lsysl的个人专页

諗住晏晝試吓新嘢，12:00到，一枱客都冇，點知真係中伏了⋯⋯今次叫左個椰子雞飯，有幾個位都幾失望，以為原盅上，點知係不銹鋼兜上，湯底就普通雞湯底，冇乜椰子味，似所有湯底都一樣，就咁加啲椰子上去就算，因為同行朋友叫左另一款，不過我冇食，就唔評論了。雞就好似瘦肉咁，有啲乾，對比起上水兩間名雞店，就爭好遠了。總結：十分都有四分，食完十分唔滿足，要再揾野食，不過打邊爐未食過，希望我有動力番轉頭試⋯⋯⋯⋯⋯…查看更多

第一次食偏僻，普通，簡單午餐全部整定「不」出黎，$42但唔難食的，仲好熱既，凍奶茶都好飲上水黎講算平。食厭上水啲野可以食下。細節位：每次食完都有消毒抺枱。👍🏻👍🏻👍🏻…查看更多

中意辣既我又出動，一早book左19:30食飯，可惜遲左6分鐘，又miss左個call,店員就以為我地唔黎，所以等左15分鐘。😂😂😂不過無礙我地既心情，兩個人可以坐張六人枱實在是太好了。今次都係叫左駌鴦鍋，因為怕食菜索哂啲油。兩個人的確有啲尷尬，因為點叫都係唔抵，所以就決定唔睇價錢，揀自己中意既食。叫左手切牛拼盤$308，好好食，牛胸腹絕對係必食。仲有鬼馬油炸鬼，舊蝦膠新鮮油炸鬼又脆，連就咁食都好好食。好彩丸餃都有得叫半份，牛黃丸韮菜餃食得出係好新鮮。再追加午餐肉、鵪鶉蛋、皇帝菜、鵝腸。全部都係必食，食完就知點解呢個價。價錢從來不是問題，問題係值唔值呢個價錢！😏😏…查看更多

從未食過主打麻辣既火鍋店，自問愛火鍋愛辣的我實在十分慚愧，原因係揾到班陪你食辣既人並唔係容易。呢度環境服務質素都好好，可以放心。湯底:因有人食唔太辣叫左鴛鴦，本來都有啲失望，因為唔係全麻辣。但原來只係中間一個圓圈仔係清湯，亦因爲有左佢，先可以休息一下唔洗成口都辣。橙色既麻雀係辣椒膏，佢其實係油，平時食到一半會無辣味，唔知係咪因爲佢，由頭辣到落尾。牛牛，價值$288，白色嗰啲係肥肥，記得食埋佢，因為麻辣肥肥好爽口的。仲有好多好食無影相，因為掛住食。留意!!!必食推介一尺長鵝腸、豬潤(啱啱好熟就無得輸)、魚皮、嚮鈴、冰豆腐、苕粉(即係薯粉應該)。仲有，千祈唔好空肚食咁辣，最好飲杯奶先食。我一定會再食。…查看更多

又食生日飯，今日有12個人，可以無限亂叫都得，燒鵝三百幾半隻就貴左少少，本身燒鵝好味，所以其實點燒都好食。可以肥啲平啲就好！迷網陳村咕嚕肉，有皮蛋的😀水煮牛就一般啦，適合少食辣既人。呢個牛無得輸呀👆🏻必食話梅雞都好特別士多啤梨豚肉好似叫，都好食基本上都係全部好食，不過今次叫左三樣好相似味道既食物，柚子蝦、咕嚕肉、士多啤梨骨，建議揀一個好了，柚子蝦出面少有啲，可一試。最尾介紹必食係陳皮紅豆沙，有陳皮絲，又夠沙，不過愛蓮子百合的朋友要留意，它是沒有的，所以我很高興，因為唔洗to走佢😂😂😂兩窩夠12人一人一碗7成滿的。…查看更多

本來諗住百味皇，遠距離見到間傳聞既工廠飯堂九點幾，唔洗等位唔洗book枱。如果早食就要訂定位！今次食左咕嚕肉風沙雞蒜蓉荳苗椒鹽鮮尤富嘉應該係暫時香港仔小菜最好既一間。賣相好、夠熱、抵食、好食、新鮮。雞半隻都等於平時一隻，皮夠脆。蒜蓉荳苗又少油、咕嚕肉同椒鹽鮮尤就夠丈份又少炸粉。見到啲餐牌樣樣都想食，最好就人多再去，就食到更多。…查看更多

