Tszhin0725's Profile

朋友常說牛氣好多嘢食，昨晚就去試下，店舖好大，很乾淨，有好多達摩裝飾好可愛，入到去真係好多嘢食，淨係熟食都有十幾廿款，有前菜，小食，甜品，生果，有D熟食都幾特別，例如泰式牛濃湯/咖哩牛筋腩，飲品亦有好多款式。打邊爐的款式都好多，連泰國媽媽麵都有，我哋叫咗泰happi主題$388蚊餐，先來一盤海鮮，有大海蝦，青口，帶子，魷魚，花膠，好新鮮。另外仲有三文魚刺身，可以過下刺生癮😅而且仲可以無限追加😋湯底就叫咗牛骨濃湯，好有牛味👍🏽嚟到牛氣當然要點牛啦，日本九州和牛，油花均衡，另外亦試左三款牛，都很有牛味，又唔韌。店內實在太多美食，不用追加都可以食到好滿足，唯有下次再食多啲😋😋…Read More

餐廳好大，坐位都尚算寬敞，燈光比較柔和點左個龍蝦汁鳳尾蝦意大利粉，龍蝦汁好濃，啲蝦肉都好爽好彈牙，份量足夠。慢煮BBQ醬美國豬肋骨，伴薯條同燉菜，豬肋骨好軟好稔，面頭既蕃茄醬亦不太酸，配埋個豬肋骨，好好味。啲薯條新鮮炸起出黎，熱辣辣，之後上埋個甜品，日落巴黎，即係窩夫g配兩個雪糕球，揀左焦糖脆餅同冧酒提子味，窩夫好香好軟熟，碟中間仲有兜朱古力醬點，仲配埋香蕉，呢個甜品，掂！#牧羊少年咖啡館#九龍灣偉業街33號德福廣場1期平台P26號舖…Read More

今晚第一次食陳鵬鵬，有啲喜出望外，一入到黎，環境光猛舒服，地方同枱凳都算濶落，一黎上壺茶再加塊開胃餅👍🏽叫左金獎鹵鵝拼盤，流心鹵水旦，啲鵝肥瘦適中，仲有頭同頸位，鹵水好入味，好香好有鵝味。香煎金䱽魚，煎得好香，皮脆肉嫩😋😋蠔仔泡飯，好多粒蠔仔，一路熱住，好好食。潮汕7樣菜，其實就好似雜菜煲，不過個湯底應該無落味精，夠味但食完又唔會好口渴👍🏽👍🏽仲有個雞汁普寧炸豆腐，豆腐炸到外脆內嫩，讚👍🏽最後飲埋杯鴨屎香檸檬茶，滿足，性錢亦算合理👍🏽👍🏽👍🏽…Read More

之前已經食過姚姚既酸菜魚同片皮鴨，本身都想再食，但黎到見到有新野推出，今次就試左個雞煲二食，首先黎個雞煲，唔太辣，又夠惹味，連入面啲配菜都好好味👍🏽👍🏽食到咁上下加湯打邊爐黎左雞皮，雞片，雞雜，都幾好味，仲有埋個疏菜籃，再加埋個擔擔面，擔擔面唔會太杰，又唔好會溜，有啲肉碎加埋少少麻辣味，唔錯😋😋最後甜品叫埋個紅糖糍粑，啲黑糖同糖粉份量岩岩好，唔會太甜，上枱熱辣辣👍🏽👍🏽👍🏽兩個人食，滿足到不得了😅😅…Read More

經過深水埗，未食早餐，黎度呢度，叫碗皮旦魚片粥，加腸粉。門口好多人排隊買腸粉😅😅入面座位就唔太多，搭枱都好快有位，碗粥就都算足料👍🏽👍🏽腸粉係比起出面滑，勁多麻醬👍🏽👍🏽其餘醬汁擺晒喺枱面任加👍🏽👍🏽…Read More

有晚開OT，去買左個焗豬扒飯返公司食，味道喜出望外👍🏽👍🏽👍🏽好有小時茶餐廳既味道，啲蕃茄汁好味，不過略微偏酸，勝在夠多汁送飯，上面有少少焦香既芝士，啲豬扒又夠腍，仲切開埋一條條，方便食飯😋😋😋又係炒飯底，下次可以再試埋其他飯…Read More

