黃帝脷's Profile

大熱天時，朕就最鍾意食火鍋，咁啱隨從甲話之前食過嗰間表叔火鍋開分店，仲有埋串燒同刺身食Tim（唔係不嬲都有刺身既咩！），咁朕就緊係要去幫襯下啦！今時今日FREE Wi-Fi同冷氣都係缺一不可既！一入到去，有Wi-Fi有卡位，啱哂隨從甲乙丙既要求，而朕既要求都好簡單，就係要火鍋火鍋同埋火鍋好食！不過既然有新野，隨從甲就一定會試下既！隨從甲就叫左個辣面豉牛雜鍋，個湯夠哂香濃，用黎沾魚皮同響玲就真係無得頂，啲牛雜又夠腍，唔錯！食主菜之前，就梗係試下啲刺身同串燒先啦！隨從甲就叫左個牛舌串燒同埋刺身拼盤，牛舌燒得夠香口，而刺身一放低就俾三個隨從轉眼轟掉，好似前世無食過刺身咁，差啲連啲冰都食埋！真失禮！食完主菜，就梗係開始烚下烚下啦，首先就烚下啲肥鵝腸先，鵝腸夠肥，食落夠哂香口，焯一焯夠哂爽口，手打三寶丸，夠哂新鮮，最梗要係彈牙彈牙同埋彈牙，而午餐肉，佢哋張佢切成條狀，兩啖就食左一條，夠哂方便。終於朕最期待既畫面出現啦，手切頂級牛頸脊上枱，牛頸脊有咬口得黎肉味又夠濃，食完夠哂滿足！------完------…Read More

朕呢排覺得口淡淡，想食啲濃味少少既野，隨從們就即刻有好提議，話說青衣長發商場上一排裝修兼大執位，有好多新舖，而其中一間就係---金泰園！！！一坐底，店小二就推介四人套餐俾朕，話大件夾抵食喎，隨從望過Menu，都話CP值高，可以一戰！咁野食就由隨從發板，朕就只係睇下飲咩就得啦，呢排天氣悶熱，朕就叫左一杯香茅冰降降温！香茅冰飲落香甜清新，又有淡淡既香茅味，咁既天飲香茅冰仲好過飲椰青！先黎小食拼盤，有蝦餅，魚餅同埋春卷，魚餅夠香口，蝦餅又彈牙，春卷又夠多料，加埋個泰式甜辣醬夠哂開胃！跟住就黎朕最喜愛既海南雞，食海南雞除左要滑同彈牙，同埋要無骨，無骨，無骨，啲骨起得乾淨亦都好緊要，同埋個汁都係重點，一個高汁既汁亦都係重中之重，呢度既汁既甜酸度剛剛襯托到海南雞既香味，令人食指大動！豆腐海鮮湯，海鮮都俾足料，有蝦，蜆，魷魚，紫菜同埋粉絲，不過豆腐竟然係用玉子豆腐，就真係估佢唔到！個湯係清甜既！食咁多濃味野，飲個海鮮湯調和下都幾好！跟住就係是日主菜，咖哩大肉㙰配蒜蓉厚多士，大肉蟹真係好肉肉，一口咬落去，啲肉就喺個口度爆出黎，加埋個香濃而又挺身既咖哩汁再配埋蒜蓉厚多士，夠哂大滿足！泰式菠蘿海鮮炒飯，海鮮配料十足，仲有大量肉鬆腰果等配料，加埋原個菠蘿，食落個炒飯都幾乾身，隨從們差啲連個殼都食埋呀！泰式炒雜菜泰式甜品------完------…Read More

