OpheliaChan012's Profile

第二次黎勿當奴，今次食左馳名既乳豬卡邦尼、豬柳豬、冚家雞同埋新出既扭扭薯條。乳豬卡邦尼🐷呢間友利冰室其實係源於新蒲崗既友利坊，佢既燒味本身已經好高質，乳豬外皮脆肉淋，唔洗點醬已經好好食。卡邦尼入面有煙肉，雖然今次偏咸，但都係好creamy好好食。豬柳強🐖呢到既豬柳豬好食過真麥記，個muffin包唔會好似原版咁好硬，相反個包質偏軟又煎過，好食好多。豬柳方面唔會死咸，似自己整，有肉汁。冗家雞🐔有肉汁既勿落雞，好食過其他連鎖店好多，最緊要6件先$25，仲送埋薯條同野飲，當小食食都抵到爛。普通薯條+扭扭薯條🍟普通薯條係一貫咁高質，粗身又唔會炸得過硬，外脆內軟，唔會太油。扭扭薯條(+$8)係新品，但薯條唔夠粗，薯仔本體唔夠，會好似食粉漿咁，偏硬，不過調味得幾好，可以一試。…Read More

呢間小店可以話係全個葵廣全值得支持既舖頭，90後既店主係昔日馬路建築師，被捕左等上庭。佢亦同Yellowbird合作，寄賣流亡台灣手足親手做既果茶，可以一杯杯唔買，亦可以淨買茶包（128蚊15包）。講翻pancake，佢有4個款，全部都會跟雪糕，可以揀一件（28蚊）兩件（38蚊）或者三件（45蚊），今次我揀左黑白是良知既兩件版。因為係即叫即整，又好多人買，所以都要等翻15分鐘左右。面個d醬好似融左既cream同朱古力醬同朱古力碎，隔離仲有哈蜜瓜味雪糕。個梳乎里pancake好新鮮，唔會過熟，面個層煙韌，入面好似空氣咁，但唔會太生feel到蛋白，控制得啱啱好，同d醬都好夾，真係好好食，仲要咁平，一直要去支持下。…Read More

位於葵廣2樓既章魚無雙，我次次去葵廣都會去食，今次都係食左原味「大阪風章魚燒」 。（28蚊6粒/34蚊8粒）一去到間舖已經好多人排隊，可能因為係星期日所以特別多人，order完店員話要等翻15分鐘到。15分鐘之後翻到去，等左唔夠一分鐘就已經有得拎，預時間預得好好。食落熱辣辣好新鮮，每一粒都有啖啖章魚，仲有食到章魚d蘇，大阪風配上燒汁沙律醬同木魚，好夾個章魚燒，不過章魚燒吸哂d醬所以冇外脆內軟既質感，不過都好好食，下次去葵廣都一定會食！…Read More

去長洲之前做research就揾到呢間舖頭，見佢賣好似雞蛋糕既魚仔燒，香港好少見，同韓國食過既個樣好似，所以慕名去食。食完正餐就去左堂買4粒黎試下，暖烘烘既魚仔燒，咬落去個餡有d似融左既吉士，又有d似奶黃，同個皮融為一體，幾好食。見舖頭寫話凍食都得，所以我買左一盒(10粒)翻屋企，天氣凍，翻到屋企d魚仔燒都已經凍左，再食一粒，發現仲好食過熱食。外皮好似軟既蛋糕，入面就係吉士醬咁，真係有d似泡芙，真係十分推薦！…Read More

聞說厚福街有間9點半後會平好多既魚生飯，久仰大名就諗住去試下。一去到咁啱有位即刻入左去，然後就叫魚生飯。佢送既味噌湯好足料，好多豆腐同紫菜，好好飲。但到魚生飯就唔太掂，鰻魚好食，但得兩小片。八爪魚一般，偏韌。腐皮好食，但好凍。汁燒帆立貝有話3片 其實係將佢切做好薄好薄幾片，完全冇汁燒既味，仲有腥味，完全唔得。火炙三文魚腩真係極品，好厚，但佢切既紋路錯哂，長條型打橫兩條筋，第一次覺得三文魚係難咬爛，仲要唔係好肥，完全唔似腩。總結，7/80蚊仲要加一食呢碗魚生飯好失望。…Read More