siuman19920218's Profile

夜晚黎到樂富，想食啲有大排檔風味嘅野，見佢咁多人排隊等位，就決定去試試聯合興。坐低見到個Menu真係眼花撩亂，噏得出嘅嘢都有得叫，真係適合大班人嚟食飯，咁就可以試多幾樣嘢啦。魚香茄子煲啲茄子每一嚿都吸晒啲醬汁，食落好惹味。個醬汁好濃郁，都比較杰身，適合撈飯食😋中式牛柳呢味餸個汁甜甜地嘅，食落好開胃。配上牛肉、大蔥一齊炒，每一件配料都吸晒啲汁，正👍🏻而且啲牛肉好腍，食落唔會黐牙豉汁排骨煲仔飯煲仔飯而家唔係度度都有得食，淋上豉油一圈，再焗多一陣，每一粒飯都充滿着豉汁同豉油汁嘅香氣。而且啲排骨都算幾多，每舊都好腍好好食。一煲煲仔飯已經夠四個人食啦。炸子雞呢個一定係必食！炸子雞啲雞皮好脆好香口。當你以為炸到咁脆，啲肉一定好柴好乾身啦，但竟然非常意外地嫩滑。一咬落去外脆內軟，仲有肉汁喺個口入邊爆出嚟！連雞胸嘅部位都好腍好嫩滑，真係必食推介！…Read More

周末唔知食乜好，就不如食番最愛嘅白咖喱啦。可能而家啲人北上消費多，1點鐘黎到只要等左1張枱，好快就已經有位啦。白咖喱香茅豬扒飯白咖喱汁好香濃，甜甜地又唔辣口，加上香茅豬扒好腍身，真係好香好好食。🥹蒜蓉牛油雞翼隻隻雞翼都好大隻，蒜蓉味好重，外脆內軟，咬落去啲肉汁必晒出嚟，正👍🏻凍檸茶茶底好濃，檸檬都叫多，凍檸茶嚟講算整得唔錯😊白咖喱香茅豬扒烏冬烏冬好彈牙，雖然白咖喱變湯底溝淡咗，但配上烏冬又滑又彈牙嘅口感，又另有一番風味。芒果椰汁沙冰配寒天波波個芒果汁好濃，唔似齋糖水開嘅嗰種感覺，配上椰汁嗰種清新嘅口感，夏天消暑一流。入邊仲有椰果同寒天，幾有嚼頭。…Read More

Froyo黎講，食過咁多間，都係覺得Smile係最好食嘅。佢啲Froyo乳酪味好重，又唔算太甜，而且有一個個set幫你配埋配料，大大杯Froyo咁都真係幾抵👍🏻我最鍾意食嘅，就係佢嘅Vanilla Sky😋個Vanilla 醬淡淡地清清地，唔會搶左Froyo嘅乳酪味。佢上邊嗰啲脆餅好脆，又有杏仁香，真係好好食，而乳酪入面有新鮮嘅芒果、藍莓同埋一層餅乾碎，食落清甜又唔大負擔，而家又有唔同層次嘅口感。我朋友就嗌咗個Mango Fever。佢話上面個雪葩好重芒果味，酸酸甜甜好好食，而且有好多新鮮芒果，真係唔錯。除咗Vanilla Sky同Mango Fever之外，仲有好多唔同嘅set去選擇。而且佢會周不時有啲特別嘅口味，今期係焙茶朱古力咖啡乳酪雪糕，等我下次都試試佢先😋如果唔鍾意嗌佢嗰啲set嘅話，都可以自己自由配，揀選自己鍾意嘅口味。Smile 喺Airside嘅分店喺B1層，喺city‘super附近，好易搵。如果你喺的士/私家車落客區一落，直行到尾就會見到，非常易搵👍🏻…Read More

