經過將軍澳Popcorn見到呢間敏華，由於之前未食過又肚餓，所以入去試吓。🙂↔️一開始要排隊，但都好快就有得入座。因為真係唔知有咩食，就搵咗個男職員推介，佢推介咗個叫銷魂飯嘅叉燒蛋飯，本身諗緊個名改到咁應該都有名無實，但有意外中好食。😋叉燒採用半肥瘦，叉燒汁好香啲飯唔會太乾，飲品有跟餐，但我就冇飲（個人習慣）。$75，價錢中規中矩。👍🏻環境方面都舒服，但睇落好似人手唔夠，座位唔算擠迫，整體都可以。👌🏻服務方面都可以，個哥哥介紹嘅時候都有禮貌，仲問我哋有冇啲咩唔食，幾細心幾詳細。🥰總括嚟講都會再去第二次，期待越做越好。💪🏻…Read More
