eatupmylife's Profile

好耐冇食過香港懷舊鋸扒，今晚嚟到屯門金鳳餐廳搵返呢種懷舊情懷🥰6點半入座冇耐，出面已經排晒長龍，食完就知點解吸引咁多人排隊！餐廳保留咗香港舊式扒房嘅懷舊裝潢，但座位舒適度等等又比起舊式扒房好。睇完餐牌淨係唔同款式嘅牛扒餐都令人眼花撩亂。最後揀咗最傳統嘅西冷牛扒餐同T骨扒餐。點餐冇耐已經好快送上熱辣辣嘅餐包，再配上一查即融既牛油，細個同屋企人鋸扒嘅回憶即刻返晒嚟。再加上又足料又開胃既羅宋湯，已經為後面既主菜打咗個靚底😍小食方面，我哋嗌咗芝士白汁焗西蘭花。新鮮嘅西蘭花同極濃芝士厚厚白汁，呢個配搭完全唔肥膩。重頭戲兩個牛扒餐都絕對無令人失望😎 店員將牛扒餐放咗喺枱上面，果然同朋友好有默契地拎起張紙巾，"炸"！ 相信呢個聲音同動作完全勾起左香港人嘅回憶。西冷牛扒叫咗五成熟，生熟度處理得啱啱好，唔會血淋淋，亦都唔會熟到乾晒。 肉質好鮮嫩，肉味香濃。 再配上店員推介既生蒜，咁多年食鋸扒牛扒加生蒜又真係第一次，原來會在一步提升牛肉嘅香甜！另一個餐係T骨扒餐，呢個肉質比起西冷牛扒鬆軟，但係又唔會話淋到冇口感。咬落依然好juicy! 當然唔少得就係鐵板餐入面嘅薯菜，有薯條嘅香口，亦都有紅蘿白翠玉瓜等蔬菜既解膩。我哋兩個都嗌咗黑椒汁，黑椒汁採用咗新鮮嘅黑椒，完全唔係預製嘅黑椒醬汁，甚至咬到黑椒嘅鮮辣。 個汁好食到我哋最後忍唔住叫咗個白飯撈汁！呢種特色情懷嘅餐廳，唔好以為重點只係得主食緊要，餐飲都尤其重要！ 傳統水吧，叫完飲品冇一分鐘就已經上枱。最經典嘅凍檸茶同凍奶茶茶底香濃唔苦澀。絕對唔係求其沖杯飲品俾你！其實仲有好多扒餐同埋傳統特色香港飲品都仲好想試。 可惜胃就得兩個😿 我諗好快都會忍唔住再嚟打卡！…Read More

環境佈置得好華麗又高檔。入面有個巨大嘅弧形酒吧櫃,擺滿各種酒類,再配合暖暖嘅黃光,營造一個高貴氣派嘅氛圍。餐檯擺設得好精緻,檯面係黑白相間嘅格子磚,再配以木製椅枱,令人感覺高雅特別。周圍牆身亦有特色裝飾,加上水晶吊燈,體現出呢個場所嘅優雅高貴。湯好濃郁,好暖胃。我好鍾意配件呢啲切片麵包,可以嘆晒個湯汁,絕對係最爽快嘅用餐體驗。呢啲暖呼呼嘅湯喺塊寒冬嘅天氣飲特別正!呢個沙律都OK!新鮮生菜同其他蔬菜,包括青瓜、番茄同紅葉生菜。牛油香辣蝦香忌廉手工戒指意粉戒指粉經過烹煮後呈現出濕潤又鬆軟的質地,上面綴有大顆的蝦仁，表面仲灑左D芝士碎屑,聞起來超級香濃，濃濃的奶香和海鮮香氣，食到停唔到口，一D都唔覺得滯。燒美國豬肉眼扒整道菜式顏色好豐富吸睛。醬汁為豬扒帶來一股濃濃嘅醬香味,加上肉排本身既鮮嫩多汁,整體味道相當迷人。經過煎烤,連表皮都酥脆，肉眼又肥又嫩，正…Read More