行開去柴灣探親，就碌吓OpenRice睇吓有咩好食啦。跟住就search到原來有一間任飲任食嘅打邊爐，啱晒一家大細去食。大排檔喺漁灣街市嘅熟食中心入邊，要搭𨋢上去嘅。記得入到𨋢要禁1樓，2樓已經封咗㗎啦。入到去要同職員講係打邊爐嘅，同埋有記住入邊有多兩檔打邊爐，兩檔都黐得好埋，要小心唔好行錯同攞錯野，今次試嘅呢間係叫竹園嘅。食嗰日就喺唔知道，原來呢啲係另一檔嘅唔攞得，大家就記住唔好去嗰邊喇（白色箭嘴指示）。講返打邊爐，一嚟到你就可以揀湯底，有10款任揀。我一家有老人家小朋友就揀咗椰青雞煲湯底，個湯底都幾清甜，啱晒老人家同小朋友。呢度啲雞件係可以添加嘅，記得要同職員講，出邊係冇得攞嘅。而食物嘅種類都好多，特別有驚喜嘅係，竟然呢個價錢已經食到花蟹同埋卜卜貝。啲蝦今日就唔算太新鮮，反為蟹就真係好好食☺️另外仲有一啲一般大邊爐會有嘅材料，如肥牛、豬肉片、各式丸類、各式菇類、娃娃菜，同有新鮮嘅鮮蝦雲吞、韭菜水餃，都真係唔錯👍🏻值得一提嘅，呢度係任飲任食嘅，啤酒汽水都任攞。難得嘅係啤酒竟然有Sapporo揀！成家人坐埋打邊爐，一路食一路飲，坐足四個鐘頭都真係好爽👍🏻 同朋友一齊嚟食傾偈都OK 㗎☺️👍🏻…Read More

一行入一間咖啡廳，已經俾佢嘅可愛日系裝修風格所吸引。一坐低就急不及待叫佢嘅蛋包飯黎試下❤️-昭和咖喱牛肋肉蛋包飯 $130-咖喱味濃，係日式嗰種甜甜地甘甘地嘅咖喱，個蛋包飯充滿蛋汁，食落滿滿嘅蛋香！最吸引嘅係佢個飯係炒飯底，本身已經好好食，再配上濃郁嘅咖喱、好腍嘅牛肋肉同埋充滿蛋汁嘅蛋皮，食落真係好滿足🥳-壽喜燒牛肉蛋包飯 $113-壽喜燒個汁甜甜地，配上蛋包飯好開胃。啲牛肉都好腍身，又另外有一番風味👍🏻-味噌奶油茄子煙肉意粉 $105-朋友喺茹素的，在餐牌上揀左呢個餐點後就話俾店員知佢嘅需要。店員服務非常好，立即安排可走煙肉。朋友話茄子都非常好味，意粉彈牙，與味噌嘅味道好夾👍🏻-焦糖洋蔥鳥取和牛漢堡配薯條 $115-佢嘅和牛充滿肉汁，配上炒到焦糖化嘅洋蔥，中和左嗰種油膩嘅口感，食咗幾啖都唔覺大負擔。而佢呢度嘅薯條係嗰隻自己炸嘅粗薯條，外脆內軟，配上酸忌廉沙律醬同茄汁，真係好好食…Read More

臨近暑假，決定搵間酒店食個 lunch buffet。喺OpenRice度搵咗好耐，最尾決定去試試WM Hotel 嘅lunch buffet😋坐落於西貢嘅WM Hotel遠離人煙，一去到已經覺得個環境好舒服。而且，只要喺呢度食buffet，係包免費泊車嘅，免卻咗去搵停車場泊車嘅苦況。值得一提嘅係，個泊車位好闊落，好易泊😆重頭戲嚟啦，去食buffet唔少得嘅梗係要食吓佢個刺身啦！三文魚同油甘魚都好肥美好新鮮👍🏻值得一讚嘅係佢呢度lunch都有生蠔食，雖然唔算肥美，但都幾爽口鮮甜。除咗刺身之外，佢呢度嘅熟食都唔錯。值得推介嘅係以下呢四款：1. 香腸：唔太鹽有肉香2. 泰式燒牛肉：好腍3. 厚切牛脷：好香口，啲黑椒味入晒牛脷度，啱晒鍾意濃味嘅我4. 泰式串燒：有濃濃嘅咖喱香，啲雞肉又彈牙最推介嘅係佢哋呢度嘅甜品，連一向唔太好甜品嘅我都愛不釋口，試勻晒佢每一款甜品：1. 焦糖燉蛋：上面嗰浸焦糖脆卜卜，下面嗰層燉蛋又香濃又軟糯2. 芒果布甸：食得出佢呢度嘅布甸係用咗呂宋芒，一咬落去，呂宋芒嗰種獨特嘅芒果味即刻出晒嚟。特別欣賞佢除咗芒果醬之外，仲有粒粒芒果肉，帶出唔同嘅口感3. 奶凍：滿滿嘅牛奶香4. 藍莓芝士蛋糕：好香濃嘅芝士味又唔太甜5. 芒果拿破崙：個拿破崙好脆，芒果又好甜，配上濃郁嘅cream，真係可以食多幾個6. 朱古力蛋糕：佢呢個朱古力蛋糕有Brownie嘅口感，用咗黑朱古力，唔太甜之餘，又有濃濃嘅朱古力味7. 開心果果仁撻：呢個撻好好食，入面充滿着果仁，一口一個，正8. 杏仁曲奇條：呢個有啲硬，唔太推薦…Read More

