dingshencheung's Profile

到父母家聚餐, 家父高興, 見眾孫兒到家晚飯, 下午到 "阿爺" 加餸.買了半斤叉燒和1/4燒鵝, 叉燒在柴灣呢個 "叉燒城" 中尚可有立足之地.  可是一打開1/4燒鵝個盒, 只見裡面有十多件叉燒墊底, 上面只有約十件好似食剩既燒鵝.  家人登時嘩然!我叫家人冷靜, 問清楚是否鋪頭臨收鋪前將剩底既叉燒, 燒鵝等并埋一盒, 以低價銷售. 家父話1/4燒鵝係以$158正價買, 係睇住師傅即時斬, 我反了一下白眼, 再望清楚墊底既叉燒, 叉燒係一般茶記將較乾, 難以賣出既部份, 切粒做炒飯嗰種, 明白一般墊底既食品都係下價貨, 但1/4燒鵝用叉燒墊底, 並收正價$158, 是否有點那個?我吃了2件燒鵝, 和以前食過其他鋪頭收鋪前賣剩的沒差別.  半斤叉燒屬正常貨, 正常價錢.相信家人今後會明白, 既然柴灣區有咁多高質素既叉燒店, 不會再貼錢買難受.…Read More

對於毫無烹調技術可言，且任食的火鍋，一向都不存厚望。但今晚與同事慶祝久違了的“花紅”飯局，真係有驚喜。先來個限量的蝦串及蟶子，兩者都好新鮮，蟶子尤其鮮甜。同事見火鍋紙有田雞🐸，即點，平時屋企唔會整，出街食又怕煮唔熟（因為有很多菌），但火鍋可以自己煮長些時間，所以都食好多，雖然煮久一點，但肉質依然夠嫩滑。還有不常見的魚鰾，平時買魚可能會比番個魚鰾，咁屋企人就要爭吃。這裡不用爭，個個魚鰾脹卜卜，夠新鮮，食落好爽好香，encore左一次。有新鮮的龍躉班🐟，又係好新鮮，好滑。還有任點的花膠，前後點了兩次。居然還有象拔蚌，但雪得太久，一次已足夠。多款水餃、雲吞供選擇，但冇乜特別。肥牛反而太肥，屬下等貨式，喜歡食肉既朋友，可能會失望。食物新鮮，款式亦多，以$178可以食到咁既水準，相當超值。…Read More

第一次去添福，基於口痕，想食串燒賣，見有即製漢堡包，即時見異思遷。不用三分鐘，漢堡包🍔已弄好，弄熱的包，加上濃濃的黑椒及洋蔥粒，一口咬落去，整個口腔充滿肉汁，頓時亦充滿幸福感。第二次試個雞扒包🍔，發覺雞扒相當juice，配合千島醬的雞扒包，好吃程度跟漢堡包不遑多讓。政府與其保護歷史建築，倒不如考慮保護這些歷史食店。…Read More

好多次都想試試呢間店，適逢去朋友家拜年，便與太太及小兒子在此地午飯。去過西藏，所以告訴自己千萬別與西藏的比較，畢竟呢處係香港。一開始上個小斜路，便聞到一陣陣的孜然粉的味道，西藏的感覺返左黎。選了麵食及小吃。牛肉拉麵🍲: 麵條軟硬適中，可是牛肉是普通貨式，湯底比預期中淡。羊肉扁麵🍲: 個人獨愛粗身麵，麵夠粗，唯獨偏硬身，羊肉相比牛肉惹味，若配上濃濃既湯底，更佳。涼拌素鵝小吃: 襯上麻油，夠香。香酥腐皮卷: 平平無奇，幸好夠熱，加番少少分。要尋青藏既味道，可以一試。是日每人約$45。…Read More

