Mandyyjai's Profile

事關朋友生日，提早一星期book咗呢間餐廳，因為之前試過想book但無位，去到發現個環境都幾細🤣🤣 想食嘅朋友要提早book定啦😍同行三人一共叫咗四樣嘢食～ 首先叫咗兩個鍋，分別係雞腳同咪魚糕湯😍😍😍 兩個都係small size但3個人食綽綽有餘！兩個鍋嚟到都係要煮一陣先食得。魚糕湯底好清，附有白蘿蔔都係煮到淋晒🥰 除咗有6串魚糕，湯入面仲有唔同類嘅魚板～ 好飲又好食 超推介👍🏻👍🏻 因為雞腳鍋係辣嘅，試咗一隻辣到食唔到🥵🥵 真係要食得辣嘅朋友先好叫，因為太辣都試唔出個味道🤣🤣🤣除咗鍋以外，仲叫咗薯仔煎餅。平時泡菜煎餅或者海鮮煎餅就聽得多，薯仔煎餅真係好少見，所以一於試吓😍 煎餅嘅size比一般煎餅細少少，啱晒唔係咁多人食，唔晒食煎餅食到撐晒🤣🤣 配埋佢個醬汁都好好食👍🏻👍🏻 最後嗌咗雙拼炸雞，甜辣+醬油味。印象中佢個炸雞只係得有骨的，食起上嚟無咁方便。不過同出面食開嘅韓式炸雞有少少分別，可能係比較乾身？唔知點講不過可能炸雞唔係佢嘅主打，覺得味道一般🤣🤣Btw呢間舖頭個vibes好好，好有韓國style又適合打卡🤣🤣 店員服務都不錯喔👍🏻👍🏻🥰 推薦大家試下～…Read More

星期六晚嚟到呢間人氣餐廳，之前已經聽朋友講要等好耐又無得book位，所以我哋專登5:50pm就嚟到門口排隊🥺🥺 好彩都算快，6:15pm就有得入座～～ 食到7:30pm左右見到門口條隊仲係咁長🤣🤣 想食嘅朋友真係要預時間等位🤣首先叫咗一個Cobber pasta，即係蕃茄大蝦意粉，可以揀辣度我哋就揀咗唔辣。上枱嘅時候賣相相當唔錯，仲有好隻蝦仁😍😍 蕃茄味好濃，但食完又唔會漏👍🏻 小食叫咗蜜糖芥末雞翼😍 芥末味好重好正，多得嚟又唔會辣同攻鼻🤣🤣 而且有6隻，兩個人食嘅話份量啱啱好～～ 因為想留肚食pancake所以就無再叫main了！飲品分別叫咗西柚expresso tonic同埋士多啤梨乳酪沙冰🥰🥰 西柚expresso tonic一開始無咩西柚味，放耐咗啲西柚味先開始出，幾特別～ 可以一試👍🏻👍🏻 而士多啤梨乳酪沙冰好重士多啤梨味，一啲都唔假，不過整體來講成杯嘢都偏甜，推介喜歡甜嘅朋友試下👍🏻Pancake方面叫咗抹茶麻薯味，不過整體其實冇咩驚喜感，可能對佢有好高嘅期待值所以覺得唔太特別，而且價錢都略貴🥺🥺 相反見到左右兩枱都係食緊窩夫，可能呢間嘅窩夫比較好食？🤣🤣 有機會再試吓～…Read More

今晚難得同屋企人出去食飯，揀咗呢間搬國菜，book咗位去到即刻入得🥰🥰我哋3個人去食，食唔到太多所以淨係叫咗4樣嘢～分別係冬陰功湯、咖喱蜆配薄餅、豬頸肉炒河同菠蘿炒飯。首先上冬陰功湯，對我唔食得辣來講都真係幾辣🥵 不過佢入邊啲料（蝦同菇）就唔太辣，勉強都仲食到🤣🤣 但湯飲咗兩啖就飲唔到了🥺 食得辣嘅爸爸就好滿意🤣🤣 之後就上咖喱蜆了😍 見到個賣相已經好滿意，味道好濃郁，薄餅浸滿晒咖喱超好味😍😍 蜆嘅份量都唔少，而且十分大隻！價錢又唔貴，好滿意🥰🥰 之後就係主食，豬頸肉炒河就普普通通，冇咩特別，豬頸肉小小柴，唔建議叫🥺🥺 菠蘿炒飯個賣相好驚喜，好大串菠蘿好啱打卡🤣🤣 炒飯份量都好大，有晒提子乾同肉鬆👍🏻👍🏻👍🏻 不過食完最後已經好飽了，炒飯都食唔晒，三個人可能只係食到三道菜，叫四樣真係太多🤣🤣🤣呢間小店喺大埔嘅後街，隔離都係車房，估唔到有間咁好食嘅泰菜隱藏喺呢度😍😍 性價比好高，見到佢lunch set都係$60左右，有機會再試😍 去大埔嘅話，推薦大家試吓👍🏻👍🏻…Read More

