莫斯科咖哩飯's Profile

小弟乃區內街坊, 王林記都食左好多年, 由佢柴灣開分店前已經食, 以前都so far so good但係呢一兩年真係忍唔住要寫呢個食評......區內計埋佢有三間魚蛋檔, 有間改左名, 有間好出名, 而王林記的賣點就係跟餐包野飲, 所以比前兩間有競爭力而我就貪平以前就成日幫襯王林記, 但係疫情同工作關係少左, 起碼都兩年冇食過了最近有機會再光臨, 一望, 嘩D人事變晒以前廚房果班阿叔唔知走晒定退休定去晒柴灣, 變晒人唯獨班侍應仲係度好啦幾年冇食, 叫個蛋麵同奶茶, 一食...唔識講中肯D講啦:魚蛋同以前比, 冇咩分別, OK既湯都係, 唔會太重味精而口乾但係個麵...完全唔熟既喂? 硬到唔識講 (直頭係滾水六兩六就俾你果款...真係生麵呀!)杯奶茶...跟餐特價就冇咩要求, 點知, 對於冇要求的我飲完後就變左有要求好唔掂wor老細...溝水茶黎...直頭係跌晒watt跟住望下我自已前後左右, 又唔係好多客 (如果你話好多客還可以體諒)同以前比, 真係渣左其後我食完呢碗麵的下午, 我專登去其餘兩檔的其中一檔食同一樣野做下午茶, 去驗證下係咪我自已要求高定係D野真係渣左點知出黎人地麵係熟, 係咬到既, 我今朝食個耐係硬到食生麵咁唉...人地杯奶茶雖然係比較甜, 但係起碼唔係水溝茶...可能搬左柴灣後就唔理筲箕灣了希望今次係個別事件啦~…Read More

記得10幾年前係太古城果度附近做野, 果度開左間羅勒, 果陣時第一次食lunch, 覺得幾好食, 但係冇做之後就冇機會再食, 加上本人懶, 所以唔會專登出去食咖哩跟住冇幾耐前原來屋企樓下開左, 果陣時勁開心, 因為筲箕灣區好耐都冇正式的印度咖哩店食...(果間咩河都唔見埋, 同埋唔洗專登去X慶大廈度同人迫...XD)近排口罩令冇左, 人都開心D, 咁自然想食好D, 就食下咖哩做lunch去到門口望一望, 都幾開心, 餐牌上的lunch價錢合理 (區內的粉麵檔...貴過食大X活, 大X樂...), 就叫左個咖哩羊加薄餅, 懶到出汁咁拿番屋企食 (東大街太多人, 又嘈, 車又多, 拿番屋企冇眼屎乾淨盲!!)職員都是外國人所以要用英文溝通, 不過我英文拿E所以唔係問題 (講笑) (有中文餐牌, 講句take out就得)總共68蚊唔加1 (可能lunch黎講會覺得貴, 正常, 但係同區內果D食市比, 差10零蚊不如食飽D...咖哩又唔係唔好食)拿番屋企D咖哩汁稀左D, 不過唔影響, 都係照食 D羊肉整得幾好食, 羊有羊味 LOL (講笑)  [即係果種羊蘇味唔勁, 有肉味, 有口感, 唔會好似羊南煲咁un到PK, 印度人煮野食真係唔同D ]個咖哩汁, 又幾好野, 以前去間間咖哩餐廳食, 間間叫小辣都辣到阿媽都唔認得...但係今次筲箕灣呢間就冇咁辣, 但係又唔係唔辣, 係照顧到客人的口味, 唔錯 好細心 ^__________________^(辣得黎又唔會cover晒D香料味, 食完專登當湯飲左淡, 唔錯唔錯)個餅就更加勁, 我叫外賣拿番屋企又冇淋到, 仲有咬感, 又有麵粉味, 掂丫~同埋佢有埋餐湯, 我果個應該係菜湯, 幾好飲有少少辣, 已經好飲過茶記果D 水喉水湯罐可樂就私家所以唔提供食評呢個lunch我俾80分 …Read More

係筲箕灣都住左幾廿年, 眼見呢幾年區內係咁開川菜餐廳, 驚死你唔辣咁十二味之前係第度都見過有, 估唔到筲箕灣有開分店, 咁膽粗粗就試下望下餐單, 嘩....唔平叫左3個菜; 肺片, 咩鍋, 同埋炸大腸(叫小辣...)D菜黎到, 幾靚, 但係都辣...由其是炸大腸, 越食越辣個肺片雖然望落紅油, 但冇想像中辣而果個鍋可以話好好食, 惹味得黎唔會太咸或太辣, 恰度好處如果同區內比都叫有水準, 唔錯唯一就係一分錢一分貨, 貴左D…Read More

