auntiee's Profile

因為阿女媽好肚餓，所以求其見到餐廳就入左去，反正吉列豬扒應該都唔會難食得去邊，我地嗌左一個吉列豬扒飯一個吉列蝦飯，賣相都好好，食落豬扒好嫩，係豬扒原本就係咁嫩，因為豬扒好有豬味而不是醃料既味道，豬扒外皮都好鬆脆，而吉列蝦就比較濃味，因為炸物的咸味主要來自炸漿，而吉列蝦每啖食既炸漿比吉列豬扒多，因為吉列蝦較為濃味，之後我地亦嗌多左杯椰果荔枝茶，同樣好好飲，我地嗌左少冰，結果好好真係得兩粒冰，不過如果要再嗌就建議嗌埋少甜啦！…Read More

老友難得見面，梗要飲番杯，加上大家都係酒鬼，一坐低就叫清酒，一支1720ml古都千年，咪話唔豪。A5和牛刺身丼超好味，和牛刺身入口即溶。大大隻日本真蚝，鮮味十足。薄切池魚王肉質結實，薄切真係最正，配個獨特醬汁，非常夾。第一次食甲羅燒，朋友話喺日本食過好正，不過呢隻就一般水準，食唔出蟹的鮮甜。下次要帶囡囡黎幫襯。…Read More

第一次見識元朗大雞脾，真係好大隻，大過塊面。點了炸雞脾煎蛋配出前一丁，另一份都係炸雞脾，不過配沙律同薯餅。雞脾皮脆，肉質嫩滑，味道適中，老闆好有心思，有辣椒粉和、淮鹽和孜然粉任你自由加落去。大大份好抵食，3個人都食唔哂。…Read More

今次一行6人去食，可多嘗幾款美食。真正係肉骨茶真的可以添飲，每人飲兩碗。欣賞<話知你啦薄餅配咖哩>，咖哩有薯蓉，唔太辣，好味。至於檳城亞參叻沙米線，夠重口味，只是超級辣呀！仁噹牛肉撈油麵就幾好，有筋有腩，夠腍。不過肉骨茶雞腳嘅雞腳唔夠腍。最想食一字骨，希望下次食到。…Read More

好肚餓，落車就見到紅茶冰室，二話不說入去幫襯。下午茶都幾多選擇，阿女揀左炒蛋芝士魚柳包配薯皇，欣賞熱辣辣又脆口的薯皇，包面有好多芝麻，食落鬆軟，整體配搭幾好。另點左KING餐，生滾豬潤湯米粉配嫩滑炒蛋、 香酥丹麥多士。米粉質感唔錯，可是豬潤好硬兼冇味，香酥牛油丹麥多士灑上砂糖，口感和味道都非常好。…Read More

朋友約食飯，喜歡呢度坐得舒服，午餐點了燒春雞配橙汁，有湯、沙律和飲品，價錢少少貴，尚可接受。燒春雞配橙汁，想唔到橙汁又幾配搭，酸酸地開胃，雞肉質算嫩，平時唔喜歡食雞白肉，入口都可接受，可惜所謂燒春雞原來只的雞脾和小雞槌。讚賞呢度侍應好nice，坐耐也不會趕客。…Read More

黎呢度食野，第一時間想到肉骨茶，可惜今晚冇一字骨，只得棒棒骨(冇乜興趣)，唯有叫豬腳彎。點完菜後，侍應奉上3個碗，3個小碟，跟住一個大水煲斟肉骨茶湯俾我哋。等到湯涼了，豬腳彎才上檯，老實講，完全失去了肉骨茶有湯有骨熱辣辣的風味。…Read More

朋友話介紹平靚正晚餐，原來講緊呢間，唔覺察原來喺荃灣開左分店。7:00多點已經要排隊，人齊半數可入座。我點左韓式醬燒牛柳配意粉，加送紅湯，湯辣辣地幾濃味，好多湯渣但比較爛。講番牛柳，幾腍，唔錯。意粉我鍾意佢乾身，都好。食左一陣，侍應開始黎問收碟，其實未食完，接二連三咁問，見到門外大排長龍，加上冷氣校凍左，明白哂。快快飲埋杯凍檸茶，埋單。…Read More

出名上海菜，食物質素真是有番咁上下水準。今日想食麵，就order阿娘雪菜黃魚麵，老公話腥，食落又ok喎，黃魚新鮮，湯底稍微咸少少，仍可接受，麵質爽滑，第一次叫呢個麵，欣賞。老公另外叫左小籠包，都是好新鮮，食得出係即叫即做。還有老味道蔥油餅，再鬆軟d就good啦！…Read More

店名《老街》好有台灣風味，一人午餐當然食好一點。餐牌的便當好吸引，就order鹽酥雞肉燥便當，有隻手指公標示，應該唔錯。便當賣相幾得，有薯角一件，半隻滷水蛋，菜圃和肉燥。可惜薯角凍嘅，菜圃味道唔錯，肉燥如果可以保留多點肉汁就更好。主角鹽酥雞，我要強調係雞球，基本上係雞柳做的……雞白肉，唔係我喜歡的部位，酥皮就幾脆口。結果飯食剩半碗，雞球食剩3粒。下次可能點紅燒牛肉麵穩陣d。…Read More

老公帶我食好西，佢話呢度出名，平日日頭經過都係排長龍啊！晚餐反而唔使排隊，即刻有位。老公推介意粉，我就想食通粉，order常餐义燒意粉改通粉，唔知點解侍應問係咪要炒蛋，我又順應佢改炒蛋，有點後悔。總的來講，通粉質地唔錯，之但係湯底唔掂，有d杰，似乎粉漿過多，通粉煮過龍。炒蛋反而有驚喜，唔太生又夠味，配厚多士，即刻加番分。…Read More

去開荔枝角，臨時搵個好友食個午餐，喺呢頭返工都知午膳時間周圍都人頭湧湧。好友結果搵到位，仲選定食物，佢話大熱天時唔好食粥啦！我選了豬軟骨撈淮山麵，貪佢唔熱。豬軟骨味道尚算可以，但係只有兩大件，其他都碎濕濕。反而淮山麵質地唔錯，又易入口。…Read More

冰室黎講，呢間算坐得舒服，侍應態度好好。食下午茶要搵特色野食，華田脆爆西多士，睇個名就夠特色啦！脆華田鋪面，西多做得夠juicy, 假如麵包厚多少少，就更加正。朋友食個鰻魚炒飯，炒得好靚，試食左一啖，非常好味，下次要黎幫襯午餐。…Read More

勝利道食午餐唔容易搵位置，今日午餐人唔太多，等一陣就有位。朋友極力推介石鍋芝士焗豬軟骨飯，雖然天氣咁熱，但遇啱好肚餓，就叫呢個飯啦！大大碗飯，豬軟骨份量充足，仲有隻溫泉蛋，焗過的芝士燶燶地香味十足，芝士仲可以拉絲。朋友冇介紹錯，果然好好味，價錢唔貴，真係大大碗抵食又好食。最難得係附送細樽裝汽水，識飲~~梗係飲芬達橙汁!…Read More

天口熱，一人晚餐就想到食拌紅薯粉。今次選了熱拌紅薯粉，加腩肉和海帶，小辣。大大碗薯粉送到面前，見到碎上的海帶有點失望，以前食開的是一大片打成一個結，好有咬口，呢個碎濕濕，冇興趣。稍為拌起後，驚喜的是有麻油味，幾好。腩肉就肥、肉均勻，還可以。再由底拌到面，才驚覺辣椒醬未拌勻，然後感受到味蕾辣到咩咁。下次要叫微辣~~…Read More