Purple Rabbit's Profile

天后站附近有好多食日本菜餐館，今日就去咗「榊原」，位置相當方便！Lunch menu 有3款，而我哋就揀咗蝉時雨 （$668/位）有16品，當中包括刺身、壽司、和食、雲丹和卷物！每逢食日本菜，我哋都喜歡一邊飲清酒，一邊享受我哋嘅美食，今日我哋都要了天賦純米吟釀（$180），入口非常順滑！茶碗蒸 - 滑滑的蛋，𥚃面係仲有蟹肉同魚肉！北寄貝 - 下面有蘿蔔苗配埋醋汁，非常鮮甜牡丹蝦 - 師傅已經將蝦膏同蝦肉擺在眼前，肉質爽口日本切碎墨魚 - 上面有三文魚子，增添美味燒鰆魚 - 上面還舖上炸蒜芝麻希魚天婦羅 + 南瓜天婦羅 - 炸醬很薄新鮮赤貝壽司 - 爽口尾長鯛魚壽司 - 好鮮甜葉血引雄鰤魚壽司 - 肉質鮮美深海池魚壽司 - 肉質細緻爽口北海道銀鱈魚壽司 - 肉質肥美大拖羅壽司 - 入口即溶，味道濃郁北海道馬糞海膽 - 一個黃馬糞海膽加一個赤馬糞海膽，加埋紫菜食，味道一流中拖羅蔥手卷 - 裏面混合天婦羅脆脆，提升口感蛋布甸 - 原來係湖北蛋加蘭王蛋做成的，唔怪得蛋味咁濃郁啦！麵豉湯北海道抹茶雪糕整體而言，份量十足，新鮮食材，抵食嘅午市Omakase！…Read More

呢間位於中環威靈頓街的西班牙菜的小餐廳，唔食唔知原來是一間好有創意的fusion菜，味道又幾好添！💥One-BiteWagyu Fole Gras Tartare Bites（2 pcs） A5和牛鵝肝他他、藤椒、迷你油炸鬼 ($138)呢個中西合璧的一口小食，上面係A5和牛鵝肝他他，下面係迷你油炸鬼，非常之有創意，味道又出奇的夾。💥StarterIberico Ham with Melon 伊比利亞黑毛豬火腿、蜜瓜 ($138)外貌已經加曬分，切到成朶花一樣，簡直令人食慾大增！💥TapasGambas al Aillo 西班牙蒜油紅蝦 ($158)紅蝦夠大隻，彈牙爽口，上枱已經聞到好香嘅蒜蓉味，味道帶少少辣，但就令人更加開胃。💥Paella and Fideua Lobster and Seafood Paella 龍蝦海鮮海味西班牙燴飯 ($468)食西班牙菜唔食西班牙飯，就好似缺少一啲野咁！啖啖肉嘅龍蝦邊個會抗拒吖！仲有3隻肥美的青口，薄薄一層的燴飯仲好入味！…Read More

近來工作繁忙，有需要幫自己打打氣，要對自己好一點，就獎勵自己去食廚師發辦！前菜：無花果和滑嫩豆腐都充斥著香濃麻醬味。剌身：1️⃣日本羽太（即石斑魚） - 上面放了酸汁啫喱，可以同紫蘇花可以一齊食，更能提升味道。2️⃣鰆魚 - 上面柚子胡椒，灸燒外皮，迫出魚油香味。3️⃣日本象拔蚌 - 沾上鹽同芥末食即可，爽口彈牙。4️⃣沙甸魚卷 - 白色部份係脂肪，𥚃面還加咗紫蘇葉，將芥末放上面點豉油食，魚味好濃郁。日本松茸湯：這個清湯可以幫大家清一清味蕾，然後再繼續食壽司。壽司：1️⃣深海池魚壽司 - 味道鮮美，還要一口食才有口感。2️⃣牡丹蝦壽司 - 又大又鮮甜。3️⃣鯖魚壽司 - 分成三層，令入口層次感更豐富。4️⃣西京鮪鯛魚配澤蟹 - 魚肉好嫩滑而澤蟹好香脆。5️⃣拖羅壽司 - 入口即化，就是拖羅的吸引力。6️⃣赤身壽司 - 背脊位置所以帶點酸。7️⃣秋刀魚壽司 - 剛好係秋刀魚的季節，所以非常肥美。毛青松葉蟹肉 - 毛青口感似蘿蔔，與松葉蟹肉非常匹配。海膽三文魚籽飯 - creamy 嘅海膽好鮮甜，加埋三文魚籽就更加令人欲罷不能。清酒蒸鮑魚 - 鮑魚已經蒸咗四個鐘，所以只擺些少芥末上面食就已經夠味！吞拿魚蔥手卷 - 脆脆的紫菜加埋鮮甜的吞拿魚碎，又點會唔好食！魚湯素面 - 小小的一杯魚湯麵，完美結束今晚的晚餐。日本蜜瓜 🍈 - 清甜多汁。…Read More