今晚突然想食燒肉，但好多地方都已經book唔切，決定6點試吓walkin睇下有冇位，好好彩仲有位😍😍😍 雖然限時90分鐘，但都夠食🥰🥰我哋兩個人分別叫咗4款肉類同埋一個石鍋牛肉拌飯～ 最後當然食唔晒仲打包走🤣🤣 首先叫完嘢食可以係出面自助區拎前菜/醬汁/生菜/沙律等等，自己想拎就拎幾多，又可以出去refill，感覺都幾好😆😆 而且佢泡菜都有兩款選擇，一款係酸味重啲，另一款係重甜辣味，啱晒唔同口味嘅我哋😍😍😍一嚟到佢就會淋上爐邊蛋先，有原味同芝士味😍😍 而燒肉最好食必定係佢呢個signature喜來烤肉，基本上每枱都係必點，見佢捲咗花花形狀但份量都唔細㗎～ 仲叫咗牛五花，五花腩同豬頸肉～ 豬肉都完全唔鞋👍🏻👍🏻 包住生菜食最正😍😍👍🏻個拌飯份量好大，食完燒肉後其實食兩啖飯就已經食唔落😂😂 所以打包咗個飯第二日做午餐🤣🤣 食飽見到隔離枱食緊雪條，但又唔見餐牌有～ 原本係出面自助區有得拎😍😍 食完燒肉再食條雪條解膩十分不錯🥰🥰總結嚟講雖然價錢少少貴，但絕對值得再次到訪🥰🥰…Read More

星期六晚6:30去到沙田sensu，見門口都有啲人圍住但行埋去兩位竟然唔洗等位可以即刻入坐😍😍係門口已經見到有個二人套餐餐牌，down個app做咗會員就可以$388@1 set都幾抵，分別有餐湯，前菜，Pasta/Risotto，Main，同飲品～ 就決定食呢個了😍😍😍 呢日嘅餐湯係忌廉蘑菇湯，真係好濃嘅磨菇味，不錯👍🏻👍🏻 然後前菜我哋揀咗小食拼盤，分別有4隻單骨雞翼、2隻吉列蠔、芝麻醬豆腐秋葵🥰 單骨雞翼係水牛城味👍🏻👍🏻 好好味但有少少辣，見餐牌有明太子口味嘅單骨雞翼，下次要試下先得😍😍 吉列蠔有驚喜感，上枱仲熱辣辣😆😆😆 今次嘅main我哋揀咗雞扒，雞扒有三大塊，個sauce係燒汁～～ 其實呢個配搭都好難唔好食，而雞扒下面仲有少量蔬菜，特別嘅係佢有秋葵👍🏻👍🏻😍😍 好少見到！ Pasta揀咗蒜味虎蝦仁意粉，蒜味好出，而蝦仁都係偏大隻，大概有4-5隻。Pasta嚟講就不過不失，見好多人都會揀蛋包飯，但因為我哋今日想食麵類就無試到了🤣🤣總結嚟講$388+10%我覺得都幾抵食，嘢食都絕對不錯🥰🥰 埋單嘅時候仲送咗張滿$200-100嘅coupon😍 下次可以試下lunch都唔會太貴🤣🤣 推薦大家都試吓😍😍…Read More

上個星期日晚嚟咗呢間觀塘Dodam chicken，見佢食炸雞烤雞都幾出名，一於慕名而來😍😍因為得兩個人所以都叫唔到太多嘢食，所以揀咗牛肉炒粉絲同埋芝士辣烤雞😝 雞方面佢有好多唔同款，見呢個係佢推介又有芝士就揀咗呢款了🤣🤣 飲品我就叫咗Stawberry Smoothie～落完單之後好快就上飲品，Stawberry smoothie無咩驚喜，就係平時出面飲到嘅味🤣🤣 等咗一陣就上埋炒粉絲，佢呢個炒粉絲同平時有少少唔同，係偏扁同寬，但口感都不錯👍🏻👍🏻 牛肉份量都唔少！但有少少失望嘅係食完成碟粉絲個烤雞都未上🥺 同埋烤雞上嚟嗰陣都只係微暖唔係十分熱😢 不過佢嘅份量好多，仲有炒年糕、菜、芝士獅子狗等等配菜～ 雖然佢話係辣但作為一個唔係咁食得辣嘅人都覺得冇咩辣味🤣🤣🤣 怕辣嘅人都可以放心叫！👍🏻👍🏻 兩個人食晒兩樣嘢已經好飽～ 🥰🥰另外仲想講呢間舖頭嘅冷氣好大，而且坐嘅位置仲要係被風吹正，坐得唔係幾舒服🥹🥹 提提大家帶返件外套會好啲！…Read More