朋友今日揸車黎到KCC搵食!Season Café, 位似Life@KCC 8樓環境幾chill我地嗌左兩個dinner set先黎湯同包，個湯係用蘑菇泥或幾種奶油調配嘅。湯面仲有碎粒落去,令到個口感更豐富多彩。再配上旁邊嗰塊烤過香噴噴嘅蒜蓉麵包，蘑菇濃郁嘅味道跟麵包香脆可口嘅口感,簡直係絕配。小食方面,牛舌果然鮮美濃郁,配搭青椒同蒜味,又加上串燒特有嘅香氣,吸引力好強,令人食慾大開!雞翼表皮金黃酥脆,餘下噴香扑鼻，肉質嫩滑鮮美雞翼就係咁簡單嘅食材,但要煮到又香又脆又嫩,就需要師傅嘅真功夫。呢個成品真係一流,主食方面，牛扒表皮有種香氣四溢嘅油脂感,但當中的肉汁仲保持住湧流出嚟即使吃到邊緣部分,咀嚼起來都仲有肉質的甜香,可見整塊牛扒都煮到非常入味。配菜有甜味黃色翠玉瓜塊,有種焦香鬆軟嘅口感。跟主菜嘅牛肉呼應,提供咗更豐富嘅口感與層次。另外仲有幾片金黃色澤嘅薯仔, 口感綿密。為牛扒添加咗一分咬勁與餘韻。呢道西班牙海鮮炒飯看上去真係相當吸引!整個菜餚都散發出一陣陣誘人嘅香氣。首先睇到呢碗飯裡頭泛濫著一些肥美嘅海鮮,例如青口、帶子。入口鮮甜滑嫩，蝦肉內層保持鮮嫩多汁飯粒相信因為加入咗一些西班牙辣椒粉或香料來烹調，令到每一粒飯粒都散發香氣。再配合蔬菜方面,有D紅椒同黃椒粒都好好食。呢些蔬菜嚟番平衡下整體菜餚嘅味道。雪糕方面，它接近於意大利式的Gelato,有種絲滑綿密的口感,讓人想起軟綿綿的麻糬。呢杯凍咖啡色澤濃郁透亮,口感順滑，令人陶醉呢間餐廳十分值得一試!!!!!!…Read More

蒜蓉包配湯真係好好味！個蒜蓉包外面脆脆，裡面又軟，散發住濃濃的蒜香。菌湯味道鮮美，帶有淡淡的香菇香，湯底暖胃，又食到菌類的豐富層次，唔會太油膩，當你將蒜蓉包浸入熱辣辣既湯裡，包身吸收咗湯既味道，食起來更加好味。柚子蟹肉沙律真係好清新！蟹肉好鮮甜，彈牙的口感，配上柚子的果肉，酸酸甜甜，特別開胃。大蝦煮得剛好，肉質鮮嫩，浸滿濃郁的蒜油。蒜香與海鮮的完美融合，令人食得過癮。而酸種麵包外脆內軟，咬落去有嚼勁，酸香的味道與大蝦的鮮味好夾。 片皮鴨Pizza真係一個超有創意的組合！薄脆的餅底上鋪滿咗鴨胸似同片皮鴨專用既醬汁，口感新奇這款Pizza既有中式既風味，又有西式既做法，有趣有趣。薄荷朱古力-經典既飲品，好似一場味覺派對，朱古力的豐富和薄荷的清新各佔一席，朱古力的醇厚同薄荷的清涼交織，令整個口感層次分明。上面厚厚的奶蓋，滑滑的口感，加上淡淡的鹹味，與下面的抹茶完美結合。抹茶味道濃郁，茶香四溢，既有苦味又有甜味，正呢間餐廳環境都幾好，可再試!…Read More