大埔超級城入邊真係好多好嘢食🤩今次我哋就揀咗食Beans lunch，順便慶祝埋生日🤣-手撕豬仔骨漢堡 配薯條 $94-佢嗰包好軟熟，個豬仔肉絲好惹味，同個包好夾，啲粗薯條好脆好好食😋-班尼迪蛋煙三文魚 $118-一切開隻班尼迪蛋，啲蛋汁流晒出嚟🤤配埋佢個好濃郁嘅醬，簡直係至高無上嘅享受！煙三文魚又好鮮美好好味！食完成碟有啲意猶未盡，仲偷埋隔離碟啲薯條黎點埋啲汁食，一滴都唔好晒！🤪-免費蛋糕-餐廳好好，生日嘅朋友有免費蛋糕送，個蛋糕一啲都唔含糊，有朱古力蛋糕同栗子蛋糕揀。我同朋友爭幾日生日，餐廳就送咗兩個蛋糕俾我哋，咁就每樣一件啦，唔太甜都幾好食😆…Read More

黎到荃灣，上OpenRice search吓有咩好食嘅日本菜，就見到呢間鮨一。一行入去有居酒屋嘅風格，有個open kitchen 俾你睇住廚師整刺身、壽司，都幾有風味～-三文魚刺身 （兩客）$110-三文魚肥美又新鮮，必食之選！-生蠔 （2隻） $136-生蠔非常新鮮肥美，一口咬落去，蠔香四溢。係我喺香港食過最好食嘅生蠔之一。每次嚟到必嗌兩隻☺️-鮨一千層海膽飯 $288-呢個海膽飯真係不得了🤩海膽堆到成座山咁高，非常吸引，完全滿足晒我對海膽嘅渴望！海膽底下嘅吞拿魚蓉都好幼滑，非常好味🥳…Read More

經印度同事推介，一班人就嚟咗試印度菜啦。印度同事話菜式都幾正宗，有家鄉風味🤣-Mushroom masala dosa $80-呢個煎餅真係冇諗過咁大個，真係成個頭咁大，細食嘅朋友分分鐘食唔晒呢一個煎餅。 👀個餅好脆口，可以點椰蓉、蕃茄醬一齊食，好似薯片咁都幾好食。而個煎餅嘅內餡可以揀嘅，我就揀咗炒菇，啲菇都幾Juicy，好match個煎餅。-Dahi puri $65-呢個冇諗過咁好食，個乳酪酸酸甜甜，一口一個，入邊有啲脆米同一啲印度傳統嘅食材，好match! 超級推介🥳總之印度菜嚟講都幾有驚喜，冇諗過都幾好食！溫馨提示，如果要嚟食嘅話，記得要book枱如果唔係就未必有卡位坐，個場都幾爆下。…Read More

同事係茹素嘅，故一直都很難搵到一間餐廳既好食，又符合佢嘅需要。喺OpenRice中反覆搜尋後，最後決定左呢間，因見佢嘅好評頗多，而且Mikiki又有泊車優惠😆登登登！雖然午飯時間很多人，但上菜速度都好快。落單後10分鐘左右，就已經開始上菜了😊👍🏻-麻醬雞絲粉皮 $48-粉皮好滑，雞絲係由腐皮製作而成，食落都有雞絲嘅口感，麻醬都好香-招牌蜜汁叉燒拼片皮鴨（跟掛包）$118-呢個非常推薦，必試！片皮鴨模仿到鴨皮嘅脆嘅質感，仲有鴨肉嘅彈牙。叉燒甜甜地，食落都似叉燒。而掛包就新鮮出爐，熱辣辣又軟熟，配上素乳豬醬、青瓜絲等，真係好似食緊片皮鴨-芝麻香橙骨 $98-呢味芝麻香橙骨食落好似西檸雞，果種肉嘅質地原來係用猴頭菇做出嚟嘅，真係好有創意👍🏻-七味香酥脆豆腐 $78-豆腐外脆內軟，又惹味，好食😋…Read More