AnnaL888's Profile

今日為咗farewell 一個同事，review open rice comment 見依間 唔錯，所以半個月前已訂定枱Lunch menu 大約個半月更新一次，依個menu最update, 4月1號剛更新，款式仲好啱我哋口味添 ，而且不收加一服務費Lunch set 除主菜外，可以選餐湯或者沙律，或者加$15兩樣都要，餐飲係美式咖啡，但可以補差價飲其他飲品。同事話餐湯正常，我就覺得今次嘅青蘋果沙律好清新，好開胃，好正一見新 menu 有軟殼蟹，唔使諗就係佢，軟殼蟹鬆脆夠味唔會偏咸，上枱仲熱，蟹膏意大利飯有蟹肉，而且蟹膏相當濃，不過建議要趁早食，攤凍咗會有啲腥，純熟個人口味。利申 - 本人對軟殼蟹係情有獨鍾嘅因為有個同事係素食者，原本order烤甜椒忌廉汁蘆筍意粉，餐廳提議走甜椒，因為廚師整嘅甜椒汁入面有蒜頭走唔到，所以特別安排咗忌廉汁蘆筍意粉，同事都好滿意呀:)香煎鴨胸一上枱，賣上好吸引，同事略嫌鴨肉生咗啲，要求全熟，餐廳也很樂意去處理，之後同事贊好味，尤其係個醬汁因為餐廳嘅飲品眾多，所以選擇上都要花點時間見到啲拉花實在太靚，我好少飲咖啡同Latte，我都忍唔住叫咗柸黑芝麻Latte, 上枱是暖和，如果可以熱少少就更好喇，黑芝麻味都濃，拉花實在太靚喇環境相當舒服，光猛整潔，味道唔錯，出餐要點時間，預早plan定食咩就最好，我哋已經plan緊下次再嚟食lunch埋單嘅時候，職員提議我哋join member，1蚊1分，500分可以换一個 free drinks下次用, 而且new join member 仲有20蚊可以即時扣減，正呀！…Read More

差不多平均每日(星期一至六)都有一款盅頭飯有優惠，只係@$9.8咋初期特價點心只係@$6.8添，但好似優惠只得一日有飯，無依加咁吸引，飯比較受歡迎咁平，梗係必試啦，每人限叫一盅，上枱夠熱， 蒸飯夠乾身，粒粒分明，但排骨比較少，味道正常合格。下次可以試下孖寶，或者其他點心，價錢都好經濟抵食要留意係茶錢，有分搭枱和唔搭枱，價錢差兩蚊我哋今次一人一盅飯已經好夠飽，埋單都係$41.5咋，超抵食酒樓尚算乾淨，侍應夠多又快手，沖茶上菜都好快，唯一唔滿意就係啲唔衛生嘅茶客(阿伯)…Read More

我哋揀咗平啲嘅 Express Lunch， 同 Premium Business Lunch 嘅分別只係個 main course 唔同, 同樣可以加18蚊Set Lunch Combo，一樣有沙律或者湯再加28蚊以下嘅飲品。是日餐湯係忌廉粟米湯，我覺得鹹咗啲，個人感覺好似田園沙律好啲因為有位同事係素食者， 值得一讚係經理非常之貼心，特別為佢安排咗有兩個選擇，同事就揀咗呢個牛肝菌意大利飯，另外一個好似係蕃茄意粉之類，我唔係太記得喇。值得再讚嘅係仲可以跟lunch set價錢@$108， 講返個牛肝菌意大利飯嘅味道先，我有食咗少少，好重菇味，好香，個飯好好食，如果下次再有機會可以揀依個，我都會跟我同事order依個飯，希望可以加入去正式lunch set menu嗰度我嗰日就揀咗 All Day Breakfast @$108， 因為有好多種唔同嘢食，啱曬我呢啲心大心細嘅人另外3位同事就揀咗 燒美國豬肉眼扒@$118，睇落個賣相幾靚，我冇食過，但只有1位同事嘅豬扒有肉汁，其他兩位同事嘅豬扒有啲乾。…Read More