我哋點咗個香辣奶香鍋同埋蕃茄湯底，真係好正啊！！個香辣奶香鍋唔單止辣，仲有奶香味，味道好平衡，辣味中帶甜，食完令人回味無窮！呢度嘅湯底真係有幾個特別之處。首先，佢哋嘅湯底選擇多樣化，可以滿足唔同口味嘅需要。其次，湯底嘅材料新鮮，煮出嚟嘅味道特別濃郁，唔單止係一味嘅辣或咸，仲有層次感，令人食得開心。另外，佢哋會用心調配香料，令湯底既有深度又唔會過於油膩，真係好值得一試！魚肉質滑嫩，味道鮮美。而羊嫩肩肉質極為鮮嫩，唔會有過重的羊味，食落去非常滑溜。雞肉搭配湯底，吸收咗湯嘅精華，味道更加豐富，呢個組合真係唔錯因為唔夠食，點咗個鹽酥蝦滑。點知呢個鹽酥蝦滑真係超酥脆！而且蝦滑咬下去好彈牙，口感真係一流，食完令人一口接一口，完全停唔落嚟！結尾我哋叫咗芒果奶凍同埋燉蛋。個芒果奶凍真係好香，奶味濃郁，口感滑溜，咬落去有種清新的果香，令人一試成主顧！而且，芒果味道自然，唔會過於甜膩，正好平衡咗奶香。至於燉蛋，口感柔軟，入口即化，帶有淡淡的雞蛋香味，配上少許焦糖，甜度恰到好處。整體嚟講，呢兩樣甜品為呢頓飯畫上完美的句號，令人心滿意足！…Read More

今日帶完狗仔打針就約左個friend去元朗新商場Yoho Mix 搵食見到呢間Tommy Yummy終於係屯元西地區開分店，咁就當然要一試啦!我地兩個大食怪嗌左兩個lunch set加小食再加甜品，簡直係一頓盛宴我地叫左個椰香青咖哩雞配薄餅，一個菠蘿炒飯想講個椰香青咖哩雞配薄餅真係好香!，D雞扒都好滑，重點係薄餅好香口，酥皮類愛好者表示十分滿意!另一個主菜係泰式菠蘿雞肉炒飯，我地覺得個味道都幾好食，不過如果再多D獲氣就更好啦小食方面必點泰式魚餅，同係泰國食既真係好似，不過都有少少辣，朋友怕辣食唔到另外要串燒，肉丸燒又係出名好食，咬落去完全feel到D肉汁野飲方面我地叫左椰子斑蘭梳打同埋鮮芒椰漿柚子露，大推鮮芒椰漿柚子露，因為口感好rich, 好滑同清新最抵食就係可以半價食到芒果糯米飯，真係性價比極高呢間野絕對一值encore!…Read More

餐湯方面我地要左南瓜湯同羅宋湯南瓜湯 味道清新 口感輕盈，而且食到少少南瓜蓉，口感唔錯，唔會係澀到漿住個口羅宋湯 十分足料，D菜都有D咬口唔會煮到林哂餐包 外脆內軟，而且暖暖地加埋牛油食落好似枕頭咁柔軟!沙律同煙三文魚都份量剛好，酸甜開胃意大利飯 誠意十足 肯定唔係煲好嘅飯再加汁，而且味道都好濃牛扒肉汁好夠，上菜時已經聞到陣扒味!裝修方面 餐廳用返舊鋪嘅格局再換上清新嘅風格，令人感受到新舊融合，十分有格調可能真係新裝修，所以環境明亮，感覺比較清新同整潔一場黎到就算係On diet緊都要試埋甜品!左邊係士多啤梨奶凍 右邊係百香果牛奶布甸兩個都好食唔會死甜 toping好解膩 百香果牛奶布甸奶味更濃，出色既地方係佢反而冇比百香煙搶左個味道，奶味仲突出左添…Read More

