我12:05pm就已經到餐廳係頭嗰兩三位客人, 坐低唔夠5分鐘就點餐。間餐廳冇一個侍應識得講廣東話全部都係內地人，我懷疑間餐廳係內地飯堂，因為成間餐廳嘅食客都係內地人。朋友叫咗個午市套餐, 我就叫咗個魷魚炒米粉。坐坐吓人越來越多，眼見已經12:38分個午餐仲未到，就follow up下。12:45 朋友個餐終於到，但等多10分鐘我個米粉仲未到，已經follow up咗三次。12:55分有個侍應同我講原來廚房冇魷魚。我真係火都嚟埋，原來我坐咗咁耐個廚師都未開始煮，啱啱先知道原來廚房冇魷魚？！跟住我就同佢講，咁你頭先話個廚房煮緊叫我等吓咁我係等緊啲乜嘢？個服務員態度又勁差，我話唔使啦，我出去買外賣食啦，我等唔到啦。(重點係佢又唔係人哋飲茶嗰啲set up預咗慢慢坐，我得嗰個半鐘食lunch冇預過要等一個鐘個一餸飯先到)佢一味就係咁叫我轉午市套餐5分鐘內到。其實所謂午市套餐都係一個餸加一個白飯。(~110hkd)咁我就叫咗個宮保雞丁啦，唔知道係咪湖南菜都係超級爆炸油膩，完全唔啱香港人口味(可能係我自己preference?)，唔講以為冇錢開飯, 有半碟都係油浸同埋啲花生辣椒。我真係走出街食兩餸飯都冇咁嬲。上兩個禮拜上深圳同埋順德玩都唔係咁。唔通湖南菜係咁？啲服務態度係咁”親民”？我真係唔識嘢。內地飯堂真係唔啱我，可一不可再。…Read More