老友係鰻魚控，聽到銅鑼灣有一間過江龍老字號鰻魚店，就叫我一齊去試吓！呢度啲鰻魚係即叫即燒，廚房採用開放式，等客人睇到師傅點樣燒烤鰻魚！呢度餐廳係日式佈置；给人好舒适嘅感覺！🐟菊川鰻三吃HITSUMABUSHI Set ($320) - 蒲燒鰻魚切斷（附米飯），時令配菜，特製清湯，醃菜，三吃配料呢個鰻魚3吃好有趣又好食，店員會解釋俾你聽點樣3吃，餐廳亦好細心預備一張小卡紙，以防客人忘記怎樣食！師傅能將厚實的鰻魚，烤至外皮香脆，柔嫩的厚肉，油脂豐滿，呈現喺你眼前！🐟+🐮鰻燒和牛御膳 Unagi Wagyu Set （$458） - 蒲燒鰻魚一條，日本A5宮崎和牛，白飯，日式腌菜，鰻肝湯呢個係新餐單，加咗和牛，當然要試吓啦！原來除咗鰻魚咁出色之外，呢度啲和牛都不錯！和牛油脂分布均勻，食後滿口充斥油脂味！鍾意食鰻魚嘅朋友，不妨考慮也來朝聖一下！…Read More

我同阿女都鍾意周圍去發掘美食，今日又俾我哋係馬鞍山找到一個隱世Cafe!每款Combo 可以包括一杯$45 以下飲品，真係好抵食！💕Summer Salad Combo （$88）呢個其實係一個daily special salad，因為係因應天氣所做，𥚃面有紅菜頭、南瓜、發達芝士、洋蔥、果仁碎、沙律菜，配埋醬汁，味道真係好fresh！啱晒宜家嘅天氣！牛奶咖啡（熱）LATTE（HOT） - 拉花好靚💕全日早餐 ALL DAY BREAKFAST COMBO（$128）喺呢度一個Signature Dish！真係好豐富，有煙肉、大啡菇、德國腸、炒蛋、沙律菜，茄汁豆、車厘茄、乳酪，仲有兩塊toast，食完都覺得很滿足！阿華田（凍）OVALTINE （ICED） - 我個女對呢杯嘢讚不絕口，覺得非常好飲又好睇，佢話下次都要再飲呢杯嘢！💕辣魚多士 SPICED SARDINE OPEN SANDWICH （$72）鍾意食沙甸魚嘅呢個就啱晒你，沙甸魚味好濃又加上一點辣味，更加惹味！💕法式多士配雲尼拿雪糕 FRENCH TOAST W/ VANILLA ICE-CREAM （$82）呢個非常之推介，因為好少可以食到一個流心嘅French toast ，toast 外皮煮到金黃色，最面層係脆糖衣，加埋雪糕一齊食，味道一流！😋😋唔怪之得店員話有客人專程為這甜品而到來喇！呢間Cafe 有個特色係日間係Cafe 晚上變身為居酒屋，下次應該會晚上先去，可以感受下另一番風味！…Read More

