369nail1999的個人專頁

因為呢個鋪位上一手係麵屋武藏所以對呢間野都無咩期望果然無咩期望之下有驚喜餐廳要求齊人先可以入座覺得合理！冇問題但因為兩人用餐既關係 要搭枱仲要好近隔離 咁就覺得一般點左個叉燒沾麵(辣)第一下飲個湯覺得都幾辣 不過適應左之後都ok個湯都係唔錯既個溏心蛋完全岩晒我心水, 勁中意佢個蛋白唔會仲有d生, 但係個黃仲係全液體簡直一流小食方面order左個牛舌雙食一凍一熱, 凍個個食落去完全係冇左牛舌既口感極失望, 熱個個就唔錯, 有返d脆口彈牙既感覺個汁咸咸地都較得唔錯餃子就普普通通 不過不失埋單一人一百出頭, 算合理價錢…查看更多

住係將軍澳咁耐都係第一次食呢間野朋友食過話佢既粥底火鍋好抵食一於要去試試一坐低order左個肥牛粥底火鍋對d蝦冇咩期望, 所以決定慳返幾蚊唔記得影個爐, 不過冇咩特別, 都係大x樂, 拮野x, 個d火水爐阿姐送餐上枱時真係嚇左一嚇d牛肉份量絕對比上面講個2間多好味又稱唔上既, 不過不失驚喜既係手打豬肉丸有誠意, 唔係佳寶貨色食晒所有野當然就係要加粥落去煮啦d粥未煮前係飯黎, 大家千其唔好當飯食左去呀碗飯側邊仲有d皮蛋, 南瓜,芋頭同粟米, 大家都知皮蛋同粥係perfect match架啦再加埋d南瓜同芋頭, 煲一煲等d南瓜芋頭溶左同d水收到七七八八就食得雖然個樣就唔係幾靚架喇 一食落口真係不得了超香, 個粥好濃味, 食埋個粥就飽到捧住個肚走lu…查看更多

屋企附近冇咩好野食，山長水遠去到新都城，諗住食返琴日食個間野，點知個 tea menu 唔吸引，所以就行過隔離，入左元氣。元氣tea set 係抵食過就咁食壽司好多既，一個烏冬+三文魚沙律+幾件壽司，都係55蚊。沙律既三文魚幾好食，起碼食到佢d 三文魚味，其他野就沙律一個。烏冬就抵讚既，雖然係陽春烏冬，但佢個湯底整得好味，絕對提升左個烏冬既味道，加上彈牙烏冬，真係唔錯。壽司黎講，牛肋壽司好有牛味，火炙三文魚加上黑椒，讓三文魚味再出變化，係有一定水準。…查看更多

舊同學結婚請飲 黎到灣帝景酒店食自助餐價錢呢D野因人而異 所以唔評價先講環境 真係好靚 一到場以為一對新人想搞Poolside party咁激!原來諗多左, 只係布置, 不過都夠靚了食物方面 雖然係西式自助餐但都有唔少中式食物唔好以為飲宴食自助餐就冇乳豬食!一樣有!不過係葡式燒乳豬 食落味道同中式差唔多不過個皮就冇中式咁酥脆仲有清蒸沙巴龍躉 老左 始終放耐左就係咁自助餐既局限三文魚刺身厚切, 食落唔錯不過個擺盤差d, 夾到尾聲時會有d (血水?雪水?)之類係底部 不太美觀我最欣賞係羊架 肉質煮到岩岩好 嫰滑! 有質素另外芝士焗蠔真係不敢恭維引用同枱朋友一句說話: 蠔鼓黎架?我無野補充喇…查看更多

星期日，商場內一定people mountain people sea,定律黎。肚餓，同個fd 行個圈，間間野都要等位，咁當然搵間唔使等位既醫肚先啦。雖然坐滿8成，但都有2成空位，見到都有lunch menu, 就入左呢間食lunch。一坐底，發現原來同平日既lunch menu 唔同既，款式冇平日既吸引，平日有黑炭burger , 紫薯奶，價錢好似再平d。難怪星期日都唔使等位可以直入。菠蘿水果茶冇乜菠蘿味，反而被裡面的火龍果蓋過左菠蘿味。窩夫就中規中舉。個麻醬雞意粉d 芝麻醬幾好食。坐得都舒服，侍應都幾nice。建議平日黎食lunch。…查看更多

無所事事同朋友做深宵街童，遊走整個將軍澳，凌晨12 想搵d 野食下，除左24既m 記， 仲有尚德既無牌小販，仲有甜品店鋪，其實唔知有咩咸野食下。上網search tko 串燒，就搵到呢間鋪呢個時間，都好多後生仔係度食野，情侶居多。最抵食一定係2人套餐，98蚊有兩罐野汽水，幾串串燒，燒茄子，韭菜。深宵時段，呢個份量岩岩好，食完唔會話太飽瞓唔著。茄子個皮唔會燒到黑炭咁，食得安心d,燒得挺軟熟，配上香蒜， 感覺有點像吃蒜香聖子。韭菜都幾香口。環境方面，如圖，留意可能會有驚喜見到迪士尼既卡通人物。…查看更多

今晚隨意去朋友樓下間酒樓食晚飯，今日唔同往日，舊時酒樓晚夜一定坐滿人，今日去到坐滿2/3 既枱，不禁令人擔心香港酒樓既前景。一睇餐單，一至四118蚊3道小菜，都幾抵食。同時又可以叫晚市孖寶個d,計返落每人100蚊左右，幾年前去其他酒樓食晚飯都佢200一個頭。除左去飲,其實好少去酒樓食飯。本身都冇乜期待，但食落去d 野都算唔錯，對得起個價錢有餘。燒雞雞皮夠脆，雞脾位肉夠滑。芝士海蝦伊面芝士味如果再濃d 會更好，海蝦都有蝦味，d 肉唔會梅。龍蝦伊面d 龍蝦冇乜肉，但俾200蚊，都係預期之內。平日咁食法，菜色多樣，好過屋企煮飯，起碼唔使自己洗碗。…查看更多

今年生日去左呢度食野，無他既，我阿哥推介我食呢間，話環境好，有情調，有liveband, 野又好食，唔係貴。但我去到又唔見有liveband🤔有冇人可以解答我？叫得慢煮工房，佢撚手菜一定係slow cook 啦，咁我就叫左個slow cook 既菲力牛，好juice 好濃牛味，size 仲唔細，切開佢有少少血水滲出黎，唔知係咪因為slow cook 既關係，個牛真係好好食，淨係食佢個牛味，唔使點任何配料都得！絕對好食過5,6百蚊位既西餐廳既牛扒。至於龍蝦聞落已經好香，吃落都幾多肉，本人都幾中意，但女朋友就話一般。仲有個手工啤，都唔錯，啤梨味，係甜左少少囉。…查看更多

當小弟還未前往沖繩前，第一次接觸沖繩菜就係樂宴，亦都因為係樂宴，我發現沖繩菜也很合口味，所以我就跟女友去了沖繩。裝修好有日本居酒屋味道，感覺置身日本一樣，每次去都有日本客人係隔離。好少餐廳我會一去再去，因為好食既通常好貴，平既好難做到好食令我會再翻啅。但每次朋友問我有咩餐廳推介，其中一間我會講係樂宴。最簡單既菜式，最難做得好吃，苦瓜炒蛋，就係令我愛上苦瓜的菜式，唔苦既沖繩苦瓜，加上滑一滑既靚蛋，仲有agu 豬肉， 一個字：掂呀花生豆腐，帶出兩個層次既味道，鹹加花生香味，比我在沖繩食既花生豆腐更佳…查看更多