今日約咗朋友出尖沙咀chill下好掛住泰國嘢，所以走去食泰國餐廳揀咗呢間thailand king成間舖頭好有異國風情我哋嗌咗豬肋骨配薯條做主菜燒到微焦所以好香，而且啲薯條熱辣辣上嚟夠晒脆，而且個豬肋骨都好厚肉，食落甜甜地又有焦香味!超級推介佢哋個咖喱豬頸肉，一定要配嘅蒜蓉法包！蒜蓉法包本身蒜蓉味香濃，再配埋少少辣嘅咖喱，正！豬頸肉唔太肥，食落爽脆，同埋都幾入味，唔算太辣，香料味為主另外必食嘅就係佢哋嘅炸蝦餅，好足料啊，食落口淡淡都係蝦肉，呢個份量四個人都夠食，蝦餅點埋跟配既甜酸醬，鮮甜開胃!串燒方面嗌咗一口牛同埋豬，肉質鮮嫩，唔會太老，而且配個汁都好好食另外燒墨魚真係勁大份，兩個人其實唔係好食得晒😂😂😂嘢飲方便我嗌咗杯青蘋果冰沙，勁大杯，唔使驚食完嘢頸渴唔夠飲 不過兩個人黎講我地叫太多，其實都好抵食架！…Read More

好耐冇出過嚟荃灣食嘢，見到呢間咁fancy嘅餐廳就決定入去食飯，夜晚見到有幾種套餐，有海鮮、薄餅、同埋桂花啤酒雞，我哋揀咗食pizza因為見到有個北京烤鴨Pizza好似幾得意上首先上場有餐湯配蒜蓉包，蒜蓉包好香牛油味，脆卜卜之後就係泰式柚子墨魚仔沙律，佢個汁酸酸甜甜，配埋洋蔥，感覺清新，墨魚仔有4隻，隻隻都好彈牙北京烤鴨pizza好有噱頭，雖然佢用嘅係煙鴨胸，但係真係用返平時食片皮鴨會用到嘅醬同埋我鍾意餅底夠薄，感覺真係幾新穎另外一樣，我哋叫咗肉眼扒配薯蓉，我哋叫5成熟，塊牛扒牛味都算重，配埋薯蓉同蔬菜中和返油膩嘅感覺 不過兩個主菜嚟講，我自己會比較鍾意北京烤鴨pizza，因為真係未食過咁得意嘅菜式嘢飲方面，我哋分別叫咗薄荷朱古力同埋桂花咖啡朋友話薄荷朱古力嘅薄荷味好濃，而我杯桂花咖啡，我覺得好好飲！因為佢真係有好濃嘅桂花味之餘，亦都冇咗本身咖啡嘅味道！但係兩者又融合得到，就算平時單叫我都會叫黎飲！…Read More

今日約咗個朋友去打邊爐，佢咁啱喺旺角行完街，咁就搵呢間肉浦團啦佢有三個餐可以揀，我哋揀咗set B，而家仲做緊無限時優惠，唔使驚要趕時間食嘢👏🏻👏🏻👏🏻入到去間嘢都幾大間，其實幾好好彩，醬料有好多可以選擇，鍾意食辣嘅朋友不妨可以加滕椒油，超級香嘢飲方面都係有基本汽水同埋茶，我地就飲啤酒🍻🍻我哋叫咗個蕃茄湯底，個蕃茄湯底勁濃郁，平時食蕃茄湯底都會另外叫蕃茄擺落去煲，但係呢個湯底完全唔需要再加蕃茄已經好濃味仲要係食到最後加湯都唔會溝淡咗個味，夠足料肉類方面，本身套餐包嘅肉有封門柳同m5和牛等高質靚肉，不過我哋心思思都嗌咗A4和牛肉眼片同胸片，簡直係再提升至另一個層次而且海鮮方便我哋叫咗蝦，浸落去濃味嘅蕃茄湯之下更顯鮮甜牛滑都推介呀，平時墨魚滑蝦滑就食得多，牛滑都係第一次食如果叫蕃茄湯底嘅朋友，一定要叫粟米食粟米本身已經好甜，粟米蕃茄湯之後嗰種清甜真係冇得頂…Read More