朕聽聞葵涌有間食喇沙食到有原隻龍蝦咁巴閉，於是朕就叫隨從同朕Check下間野喺邊，順便幫朕Book埋位。間野喺KCC，喺葵興站行過去都唔駛5分鐘！上到去門口，大大個牌寫住半價84蚊原隻龍蝦喇沙，朕就緊係要試下啦，跟手仲叫埋個開胃酸辣鳯爪同埋香芒椰汁糯米飯。話明想開胃，緊係食個酸辣鳯爪醒醒佢先啦，酸辣鳯爪沙律，鳯爪軟硬適中，夠彈牙，酸辣醒胃，沙律菜又夠新鮮，做頭盤一流。跟住到今日既主菜，原隻龍蝦喇沙，84蚊真係食隻龍蝦都夠回本，加埋一個又濃又好味既湯底，朕一個人差啲食唔哂！最後就緊係要食埋個甜品先啦，香芒椰汁糯米飯簡直就係芒果壽司，拌少少椰汁一齊食，椰香伴隨芒果既鮮甜加埋糯米既煙韌，為呢一餐畫上一個完美既句號。－－－－－－完－－－－－－…Read More

朕今日又同一眾隨從四出尋食，有人就提詳食火煱，有人又話要食刺身，咁朕為左兩全其美，不如就撈埋做瀨尿牛丸吖笨！朕就叫隨從上網Check下邊度有好食既火煱加刺身！隨從就話大角咀表叔，有火煱有刺身，可以一戰！GOGOGO！！！黎到表叔火煱，個格局行大眾平民化路線，啱哂朕咁親民既形象！一坐低，隨從們即刻叫個刺身試一試先，跟手叫埋火煱同配料，大戰一場！刺身先到，條魚尾都仲郁緊，刺身食落清甜彈牙，真係食多多都食得落呀！食完啲刺身，仲可以攞過魚頭去椒鹽，椒鹽魚頭夠哂香口，佐酒一流！店小二仲頻頻幫朕添酒添！跟住到火煱喇，先黎左個鮮蘿蔔清湯牛腩鍋，因為朕都有啲餓，個鍋一上枱，朕己經夾件牛腩食下先，估唔到件牛腩好腍身，仲好濃牛味添，話咁快碟手切新鮮肥牛（大）己經黎埋，碟肥牛雪花均勻，食落油香味濃，CP值高！呢度除左刺身，火煱，都仲有海鮮，朕就叫左聖子皇，隻聖子皇仲大過朕隻手掌，食落仲好鮮甜同埋彈牙，可以再戰！跟住就緊係要試下呢度啲自家製水餃，魚皮＆手打蝦丸墨。阿姐即包自家製水餃＆韮菜餃，用料充足，即包唔會令到啲皮索哂啲水份或者其他喺冰格攞出黎既硬到石頭咁，即包即滾，食落爽口彈牙，讚！！！手打蝦丸拼墨丸，叫得手打，緊係要彈死狗咁先爽，呢𠴱蝦丸拼墨丸除左彈，仲有粒粒蝦同墨魚肉粒在內，用料夠足，無得頂！即炸自家制魚皮夠薄夠脆又係佐酒之選！綜合一眾隨從既意見，表叔火煱可以一戰再戰！－－－－－－完－－－－－－…Read More

朕今日出巡旺角，巡到餓餓地又熱熱地之際，一個醒目既隨從提議不如打個邊邊，正所謂愈驚就愈要克服佢，愈熱就愈要食火煱！無言。。。。。。如是乎朕就同一眾隨從去左（回到味來），穿越左炎熱既旺角，上到黎，朕第一時間就緊係叫冰凍既啤酒解解暑，消消熱啦！120蚊半打，咁低 － 飲死人咩！跟住就緊係㨂湯底既時間啦，隨從話想食雞，朕就叫左米走雞過佢，再叫埋個南瓜湯拼海鮮拼盤，跟手再叫埋手切牛頸脊，回到味來手打牛拼盤，黃金軟殻蟹，養顏花膠，手工鮮蝦雲吞。朕先試下個南瓜湯底，飲落幾厚身，又有濃濃既南瓜味，而拼盤內有蝦蟹，蜆，魷魚和貴妃蚌，朕就覺得貴妃蚌最鮮甜彈牙！而米走雞湯底亦落足料，有紅棗，杞子，懷山，比其他醉雞鍋更香濃，雞肉嫩滑，有淡淡既酒香，配埋手切牛頸脊就更加襯托出佢香濃既牛味！而回到味來手打牛拼盤，用上十成十純牛肉，爽滑彈牙，直頭好食過瀨尿牛丸啦！黃金軟殻蟹外面脆卜卜，裡面香滑嫩，配埋冰凍既啤酒，簡直一流！食到差不多之際，店小二話而家只要Like FB，就送過甜品 － 薑茶水中花，因為製作需時，最好預留十分鐘製作，咁隨從就緊係第一時間做野啦！薑茶水中花，個豆花好香豆味，而個薑茶超濃烈，完全識合寒底人士飲用！－－－－－－完－－－－－－…Read More