好簡單既早餐，唔洗食到咁飽。因為啲人番哂工，好靜，好舒服，享受人生先係最重要既野。呢個係烤芝士炒蛋火腿多士簿餅。最穩陣既材料配撘好難唔好食，不過唔中意食包既我就覺得可以換一換個包款，感覺會令人覺得抵食啲，同埋啲料唔會跌哂落碟，個包林啲，唔洗摌爆個咀。奶茶係我早餐必須，飲得出佢係用第二種茶葉，我就唔係咁中意。…查看更多

sick leave午餐，必喝蕃茄湯因為實左太濃蕃茄味，唔中意蕃茄既大佬都中意飲。上次個<牛油果三文魚意粉>變左<翠玉瓜三文魚意粉>有啲失望，今次食午餐最貴牛尾飯。牛尾少左啲，得四舊，係好林。不過我中意爽少少。都好食的！。 大佬話咖哩吉列豬扒飯都好食，夠脆。女仔食唔哂，男仔夠哂飽。係貴左少少既午餐，都值值地既。…查看更多

本來都有期望.....每一位員工表現都好唔自然，係人都知新開😐😐😐無可否認我係比佢個訂座5折吸引到黎既，但結果係點，相信大家都估到，一定係叫原價餐抵啲。餐湯+餐酒（白酒）湯係ok,不過凍左啲，我中意熱。白酒~~~~唔中意飲酒既一定唔中意飲，中意飲酒既都唔中意飲。主菜，羊扒加德國咸豬手羊扒其實都幾好食，因為我中意肥。但我中意點薄荷醬既羊扒多啲。豬手就可以再脆啲，爭少少，但又講不出爭啲咩。如果個價錢老實少少，會食得開心啲，價錢從來不是問題，感覺像被騙。 建議一個叫餐，其他就散叫吧。…查看更多

公眾假期既灣仔....度度都多人所以求奇揀左間貴貴既茶餐廳。最想食既吉列豬扒賣哂，焗住叫魚柳。留意番，呢塊係一塊魚柳，有少少驚喜。因為食親魚柳都唔夠飽，今次就有啲飽😂Ummm...50蚊有啲貴，但都值既。典型既奶茶，兩個字~~~~好味!…查看更多

去旺記既目的就係呢碟滑蛋叉燒飯，好味在啲蛋真係滑同有蛋味，唔洗笑，食左一次你都係咁既感覺。之後叫左個快餐，蔥油雞，雞扒夠大件，蔥油都好味，不過就咸左少少。但就多人左啲同迫左少少…查看更多

今日大佬攰到hihi,所以都係求奇揀間就算。門口十分光鮮，啲野食公仔都好靚。但原來就係門口公仔嗰啲野食。叫左吉列豬扒吉列蝦，有一篤飯仔，沙律同三色招。豬扒比想像中大又厚，又林又有少少水份，比70分，其他配料60分。仲有個意粉，已經係最吸引，但隻温泉蛋黎到已經爛左。不過無乜味，有啲似ucc，但ucc好少少。大佬比65分，我比60分。完…查看更多

相信個個都去過太安樓，我本身唔太好甜野，所以好少食呢啲野，不過我個大佬要，無計～～當你好少食雞蛋仔，你唔會覺得佢好特別，但當你食過銅鑼灣、旺角街邊既雞蛋仔，你就會覺得鴻記係真係好食。第一，因為人多關係，整極都整唔切，所以一定係熱食。第二，外脆內軟，脆唔係吉到個口損哂嗰啲脆，因為次次食親個口都會損。第三，唔甜又香。不過都有唔好既，就係個場太熱。大佬都話85分，-15分係因為個場太熱。必食！完。😏😏😏😏😏😏…查看更多

又自助又任點既放題~~~~一開始就一圍一個海鮮拼盤，今次四人枱，一個盤一個爐已經無左半張枱。食物質素其實就同其他放題差不多，但都算係多野食，壽司都有幾張紙你點。一個手板咁長既鰻魚，夠哂你飽，不過噱頭野，味道一般。一開波點得太多，一次過黎哂，野食多到擺喺窗枱。甜品同雪糕都要自己出去攞，雪糕最好早啲食，唔係排隊排死你。留意番:係movenpick.…查看更多

第一次既dazzling係喺台灣，唔好甜品既我所以十分會比6分，香港開咁耐都係第一次去，仲係晚餐。事關銅鑼灣已食到無野想再食，所以專登食下曾經失望既dazzling。無優惠既日子依然係要排隊，18:45排到19:30，有公主既男孩記緊book位(不過都要等)，用餐時間係90分鐘，最低消費係每人，係每人一杯飲品，留意番主菜係唔計。今次叫左熔岩飯同烏魚子意粉，仲有珍珠奶茶同普通咖啡，原因係因為無 mojito, 意粉係少啲，飯就正常，不過呢度係食甜品，晚飯咁算好。十分都要7.5分既。不過兩個人都係叫一個主菜一個甜品會開心啲。…查看更多