區內開左薩莉亞都一段時間, 早幾日有時間去食, 估唔到呢一食帶給小弟唔少驚喜D餐好平, 平晒區內任何一間餐廳, 但一分錢一分貨, 份量係少, 但少得黎係夠飽有突如是者叫左好多野食, 有甜品, 湯, 意粉, Pizza, etc其實比較好食覺得係多利亞, 肉醬意飯...好有濃郁的芝士同肉醬味(食過幾次都保持到9成水準, 利害)意粉都好好食, 明顯同港式意粉好大分別 (點形容? 去食你咪知)湯就好正, 但少左D...是旦啦=_=水牛芝士加蕃茄都好好食, 頭盤一流, 如果有埋麵包更正, 可惜冇最後食左差不多200蚊野, 但已經食到嘔正薩莉亞的餐品真係抵食, 唯一唔滿意就係加13蚊任飲...d汽水機仲衰過便利店果d...唉有奶茶, 有咖啡咪好...…Read More

早排上youtube睇下中國大陸的特色菜, 好多外國人/ 中國人都異口同聲介紹蘭州的牛肉麵 (牛大碗), 睇到我心郁郁想食 (同螺螄粉的吸引性一樣)之後上openrice睇, 原來香港區有呢間蘭洲牛肉麵, 就趁放假時去朝聖地理位置好偏, 要幾條馬路先搵到, 鋪頭比較細間要好D眼力先見到入到去鋪頭坐底, 店的打理好乾淨, 好放心慢慢食我食的係下午茶時間, 叫個紅燒肉麵, 麵有分幼麵同埋大麵(類似刀削麵果類)等既時間唔耐, 黎到...當然冇youtube蘭洲當地咁大碗但係好好食, 麵超級爽滑, 泊得住日韓的麵條, 什至比日韓麵更爽滑...而且湯針同肉塊都係好好味, 湯就唔會好油, 肉就唔會好似牛脾咁一大舊食到痴牙好食, 堅好食唯一不滿意的地方就係冇奶茶, 得汽水, 同埋下午茶麵的份量太少(之前有youtube人話一碗已經好飽, 但根本就唔飽...)下次如果再出銅鑼灣一定會再食…Read More

早排行街見到呢間泰國菜, 小弟對泰越野情有獨鐘所以狗衝入去試下入到去已有好強烈的泰國味; 鋪頭的裝潢設計同灣仔九龍區的正宗泰國菜館差不多, 有泰味XDDD睇餐牌都好豐富, 平時食開的海南雞, 蔭公都有, 而且有船河, 正呀~~叫左幾樣野; 船河, 蝦餅, 豬頸肉同埋炒菜(仲有個炒河不過唔記得影相)等餐的時間唔耐, 10-15就已有得食先講講頭盤炸蝦餅, 炸得唔油, 脆口而有蝦味, 掂! (80/100分)船河就好豐富, 有札肉同埋豬肉塊, D粉滑而爽口, 本身都好掂的了但係唯一美中不足就係八角味太勁, 搞到好似食腦水粉咁...(65/100分, 不過真係好香)個炒河黎到, 炒得岩岩好唔會成碟油, 同埋唔會一夾就散, D牛肉都唔會炒到乾晒有牛味, 成碟野好香好好味 (85/100分)最精彩的菜就係個豬頸肉, 好好食, 超好食; 核爆級好食, 點好食, 唔劇透了請自已去食, 總之我俾(100/100分)最後個炒菜就一般, 可能菜就係菜味, 唔會炒到變肉味...冇咩突出, 唯獨是有金姑同埋秀珍姑 增添氣氛餐飲就飲左泰式奶菜, 同港式奶茶完全兩樣野黎...果層花同茶香簡直係好飲中的好飲食完這餐, 雖價錢係貴少少, 但都好滿足下個月出糧再食…Read More

首試呢間新開的餐廳星期一至日的上午早餐時段超多人, 位又少, 所以無緣但晚上就有機了, 今次試左個雜扒意:價錢同附近兩間比貴少少, 但係有質數保證, 唔係求其俾pat野你既, 都看出師傅的細心但是味道就比較另類; 個意粉唔似意粉, 似拉麵多D, 同埋日式燒汁配扒就少少怪, 平時食都係黑淑或茄汁, 日式汁係甜, 有少少格格不入不過扒, 腸都OK, 唔係冰鮮野, 都有其水準由其是加隻雞蛋, 掂都可以話值得一試, 因為相比起其他幾間已叫好好食有突但係呢間飯堂最大不足之處就係選擇少, 來來去去都係果D, 可能會好快食厭 (都可能佢地想精而不濫)總結: (70分/100分)好的地方; 另類新派菜式, 做到果種有趣的味道(好難形容, 即係唔會太over咸或辣, 而係岩岩好)壞的地方; 地方太窄, 菜單選擇太少, 偏貴有閒錢的都可以一試…Read More