朕之前都黎過呢間Cafe食Tea，仲記得朕食左過藍色的漢堡！今次隨從提議黎食Dinner，朕又睇下今次又有咩好野食先！一坐低，店小二就俾個餐牌朕睇，套餐都只不過係幾十蚊有交易，有Main有包有湯有野飲，睇落真係幾底食，等朕叫番過咖喱牛肉温泉蛋芝士鐵板焗飯，日式鰻魚鐵鍋炒飯，棉花糖曲奇朱古力同埋草莓雲尼拿鮮忌廉班㦸做甜品先！是日餐湯－蘑菇湯，飲落有粒粒既蘑菇口感，個湯都算濃，不錯，配埋熱辣辣又香既餐包，真係開胃之選！而主菜就有咖喱牛肉温泉蛋芝士鐵板焗飯同埋日式鰻魚鐵鍋炒飯，個咖喱牛肉温泉蛋芝士鐵板焗飯，咖喱味適中，牛肉夠腍身，仲有隻温泉蛋被香濃既芝士蓋住，撈埋一齊食，既香濃，又軟滑！到朕大愛既日式鰻魚鐵鍋炒飯，鰻魚外脆肉嫩，炒飯亦夠乾身，加埋個日式燒汁香濃味美，因為鐵鍋既關係，仲有少少飯焦添！食完主菜，就緊係食甜品啦，朕就叫左草莓雲尼拿鮮忌廉班㦸，用班㦸包住草莓同埋雲尼拿雪糕，外層班㦸煙靭，加埋裡面軟滑既雲尼拿雪糕同埋鮮忌廉，外熱內凍，多重刺激！最後飲埋杯棉花糖曲奇朱古力，大滿足！－－－－－－完－－－－－－…Read More

隨從放假放到悶悶地，話想約出黎打過邊邊吹下水，跟住仲喺火薈Book埋張枱，於是乎朕就出巡太子，去到火薈同隨從們打過邊邊吹吹水！上到去未曾坐低，隨從己經急不及待叫店小二拿酒來解解渴，而朕就坐低睇下Menu先！朕問隨從有咩推介，佢就話想要海龍皇濃湯鍋，而朕就有啲餓，於是就叫左啲小食酥炸黑松露餃同埋老友鬼鬼，而極上本地手切鮮牛肉就緊係唔小得啦，跟手叫埋個手打四寶丸同埋黃帝菜！首先上枱既係小食酥炸黑松露餃，餃皮炸到金黃香脆，食落有重重既黑松露味，小食餸酒一流！老友鬼鬼又係佐酒小食，老友鬼鬼炸到鬼咁彈牙，再喺上面加上蟹籽，有多一重層次，再配埋冰凍既啤酒，無得輸！跟住到海龍皇濃湯鍋，等朕睇過有幾濃＞·＜呢個海龍皇濃湯鍋有鮮海蝦，有蟹有蜆，仲有火箭魷魚，嗰啖湯朕試過，都真係好有鮮味！打邊邊不可少既就當然有牛肉啦，而朕就最鍾意極上本地手切鮮牛肉，牛肉新鮮彈牙又有牛味，真係多多都食得哂，加埋個手打四寶丸就完滿喇！－－－－－－完－－－－－－…Read More

