棄治療克里夫's Profile

叫左咖哩牛柳、牛舌蛋飯，牛質素唔錯👍 燒得好香口。 咖哩好野味 同蛋包飯好夾。除左拌碟蔬菜水旺旺之外，整體黎講高質。可惜服務就如大排檔。啱啱食完擺低羹，9秒9 走過黎問你要唔要，收走個碟。到畀錢完錢個陣，將收據劈落檯面，感覺唔良好…Read More

一間裝修好有日本鄉下嘅居酒屋，環境，氣氛高分。好可惜食物質素與環境不相配，浪費左裝修畀客人嘅氣氛。我地叫左嘅手羽先同埋油揚炸雞嘅雞肉，無經過調味就攞去炸就已經唔合格，食落口寡而無味，雞肉質素係好的，無調味而浪費左食材。而且粉漿太薄，炸雞亦唔夠脆，可惜可惜。食物性價比唔高，當晚仲叫左甲羅燒，牛舌，免治雞棒，關東煮（有啲唔明點解關東煮會有小唐菜同埋肥牛，真心黑人問號，可能佢收$128所以於心不忍加返啲送入去），手羽先（會有雞槌附送），蟹肉蟹膏炒飯酒類選擇多但mark up高。公平地講翻句，可能係食飯個晚咁啱個位師傅係返part time🤔。亦可能餐廳轉手之後食物質素跟唔上。亦都有可能千錯萬錯都係疫情的錯，所有野都要節省成本，搞到啲野食唔好食。唔知，希望日後有改進。…Read More