今日lunch去咗銅鑼灣樓上舖試呢間Siam 28～ 一直都見有幾多人介紹，終於有機會試到😋😋Book咗lunch 12點去到唔洗等就入等～ 餐牌都有好多lunch set選擇，而且仲可以用優惠價加小食或甜品，價錢絕對可接受👍🏻👍🏻🥰 我叫咗鮮蝦炒金邊粉，再加$28有芒果煎糯米飯～ 落單後首先送上湯，有得揀冬陰公湯同清湯，本人唔食得辣所以就叫咗清湯。湯入面有幾舊冬瓜，冇咩特別🤣🤣 然後就上金邊粉，冇諗過佢個金邊粉係咁精緻，有啲surprise😍😍 味道都唔錯，蝦都有3-4隻😍😍 甜品係後上嘅，芒果糯米飯上嚟嗰陣仲熱辣辣🥰 佢個糯米飯有啲特別因為係煎嘅，食落去有啲飯焦咁嘅感覺，個人好中意🤣🤣 雖然係$28但佢都唔算細份👍🏻👍🏻總括來講，呢個午餐好有驚喜，而且想坐耐啲傾吓計都冇問題，性價比都算高👍🏻 會再有下次😍😍😍…Read More

Shakeshack係香港開咗咁耐但今次先係第一次食🤣🤣 今次同朋友兩個人都唔係好肚餓，分別叫咗Shake Burger、Chicken shake burger、Chesse Fries同一杯lemonade～ 我本人係食Shake Burger，其實就係芝士牛堡🤣🤣 個人覺得好普通無咩特別，牛唔係特別好食，50幾蚊平又唔平貴又唔貴，只可以話下次唔會再食呢個包🥺 而朋友食雞堡就話好嫩比咗啖我試，試咗一啖覺得出色過牛好多😍😍 佢雖然係炸雞，但入面嘅肉仲可以保住嫩滑！有下次一定會叫呢個😋 去到薯條，老實講有啲失望，因為係shakeshack最出名，但我同朋友都覺得佢只係放咗塊卡夫芝士係面再整熔佢🥲 連芝士形狀都係正方形😂😂 自己係屋企都做到嘅誤果，而且芝士嘅份糧都好少，食返普通薯條仲好🥹🥹總括然而覺得試一次就好，有興趣試嘅朋友我推薦Chicken burger更好吃👍🏻👍🏻…Read More

星期五晚7點幾嚟到要等幾張枱，不過等候時間都好快👍🏻👍🏻呢間其實食過幾次，今次食都仲係咁出色，所以都會keep住有下次！😍😍 上次嚟叫咗便當，試咗佢個黑醋雞好好食，所以今次就直接叫咗黑醋雞定食同埋自選飯+麵set🥰🥰 黑醋雞每次嚟都係咁好食，好少喺其他地方食到，雞肉好滑，肉同配菜都十分入味！😍 不過佢個賣相唔係好討好，得四至五舊雞，個人覺得有啲少🥺 不過味道勝於一切！定食仲會跟埋麵豉湯同茶碗蒸，其實食晒都已經好飽，但都好想食多幾舊雞肉🤣🤣 另一個飯麵set就分別叫咗滑蛋雞肉丼同冷蕎麥麵！上到嚟份量超級大🤣🤣 身為女仔其實淨係食飯或者面已經夠飽，不過一次過可以食兩樣嘢好滿足🥰🥰 先講滑蛋雞肉丼，佢個飯有少少濕，可能因為好多汁嘅關係，不過味道都可以，乾返少少就perfect～ 而冷蕎麥麵個汁係鰹魚汁，就咁食都唔覺得dry😍😍 而且呢個set都係跟埋茶碗蒸，食完真係好飽🤣🤣 啲麵同飯麵未食晒！下次都會繼續encore👍🏻👍🏻 價錢兩個人below $300，呢個quality好抵食🥰🥰…Read More

