homeido1992's Profile

話說嗰日咁啱想食米線，就用外買平台app去買了川味美食，送嚟嗰時仲熱辣辣，我同朋友一個買咗撈米線，一個買咗薯粉。撈米線就嗌左豬頸肉腩肉，薯粉就嗌左響鈴同腩肉做餸。兩個都係有少少辣，但其實我同朋友都係我唔食得辣嘅人，少少辣呢其實係好辣嘅程度，所以如果食唔到辣嘅朋友，最好就叫唔辣，因為本身腩肉已經有足夠辣味。餸嘅份量一點都不吝嗇，而且配料10分充足，花生，蔥，肉碎都好足夠，薯粉嗰碗一開啲湯就嚟要倒瀉。雖然薯粉和湯沒有分開上，但係每一條薯粉都吸晒酸辣湯嘅味道，所以食得好過癮，又酸又辣十分起勁。最緊要係窮人恩物，兩碗唔使100，簡直係月尾打工仔嘅福音。…Read More

今日收工朋友去食米線，由於朋友係米線愛好者，所以喺附近搵一間比較有名嘅。咁一直都好想試吓呢間米線，尤其佢有三間分店感覺有質量嘅保證。去到餐廳格局也不錯，有唔少卡位，環境尚算乾淨。點餐冇幾耐下，5分鐘左右就有嘢食，可能撞正係6:00啱啱收工嘅時間，餐廳入面客人唔係好多。點餐時候冇留意嘢飲係跟餐先平，我同朋友淨叫米線加餸就冇呢個優惠咁一杯嘢飲差不多要$12凍飲再加一蚊，下次會睇清楚先點餐。食落其實係一碗麻辣米線，麻佔九成，食唔出酸嘅味道。咁我係一個酸辣嘅愛好者就對麻辣就不太好，食到利都痺埋，所以如果唔係食得太辣嘅朋友就要再考慮一下。餸方面。豬扒分量有三塊幾多，而且味道不錯。咁我朋友食清湯，佢嗌了雲吞同蘿蔔都好入味。…Read More

話說今日和男朋友去Aeon買日用品，順便行超市，順便係周邊嘅舖頭搵一間去醫肚食夜晚。附近都係食日本嘢，全部都係定食。選擇呢間本身係因為見到入面座位寬敞，然後再睇吓Menu性價比高，亦見到不少人外賣，所以決定食呢間。今日選擇了芝士滑蛋炸雞丼以及雞扒泡菜定食，其實本身見到價錢咁平，冇諗過上菜份量係咁多。然後可以加$12無限添飲汽水茶或咖啡，我就無加啦。呢隻上菜係十分之驚訝嘅，芝士滑蛋炸雞嘅芝士份量係十分之多，炸雞味道也不錯亦有汁，滑蛋就跟芝士融合在一起，總括嚟講味道ok嘅。雞扒泡菜就可以講話超大份，味道係比較濃郁，尤其泡菜偏辣，但炸雞就未有泡菜味，但係就有六七舊雞肉，成年男人食都會覺得好飽。總括來講呢間舖頭專食炸雞，上菜炸雞仍然係脆嘅，但係比較偏硬而且，味道會較濃，但係以呢個價錢來講簡直係冇得挑剔。…Read More

一次去荃灣諗住去吃馳名已久的米線，但看見長長的人龍排隊，轉戰其他地方食米線。在轉角見看見有一排小店。其中一間便是川味這間川味美食。雖然小店只有六張枱，而且在疫情下很少機會能夠搭枱。一進去便比Menu上的價錢吸引了，米線或薯粉只售23 蚊每樣餸只+4或5 蚊,我隨口嗌了通菜豬頸肉，而女朋友就叫了腩肉豬肚。來的是是大大的一碗米線，雖然叫了小辣，入口十分10分濃烈，口腔充滿濃濃的酸辣勁味10分過癮，雖然餸嘅份量唔係話超多，但係卻剛剛好。食完碗米線之後係10分滿足而且飽肚，睇返買單唔使$70超平！係平民美食！係用餐期間我見到好多人買外賣，所以係一間好忙碌嘅小店。下次經過會再來吃。…Read More

