy。炸完之後仲會係面頭曬咗啲鹽，個配搭好清新，食到原汁原味嘅辣椒仔。香煎澳洲M5和牛牛肉分量幾足，煮得啱啱好，同辣椒仔一樣都好juicy，美中不足嘅係有啲位比較多筋。至於其他配料及醬汁都好唔錯，甘筍同露筍嘅清甜爽脆正好可以中和咗和牛嘅膩。意大利奶凍奶味濃郁，分量十足，好滑，面頭仲有幾粒藍莓酸酸地好夾，完全滿足另一個胃。雖然間舖頭唔大間，但係坐落好舒服，食物份量都唔細，有機會可以再試吓其他菜式…Read More

行行吓好肚餓同行朋友好鍾意食蛋🥚🥚就入左去試下叫左一個濟洲島黑豚豬柳扒炒滑蛋飯同埋脆炸吉列無骨黑豚扒溫泉蛋飯 配日式咖哩汁，見到椰菜花偽炒飯幾得意轉左黎試下野食都出得快豬柳好香好冧，個炒蛋亦好夠滑蛋味濃溫泉蛋熟度剛剛好吉列豚扒就無豬柳咁冧 咖哩汁略嫌咸左少少，送飯應該幾好，點豬排就會咸左少少2份嘅份量都好足 ，肚餓嘅朋友就有福了最近好多地方都有生酮炒飯 但我就從來無試過呢個椰菜花偽炒飯係第一次試 味道相當好 入面有除感椰菜花仲有3色椒 口感好得意 當唔想食澱粉質呢個都係好好嘅選擇至於齊茶 原來係有2款🤣我就鍾意伯爵奶茶多啲 伯爵茶嘅味道濃 2款都好滑，有機會都可以轉黎試下店舖面積細細，但出品都相當用心 其間見到好多街坊原來都經常黎幫襯下次黎開天水圍又可以黎食😋…Read More

放工同閨蜜搵地方chill下，搵咗位於觀塘海濱的La Serre。La Serre佈置簡潔，配咗啲燈飾後光線都算柔和，格調都幾浪漫。適逢萬聖節，每張餐桌都有南瓜燈飾，充滿節日氣氛。餐廳餐桌有室內也有alfresco，如果夏天的話我一定揀坐外邊。不過今晚侍應幫我地安排室內用餐。我地二人點左三個小食同兩杯飲品。侍應上餐快速，值得一讚呀。青椒充滿墨西哥風情，外表以為它是辛辣無比，食落卻係少少草青的清新田園之感，沒有落太多香料醬料，保留了原來青椒的味道，亦改變了我對青椒世界觀的認知，原來除了辣、甜，仲有可以有呢一種咁原始的味道，味道有D似枸杞葉。芝士脆片伴上平時整有腰豆的蕃茄肉醬，脆片香脆含有濃郁的芝士味道。令人吃過不停，肉醬同脆片配搭的確係幾夾，惹野，口感多層次。香辣雞槌唔知點解第一口的感覺，我想起酸菜魚的味道，可能廚師用了中式的香料來烹調，食到有類似孜然粉的香料，所以感覺呢度菜好有中式感覺。Mixed Berries Mojito草莓的酸甜、薄荷葉的清新，呷了一口，縱是深秋，仿傚喚起了夏日氣息，薄荷葉份量偏多，蓋過了酒精味道。Fresh Strawberry Daiquiri 拎咗朋友點嘅飲一啖，雖然話就話係以草莓為主題，酒味明顯比mojito勁得多，小女子唔太識得欣賞呢杯野，還是我的mojito好飲一D。…Read More

今次去到馬鞍山玩 經過西沙路去左呢間冰室醫肚餐廳有室外有室內 食個日有啲涼 坐室外都相當舒服不過如果夏天我就可能唔會坐室外🙈餐廳標榜靚鹽走味精🤘🏻叫左幾樣野食，份量十足🐣南乳碎雞件唔使點南乳醬已經好夠味👍🏻🐽椒鹽肉排好惹味，個肉排都仲好juicy 不過就咁食鹹咗啲送飯就一流😋😋🦐黃金蝦球好香鹹蛋黃味 好有驚喜嘅一碟朋友麻麻地鹹蛋黃都表示呢碟好好味🦪潮式煎蠔餅蠔餅外脆內軟丶用料十足。啲蠔又新鮮丶冇沙冇殼碎，唯一係邊位有少少硬。整體蠔餅好好味又夠大份，$88來講抵到爛，🐂黑松露醬牛粒炒飯 略嫌唔夠黑松露味～不過都好夠鑊氣🥬馬拉盞通菜牛肉習慣咗點都要叫碟菜～正常發揮～唔會太咸下次踩單車經過西沙路又可以再黎食👍🏻…Read More