星期一食lunch見格離嗰間超多人等位，我哋食完過去八卦睇下，望下lunch menu都好多選擇，門口職員叫我哋試下，我哋話下次，職員好熱情，叫我哋聽日嚟，仲叫我哋留電話同名訂枱，仲話遲啲WhatsApp menu比我添，非常識做生意。第二日星期二就過咗去，去到餐廳都未有十二點半， 我哋可以坐張六人枱，因為之前我哋訂咗四個，後尾我哋有六個人，但張枱原來係留被[陳生]， 我哋要出返去門口等，咁我哋將四人枱呢？ 根本就冇留到囉，我哋等咗三個字有多，因為陸陸續續眼見都有好多人嚟，似乎幾有人氣， 等嘅期間發現有張88折嘅poster，明白點解咁多人嚟喇食物上枱嘅速度係非常之快， 可以爭取時間翻枱做多一兩轉嘛同事食河內生牛肉湯粉，加$3轉飲熱港式奶茶，同事話好味，湯底都夠味，但眼見佢個河粉份量少咗啲，同事應該就唔夠飽lu香茅雞翼喇沙，加12蚊轉飲凍志明奶茶， 雞翼有三隻，金邊粉份量足夠，仲有兩粒豆卜，喇沙湯夠濃郁和同事share食，以下係一次過介紹兩個餐，香茅豬扒喇沙 和 鴛鴦春捲喇沙，即炸鴛鴦春捲好味，食嘅時候仲熱辣辣 但豬扒就鬆肉粉重手咗，冇豬味，而且太甜，我和同事都覺得豬扒麻麻地啫， 喇沙湯底嘅金邊粉好味大家最驚喜係跟餐唔使錢嘅熱無糖茉莉綠茶，三角茶包入面仲有玫瑰花，初時大家都以為綠茶只係喺一大壺綠茶斟一杯比你就算嗰隻，呢個跟餐綠茶都幾有誠意總括嚟講，新餐廳係上星期六(12/10)先開始試業，唔收加一之餘仲有88折，CP值都算好高，味道嚟講就合格以上嘅，但座位就真係一般，而且坐得都幾密，有啲迫添，如果真係想試，建議大家最好就十二點半前或者十二點三就好去到喇，因為你留咗電話落咗名訂枱，根本唔會留枱比你 (除非你係陳生啦)，可能一點半後lunch time嘅尾聲先有吉枱可以留卦，門口職員話會whatsapp menu 都係得個講字囉，冇收過呀 ，但佢態度全程都係有笑容，好熱情，好有禮貌嘅:)…Read More

同事提議去新大廈試新餐廳，一樓依間環境一流，枱與枱之間有一定距離，座位很寬鬆，坐得好舒服Lunch Menu 包餐湯或者salad和基本咖啡茶，可以加錢飲其他的飲品，凍飲好似都要加五蚊_食物質素屬於中上，價格合理，不收加一同事對呢個三文魚闊條麵讚不絕口，有兩片煙三文魚，而闊條麵中亦有三文魚碎，口感一流，非常好味鴨胸意大利粉，好有驚喜，有多片鴨胸，CP值好高菠菜麵 (全素), 見同事食到連汁都唔放過就知好味啦因為我想食泰國蘆筍，所以就叫咗呢個，但原來蛋黃汁我唔係太喜歡㗎，純粹個人口味， 但我都全部食曬㗎環境真係好靚，餐廳內同餐廳外嘅景色都好靚，裝修光猛優雅，好乾淨，好舒服，好放鬆嘅環境員工好有善，服務質素好高，有笑容，感覺親切有禮相信我哋好快會再光臨，期待下次嘅美食…Read More

見到淘大有間新稻香，應該都係開咗幾個月嘅啫， 所以星期六休息就去試下，新裝修幾靚，有卡位，但我哋大约早上七點九去到，左邊大廳和卡位已經坐滿了，姐姐比張卡同茶包比我，叫我去入面右手邊廳房，廳房係冇自助水機， 每枱都有保暖壺，我覺得其實仲方便衛生啦叫咗兩個老友記孖寶，兩個人埋單都只係HK$67.5, 非常抵食而且正價點心有六折，下次試下蒸飯，淘大稻香正價點心價錢比觀塘/德福都平少少㗎食物方面，煎釀茄子，魚肉夠多，但茄子很淡口， 而且笳子入面有一粒粒籽，不太喜歡。鮮竹卷勝在夠熱辣辣，好味另外要提係洗手間，行得頗遠，但新裝修而且大，格數又多…Read More

好耐無嚟龍子飲早茶，上次星期六去飲過下午茶， 舊同事都話好食，而且見貼咗張紙寫住茶錢每位5元咋，只限星期一至五，原來早/午/下午茶平日茶錢都係5蚊位，晚市就要@$15講返點心先， 點心熱辣辣上枱， 好食又抵食布拉腸粉好滑， 略嫌醬料唔夠啫，麻醬太油，甜醬太小，又冇辣醬， 不過都算好食蘿蔔糕，煎得幾靚 ，好夠熱，夾開仲有煙出，而且好足料，好味薑汁糕，一般水準，有四大件， 即蒸，熱辣辣上枱， $13.8真係好抵食兩個人食咗三碟點心，埋單都係60蚊咋， 每件點心嘅份量都好足料影埋最近嘅點心紙比大家參考下環境光猛整潔，可能天氣實在太熱，略嫌冷氣不夠涼…Read More