一向都喜歡去圍方揾餐廳食飯，因為圍方係大圍站上蓋的商場，非常方便！今日就去咗這間開業不久的「Whole Day」食 Semi-Dinner Buffet!呢度佈置好清新特別，座位舒適，淨係沙律Bar已經好豐富，有齊火腿、芝士、車厘茄等，仲要有海鮮好似翡翠螺、煙三文魚、青口、凍蝦！個人特別推薦翡翠螺同煙三文魚，煙三文魚好新鮮，翡翠螺就新鮮爽口，配埋泰式辣醬，味道更一流。主菜白酒忌廉蟹肉手工粗管麵 - 忌廉醬汁香濃，裏面混入咗蟹肉絲，粗管麵質地好煙靭，如果蟹肉絲再多啲就更Perfect！經典牛肉漢堡配竹炭包 - 牛肉的香氣和多汁感、加上碳足包的獨特的味道，就更添美味！今晚仲加咗甜品（+$25）係Mango Passion Layer Cake，蛋糕不是太甜，完滿結束今晚的晚餐!臨走前先知道原來呢度2點半-8點係happy hour時段，所有酒精類飲品低至8折，店舖還有私人位置可以用作包場，如果提前兩星期預訂仲有85折優惠添！諗住下次大班人約會，呢度係不錯選擇！…Read More

今晚係第一次嚟呢間餐廳食晚飯，今晚仲係為了慶祝朋友生日，大約食咗一個鐘時，正想再order 第二輪食物，有一位女士突然間走過來就好大聲話已經夠鐘，仲放底張單要我們埋單離開，那時才剛剛8點鐘！從來沒有人通知我們食飯有限時間，我哋不單只仲未食完枱上食物，但本來興致勃勃的晚上，被那位女士一瞬間消滅得好徹底，如果有限時間是否應早些通知客人，整晚食物質素又不太理想，由其是石燒紐西蘭肉眼扒，沒有味道兼且非常之靭，所以一定冇下次！…Read More

好耐冇去西貢食海鮮，今日一行五人，知道「六福菜館」已經連續十幾年榮獲米芝蓮一星，當然值得去朝聖！西貢地道魚湯 - 係呢度嘅招牌菜之一，用多種魚同蕃茄熬製而成的湯，非常鮮味，唔怪得見周圍都有飲緊呢個湯！椒鹽奇脆豆腐 - 豆腐煎到外脆內軟。椒鹽焗大連鮮鮑魚 - 呢款都係六福嘅招牌菜之一，鮑魚肉質結實又帶點煙靭，有口感又好味。米湯低溫慢煮元貝 - 第一次食咁特別嘅方法煮元貝，保留元貝嘅鮮味，鮮味同時也滲入米湯裏。薑蔥炒蟶子皇配煎米粉 - 薑蔥炒蟶子惹味都不得了，煎米粉吸收了蟶子嘅鮮味，味道一流。花雕蛋白蒸斑馬瀨尿蝦 - 店員會幫我哋剪開瀨尿蝦，方便我們食用，入口啖啖肉，非常滿足，蛋白蒸得恰到好處，非常滑溜。芝士開邊龍蝦拌伊麵 - 用芝士烹調的龍蝦非常邪惡，旁邊的伊麵千祈不要錯過，因為都吸收曬龍蝦的精華。蜜糖欖角骨 - 甜甜的蜜糖加在咸味的欖角骨，原來也很合拍！蒜蓉粉絲蒸茄子 - 主角係白色茄子，配上蒜蓉粉絲，係今日味道比較清淡的一道菜。海南老椰汁 / 芒果沙冰 - 天氣非常炎熱，這些飲品正好幫我哋降溫！…Read More