昨晚和朋友黎左呢間餐廳食; 係東大街存在左一排但冇咩機會試, 而家有機會了入到去都幾full下, 可能訂位會好DD姐姐哥哥做到踢晒手...LOL晚餐就選擇OK多, 我就叫左個扒價錢同附近果幾間西餐比; 平D...LOL等的時間唔耐, 10至20分鐘就有得食個扒望落去幾靚, 唔錯而食落去都唔會太un, 有咬感D汁都夾得好好, 唔會太希, 冇味, 而係好有配汁應有的汁味...LOL越食越覺得好食, 不過美足不足都係份量少(典型香港餐廳的毛病; 可能糧食危機吧)總結食過咁多間扒, 呢間咁既價錢, 咁既質素已經唔錯有突, 希望佢往後都keep到品質保證吧(評分: 80/100分)環境都OK, 不過窄左D服務都唔錯, 反應快, 衛生都keep得好好總括而言可以一戰…Read More

有一排用P字頭果個app買外賣, 某日就做呢間餐廳的外送, 試左佢個紅燒牛肉麵望價錢; 嘩成70幾80幾, 差不多成100蚊個麵, 貴不過人一世物一世, 由其是係新公司到而家都未食過好野, 就膽粗粗試下佢個麵到外賣到了, 湯同麵係分開既, 抵讚 (某D餐廳係會撈埋驚硬麵chok親XD)份量就老實講很少, 少得可憐; 可能照顧小弟減肥需要但試佢第一淡湯, 就覺得好正; 好重蘿蔔味, 清甜得黎而唔會好似其他台灣麵咁燥, 堅正個麵都好爽滑, 唔會因外賣而凍晒或林晒 而牛肉都好有牛肉味, 肉既質感好彈牙, 好重肉味, 堅有牛肉味, 同以前食的台灣麵係冇得比真係一分錢一分貨, 唔會縮水牛肉, 同埋馬虎湯底食完後覺得唔夠喉...下次去實店試下先總結: 90分/100分 , 會翻兜:)…Read More

早幾日去shopping, 原來太古城開左呢間麵店, 開左好耐我都唔知XDDD, 所以試下入到去原來咩都係自助形式的, 店員只負責執野清潔, 唔會理你(除非你主動問), 真係型棍到爆叫左個最平的麻辣烏冬試食(如果叫個最貴的但唔好食咪吃虧?XDDD)等的時間唔係好耐, 4分鐘到, 係即叫即整黎到, 唔係好辣, 味道偏淡, 烏冬好爽好彈牙易入口, 唔會話食到雪雪聲咁難聽的湯底都OK, 都係偏淡但係冇配料...得幾舊肉粒(真係一分錢一分貨...=口=) [冇計啦窮人係要食少D...XD]食完40零蚊埋單, 呢個價錢呢個味道係合理, 不過冇奶茶咖啡, 得罐裝野飲就有點兒那個...總結一下份量: 少左D, 一分錢一分貨, 如果當下午茶的話就貴左少少時間: 可以, 4分鐘內有得食(可能果日冇咩人)服務: 太型棍了, 個個店員自己有自已做, 咩都自助型式, 毫無服務可言(都可以理解, 因為客人的義務只係食...而唔係指指點點XDDDD)價錢: OK啦, 太古城區比較可以接受評分: 75/100…Read More

今日去太古城行街, 經過呢間食越南野的, 就試左個下午茶下午茶選擇多但偏貴, 叫左個比較大路的生牛肉河等的時間唔耐都OK到菜式黎到, 湯底偏淡, 河粉鬆散牛肉都食到肉味, 不過都係偏淋唔un奶茶就OK茶味濃, 同區內比既略有特色...不過整體都係偏淡, 如果同其他越南菜比, 呢個價錢就未必滿足到我不過不失埋單原來要加一...總結都要50幾60蚊...(餐廳環境ok乾淨, 唯一美中不足係店員個個西餐面, 搞到冇咩mood食野, 可能太古區要求高吧)…Read More