同事傷後復工，我哋幾個同事賀佢回歸，所以揀間好啲嘅餐廳食lunch可以揀湯或者沙律，我哋大家都不約而同揀咗蘑菇湯，泡沫蘑菇湯上枱好可愛，蘑菇湯都足料，但我個人更加之喜歡跟湯餐包，口感好似蒜蓉包但冇蒜蓉味果茶味道都好濃西柚，飲到底有果肉，我自己就覺得甜咗少少，但同事就話佢個杯唔甜同時話意大利飯好食，我冇試過就畀唔到comment，但賣相我就覺得一般喇！同事係男仕，佢話隻春雞份量都夠嘅，但我就偷食咗一條薯條，薯條炸得好鬆化，同事話Cappuccino都好飲但略嫌唔夠濃，咖啡跟餐加廿蚊。我同另外一位同事就揀咗海鮮意大利麵，同事反映意大利麵硬咗少少，但我就好喜歡唔係林啤啤而且啲海鮮好新鮮，不過我自己就覺得個冬蔭公汁甜咗少少，整體我都覺得好好食最後上枱係比目魚，雖然我冇食過，但一上抬見個賣相太靚喇，同事話個魚好滑，佢好鍾意餐廳環境比較有氣氛，3月1號剛剛轉lunch menu，而當天係星期五，lunch 都好full, 建議有興趣嘅朋友記得要訂枱先！價錢嚟講都算可以，環境同食物都好好，有機會下次都會再嚟試其他！…Read More

見到有張黃色孖寶點心紙, 梗係食孖寶啦首先來一個皮蛋瘦肉粥, 上枱仲係熱辣辣㗎, 都算幾足料, 好味跟住上枱嘅係蘿蔔糕拼煎餃子, 老媽讚蘿蔔糕好食, 可能放得耐咗少少, 煎餃子條邊就比較硬咗啲, 餃子餡以蔬菜為主, 有少少肉煎釀四寶嗰兩隻紅綠辣椒係有啲辣, 整碟四寶都比較油咗少少最後上枱係熱辣辣嘅蟹肉蒸魚肚, 蟹肉只得啲啲, 但係魚肚就有好多, 而且好入味, 好食加抵食整體嚟講, 不過不實, 搵個樓面幫下手都唔係咁易㗎, 舉手好耐啲樓面都睇唔到咁㗎😅埋單94蚊平日孖寶時間去到十一點…Read More

之前睇You Tuber介紹過88蚊無限時午市火鍋, 好吸引啵, 所以約埋朋友試下先搭𨋢上一樓, 一出就係, 但門口無人帶位, 企咗一陣, 入面有職員揚手叫我哋入去, 有我哋至愛嘅卡位坐入到去我們表明食火鍋, 可惜嗰日冇酸菜魚, 我哋揀咗胡椒豬肚雞鍋, 午市火鍋跟一份什錦蔬菜(紹菜, 生菜, 菜芯, 鮮東菇和甜粟)和一份美國特級肥牛(兩款牛肉各兩片, 4件好薄嘅牛舌), 份量比You Tuber有啲距離。湯鍋已經好夠味, 幾好味添, 而且個鍋有好多雞肉, 估計大约有半隻雞嘅份量, 咸菜和豬肚都有多件最好係唔使每人一份, 我哋可以share叫一份火鍋, 再加其他野食嘛, 最啱心多多或者細食嘅朋友跟餐食咗牛就加份羊肉試下, 羊肉太(蘇), 唔啱我哋, 好彩只係有4薄片仲可以叫埋點心食, 一次過滿足晒不同口味You Tuber 有提過依個 [海皇脆皮紅米腸], 我哋照跟, 初時以為入面包油炸鬼和蝦膠, 一食就知唔係, 入面好脆好熱, 應該係米網包蝦膠炸咗之後包紅米腸, 真係幾好食, 我哋無點過跟埋嘅豉油, 蝦膠已經夠晒味, 不過食完有啲口渴。總括一下, 我哋好滿意, 價錢好貼地好抵食, 味道都好好, 點心價錢又唔貴, 而且眼見全部蒸點都熱辣辣上枱, 可惜我哋食唔得多希望下次可以試酸菜魚和下午茶點心…Read More