今日接朋友收工喺荃灣食飯，試試呢間好出名嘅摩登堂前菜叫咗個魚子蟹肉菜，我覺得係成餐飯最好食嘅菜！因為擺日頭成啖蟹肉，啲汁多到流出嚟，加埋魚子喺上面超正呀 不過個甜筒入邊有朱古力就略嫌奇怪 不過唔影響味道叫咗個雞同牛串燒各三串，燒得好香，配埋沙嗲汁都幾好食冬陰功湯好大兜，同埋一路熱住嚟飲，入邊有好多菇同埋魷魚，正中我心意呀！嗌左個脆紙卷，因為啱啱乍起，所以食落辣嘴😂😂我覺得味道剛剛好，勝在夠脆之後嗌咗個客入炒飯，不過我覺得呢個就爭啲啦，因為比較清淡，比起頭先嘅菜式就變相平淡咗啲最後就買咗一個榴槤吐司！10分驚喜嘅係麵包日本都有榴槤醬，仲有粒榴槤炸彈添！味道嚟講簡直一流，超超超級好食，榴槤迷一定要試嘢飲方面，嗌咗百香果芭樂茶同埋芒果沙冰，苞樂綠茶底層有好多苞樂，好甜，好飲好飲！食到好飽啊，如果有機會就想試吓佢嘅刨冰！…Read More

今日放工去左將軍澳嘅Chef Stage kitchen食嘢,呢間嘢嘅裝修令人好舒服，好chill返工咁辛苦，唔想再用腦諗食咩啦，所以直接買咗個兩人餐意外嘅係佢哋嘅餐包都有兩種，一種係比較脆身嘅麵包棒，另一種就係有煙un嘅麵包前菜我哋嗌咗炸蟹肉球伴虎蝦沙律，蟹肉球啱啱炸起上枱，所以聞到好香嘅炸味！沙律果汁酸酸甜甜，作為前菜佢好成功打開咗我嘅胃口😂主菜方便我哋叫咗炭燒穀飼澳洲肉眼扒拼香草牛油焗波士頓龍蝦尾配忌廉薯蓉個肉眼扒超好食，厚肉，而且煎得好好封鎖住啲肉汁，咬落啖啖都好Juicy龍蝦尾爽口彈牙，鮮味都好重另外個主菜我哋嗌咗墨魚汁海蝦帶子意粉，本來對墨魚汁意粉都冇特別期望，估唔到呢間餐廳嘅墨魚汁意粉真係會食到墨魚嘅甜味，而且帶子亦都好大粒😌 所有材料都好新鮮嘢飲方面，我哋嗌咗啤酒同埋士多啤梨香蕉朱古力smoothie, smoothie好大杯 都味道都幾啱我入，唔算太甜👍🏻…Read More