今晚慶祝老友生日，大家都係住沙田區，最終決定去沙田帝都酒店食自助餐，一於盡情開懷暢飲！諗住平日應該比較少人，估唔到竟然全場爆滿，好彩一早訂咗位，不然的話可能會撲個空！海鮮係最受歡迎，由其是美國生蠔，因為係即開即食， 又大隻又新鮮，刺身方面就有三文鱼、帶子、阿根廷紅蝦等都好美味鮮甜，另外長腳蟹腳就啖啖肉！熱食就有香煎芝士和牛漢堡、A4和牛薄燒、壽喜燒、鵝肝多士等！和牛漢堡夠晒厚，加上芝士溶係上面就更加口感豐富！沙律、熱盤、飲品等種類煩多，熱騰騰的燉湯都好受歡迎，唔怪之得平日也高朋🈵座！自助餐又點會冇甜品，有各式各樣嘅蛋糕、雪糕、乳酪，真係花多眼亂！竟然仲有我喜愛的豆腐花！😋最後當然唔少得今晚的生日祝福，見証師傅整晚都努力為客人在碟上寫上祝福字句，仲要有熱的心太軟作伴碟！老友好開心見到呢個畫碟，仲話心太軟好味添！今晚真係大🈵足！…Read More

位於銅鑼灣黃金廣場有一間露營主題餐廳，內外佈置都很有露營feel，呢度嘅師傅係日本人，所有食物都係叫即做，星期五、六、日仲有Live Music添！ 🌸露營炙選 • 極上肉匯 A4宮崎和牛薄燒 50g - 入口即溶安格斯西冷牛扒 150g - 肉味濃郁北海道黑豚梅花肉 x 2 & 北海道黑豚腩肉 x 2 - 油脂分布均勻赤鷄脾肉塩味 - 口感嫩滑呢個BBQ set ，肉質上乘，性價比高！🌸雙彩和膳定食野菜天婦羅（4件）- 天婦羅炸粉夠薄吉烈炸蝦 （3件）- 炸得不太油膩熱烏冬 - 口感不錯🍹芒果梳打 / 🍹白果乳酸梳打 - 天氣悶熱最好就是飲一杯清涼嘅梳打！最後仲有自家製藍苺牛乳布甸 - 奶味香濃又不會太甜，味道很不錯呢！😋😋…Read More

旺角瓊華中心有好多食肆，一向喜歡試新嘢，見到這間「牛牛鮮」正在試業中，就一於揀佢！呢度有3個餐你揀，A同 B 餐用餐時間都係150分鐘，只得C 係120分鐘，今晚我哋就揀咗B餐($338/位)，因為難得可以食到潮汕手切牛肉，最推薦牛胸油👍，夠爽口又油脂香味濃！B餐仲送海鮮拼盤一份：有蠔、海蝦、鮑魚同花甲，每款都好新鮮。飲品種類也非常之多，又有自家手工製飲品，仲有紅酒同白酒！小食方面都唔錯，由其潮式炸牛丸，炸得外脆但仍能保留牛丸應有的彈牙！自助區最欣賞就是蟹柳，非常之大條!最後就食雪糕來完結今晚的晚餐!總括來說係抵食又滿足，如果你是牛魔王就更加不容錯過喇！…Read More

Luigi’s 係位於圓方金區演薈廣場頂樓其中一間餐廳，係一間意大利菜餐廳！餐廳仲有戶外露天座位，天氣如果較涼，坐在露天座位，吹下風食吓嘢，係好chill的！🍔Small Plates - Luigi’s Beef Sliders (2 pc) ($158) - 好欣賞今晚嘅小Burger，無論麵包或是漢堡都煎得很香脆，漢堡更能保持肉汁，非常Juicy！🍕Pizza - The New York (12”) ($208) - 店員會即場刨芝士喺Pizza面，批邊脆脆哋，因為有辣肉腸的關係，所以又有少少辣，整體非常惹味。🍫🧁🍦Dessert - Skillet Brownie ($110) - Brownie 同雲呢拿雪糕好夾，仲要新鮮滾熱辣，一個不錯的甜品。🍹Mocktails - Virgin Colada ($79) - 椰子汁味較濃🍹Mocktails - Passion Sparkle ($79) - 味道偏甜值得一提是餐廳有個promotion 8歲以下小朋友，餐廳會提供免費食物，真係啱曬一家大細黎呢度開餐！✌️✌️…Read More