媽媽朋友介紹嘅，所以今日陪媽媽試一下，點心價錢尚算經濟，星期六，日加幾蚊，都可以一試。先來一個鳳爪排骨煲仔飯，有1隻鳳爪 (破開了)，排骨唔似雪藏嘅，好有肉味凱日蝦餃皇(兩件) ，我哋order係震撼早茶優惠，相片係兩客嘅份量 $15.8 x 2, 蝦餃好大隻，蝦好大爽口，食得出有筍粒喺入面，好食跟住係孖寶 - 沙爹金錢肚 [$39.8/2], 賣相唔錯，金錢肚有多舊，略嫌未夠冧，咬唔斷㗎，要全件放晒入口，墊底嘅蘿蔔就比較差，好似未冧，蘿蔔無咩汁，有渣添 孖寶- 香茜叉燒腸 [$39.8/2]，我哋唔喜歡，腸粉屬於有彈性嗰隻，底厚但唔吸豉油，最接受唔到眼見都好多肥豬肉粒唔使等位，裝修新靜，開業幾個月，我哋喜歡普洱茶，好順滑，每枱都有個小火爐熱住壺茶，但如果唔鐘意金屬茶壺嘅朋友要三思了！ 服務都唔算太差但又唔算好啵，有個小插曲，初時上枱嘅鳳爪排骨煲仔飯，有怪味，原來啲鳳爪[宿]咗，即時同束馬尾女部長反應，女部長靜定而冷淡回應表示會換，我當時有啲擔心，換出來嘅會唔會都係[宿]，幸好女部長換出來的是剛蒸好熱辣辣嘅，整個對話女部長沒有為佢哋嘅食物品質出問題而表示歉意，現在飲食業人手短缺，服務水平大不如前喇， 有倒退的跡象添，個人覺得從業員有不少進步空間囉！ 其實酒樓點心款式都有啲創意㗎，睇落都係用心去做，希望可以多加注意啦！…Read More

想轉下口味，而且有鱷魚恤中心嘅50蚊coupon，所以星期六上咗去7樓滿福庭飲早茶。可能我哋早嘅關係，八點多搭𨋢唔使等，上到去門口都唔使等就有位喇，而且眼見仲有幾張吉枱添！當然係試優惠點心啦， 星期六日每款點心加兩蚊點咗四碟優惠點心，潮州粉果和山竹牛肉都係兩件，潮州粉果勁多花生，但啲花生偏硬，唔鬆化，山竹牛肉球都算大粒(忘記影相)，牛肉球口感麻麻，有好多根南乳蒸豬手，上枱賣相麻麻，味道還可以，略嫌八角味偏重，但豬手炆得好冧，老人家都好容易食蜜糖脆麻花係今次我哋覺得最好食嘅一款點心，而且CP值好高, 非常鬆化普洱茶飲落唔錯，好順滑，碗碟尚算乾淨，酒樓環境光猛，裝修仲算好新，坐得幾舒服。但啲員工服務質素就真係一般啦，有好大嘅改善空間嗰隻，估計我哋都未必會再去lu如果以呢個價錢，觀塘有其他酒樓都做到，而且食物水準和服務質素仲高過佢啦。以上內容純屬個人口味和感受分享，可能有主觀成分在內…Read More

