carmei524's Profile

環境方面：整體來說，好乾淨、好chill同文青，座位都有分唔同類型，而我當時係坐沙發位，都算坐得舒服，但沙發有少少林，食野就有少少辛苦。食物方面：cp值高，價錢算平，分量又多，食物擺盤又幾靚，味道唔差，唔會偏淡或偏咸，值得一試。我分別叫左2個lunch set，分別H餐-蜜糖鴨胸蕃茄意大利面和鰻魚飯。首先，H餐等侯嘅時候比鰻魚飯耐少少，應該即叫即整，所以鴨胸食起上嚟甜甜地又脆脆地，幾好食😋，但佢用既番茄粒偏酸，唔係好甜，好彩佢用番茄醬比較多，整體上都唔會太酸。第二個lunch set 鰻魚飯，分量比較多同配菜豐富，一條鰻魚算幾大條，鰻魚醬幾入味，配上清新沙律和醬汁，成個感覺唔會太溜，又健康…Read More

佢地提供多款既晚餐套餐，我叫左個海鮮純豆腐辣湯配白飯，本人比較食開辣，所以佢既湯飲起上黎唔算太辣，餸菜配料都比較多，我比正餐既評價味道係普普通通，價錢唔算貴，都抵食 至於小食部分，我叫左泡菜煎餅和魚糕，煎餅食起上黎脆脆地，特別係邊邊位份量都算多。最令我失望既係魚糕，同傳統韓式魚糕完全唔一樣，本身魚湯係魚糕既精華黎，但佢地既魚湯味道係好似味精公仔麵湯包，加上魚糕食起上黎唔算好重魚味，所以我覺得佢加$配小食係可食可唔食，我唔值得推薦。…Read More

我叫左杯松針綠茶配皇家厚奶，呢種茶葉帶有淡淡的茉莉花香味，配上比較重奶味既調味料，加上，佢地既正常甜度都唔算太甜，飲起上黎比較清爽，岩哂香港人既健康生活！ 整體來講，雖然佢地需要較長時間黎製作飲品，但我可以飲到高質素既野，等下都覺得無咩所謂。另外，每種茶葉各有特色，就算香港咁多間台式飲品店都飲唔到咁有獨特既葉味，而且大部分既飲品都唔過30蚊，都真係算平。另外，佢地服務質素好好，職員好有耐心咁講解茶葉特質同推介飲品，對每一款飲品都明如指掌！ 我係香港好少見到咁用心既台式飲品店…Read More

我同朋友是但搵間coffee shop坐下，hea下，吹水咁，就搵到呢間。 首先，環境方面，整體來說較為乾淨，個到劃分左2大地方，一邊係坐係地下，比較近窗口，可以睇到出面成個風景，而另一邊係好似普通食野地方，有枱有櫈。另外，佢會提供唔同桌上遊戲比你任君選擇，所以，如果同一大班朋友聚舊既話，又真係唔錯既選擇 雖然我唔係一大班去，但個邊有一大班人玩得勁開心，我都感受到佢地玩得幾咁刺激 然後，食物方面，我叫左焗芝士吞拿魚長通粉，佢放既芝士幾足料，醬汁算多，食起上黎唔會覺得干，對於胃口大既人黎講，佢地既份量比較小，可能要叫多幾樣菜式:)。而飲品就叫左杯芝士奶蓋珍珠奶茶，d芝士奶蓋食起上黎幾好食，咸咸地，但佢d珍珠可能放太耐，食起上黎硬同痴住，所以珍珠個部分需要有所改善…Read More

在飲品方面，我叫左佢地招牌係士丹里珍珠奶茶，佢地落奶比較輕，變左杯野飲主要係茶味為主，而茶飲落去都比較香，珍珠偏向大粒小小，食起上嚟比較有口感！ 希望下次可以試埋佢既甜品啦 …Read More

當我好想食韓國菜，但到頭來令我好失望。 如果以佢地整出黎咁既水準，加上咁貴既價錢，根本唔值得！我同朋友一齊食，佢地都話唔會再黎 首先，我地叫左團飯，個樣睇落去好似好好食，但一食落去，個樣同味道完全唔一樣，味道好淡好淡，等同食白飯加多少少芝麻同紫菜咁，我地諗緊唔通廚師無調味？ 食到既味全部都係配料既味，d飯完全唔入味 之後，d年糕唔係煮到林，咬落去唔煙銀同入味，唯獨好食係米腸 最後，我地最期待既烤雞，完全都唔係烤，d雞肉同骨勁易分開，好似人地炆左好耐咁，只係無咁多汁咁解姐。 總括然而，我可以搵間平過佢，又好食過佢既餐廳，真係好難食，我地覺得難食到唔想食，全部都無食哂，如果要講好食，薯條囉…Read More

東薈城2期新開張，開左好多間食肆，睇到呢間餐廳既餐單，好似好多野食，就入左去試下食 我叫左份早餐，而佢地既早餐同民華差唔多，但選擇食物種類比較少，set死左頭6個餐要跟火腿炒蛋，咁我叫左4號單-雪菜肉絲米加杯凍檸茶，上餐既時間都算短，唔洗等好耐就有得食，但個方包無切皮，可能烘得唔夠，搞到食起黎好硬，所以我只係食左白色部分就算，同埋佢d牛油搽得有少少唔均勻，之後黎左碗米，份量非常少，覺得抵唔抵食就見人見志啦味道都算ok…Read More