很滿意👍的一間餐廳🍴已經推薦朋友去！食物份量很足！大大份同朋友一齊去食Lunch，可能因為平日（星期一）12點，我地係第一位客人😅所以感覺空間好闊落～播著音樂好舒適！夜晚好似會有DJ駐場。服務員態度也很好👍Nice!會因應客人用餐嘅速度而上菜～2個人點左4樣嘢：凱撒沙拉好大碟🤣真係食菜都食到飽！仲有一啲炸左嘅肉粒係裡面，好脆好有咬感😋豬肋骨超級好食😋肉質軟林的豬肋骨、味道也很好👍半份已經超大份，兩個人食真係有啲大份😂😂多啲人去一定要試🌟🌟🌟辣蜆肉意粉好多蜆肉，有少少辣，好味，我地叫左扁意粉，不過意粉就硬左少少，我鐘意食軟身少少的～黑松露薯條🍟薯條外脆內軟！美中不足的就是用的是黑松露粉，我覺得欠缺左少少～不過整體黎講都可以！很有特色的🍟…Read More

上星期，同朋友去太子買皮革用品。買完之後就順便喺附近覓食。發現有間好有街坊風味嘅串燒小店。然後朋友決定入去試試。一坐低就見到枱面有一張點餐紙，望完之後，發現價錢好親民，然後兩個人就點咗好多嘢。以下幾樣係必食推介原隻茄子皇：本人原本就好鍾意食燒茄子，所以必定要點一條試試。茄子配上蒜香同燒烤醬，味道超正。而且茄子燒得好軟淋，用筷子一夾就可以成舊茄子肉夾起。台灣腸：另外值得推介嘅有台灣腸，肉嫩多汁，咬落啖啖肉，超惹味。雖然依家去唔到台灣旅行。但係食幾條台灣腸回味一下喺台灣掃街嘅感覺都唔錯😂😂蒜香生蠔：最後要推介嘅就係蒜香生蠔，原本並無太大期待。但上菜後發現，CP值實在太高。用我朋友嘅原話：咁大隻，仲肥美多汁，無點錯🤣🤣最後買單嘅時候,老闆娘同我哋講,原來佢哋嘅辣粉係自家磨製嘅，同出面嘅唔同。但係我同朋友都唔食辣，無機會試個辣粉，有少少遺憾。…Read More

前幾日同朋友去寶林行街，同事推薦咗食呢間泰菜。餐廳環境唔錯，坐位夠哂闊落。可能係因為都算早，所以唔使錯就入得。兩個人點左三個菜，每樣菜嘅量都好足。兩個人食有啲多。明爐烏頭味道酸辣，越食越開胃。湯底亦都好鮮味。朋友好鍾意食裏面嘅配菜。馬拉盞炒通菜大大碟，通菜爽脆，味道好夠。海南雞（半隻）份量十足，肉質滑嫩，食落啖啖肉，配埋個醬汁，無得頂。椰皇沙冰用椰皇肉打成嘅沙冰，飲落啖啖都有椰子肉，仲有好濃嘅椰子汁味。甜品椰汁大菜糕：免費贈送嘅飯後甜品，清甜爽口。…Read More