經過鵝頸橋，諗緊買燒味定雙餸飯，見到超人都幾吸引，好多選擇，花多眼亂😅😅叫左雞鎚同蕃茄旦，份量好足夠，啲茄旦食晒成盒飯都仲有淨，同事叫左兩款菜，萵筍又幾好食喎👍🏽👍🏽👍🏽40蚊有找，仲想點丫….😅😅…Read More

銅鑼灣行街，經過見到Pie & Tart，好耐無食過，想買個雞批食下，想買時，見到櫥窗多左好多款批，最後揀左美式螺絲肉汁批，上面脆脆薯蓉，下面有肉醬螺絲粉，啲肉醬好好味，酸甜岩岩好😋😋😋不過略嫌唔夠熱辣辣，我一買完已經即刻食😅😅…Read More

焦糖香蕉熱烘窩夫全日早餐Bagel 勁軟熟夾香蕉食又得，夾炒蛋食亦得香蕉配埋焦糖得十分好食😋😋😋香蒜牛油蜆肉意大利粉蜆肉份量唔少，意大利粉口感同硬度適中仍然keep 到牛油香味👍🏽👍🏽👍🏽…Read More

尋晚經過牛池灣村，想食小菜，點左韭菜豬紅，啫啫芥蘭煲，沙薑雞腳，中式牛柳，苦瓜魚腩煲，整體黎講都好好味，好有鑊氣👍🏽👍🏽👍🏽不過全部餸都比較偏咸😅😅啲苦瓜可能無飛水或者無落糖，真係幾苦瓜😅😅咁整體黎講，大排檔係咁上下啦，係個中式牛柳最好食😋…Read More

今日過開灣仔，突然想食燒春雞，於是就黎薔紅試一試佢，朋友再叫多個午餐雜扒飯，隻雞黎到賣相都已經好好，金黃色，皮脆肉嫩😋😋😋炸到岩岩好，就連雞胸位置都唔會鞋颯颯👍🏽👍🏽👍🏽加少淮鹽一齊食，仲正，不過啲薯條就略嫌炸到硬左少少。個雜扒就不過不失啦，但係跟果個意粉，真係好好食，好有小時候去茶餐廳食果啲意粉既味道👍🏽👍🏽👍🏽…Read More

今日喺葵芳新都會搵野食，呢度真係好多選擇，見敏華有人排隊，於是就一齊排下😅😅第一次試呢個黯然銷魂飯，見到72蚊😨😨😨其實覺得都算偏貴，但都要試一試，叉燒半肥瘦，入口有啲即溶，果然唔錯，轉左太陽旦，有兩隻，旦味亦夠👍🏽👍🏽略嫌唔夠豉油，加多個羅宋湯，羅宋湯亦算中上😋😋😋不過成個餐牌，覺得都算偏貴，但都幾好食…Read More

呢間鋪，好多年無黎食過，早兩日加班開夜，就黎買宵夜，呢度啲牛腩好入味，又夠腍😋😋雲吞又大大粒，夠晒足料👍🏽👍🏽不過換左啲外賣盒，好似細兜左😅😅同事叫個淨菜心，得幾條仔😓😓另外有同事食崩沙腩飯，個飯盒真係好細盒，食宵夜都好似唔係好夠😅😅…Read More

早兩晚同朋友遊車河，想食宵夜，就去左火炭搵大排檔，呢度好有大排檔風味，門口又可以擺車😅😅😅但野食普遍都偏咸，最好食係個雞粥，軟綿綿，啲雞都好有雞味，又嫩滑👍🏽👍🏽👍🏽炒蜆辣辣地，幾好味👍🏽👍🏽…Read More

尋日經過，見啲雞好似幾肥幾靚，買盒飯返公司食，無骨海南雞飯，38蚊，抵食👍🏽👍🏽啲雞都算足夠，夠餸晒盒飯，啲雞都算皮滑肉嫩😋😋😋醬汁亦幾款選擇，海南雞醬，薑蓉，酸辣汁，以咁既價錢，同份量，絕對可以一試👍🏽👍🏽…Read More