Patrick Li__'s Profile

雖然已經推出咗好耐，但直到今日先有機會試。本身驚佢好辣，不過只係10小，仲可以走辣椒圈，完全handle到。點咗化骨仙掌燕餃撈薯粉，真心覺得好掂呀！超級惹味！勁開胃，我嫌唔夠多份量可以再多啲𠻹！雖然近年啲人批評譚仔（3哥）質素好似冇以前咁好，但偶爾都有佳品！呢個撈薯粉喺佢轉Menu之前睇吓可唔可以食多次先，哈哈…Read More

老實講，有啲圖文不符嘅情況，明明Menu上面嘅圖好靚，但食物賣相就一般般叫咗串燒，細摻肉骨茶，魷魚蕹菜同埋炒飯。先講肉骨茶，味道濃郁，充滿溫香嘅藥膳味，略嫌少少鹹，飲完一碗未必想再飲多碗。串燒份量細，味道唔錯，個醬係有啲啲甜嘅。魷魚蕹菜，即係水魷魚片加烚通菜，除咗有啲勁辣嘅醬，非常普通，不推薦。炒飯非常惹味，配埋隻蛋幾正，份量足，推薦。…Read More

喺電視見到介紹，懷舊小舖就嚟執笠，膽粗粗試吓同朋友過嚟try try。不出所料真係好多人排隊，好彩我哋好快入到去。可惜嘅係，入邊嘅安排極混亂，我諗同多咗咁多突如其來嘅客人有關。等咗陣總算試到佢個蕃茄牛肉撈蛋通粉。賣相奇差，不過味道異常好食！估唔到蕃茄蛋都可以做到咁獨特嘅口感同埋味道，如果呢款食物放喺靚餐廳，一定有market!熱潮相信好快減退，喺呢間小店未結業之前，大家不妨一試。…Read More

今日去咗呢一間喺新世紀廣場嘅西餐廳,之前一直都冇發現佢，俾餐廳出邊嘅嘅漢堡包廣告吸引咗就決定試試咗佢。雖然最後冇叫到漢堡包，叫咗肉醬薯條、海鮮意粉同埋墨西哥餅，但感覺整體上幾有水準，性價比尚可啦。肉醬薯條嘅肉醬整得好惹味，又辣辣地，配搭得好。而海鮮意粉嘅配料都唔算少，感覺多個出邊一般餐廳，味道中規中矩。至於墨西哥餅,餡料非常豐富，熱辣辣新鮮整出嚟勁好食，推薦！…Read More

去咗呢一間喺麗閣商場food court嘅小茶樓,並且試咗佢哋嘅星洲炒米、棉花雞、燒賣同埋鮮竹卷,整體上味道超乎預期，拍得住大酒樓，雖然價錢唔平，但都算值嘅。炒米粉好香口，不過濕咗啲，而棉花雞份量足，咬落感覺鮮嫩多汁，燒賣嘅話餡料足,可以話係皮薄餡靚。鮮竹卷皮酒中規中矩。…Read More

叫咗牛腩豬大腸同魚肉春卷河粉，味道一般般，而且超級鹹。牛腩雖然感覺算新鮮,但冇乜特別;大腸嘅口感就差啲,外面太軟，入面太彈，甚至有啲硬;魚肉春卷就細份且脆度一般，同埋係麵粉做，唔太得。河粉滑嘅程度都勉強及格,冇乜令人難忘嘅感覺。如果唔係特別想食車仔麵嘅場合,我估我都唔會再光顧啦。…Read More

「Pepper Lunch」係一間我好鐘意嘅餐廳！佢哋嘅鐵板餐真係好好味。今次係我第一次揀佢哋嘅日式鐵板燒餐，即鐵板同飯分開！餸嘅份量提升咗啲，有菇，西蘭花同粟米，咁先夠食㗎嘛。肉質一如既往咁juicy ，加埋香氣撲鼻嘅醬汁，真係好夾！佢哋嘅套餐價錢都算實惠。…Read More

百芳池上便當，係我心目中嘅台灣美食之選！首先，我哋叫咗佢嘅三杯雞便當，雞肉份量多，口感好，最緊要係勁香，每一啖都帶嚟滿足感。令人驚喜嘅配菜，例如粉絲、鹹菜，同飯食係絕配！加上百芳池上便當嘅價錢親民，無論係口感定價格，都令人心滿意足。如果你想嘗道地台灣風味嘅美食，千祈唔好錯過百芳池上便當啊！…Read More

裝修有特色，但環境十分擠迫。職員態度一般，不明白為什麼網上說服務態度好，他們令我頗有普通茶餐廳的感覺，連落單的紙也很「茶記」。book了位，準時到達後卻叫我們在門口外等候，lift口焗了5-10分鐘，見到另一客人可以直接入去，才知道自己被遺忘了😢。一個月前book位的時候，想坐窗口位，職員說「冇得book，建議早點到，可以安排」，入到去看到有窗口位，詢問可否坐的時候，卻說預留了給別人😢，問他們下次要怎樣book到卻得不到答覆，只是隨便回應。8點入席，但送餐很慢，等了45分鐘，食到一半已經送上甜品同叫人埋單，根本是趕收工吧。可能太忙，想添水，向職員講了3-4次才行。甜品最離譜，明明book位時同現場下單都有強調要寫上生日祝福字眼，可是最後竟然是沒有的！幸好最後能換😢食物方面。芝士牛脷好食，好軟腍；燒豬肋骨就一般般，有火燒好看，但酒味太重，難免有苦味；基輔雞排不過不失。…Read More