星期日晚8點去到呢間餐廳門口已經好多人等緊位，兩個人大概要等十張飛～去到先知原來有得用the gulu拎飛，咁下次就唔洗等咁耐了🤣🤣入到去就可以用QRcode落單，見好多人都係食佢啲炸物定食，今次同朋友兩個人就叫咗一個招牌吉列豬扒定食同吉列海鮮定食👍🏻👍🏻 落單無耐就先送上吉列豬扒定食，定食仲配埋麵豉湯、漬物、沙律同茶碗蒸～ 茶碗蒸愛好者表示非常滿足🥰 雖然入面無海鮮，但都可以過吓口癮！😍 沙律係一般嘅椰菜絲沙律配芝麻醬，正正常常。去到主菜，吉列豬扒真係不錯😍 外面嗰層炸物唔會好厚好un口，豬扒亦一啲都唔韌🥰🥰 我女仔食一個定食食到一半其實就開始飽，豬扒同飯都食唔晒唯有比埋友人食😂😂 朋友嘅海鮮定食今次就無試到，不過見到炸魚都好大塊😍😍 留返有機會再試。另外見到隔離枱啲人食完碗飯仲可以叫佢加飯，好適合啲大食怪，唔洗驚唔夠飽😆😆 仲想講下佢上餐時間都有待改善～ 我叫咗吉列豬扒定食好快到，但食到一半友人嘅吉列海鮮定食先上🥹 而其他較遲嚟嘅客人都已經上咗吉列豬扒，我哋懷疑主要係出咗豬扒先，其他就要等耐少少😂 如果等埋一齊食嘅話好容易會凍咗就無咁好食。…Read More

星期五晚同朋友兩個人7點左右到達，唔需要等位～ 見好多人都推薦排骨蛋炒飯，當然要試下啦🤣🤣 排骨其實就係豬扒，好大塊，味道中上。而蛋炒飯相對不錯，好乾身粒粒分明，咁簡單嘅蛋炒飯真係唔容易做得好！另外仲嗌咗小籠包同紅油蝦餃～紅油抄手就食得多，蝦餃真係第一次😍 因為好中意食蝦今次就試下，蝦餃入面嘅餡好足，只係個皮同平時飲茶食開嘅唔同👍🏻 下次可以encore👍🏻 小籠包都爆汁，但沒太大驚喜🤣🤣而甜品就叫咗個荔芋包🥰 店員好貼心見到食完主菜就會問需唔需要開始蒸甜品，亦快快手換晒枱上面嘅餐具🥰 荔芋包比想像中細個，不過味道都ok，見佢仲有好多特色包點，下次有機會再試下…Read More

之前Google見到有人推薦呢間係灣仔碼頭嘅西餐廳，唔單止食評不錯，仲有海景，今次朋友生日即刻book嚟試吓🥳🥰Dinner set都有幾多選擇，首先送上餐湯～是日餐湯係南瓜湯，十分濃郁，已經好耐冇喺出邊飲過好飲嘅南瓜湯😍😍 而前菜嗌咗沙律同鴨肝多士各一，沙律好大份，煙三文魚都足夠，正正常常。而鴨肝多士係一定要嗌❗️鴨肝油脂啱啱好，而且拼埋多士一齊食個口感一流，多士都好鬆軟，加$40絕對值得👍🏻👍🏻去到主菜，店員特別推薦嘅有龍蝦、羊架、乳豬～ 今次就嗌咗一份乳豬一份西冷牛扒～ 首先嚟嘅乳豬好大份，1/4個大大份咁上台。乳豬好香脆，肥瘦適中又唔多骨，呢個價錢真係好抵食😍 牛扒叫咗7成熟，正正常常都OK唔會靭，但相對乳豬嚟講牛就冇咁出色，因為乳豬真係幾驚喜🤣🤣 下次都係試返店員推介嗰幾款會比較好👍🏻 兩份主菜都有薯菜，無諗過薯角都仲好熱，份量多到食唔晒👍🏻👍🏻飲品方面叫咗熱嘅Orange tea同Cold brew milky oolong~ Cold brew milky oolong係一枝咁上，幾特別🤣🤣 熱嘅Oragne tea就適合打卡，茶杯同茶壺都十分優雅。去到最後就係甜品～ Dinner set嘅甜品係已經set好咗，無得選擇嘅～ 呢個抹茶流心撻真係全晚最驚喜最出色，是日MVP❗️❗️ 抹茶味好出，好流心，嫌一個唔夠喉仲想食多個🥺🥺食物方面有9/10，座位方面今次訂座嘅時候order咗坐窗邊，可以一路望住海景一路食🤣🤣 而且去到七點左右，店舖仲會熄燈，轉開枱燈同射燈，環境氣氛一流，好適合慶祝嘅時候去🥰🥰…Read More