今日入去食左個lunch set，有飯有麵簡同埋前菜，就咁睇落去都算幾豐富，而價錢唔算太貴，預最貴既餐都係60幾蚊。 我就點左個麵類既lunch set。前菜-雞絲粉皮，佢既麻醬比較澀身，比較難攪拌均勻，變左食食下粉皮有d濃味又有d無咩味，都算入得落口。 主食-水煮牛肉拉麵🍜。首先，碗麵好足料，份量算太，我比較細食，所以食唔哂，但至於食物質素比較差，佢地煮到個麵好林，食落去唔彈牙，d牛肉唔算煮得入味。 小食（需要加$16）小籠包，入面有小小湯飲，口味偏淡，皮比較厚。 至於飯lunch set；有一碗雞湯，主食-四季豆，如果中意食炒四季豆比較干身既朋友仔，呢碟就唔建議食 …Read More

之前都有食過呢間餐廳，但唔記得影相同寫食評。 我今次食set，首先，它的頭盤有三文魚籽，佢哋係三文魚籽上面加左柚子汁，食起上嚟清新開胃，酸酸甜甜，都帶有少少鹹味，所以齋食都唔會覺得好鹹 第二、三碟頭盤係以刺身為主，例如油甘魚同刺身蝦等，食料新鮮，食起嚟帶有鮮甜味。 第四碟頭盤係壽司，一共帶三件，當中令我最難忘既壽司係炭燒魚壽司，食起來有一陣炭烤味和唔算覺得膩口 再黎就係熟食-烤蝦，烤得岩岩好，蝦肉幾彈牙，配埋醬汁岩岩好，我覺得佢既醬汁係用蝦膏煮出黎 其實只係食頭盤，我已經有5、6成飽（可能我太細食，唔係食到好多野）。主食係和牛，唔盤太肥同太瘦，煮得岩岩好，食完主食就可以簡蜆湯或者烏冬，而我就簡左烏冬 。 最後，甜品簡左柚子雪糕，呢個甜品可以清濟 太好食，想再食多次甜品，但已經太飽啦！…Read More

首先，環境寧靜和乾淨，無咩野好講。 在食物方面， 食物整體的質素唔錯。第一碟雞的醬汁清新， 好似加左玫瑰露， 食起上黎好fresh，雞皮脂肪較少，對於唔中意食油利既人，呢款係值得推薦！👍🏻👍🏻❤️ 之後，四季豆有干濕度，唔算太干，都唔覺得太濕，d豆炒得好入味，如果你對於四季豆好講究，可能炒干少少，會岩你地。 至於紅棗糕，唔算太甜，食完d糕唔會痴牙。 …Read More

本人都好滿意餐廳環境同餐碟酒杯 呢間餐廳提供平民價同貴價既消費 而我食既menu set 價位係貴，但環境較浪漫 。至於價$抵唔抵，係見人見知，因為呢間餐廳最有特色係有live music and drama ，一邊等緊野食一邊聽住音樂。 最細心既係枱上面有一張表演Schedule，我覺得呢次表演既程序同內容都十分之好。表演內容主要係60、70年代 配合左仙后餐廳既歷史，而表演者既實力都算高，唱得唔錯，現場既音量都適中。當中有三場表演，分別法國同香港live music 、drama。我最中意係最後一場既歌劇，內容都幾搞笑同感動，會引起成班audience 笑同歡呼。 佢地帶出正面能量，講好多鼓勵既說話，尤其香港人咁大壓力，真係好值得去既餐廳。 食物方面，個人黎講唔算話太特別，不過食物都算新鮮同唔會覺得over cook，整得岩岩好。 總括而言，我覺得貴價消費既原因係live music同表演者既實力高，佢地劃分左平價同貴價既消費場地 ，表演者同內容一定有所不同。至於表演Quality，當然係貴價既場地到消費較好，所以，因應個人既消費能力同喜好而定，對於人係比較注重現場氣氛同有音樂熱誠，會認為貴價既消費算係合理。…Read More

首先，我點左碗番茄湯底+雞扒米線 食落去面還面 番茄湯還番茄湯 仲要番茄湯係酸之後，環境方面，我坐近水吧位置 好不幸地 佢地唔知係咪忙得濟 打倒左杯可樂 彈左少少落我隻腳 衫同面 真係炆左 呢間絕對會bad list 唔會再去 最後， 我食哂雞扒就算數 ！…Read More

同朋友行下街 咁岩經過就睇到佢地個餐牌 一個下午茶餐配珍珠奶茶、蜂蜜綠茶等，先至30幾蚊 出面至少要十幾蚊一杯諗住試下都無妨，就叫左多士配3.6牛乳雪糕同蜂蜜綠茶，一共$35，仲要免加一，勁正！佢d多士烘到岩岩好，唔算太燶，脆脆地，再配埋冰凍既雪糕，至佳的解暑方法下次會再幫襯！佢個環境都乾淨，用黃色為主題，感覺幾新鮮，好彩去既時候係下就，只係少少人，平時聽佢地講中午就好多人如果想同朋友仔high t，簡下就去就唔錯啦…Read More