早半個月前已訂定星期五lunch, 仲要指定要坐雀籠位，我係經whatsapp訂枱嘅，負責人好爽快話會安排的。於預定日期前兩天，我再經whatsapp reconfirm booking，因為看見open rice啲相有寫字嘅生日蛋糕，並詢問是否也可以安排一下，負責人一口答應當日我哋一行四人準時到達，入口姐姐仔問我哋有冇訂枱，我話有，仲訂了雀籠位，期間仲有walk in客問她冇訂位可唔可以攞飛等，姐姐仔顯得有啲無奈，叫walk in客等陣先，她見雀籠位已經坐滿便找經理，經理同我哋講等一陣就得，有兩枱客已經埋咗單，我哋好快也可以安排入座落單用QR code, 跟set 有餐湯或者沙律揀，當日嘅daily soup係雜菜湯，我覺得湯偏酸，但都好足料嘅，沙律因為唔記得咗影，同事已經食咗一部分，上枱嘅時候沙律係靚啲嘅。跟餐飲品可以叫起後上，啲特色飲品要加錢，凍飲咖啡/茶也要加五蚊。我講咗咁耐，要進入正題，介紹食物喇第一碟上嘅係[軟殼蟹流心蛋凱撒沙律]，隻軟殼蟹係bb size，但係熱辣辣剛剛炸起好好味，流心蛋眼見都好流心，而凱撒沙律我哋就覺得主要都係得生菜，只有幾粒麵包粒和一粒切開咗嘅蕃茄仔，仲好似冇sauce咁。第二碟上枱係[炸魚薯條配他他醬]，有兩大舊炸魚，又係啱啱炸起，外脆內軟，切開舊魚仲有煙出，薯條都熱嘅，味道正常，再配有靚靚嘅沙律菜第三碟上係[五色芝士蘋果手工薄餅]，一上枱已經聞到好香嘅芝士味，薄餅底好脆好薄，芝士加蘋果配搭非常之特別，芝士仲可以令到蘋果特別清甜第四碟上係[醬燒排骨配芥末薯仔沙律]，排骨非常之霖，好容易就可以將條骨推出嚟，醬汁好濃味，芥末薯仔沙律我又唔係好食得出有芥末味，可能係我問題食到差不多經理便過嚟收碟，我便提示他可以上飲品和甜品，經理醒目地打了眼色，當上甜品時，兩位同事見到甜品上有自己個名都好開心兩款蛋糕我都覺得好好味呀總括呢餐都食得好開心愉快，坐雀籠位打卡一流，不過坐4個大人其實有少少迫，而且成日會撞到枱腳，兩個人坐或者小朋友仔坐會舒服好多。我發覺坐雀籠位除咗影相好啲，而且仲係靜啲㗎，食飯期間餐廳入口有好多人等位，建議大家都係一早訂位會好啲PS. 餐廳有部分係自助式，如白開水，餐碟，額外嘅刀叉等…Read More

本來想去食牛什麵，突然間記得宜安街街市1/F嘅車仔麵, 有好多餸可以揀㗎有選擇困難症嘅朋友，可以揀佢嘅招牌車仔麵，大招牌車仔麵有指定12個餸(@$41)，小招牌車仔麵有指定8個餸(@$36), 非常抵食我哋揀咗兩餸車仔麵，車仔麵都唔細碗，女仔一定夠飽，加幾蚊有嘢飲添豬紅好入味。芝士腸正常，沙嗲湯底好味:牛腩好淋，豬腸有咬口，唔係淋啤啤嗰隻 環境有啲似大排檔feel，但冷氣非常之足夠，地方算乾淨，坐得都算舒服，唔逼夾仲有碟頭飯，炒粉飯麵，有好多選擇行開觀塘，可以一試，每日開到下晝五點咋，要食就要早啲去食:)…Read More

星期五晚六點半前已經上到觀塘鱷魚恤中心9樓，想撳飛之際，聽到門口阿姐問幾位，當時有啲猶疑，因為見𨋢口左手邊等候區有幾個人坐著好像等位，我便反問門口阿姐："係咪有位呀？兩位"，阿姐仍舊用佢冷漠嘅態度回答:"要咩茶？" 只可以話佢唔係殷勤，又唔算好冇禮貌嘅，咁我又再問："有冇卡位呀?" 阿姐答無，仲話個半鐘要交枱，但最後我哋都坐咗大約兩粒鐘，全程無人催趕，或者要求我哋埋單先，而且目測全晚未爆滿。我哋兩個人坐四人枱，檯面有好多優惠點心紙，最吸引我哋就係88蚊片皮鴨，我有詢問樓面姐姐，兩個人食得曬一隻嗎？ 樓面姐姐話一人一隻都得佢啲配料有子薑同菠蘿好特別，醬料仲有千島醬，口感幾特別，尤其係子薑，食落又幾ok喎，不過我個人都係鍾意傳統嘅叉燒醬多啲。落單嘅時候，樓面姐姐有提我，隻鴨需唔需要二食，我見二食既款式唔係好啱口味，樓面姐姐又再提我，加@$9.9可以拎走，咁我就話梗係拎走啦！ 樓面姐姐好好人，全程笑笑口，多謝佢多次提醒，所以要加分返到屋企第二日加工煮苦瓜，但隻鴨的肉係冇味㗎，初時仲以為好似燒鴨咁有味，唔知係咪只係我哋個隻係咁呢？另外我哋有叫大蝦粉絲煲，蝦都有好多隻，都算新鮮彈牙，但粉絲略嫌太乾，無汁無味，再加上整個煲太油，口感麻麻，賣相一般！地方光猛整潔，每張檯旁邊都有自助煲水沖茶，枱與枱之間唔算太迫，冷氣足夠，坐得幾舒服…Read More