凍冰冰最好就係打邊邊！朕就叫啲隨從Check下有邊間好野可以去食個痛快！有個隨從好快就應機，話太子有間四川蚊蚊豬老火煱一定要試下，於是朕就決定食佢隻蚊蚊豬！！！一坐低，店小二就放低左幾樽野同埋啲醬料，呢啲粗活就緊係隨從做啦，於是隨從就不斷溝溝溝，店小二就提示隨從記得加埋嗰樽野 － 麻油，無錯係麻油，仲要係一人一樽！除左麻油朕仲鍾意加啲醋，經過一輪瘋狂混醬之後，就緊係叫野食啦！正所謂貪心的人有褔了^。^叫湯底就緊係要雙拼啦！不過張紙仔既雙拼又唔係咁啱朕既胃口，於是就問下店小二可唔可以自己湯底自己拼，店小二話得，本來朕想試下呢度既牛油紅湯鍋，不過朕既隨從一個爛咀，一個喉嚨痛，一個又話生飛支！！！咁朕唯有叫個酸菜鮮豬什拼雞煲（小辣）啦！雙拼上枱，雞煲麻辣既香味撲住咁黎，而個汁食落夠麻加埋小小香辣，而雞件又夠香滑，而酸菜豬什酸酸地，十分開胃，再加埋碟毛肚同埋鮮雞腸夠哂豐富，又唔辣就最啱隨從們啦！跟住就係朕最鍾意既牛肉，朕就左手切牛頸脊同埋泡椒金菇肥牛卷， 手切牛頸脊肉味濃，而且又夠咬口朕既至愛，而泡椒金菇肥牛卷真係唔講得少，一上枱出哂煙咁（乾冰效果），仲有條泡椒成隻手指咁粗！隨從們大叫呢次飽囉！泡椒金菇肥牛卷啲金菇吸左啲湯，再吸左少少泡椒既辣，朕都己經有少少出汗，跟住朕再咬落去條泡椒度，嗰種辣由內而外再由外去番內，朕都要即刻飲番鑵加多寶救下火先！即炸響玲，真係即炸，熱到辣咀，非常鬆化，正！－－－－－－完－－－－－－…Read More

正所謂粉紅色xx，可遇不可求，朕今日出巡荃灣，就正正遇到粉紅色，粉紅色，粉紅色－既Girl Boss，而朕既小小Girl Boss又好似好喜歡粉紅色，於是朕就同小小Girl Boss入左呢間GirlBoss度食晚飯喇！朕叫左個龍蝦包俾小Boss同朕一齊分享，呢個龍蝦包中間烤得香脆可口，龍蝦肉彈牙鮮甜，配埋香滑既醬汁，連小Boss都話Good！海膽忌廉蟹肉意粉，海膽鮮味，意粉又夠彈牙而忌廉汁又夠香滑，份量剛好夠朕既小Boss食飽飽，Good！Teddy Bear，一上枱啲BearBear己經被小Boss消滅哂！！！－－－－－－完－－－－－－…Read More