約咗係元朗嘅朋友 就試左呢間打邊爐好似話係新開 之前唔係呢間鋪黎一入去覺得環境都唔錯我地2個人坐得都好舒服同埋 已經聞到強勁麻辣味🤣因為朋友唔想食辣咁就叫左大骨百味湯 我估即係豬骨湯啦好搞笑係佢個湯有幾塊午餐肉係入面🙈枱上面已經有葱、蒜、芫茜，仲有款調味油，入面有麻油好香係餐車到仲有蠔油、醋、鹽朋友係到搵豉油～但原來話 將蠔油同油再加葱、蒜、芫茜就係呢到最常食法，試左果然好味😋 值得一提係佢個茶竟然係我最愛蕎麥茶😎我地得2個人食唔到好多野唯有叫多啲半份 試下唔同野啦🤨叫左3款肉精選五花肉、半份嫩滑牛肉、半份一米肥牛三款都好新鮮~我就覺得一米肥牛有啲太肥 不過同行朋友就好鍾意食仲有叫到半份黑豆花、一份鮮鴨血仲有半份安格斯牛丸(呢度淨返半份嘅半份，因為一到枱就光速食左2粒🤣）黑豆花個豆味濃，吸左勁多湯，如果麻辣應該勁正！個鴨血就好滑~下次真心要試麻辣湯底至於個牛丸，牛肉味好夠，我個人略嫌有啲實啫仲有叫左份紅薯粉～都係平時食開粗個款最令人驚艷係呢個現炸酥肉，勁好食，送酒一流🤤 佢中間有啲花椒，一開頭唔覺，咬到一粒麻到飛起🤣掛住食 食到中間先見到有建議煮嘅時間😅跟返煮啲肉再嫩啲開心心係 臨走有雪糕食🥳有榴槤、芝麻、芒果、曲奇揀咁一餐就更完美見到佢仲有啲VIP房,下次可以同幾個鍾意辣嘅朋友再黎，咁傾計都暢快啲😎P.S. 麻辣味真係好勁，對味道敏感嘅人可能會勁打乞嗤，因為本人打左廿個…Read More

銅鑼灣呢間牛肉麵係台灣過江龍好少可以食到原汁原味嘅手工麵真係台灣員古早級嘅牛肉麵喺銅鑼灣嚟講 一啲都唔貴cp值高.✅嫩五花牛肉麵牛肉好滑溜 分量足絕對唔係肥牛 食落去滑捋捋牛肉湯好濃 少少辣非常香蒜味手工麵爽口彈牙👍👍✅原味牛肉麵牛肉非常之好味 夠曬林之餘又唔會散曬食入去非常之滿足✅鹽酥雞非常之大份 多雞肉走肥外面炸到脆卜卜配上特色嘅台式鹽酥雞粉好似去咗士林夜市度食咁😚.食完非常之掛住台灣餐廳環境舒服地理位置非常之便利一出地鐵行五分鐘就到座位好寬鬆坐得好舒服疫情期間非常之後安全感裝修又靚 打卡都唔錯😘…Read More

屋企人生日去咗北角呢一間用宮殿做主題嘅打邊爐其實之前已經食過一次但係其實枕住都不停咁encore最鍾意同人慶祝生日😊因為一定唔會失禮當時人又食得開心✅康熙花膠雞湯鍋半隻啲雞又滑又嫩 花膠超大塊成塊面咁大倒埋落個湯度個湯非常之鮮甜十粒星推薦✅手切特級安格斯牛肉厚薄適中的牛肉又嫩又滑食入去仲好juicy✅雜丸拼盤 餃子拼盤性價比好高 每樣都覺有十粒全部都係自家製味道好特別 大大粒老實講女仔食兩三粒唔食其他嘢都已經半飽😂味道係出面完全冇機會食到大大粒皮薄餡靚仲要好滑溜✅黃金雙拼其實可以諗到就係鹹蛋黃嘅魚皮同鹹蛋黃嘅響鈴卷極度邪惡 放喺個邊爐度三秒再拎出嚟食啲鹹蛋黃喺個口度溶化非常邪惡又滿足✅炸芋頭片呢個芋頭片有啲似炸薯仔唔會有個種粉粉嘅感覺反而食到超濃沃嘅芋頭香脆卜卜在索埋啲好香嘅花膠雞湯味道實在係難以忘懷😘😘好好食價錢仲好平添✅炸午餐肉呢個又係必叫炸到脆卜卜其實就咁食都已經一百分香口有少少鹹香 必點✅同場叫咗好多次茅根竹蔗少少甜飲落去唔會覺得好邪惡係打邊爐呢啲既清熱之選…Read More