之前係網上用團購買, 一位連加一都只係270左右, 抵食入到去, 個場比較的色, 細D, 不過好乾淨同舒服 (唯一美中不足係燈光暗左D)去的位置比較唔就腳, 要係街市行入少少, 近188商場附近(坐8號巴士吧, 不過週末塞車塞到仆)到6:30開波, 望下, 可以選的食物其實唔多, 不過一分錢一分貨, 200幾蚊有螺同青口, 蟹腳都好啦熱食果度不得不讚, 焗薯同牛柳好好食, 同埋煮麵果度個麻辣湯好辣, 好正熱湯就龍蝦湯幾好飲, 好飲過M記果隻龍蝦湯食左幾輪,就食甜品甜品真係少左D, 得雪糕同格仔餅可以一戰, 格仔餅好有趣, 要客人自已整 (不過佢調教果D汁又幾有雞蛋味)都抵食, 俾你由6:30食到9:30食完埋單走人總結呢間餐廳區內黎講都可以, 大眾化價錢, 大眾化味道…Read More

韓食媽媽食過幾次, 早幾個月裝修完試下環境係靚左, 但係好大問題就係由以往的住家菜轉型做韓燒...(心諗hi hi了實唔掂)點知真係估中, 價錢太貴, 400幾蚊4人燒, 但係份量少得可憐(一定唔夠飽, 除非你減肥)D雪花肉就好靚呀, 但係自已燒, 又唔係鋪頭自已煮又有咩意思?唯一果個粉絲係佢地鋪頭整, 都係以前果隻味, 唔錯但係轉型韓燒, 我唔會食...因為香港的韓燒都係好渣; 貴夾唔飽, 冇料到食完後有D唔 gur俾400蚊, 點解冇以前果D韓式麵, 或者泡菜炒飯食?(中肯D講其實韓燒D材料係靚既, 係fresh, 但係幾百蚊呢個價錢咁既貨仔, 我去隔離食好過啦...)大跌眼鏡…Read More

尚品呢間野係我屋企樓下開左有一段時間, 之前好少機會去試早幾日下午有緣就試下呢間野的中式點心價錢就尚合理, 廿幾蚊一個飯或者10幾蚊一個點心(有燒賣, 牛肉等等)買左個懦米雞, 牛肉同馬拉糕, 仲有幾個40幾蚊的蒸飯食懦米雞份量好足, 好抵食一食... 呢D根本係以前果間酒樓的味道...回憶...有濃香的荷葉味, 味精唔係好重, 但係又不失整個菜式的味道, 好食好食之後食馬拉糕, 好重椰香, 又係好好食(唔係太甜但又有馬拉糕獨有的味道)牛肉加gap汁又係好好食...一路食, 以前細個係酒樓飲茶果種中式點心獨有的味道就番晒黎...好懷念(區內以前有幾間出名的茶樓, 但都見證住佢地隨時間每間每間也冇得玩...)雖自已本身唔鐘意酒樓, 因為嘈, 又多味精, 但係眼見而家越來越少好食, 有特色的酒樓就不禁覺得可惜, 好多有趣的中式點心可能會沒有, 又可以會被大集團以junk food的形式去賣可能未來以這種外賣點心的方式, 中式點心先可以繼續保留下來…Read More

2月21日放工, 去馬會買馬仔, 買完出門口, 對面就係太興, 如是者心血來潮想試番擭外賣(話晒都好多年冇食太興, 不過都好佩服, 因為自讀書時已存在, 足足10年有突)叫左個咖哩南同奶茶, 試下呢檔D咖哩同居內其他食市的咖哩有咩分別...同埋個冰鎮奶茶有冇變到等的時間唔係好耐, 10-15分鐘已經有得拿拿到番屋企, 冰鎮奶茶冇冰的, 而咖哩就望落去好重椰汁...因為唔係黃色而係白黃色...撈呀撈, 撈到一pat野之後放落口第一口咖哩, 我個表情係 (0_0)... 第二口慢慢品嚐, 係笑左出黎冇咖哩味形容, 只有好重的椰漿加少少辣味之後炸薯仔, 又整得幾好食, 唔覺熱氣最後牛南, 唔知係唔係放係飯盒焗得耐定點, 冇味道可言, 一舊肉, 一舊熟肉的味, 完全吃不出牛南的味兒出來...總結唔值60幾蚊... 之後個奶茶, 好重奶味... 不過同茶的mix又唔可以話亂晒龍, 係balance, 合格的總結; 50分不過以呢個地位, 咁既質素, 區內有唔少競爭對手...如果太興想突圍真係要下苦功…Read More