朕對打火煱既要求好簡單，就係最緊要啲料夠新鮮，夠底夠好味！朕既隨從就係知道朕既心意，佢地就Book左銅鑼灣既漁火海鮮刺身火鍋，朕一上座，店小二就即刻奉上九格醬料，既然黎打邊邊，就緊係要有酒有肉啦，冰凍啤酒就緊架啦，而佐酒小食亦都不能少既，而隨從就叫左鬼馬油條，椒鹽炸大腸，即炸鬆脆響玲。鬼馬油條外層香脆可口，入面非常彈牙！即炸鬆脆響玲，上枱既時候仲出緊煙，咬落非常鬆化，朕會形容為（一陣風）椒鹽炸大腸，店小二上枱時，隨從們仲以為係椒鹽九肚^。^ 食落椒鹽味夠濃，但係大腸味更濃！朕今日叫左個花膠響螺燉豬展做湯底店小二奉上湯底時，朕問一問店小二咁多料點打邊邊呀，店小二就話可以先品嚐呢個花膠響螺燉豬展湯，然後先再加水打邊邊，不過花膠唔想煲過火，所以比較遲落，叫隨從們不要心急！最後真係渣都無！！！品嚐完靚湯，終於都到火煱時間喇，先黎今日重頭戲－漁火特選牛盛薈，裏面有手切牛頸脊，手切牛邊位，Prime牛肉，一口和牛柳粒同埋牛舌芯！朕緊係食Prime牛肉先啦，Prime入口即溶，油香味濃，打頭陣就最啱，跟住朕就試手切牛頸脊，食落爽滑，而手切牛邊位就有嚼勁，牛味香濃，而一口和牛柳粒食落油香味濃，牛舌芯食落爽甜！漁火特色四色丸－ 真係特色，朕問左店小二，豬肉丸包左咸蛋，牛肉入面又有咸牛肉，蝦丸出面有蝦皮，仲有彈死狗墨丸添，超好味！！！－－－－－－完－－－－－－…Read More

朕今日同埋幾個隨從去到太子區出巡，行到有啲肚餓，咁啱個四眼隨從話有間好野介紹俾朕，話去食雞雞雞煲 － 重要既要講三次，係食雞煲，大熱天時三十幾度呢條四眼仔既然提議去食雞煲，個雞煲一定好好食，如果唔係朕一定拖佢出去返掩。。。黎到滾德起火煱小廚，望一望個餐牌，有雞煲，有烤魚，有火煱仲有小菜炒，咁朕就緊係叫左個靚靚花膠雞煲食下，睇下四眼隨從使唔使返掩啦！！！其他既就俾隨從發版啦！靚靚花膠雞煲 － 朕就叫左小辣，個雞煲一上枱，好香濃既麻辣味，呢度標明係用（原味雞），朕就問下店小二係咩東東？原來原味雞係以無激素方式飼養，屠宰後快速冷藏至零下50度，藉此鎖住肉汁，保留原來鮮味，所以就叫原味雞。市面上大多數雞煲，因為麻辣既關係，多數都係用雪藏雞，因為麻辣係超濃味，往往都會遮蓋左哂啲雪藏味，但係呢度竟然用原味雞，令到客人食到較高質既雞肉，值得一讚！講返個雞煲，呢度用石碢上，幾有氣勢，一上枱煲一陣己經（滾得起），嗰陣麻辣味己經撲鼻而出，朕首先就試下個醬汁先，食雞煲除左雞肉要嫩滑同有雞味之外，最緊要都係個汁，呢度個汁夠哂濃味，麻味夠香，辣味唔會太勁遮蓋哂一切（因為朕叫左小辣），朕覺得呢度個汁仲好味過一X雞煲！好味過，好味過，好味過，重要的要說三次！跟住隨從竟然叫左炸蝦餅同避風塘尤魚鬚，佢話佐酒不能少喎！炸蝦餅幾乾身咬落幾彈牙，唔會腍身，而避風塘尤魚鬚辣味就夠喇，而尤魚鬚略嫌唔夠乾身，同埋炸蒜可以再多啲，咁會更加香口，佐酒會更好！既然隨從咁鍾意佐酒，朕就留俾佢慢慢嘆，朕都係食哂個雞煲先喇！雞煲，雞煲，雞煲，重點係唔止講三次咁少架！！！－－－－－－完－－－－－－…Read More