鍾情滿記、聰嫂，小甜谷乃其中一間有名氣，但從未嘗過其甜品，適逢路經此地，一於試試。看罷餐牌，似乎西式甜品比較穩陣，雖則嚴寒襲港，但仍點了雪泡。熱愛紅豆，雖然對芝麻一般，但仍冒險選了芝麻紅豆雪泡。喝第一啖，發現原來此兩種食物走在一起，是可以長相廝守。整體而言，吃凍芝麻是較難分出好吃與否，紅豆則屬一般貨式。個人認為，此甜品可以更好。以$42價錢衹提供此種質素來說，唔算化算。…Read More

就到時間同太座食晏，自從個仔出左世後，二人世界機會少之又少，決定食好D。同區之中此食店尚算不俗，一於試試。門口有人力車做生招牌，看得出裝潢有花過心思，加分。老婆叫了羊肉湯麵🍲，冇試，睇落個湯唔算濃，麵屬幼身們個種，冇乜驚喜。本人叫了個繕糊伴麵，但黎錯了繕糊炒年糕😤，見個樣唔錯，照吃。年糕軟硬適中，黃繕份量也沒有欺場，伴著濃濃的汁，好吃但實在吃不完，始終並非一人份量。再叫了碟紅油抄手，雲吞相當扎實，唯肉餡過多，且個辣汁唔夠香，但抄手乃我個人的情意結，所以仍然相當滿足。是日每人約HK$100.…Read More

下午三時多，在尖沙咀下午茶，揾一間又想坐久一點的茶餐廳，並非易事，咁岩見一樓有間食肆，行一層樓梯碰碰運氣。店內人客唔多，有卡位，而且仲係疏化位，唔錯。叫了個乾炒三絲河，份量居然與午餐、晚餐一樣。味道方面，作為鑊頭嘢，最緊要睇下個碟底係咪好多油，呢個碟底頗乾身，加分。賣相算吸引，第一啖食落口，厚厚的河粉加上均勻的豉油充滿整個口腔，個種滿足感，實在難以形容。一間坐得幾舒服既茶餐廳。不過手抱BB、有BB車或上年紀既老人家就唔多建議。…Read More

大舅生日，一家有老有嫩，選擇在這間餐廳慶祝。我最遲才到，離遠望見餐廳名字，Cafe de...，大家樂？睇錯。星期五晚，人客不多，要處置兩個約一歲的貴賓及其用品，此地方尚算理想。場地及食物都與椰林閣、紅螞蟻相似，價格亦一樣經濟。卡邦尼煙肉炒意粉🍝: 味道偏濃，算惹味，意粉亦煙韌，不錯白酒忌廉汁蜆肉天使麵: 白汁過多，令天使麵有少少結成一堆凱撒沙律: 蔬菜算新鮮，最驚喜是個意梨醋鐵板黑椒西冷牛扒: 雖然算“林”，但似乎是因為落左疏打粉，牛味欠奉墨西哥pizza🍕: 可能墨西哥口味唔岩香港人，大家興趣不大田園野菌pizza🍕: 餅底同上面嗰款一樣，近餅乾，冇乜麵包口感，但始終新鮮蔬菜夾菇類，冇得輸泰式炸魚餅，冬陰味，有點怪德國脆炸咸豬手: 幷酸菜薯蓉及梨醬，有傳統德國豬手個賣相，而且份量十足，呢個有驚喜。同場見一位男士自己食、兩位女士share食，都有點豬手。淨係望見都開心是晚每人約Hk$100。…Read More

下午五時多，約左個客但佢要遲半小時，昔時路過這間食店，便入去打算邊食邊等。見餐牌主打pizza，雖然時間並非下午茶及晚餐，但望見自己喜歡的食物，今晚晚餐，唯有食少些。點了個套餐，有照燒雞pizza，細薯條，汽水。🍕料不算多，餅底在厚薄批之間，懷著去麥當當的心態進食，感覺不俗。🍟是幼身果種，並非我杯茶。但薯條即炸，嬲好熱氣，但加分。以懷著去麥當當的心態入去食pizza，都有驚喜。…Read More