為咗慶祝朋友生日，我哋就約咗去一間好有feel嘅烤魚，呢間嘢位於荃灣大鴻輝中心，交通方便，啱晒住附近嘅我哋啦入到去好有feel，裝修真係好似遊樂場咁樣，同埋一入到去就聽到有主場歌手喺度唱緊陳奕迅嘅歌🧐我哋兩個都食辣嘅，所以就嗌咗個辣嘅江團魚，我唔驚訝佢辣椒嘅份量，但係我好驚訝揭開啲辣椒之後又大量芫荽，我哋兩個都係芫荽糖，見到當然好興奮啦不過好好辣嘅我哋就唔覺得個魚特別辣，不過要有嘅香味都齊嘅，順帶一提，佢啲芹菜都幾甜幾好食差唔多食完條魚之後我哋就嗌咗一啲嘢食落落去，有金菇、鵝腸、蝦滑同川粉不過錄完落去先記得影相，不過都好大粒㗎，我自己為咗方便淥呢就將佢哋再細分咗一半另外鵝腸嘅份量10分多，食落爽脆金菇同粉就唔使講啦，就係因為個湯底正，所以當啲金菇同川粉朔晒味之後呢就好好食啦，推薦大家嗌川粉，好食食食吓又想食串燒，於是就嗌咗幾串串燒有牛胸油，唔好睇佢細細吋，其實粒粒都好香，好有牛油味，夠晒蘇，不過我朋友就唔食太騷嘅嘢，我就自己食晒另外嗌咗青椒蝦滑，因為見本身淥落去食嘅蝦滑都幾好食，當然又係好出色，青椒微辣得來帶青椒香另外嗌咗黑椒肉，欣賞佢黑椒味重，而且10分腍另外嗌咗個花甲粉，除咗用辣椒，應該有落到辣椒膏，都幾好食㗎，個底仲有好多粉絲，不過略嫌粉絲朔曬曬啲味之後有啲鹹，我哋最尾選擇淥落去食😂😂😂嘢飲方面，我哋嗌咗一杯水果茶，都好大杯，其實食到最後都飲唔晒另外要咗杯啤酒，啤酒都幾香，又冇諗過佢呢度嘅啤酒都幾好飲，見到隔籬枱嗌咗個tower😛如果一大班人嚟食嘅話應該都幾好feel，不過我平日食都好多人，睇嚟如果book位就會好啲啦…Read More

有朋友介紹話呢間嘢幾好食，於是根本就同屋企人嚟食啦見過裝修都幾靚喎，入邊仲有隻好大嘅Iron Man添我哋兩個人都好肚餓，所以都叫咗幾多嘢食聽聞呢度嘅壽喜燒都幾出名，所以嗌咗一鍋個味道都幾好食，甜甜地，有好多牛肉、紹菜同埋兩隻好大嘅冬菇刺身方面就嗌咗刺身盛合，三文魚食到有魚香同甜味，好出色，赤貝都好好食我哋都叫咗四隻生蠔，中size, 屬於鮮甜系列，鐵銹味嗰隻佢都好鍾意食榴槤，所以嗌咗三粒榴槤炸彈，我諗同平時喺出邊食嘅都係差唔多，熱辣辣炸起都好好食嘅我哋最欣賞係軟殼蟹天婦羅，隻蟹好大隻之餘好多肉，平時出街食嗰啲都係比較瘦身，所以好食到我哋另外都買咗幾隻返屋企嘢飲方便呢度啲嘢飲都係好多特飲，而且好大杯，我嗌咗個芝士奶蓋阿華田都飲唔晒，屋企人嗌咗杯紅豆冰，本身就有忌廉嘅，不過屋企人唔食忌廉，所以就走左忌廉，但係佢話都幾好飲㗎我覺得呢度食嘢都唔算貴，而且佢都做緊優惠，性價比幾高，得閒會再過嚟試吓佢啲午餐…Read More

今日同朋友出尖沙咀行街，見到呢間好有日本風既黑門水產，咁就一於入去食下野啦入到去見到好多日本 poster，真係十足十日本居酒屋店員有介紹佢地最出名既海膽蟹味噌甲羅燒，我地一於就叫左個黎食，仲有叫左個黑松露燒白汁帆立貝職員好細心咁幫我地燒，仲問我地會唔會坐係爐邊太熱，服務態度好好!其實佢一路燒我地都一路聞到香味，食落口更加唔駛講，簡直係鮮味大爆發!另外我地嗌左少少串燒，有豚肉蘆筍卷、牛肉金菇卷、燒冬菇同埋燒雞頸肉!豬頸肉食得到，原來燒雞頸肉都好好食架，唔駛太多調味，就已經食到雞肉本身既味除左串燒，我地仲叫左明太子炒飯同黑鮑海鮮卷。明太子炒飯份量好多，兩個人都唔係好食得哂，而且好好食! 黑鮑海鮮卷就好足料，都好難一啖食得哂，所以好滿足呀…Read More