朕都好耐無微服出巡喇，今日朕既隨從就同朕講，有一間高麗菜應讓幾啱朕既口胃，於是朕今日就去到旺角既梨滿園韓國料理試下，睇下係咪真係咁有高麗風味！朕一坐低連餐牌都未睇，阿豬媽店小二就過黎斟水同埋奉上韓式六小碟，比朕一路食一路聽佢介紹有咩野係必試既，而朕每次食高麗菜都係必點既紅燜牛肋骨，呢度既紅燜牛肋骨燜到非常之腍身，但係又唔會一夾就散哂，食落又有好香濃既牛味，而啲蘿蔔仲吸收哂啲牛肉既香味同埋超腍身，真係低讚！呢個韓式醬油蟹就係阿豬媽力推既，朕喺高麗都試過，不過朕就覺得過鹹，店小二就話呢度既唔會，朕就信下佢，醬蟹大小適中，又有蟹膏，醬蟹朕只係會食個蟹蓋既啫，超好味，啲飯有蟹膏既香同鮮味，加埋啲紫菜拌飯超好味，啲蟹腳就留俾隨從們吧！食高麗菜又點少得烤肉呢，朕就叫左個～特選牛肋骨（無醃），特選牛肋骨肥瘦適中，雪花分佈均勻，一睇就知係好野，阿豬媽話（無醃）既肉燒完之後就點少少鹽，就可以吊出佢既肉味，而醃過既就點少少醬油可以更好味。特選牛肋骨（無醃），肉味香濃，肉質嫩滑，用生菜包住，加埋蒜片同埋沙律菜食落可以清新啲，真係食幾多都唔會（漏）呀！紅椒醬醃五花腩片，肥瘦適中，烤五花腩張啲油迫哂出黎，食落香口而紅椒醬醃又夠哂入味，真係連醬油都唔哂沾呀！而秘制豬手，份量都好大，豬皮好煙靭，而肉身亦都好入味，多人食先食得哂！辣汁拌冷麵，鮮紅色既辣汁，睇落好似好辣，但係食落又好似唔係好辣，全因加左大量梨汁同梨肉，食落有甜甜辣辣既感覺（有個隨從話食到流鼻水）！朕就當然無事啦！而冷麵食落夠彈牙，食得辣既朋友不妨一試！－－－－－－完－－－－－－…Read More

朕都有好耐無食過好西喇，應該都有十日八日 >.< 朕今日就自己上網Check下呢排有咩好西食，俾朕Check到一間Hungry Pug，真係Pug全部都係Pug － 朕係講緊啲裝修呀！無論係牆身或者係燈箱甚至係Menu，真係全部都係Pug！朕既目的係食好西，當然就即刻叫野食啦，首先黎左個－燒瑞士芝士多士，燒芝士即叫即燒即熔，多士香脆，瑞士芝士香濃，頭盤開胃最啱！跟住就黎個湯，朕叫既唔係普通既湯，而係東星班配法式海龍皇湯，海龍皇湯非常鮮味，而且仲有原條東星，真係又打得又嚇得，仲好好飲得，下面仲用火暖住，真係幾時飲都得！跟住再食多個香煎韓式一口和牛配自家製泡菜，和牛入口即溶，加埋自家製泡菜有一點酸辣爽脆，有不同既口感，真係食多幾口都無問題！燒烤醬烤焗雞槌，外層香脆可口，猛火烤焗鎖住入面啲肉汁，肉質嫩滑，配理香濃燒烤醬汁，好惹味！跟住就係朕最期待既－低温慢煮加拿大AAA牛肋骨配薯菜，叫得AAA牛肋骨，啲肉質真係無得頂，加埋低温慢煮之後再烤焗鎖住肉汁，就算咁厚身既牛肋骨，食起上黎一啲都唔靭仲好腍身又香口仲有好香濃既牛味。最後就緊係食埋果甜品啦，朕就Order左個－加拿大嘉年華會漏斗蛋糕配雪糕，朕就問店小二咩叫漏斗蛋糕，小二就話同個形狀同味道無關（咩漏斗有味既咩！！！）係關個製作方法事，朕都無再去深究，反正朕係黎食好西，唔係黎食佢個名！致於朕就覺得漏斗蛋糕食落就唔多似蛋糕，似馬仔多啲，食落好脆口，加埋雪糕同芭菲，一凍一熱，一脆一腍，好好味！！！－－－－－－完－－－－－－…Read More

