肥寶貝的個人專頁

我明白做飲食業，控制成本係重要。不過，第一，整一份餐蛋治，需時15分鐘，已經匪夷所思！第二，餐蛋治竟然可以整得難食，即係冇heart，已經幫唔落！第三。仲要餐肉唔足料：其中一邊只有一小角既午餐肉！我覺得完全不能接受！做飲食，唔可以因為獨市而hea做囉！只要俾少少心機、少少熱誠都好吖！獨市唔係大哂ga!由於Openrice的評分規定最少都要俾一粒星，所以我才勉為其難俾一星。要一然，我係一粒星都唔會俾！…查看更多

我次次嚟呢度，都一定食“緬甸魚湯米線”！其實我本身唔鐘意食魚。但呢個“緬甸魚湯米線”啖啖魚蓉之餘，最重要是完全沒有魚腥味！再配上浸了湯底的薄脆魚餅、雞蛋、芫茜同辣魚餅，口感同味道一流！另外今日點了一杯港式熱奶茶，奶茶沖調技術比之前進步左！好味！…查看更多

今日食胡椒豬肚湯藜麥飯，好豐富，除了有好多湯料外，最重要係豬肚夠“林”，湯底夠辣！好醒胃！除了飯之外，仲有沙律菜同水果！好健康！另外我加$5飲凍朱古力，有彩色棉花糖，相當吸引！…查看更多

我既A餐，即手打漢堡扒，入口即溶，薯蓉好香滑；我老公既E餐，香草雞扒好多汁，再加藜麥飯同香濃蘿宋湯，好足料同好味！食到停唔到口😻食物質素好得！要搵日要過來試下佢既早餐呢！🤩🤩…查看更多

路過匯景商場，見到呢間新開的小店。由於藍田冇呢類食肆，所以膽粗粗試下。今日試左流心蛋巴馬火腿大啡菇，以及芝士蕃茄漢堡扒迷你漢堡。兩樣食物都好新鮮，口感及味道好有層次。下次再去試新嘢先。…查看更多

住在九龍的我，被「大榮華酒樓」的名氣吸引我去試一試他們的「美食」。我們2個人去食下午茶，沒有揚名的「豬油撈飯」，於是唯有食點心，我們點了生菜、蝦餃、燒賣、牛肉及蓮蓉飽，可是呢幾樣都平平無奇，雖然唔係難食，但亦唔見得特別好味，它的點心與出面普通酒樓無異。或許是我對名氣食店的要求太高!?…查看更多

今日因工作關係，又再路過上址。由於早前在「潮滿」食嘢令我好滿意，加上今日好肚餓，於是又走入去食嘢。今次我叫了一碗淨魚片頭，外脆內軟享受double up，真係好好味。唔怪得上次來呢度食嘢時，我朋友猛咁話魚片頭好好味。另外叫左一杯凍奶茶，ok好味! 有濃郁的奶茶香味!我一定會再來「潮滿」!…查看更多

本來諗住食點心嘆茶! 點知食完呢一餐我超級後悔lor!果日我叫了4款點心1. 牛柏葉: ok2. 牛肉球: ok，但腐竹硬左少少3. 燒賣: 好硬，同埋d肉既味道好怪，我覺得好唔新鮮4. 煎腸粉: 外面是好怪既豉油味、入面好實、好似一舊粉團咁雖然價錢好平，但係味道咁差，已經足以嚇死人!所以，我以後唔會再去LG1的點心部食嘢了!…查看更多

我o黎呢度食過兩次點心，好好味! 而今次我就介紹晚飯。我地叫左4個餸:1. 「老」水鵝: 85分，味道幾ok2. 「老」水蛋、豆腐及腩肉: 85分，味道幾ok3. 金銀蛋莧菜: 95分! excellent!! 勁好味! 4. 魚香茄子煲: 65分，稍為令人失望，因為d茄子切到大大件，所以茄子煮得不夠軟身，我不喜歡飯後有糖水送，此乃椰汁西米糖水，90分總括而言，抵食、水準穩定又不太貴。不過我個人而言，果度既點心好味過晚飯小菜。…查看更多

一: 招牌菜---燒鵝 50分 唔見得特別好食，而且肥膏勁厚(約5mm)，好得人驚，我食左2件已經投降了二: 雲腿娃娃菜 85分三: 椒鹽蝦 80分 略嫌細隻左少少四: 蟹粥 65分 粥沒有蟹味，好似就咁將隻蟹放在白粥內，令人失望，或許，我對「招牌菜」要求過高!?…查看更多

有一日，好似係8月23日(我唔sure邊日了)，果陣係23:00，店舖已打烊。我剛巧經過吉野家門外，聽到d職員玩都we wah鬼叫，我心想:「駛唔駛咁大聲呀~~」不過，大聲叫囂都唔係問題。問題係一班職員玩都「慶」起，在食店玩拍照，本來拍照都唔係問題，但係，我見到有一名女職員將自己的腳踩在枱上擺pose拍照!食店的枱是用來俾食客食嘢用的，呢個道理3歲小朋友都知，但為何職員著住制服做呢d唔恰當既行為呢?他們是否知道咁做好唔衛生呢?我估我唔會再去吉野家食飯了，因為d枱櫈俾人踩到咁污糟。…查看更多

原來食buffet真係唔可能貪平!有一次去園林閣食buffet，怎料冇咩好食、選擇不足!熱食冇咩選擇、刨冰好難飲、只有枝裝汽水、雪糕是「牛x公司」、蛋白燉翅只有少量 ，想取多一客俾老公都冇 :'( ，生蠔又唔新鮮。唯一可取的，就是有無窮無盡的蟹腳，所以呢餐buffet我們只係食蟹腳、蟹腳同蟹腳。如果以平價buffet，我以後寧願俾多廿蚊去「紅煙窗」好得多!…查看更多

我們在星期日晚20:00入去，唔算得話好多食客，但係D職員都咁慢手慢腳，我講既係樓面d阿姐，我們想要公筷、加水都好慢lor，如果正值繁忙時間，真是不敢想像........但說話分開o黎講，d食物水準真係好高lor。而且廚房好快手，以致上菜好快。…查看更多

今次的食評，我唔講食物了 (因為間間和民既食物水準都差不多)，今次我想講職員!話說我們一行4人去食lunch，都發覺d職員對工作無心裝載lor，例子如下:1. 豬排(我忘了那味餸既確實名字)本來有一隻蛋，但職員忘了加蛋!2. 我們叫了一客sushi，但職員忘了俾wasabi!3. 我們一人有一客salad，話說我朋友覺得沙律的dressing不夠，要求加多d，怎料職員ling走左我朋友的沙律後，卻忘了ling返來 4. 我們4個人，叫餐飲時總共order了1杯熱飲3杯凍飲，但職員竟然只係俾左一支飲管lor!如果當時食店好多人，d職員忙中有錯，我覺得都仲可以理解，但當時已經係平日既14:00，食店已經冇乜人，但係都咁樣遊魂，真係唔掂!…查看更多

今日星期五，坐無虛席! 可能d教職員因為聽日唔駛返工，所以今晚好多人(反而我以前星期六、日來係冇乜人呢)由於今晚食客多，所以服務慢左少少 例如未能即時替我們加水，上菜速度略慢，送糖水要等一段時間，幸而食物質素仍保持水準，所以今晚我都好滿意。…查看更多