四起餅家出咗名係良心嘅餅店，但係由於屋企唔近呢間舖頭，所以一直都冇機會親身去店內選購。話說上年四喜出月餅，要朝早去排隊買，所以上年就冇機會食佢香港製造，又有良心，又新鮮嘅月餅。今年佢係中秋節前兩個月已經可以網上訂購，方便不少，所以一早就要訂了三盒。其實未開盒，淨係睇鐵罐嘅顏值已經十分滿意。除了豆沙和蓮蓉係鐵罐包裝之外其他較細個嘅例如伯爵奶茶，花生友，奶黃月餅都是用紙盒，但印製非常精美。而且買一盒鐵罐月餅還會送File一個.今年買了紅豆月餅，花生友和伯爵奶茶，比較令人意外的是伯爵奶茶的茶香非常濃厚，雖然細細個，但係吃一半已經夠飽。另外紅豆月餅個人覺得比蓮蓉月餅更加感覺細膩，而且不太甜，又不太多油。所以下年一定會返買的!…Read More

平時喺觀塘碼頭附近返工，周圍有好多人，尤其係lunch time, 要搵間附近就腳而且味道不錯嘅餐廳好難, 呢間餐廳係我平時同同事去光顧嘅，餐廳離公司範圍只係5分鐘，十分方便，而且份量都幾充足，所以平時lunch ime 都好多人來食嘢, 而且裝修新淨，價格比其他餐廳划算，食物多元化。 餐廳朝早都有開，專給返工人士提供早餐，我就未食過，每次都係最後一刻返到。話說今日食嘅係馬拉咖哩雞脾扒飯$60, 加多塊薯餅就加$3, 凍飲都係$3，上餐一碟係餸，咖哩汁都偏多，另一碟淨飯，就可以自己選擇要多少汁，整體來說味道不錯，會係我平時食晏嘅選擇。…Read More

話說我認識這間舖頭是在網上的廣告，然後發現店舖竟然在我樓下的街市有新開張。我第一天便嘗試了他最馳名的蝴蝶酥和杏仁條,比起其他蝴蝶酥專門店,他的蝴蝶酥和杏仁條比較少甜，十分啱我口味,亦很酥脆和新鮮，價錢比起其他店舖便宜，加上兩包一起買還有優惠。但最令我心動的感覺是唐餅，本身我對豆蓉餅和老婆餅感興趣，因為它們和其他店不一樣是，包含的滿滿的餡料，而且外皮鬆脆，但最後我最愛的是豆沙餅，它的紅豆餡料香而不膩做下午茶一流，一個指數$4買六個減兩蚊另外特別是它難得一遇的糯米糍，真的是偶遇才能見面，因為不是常常返貨，所以大家可以有所期待哦.…Read More

今日和男朋友慶祝週年紀念，男朋友早兩天book 了枱，寫著要穿smart casual, 但其實好多都男生著短褲都無問題。枱對住個維景，個景十分靚。同隔離枱只有一板之隔，有時會聽到隔離枱嘅內容。座位有d 逼。餐廳有做優惠，叫golden ticket dinner, basic 每人$688, 可加錢自選，我就加了兩份甜品set 和特飲，入座後有90min 用餐。前盤很不錯，份量幾足味道唔錯，未食正餐已經有7成飽。反而正餐和甜品比較失色，份量比較少，等候時間亦比較長。最後甜品剛食完就要趕賣單走人。…Read More

同朋友走過樂富uny, 口渴又想坐下。咖啡店又滿晒人，見pokka cafe 新裝修，門外又有蛋糕吸引，就坐低飲杯野，同frd 吹下水。但侍應態度愛理不理，揮手好耐先下到單d 飲品賣相唔錯，抹茶雪糕topping 抹茶和奶就另外上再自己倒上， 味道不太甜。 但味道就沒有很特別。menu 上有lunch set, 見其他人食的份量都幾足，跟餐特飲平dd , 有跟餐湯或者沙律，朋友點炭燒榛子牛奶泡沫咖啡，係lunch set點 會較抵…Read More