朕法國菜就成日食，西班牙菜就唔係特別有興趣，但係隨從特然話想食Paella，咁佢就揾左間喺灣仔食西班牙菜既－La Cobi 去食個Seafood Paella。朕一坐低就有啲口淡淡，於是就叫左個Iberico cold cut platter同埋杯Virgin Mojito，個Cold Cut黑毛豬火腿脂肪同肉既比例啱啱好，而且肉味香濃，而我個杯Virgin Mojito則入口青新，真係好Fresh既感覺！跟住就黎左個Caesar Salad with Avocado & Prawns，沙律菜清甜爽口，清清腸胃黎迎接跟住既主菜！朕最期待既燒乳豬出現喇－Roasted Suckling Pig ，烤得脆脆既乳豬皮，佢唔似得中式乳豬剩係食塊皮，佢係有肉既，而且仲好有肉味添！跟住就係慢煮牛面珠，因為慢煮既關係，真係非常之咁入味，同埋勁冧身，咬落非常之煙靭，好味！跟住就係隨從最期待既Seafood Paella，西班牙海鮮飯，個海鮮飯味香濃，但因為佢本身係煮得比較硬身（正宗），如果鍾意食軟飯既朋友可能唔係咁啱胃口，但係朕就覺得好咬口！最後就緊係食個甜品啦－Churros with 56% chocolate dip, 西班牙油炸鬼炸得香軟鬆脆，加埋糖粉喺面，再加埋朱古力醬，太邪惡啦！！！－－－－－－完－－－－－－…Read More

朕比較崇洋，鍾意食好西就人人都知，但要食到真・好西－就唔係話咁易！為左慶祝周年紀念，朕今次預早一星期叫定隨從幫朕Check下邊度有好西啱朕胃口，佢今次揾左大坑呢間Bovini，朕都覺得好・很滿意！！！朕一坐低，小二就已經奉上暖水同埋麵包，再俾埋餐牌朕慢慢揀！朕今次見個Set都幾啱朕胃口，於是就叫左個Set，Full Set！小二仲好貼心，話呢度既份量好足，擔心朕食唔哂，唉！！！朕食開九大簋，區區幾味西洋菜色，又點會難得到朕！先黎個Home Made Crab Cake，呢個蟹餅除左有手絲蟹肉之外，仲加左啲彩椒粒同埋黑椒粒調味，外皮金黃香脆，食落有滿滿既蟹肉，加埋彩椒粒，有雙重既口感！跟住就食個Caesar Salad清新下先，清新翠緑既沙律菜，加埋香脆既煙肉作點綴，開胃一流！食左啲前菜，跟住就緊係飲碗湯先啦，朕就要左個Lobster Bisque，呢個湯海鮮味濃郁，真材實料，入口非常飽滿！跟手上埋個Ossobuco Risotto，一咬落口－－－－al dente!!!平時食既Risotto，多數都係比較腍身，而Bovini既Risotto，食落比較有嚼勁，而牛膝有好濃郁既牛味，食落腍身，但係又唔會骨肉分離咁散哂，Good！！！無牛不歡既朕，每次食西，都一定會叫份Steak黎試下，今次朕就叫左個USDA Prime Grade Rib Eye Steak，厚厚的一塊Rib Eye Steak，油脂豐富，肉質軟嫩，讚！！！完滿既一餐，就緊係要有完美既甜品作結啦，今日真的好・很完美！！！心太軟朕就食得多，但係成個噴泉咁既朕就真係第一次食，呢個心太軟，成個拳頭咁大，仲要係Home-made既 Vanilla ice Cream，雪糕幼滑，朱古力蛋糕質地軟滑，朱古力醬香濃但係又唔會太甜，仲要好似爆水喉咁，澎澎聲咁爆出黎，食埋呢個甜品，就真係完滿喇！！！－－－－－完－－－－－…Read More