呢間新開的「月華」，原來只是開張了一個多月，今晚被我發現了，離地鐵站只需3分鐘路程。今晚嘅餐單，串燒佔咗九成，而8成都係鷄添！嚟呢度我提議一定要叫「鷄」吖！🍡免治雞肉棒 $38🍡雞皮 $34 - 呢個真心要推薦俾大家，鷄皮燒得夠均勻，非常香脆!😋🍡雞翼 $30🍡雞胸軟骨 $30 - 非常有「咬」感🍡雞心 $30🍡雞尾 $32 - 除咗香仲口感好滑嫩🍡雞腿肉 （塩） $36🍡雞肝 （塩） $36 - 燒至半生熟，俾一般鷄肝較軟熟🍡雞胸肉 （$32）上面加咗柚子胡椒 - 燒至半生熟，肉質好嫩🍡大蔥雞肉 （塩）（$34)🍡牛脷 $52🍡燒炸豆腐 $36🍡燒菠蘿 $45 - 菠蘿好甜兼且可以解芝士玉子燒 $60 - 玉子配埋芝士，更加惹味燒飯團 $45 x 2 - 形狀好似一隻雞腿咁，唔講唔知係燒飯團，飯團燒得外脆內軟！值得推薦！👍🌟每位茶錢 $20…Read More

不久之前也試過呢間大師傅粥品店，不過不是這間分店。今晚突然間想食粥，就立刻搵下附近有冇分店，好彩又俾我搵到！✌️✌️🎖️黃沙豬膶粥 - 厚切豬膶，煮到啱啱熟，不會有「嚡熠熠」的口感🎖️鮮皖魚腩粥 - 皖魚腩夠厚身又新鮮🎖️炸兩腸粉 （細） - 俾想像中大碟，腸粉的皮夠簿，加埋香脆油炸鬼，就係最好味!🎖️豆漿（一枝） - 非常方便，飲唔曬就索性拿走慢慢飲，不會浪費🎖️牛利酥 - 大大件，外層炸得香脆，味道不錯🎖️XO醬炒腸粉 - 個人覺得XO醬味道可以濃些就更好原則上味道同上次那間沒有太大分別，今晚第一次食XO醬炒腸粉，就是味道略為有點淡。…Read More

想一次過食齊刺身、壽司同鐵板燒，我會推薦去呢間，首先會食剌身同壽司，然後再轉去鐵板燒枱食其餘的食物，呢度食材高質，環境高雅舒適，店員殷勤服務，每位都係$1280。🎏口麻醬沙律 + 冬瓜煮 - 前菜🎏左口魚刺身 - 兩片薄切，仲有一片加上海膽，鮮甜有回甘味🎏灸燒梭子魚 - 好香魚油味🎏鰆魚壽司 - 師傅將鰆魚中間切開才包住飯，口感軟熟🎏北寄貝壽司 - 原來現在係北寄貝時令季節，所以非常巨大又爽甜🎏中拖羅+大拖羅壽司 - 將兩者夾埋一齊，簡直無法抗拒🎏北海道馬糞海膽壽司 - 鮮甜無比🎏鉄板燒馬友魚 - 魚皮煎得好恰當，真的是皮脆肉嫩🎏北海道帶子 - 帶子又大又鮮甜，記得要飲埋同樣鮮味的湯汁🎏沙巴虎蝦 🍤- 虎蝦爽口又彈牙🎏香煎鵝肝黑醋汁 - 鵝肝煎得外脆內軟，油香味濃🎏牛肉薄燒 - 牛肉中間夾著炸蒜片和香蔥，更能提升香味🎏鐵板炒飯 🍚+ 炒芽菜 + 麵豉湯🥣🎏日本蜜瓜 🍈+ 車厘子 🍒+ 紅豆抹茶奶凍🍮…Read More