美食品質監控員's Profile

其實本人每星期都叫兩至四次衣閒外賣,寫食評係因為希望有日該店的老闆能睇到作改善. 我平時多數叫小炒肉同乾鍋. 重點黎喇😅我估該店應該有兩個煮法味道好唔同嘅廚師,令我又愛又恨😂感覺好似叫外賣食都變成睹博咁😏其實講真食得川菜嘅人都多數喜歡重口味,健康餐咁少油少調味料咁不如食素菜🤪我會介紹兩張唔同日子叫的小炒肉相片比大家睇下,好明顯一個夠色香味,內片有走油乾身香口掛汁。另一個少油少調味,肉片好像沒有走油直接炒,食落好淡好難食. 若果要穩陣都係食乾鍋比較好,兩位都煮得好食。但我本人又好喜歡吃那其中一位煮的小炒肉多啲，不過就要預左有賭輸嘅心理準備，因為除時係煮健康餐果位經手，咁就要捱餓一餐😭😭啲肉真係淡到食唔落😰…Read More

只能用失望黎形容而家嘅心情,豉油雞飯已變成平平嘅碗飯,而唔係推介相片內咁,飯同餸分開用一大碟擺得靚靚咁上,我首次光顧,無諗過眼前的那一碗飯係值咁嘅價錢. 首先講下味道,雞皮偏肥好多油脂無切走,雞肉無味唔滑,雞皮有少少甜味但鼓油味唔出,但慶幸沒有雪味,勉強食到入口. 沙津係生菜絲雲耳同車厘茄,同麻醬放埋入碗內，雞下面遮住左少許飯素同少許飯. 最底下先有豉油汁. 薑蓉亦一啲都唔香,反而吃到有蒸魚味,唔知係咪加左蒸魚豉油. 以觀塘區嚟講,食物選擇多,跟本不用再來. 飲品我揀左蜜桃烏龍茶,無糖但飲唔到桃味,亦不見有任何果肉,普通. …Read More

早幾日經過門前看見放在門口的展示的樣版，一見鐘情決定要揾日入內試一試這道水煮牛肉。原來舖前的樣版每日轉款展示比街坊睇。今日正好放假，下午五點幾入到店內諗都唔諗直接叫左水煮牛肉，個餐跟白飯同例湯一碗。凍飲要另加配錢。我先講水煮牛肉，牛肉夠軟滑，配料有芽菜，雲耳，腐竹，色香味俱全。辣度麻度適中，不會淡而無味亦不會辣到食唔入口。最估唔到就係佢碗例湯都足料夠濃、可惜好细碗，若可大碗一D就正喇。飲品叫左凍央，師傅手勢沖得好，不會死甜多奶，有茶香。埋單連凍飲埋單$77我覺得也合理。食完之前仲見到老细回來，還互相來一過友善的笑容點頭。下次還會再試其他茶式，偷望見隔離枱的星州炒米也好像很好吃，留待下次吧。個湯太好飲，口快飲唒忙了影相，今天飲的是雞腳青紅蘿蔔煲豬展，但可能個碗太细，我碗湯內無雞腳的足跡，哈哈，，，但好夠火喉。店內環境光猛，坐位舒適，冷氣夠涼。侍應姐姐同叔叔友善。…Read More

今天放假，知道該店终於營業，便入內一試。叫左個台灣腸肉燥飯和泡沫珍珠奶茶。先講台灣腸，本應諗住實唔會失望啦，但上到卓上一望像無煎煮過一樣的賣相，用手感覺一下腸的温度，是放了很久已涼了，腸的旁邊還拌着幾片生蒜片。再講肉燥飯，肉燥份量極少，肉燥汁不正中，夾雜大量肥膏，肉燥反而得幾粒，白飯又少質感落太多水過淋，最好的只有那半隻糖心蛋。泡沫珍珠奶茶，糖漿同奶茶係分開上的都幾细心，茶未一般，珍珠太淋唔QQ。服務態度一般，此店同是大快活集團，但店員的服務態竟不及隔離新開的大快活姐姐來得親切友善。我只吃了一片腸和兩啖飯同那半隻蛋，便付錢埋單了，但店員卻無發現有問題，此店已被我黑名單了，由佢裝修到開業，到首次光顧，只能說只可一不可再…Read More

好耐無幫襯這店舖，我以最愛吃這裡的吉列流心豬排同醬燒豬手，通常都配烏冬加蕃茄湯底，但今次的外賣令我非常失落，因為味道同以前的完全改變，先講吉列流心豬排內的芝士，從前吃的芝士拉出一絲絲芝士的，未吃落口望到已很開心，但現在的給我感覺像是芝士汁加忌廉白汁的液態流心，望到未吃已失望傷心，其實味道還可，但已不是我其待的味道，若大家想看以前豬排的賣相，可找回他人-舊有食評分享的照片以作比較，湯底也差了，不再感到新鮮的蕃茄湯，像普通羅宋湯加半個蕃茄般簡單，已79蚊的價錢外賣這一碗烏冬，絕對不值，希望店主可正視問題，我並不覺得像你口說的因為舊有芝士像吃刷子膠，而作出今次的改變，希望日後有機會吃回往曰的美味。另外講講上次的醬燒豬手，味道保持軟甜入味，但份量時多時少，有客人還即場投訴呢，店内環境比以前少了唯一緊有的電視機，枱也少了一張，其餘也沒甚麼特別。…Read More