為食貓sonrisa's Profile

因係附近返工，偶爾會幫襯。一直覺得價錢貴，包又唔係特別出色。今次放工順路想買個早餐，見到貨價上有雜糧包，標籤寫歐陸雜果包$28，比錢時拍卡後見到$45，以為自己睇錯價錢，比左錢就準備離開。離開前睇多次貨價，係標$28，於是問收銀人員「唔係28嗎？」阿嬸頭都未抬冷漠答「45」。唔想浪費時間便離開，心中好唔舒服，點解係咁？收銀解釋一句放錯標籤都好，終於知道點解評論都話比錢買氣受。第二日仲食出核桃殼，差點割傷。如果係小朋友，幾危險？以後都唔會幫襯…Read More

第一次來係同朋友食晚餐，對餐廳花海般的裝飾印象深刻，食物味道都唔錯。見到有人過生日，又花又蛋糕，氣氛都好正。今次媽咪生日，就想起這間。媽咪一進入，睇到檯面花花裝飾同手寫的生日卡已經好開心，特別感謝工作人員安排窗邊靚位比我們，望出係銅鑼灣避風塘。招呼我們的三位工作人員都十分熱情有禮，第一位長頭髮，耐心推薦生日餐比我們，見到有送鮮花桶，就即刻落單。第二位短髮女仔，好熱情推來唱歌的熊仔，花桶，幫我們影相，提醒我可以錄影。第三位中年男士好有心思，幫我們影相時仲擺盤打燈。整晚我們感覺被照顧地很好。食物質素都幾好，黑松露春雞同麻辣花螺非常之正，花螺係真辣🤣🤣食得辣一定要試試。鵝肝牛排煎的都十分正，值得推薦。…Read More

平時晚餐儘量唔食茶餐廳，因為中午返工已經食厭。每日返屋企都行過尼間，今日決定一試。環境幾好，寬敞同有格調，黑膠唱片同海報貼牆，好懷舊。落單後好快上來，牛扒超級大份，一個人根本食唔嗮，黑松露意粉擺盤好靚，口感香滑又唔流唔獻，非常適合我。服務熱情有禮，本人唔小心倒瀉剛上的熱飲，兩位店員即刻遞上紙巾，幫我們轉檯，處理地下同檯。處理完後好nice咁沖多杯比我，整個用餐過程好似係屋企咁舒服。希望多啲街坊鄰居來幫襯呀…Read More

提前book位，星期六晚放工後串燒，寫全單88折優惠。visa埋單後發現正價，詢問點解冇discount ，店主話你埋單時冇講，我話咁book位時顯示晚餐優惠，我以為自動，咁可否取消重新比錢，店主話，冇了，買左就冇。其實信用卡支付可以取消重新搞，只係店主唔想咋，我唔可以話欺騙，只可以提醒下其他人記得埋單時講。另外，餐廳環境的確好逼，不過試串燒都可以理解。但服務可以話完全冇，得店主同一個夥計，非常忙碌，入來冇人招呼，問野又唔答。有人入座後等十分鐘冇辦法落單，走左。食物質素來講，公道一句，唔錯，雞軟骨好香，唔會太重調料。花甲、金菇等份量都好足。…Read More

作為麻辣燙忠實fans，難得係香港食到咁好味的麻辣燙，湯底四款選，清爽香口，可以自己加醬料。配菜選擇多元，主要粉麵都有好多揀，米線、米粉，出前一丁、烏東、紅薯粉、土豆粉⋯⋯最鍾意藤椒湯底，好鮮，飲完唔會頸渴，推薦。豬骨湯加麻辣都好正，配埋土豆粉，一流。蕃茄湯都幾濃郁，推薦。配菜都幾新鮮，西洋菜、通菜⋯⋯好多款，丸子也多款，最驚喜係有客家蛋餃，好味呀。朋友次次都忍唔住食80蚊以上，我60左右已經好飽…Read More

外賣魚腐豬潤重慶小辣米線，返屋企發現冇魚腐，只有腐皮，店內唔多人，冇法理解點解可以錯，單又寫魚腐，冇辦法，已經返到屋企，冇辦法行過去。雖然味道幾好，但仍然好傷心…Read More

琴晚放工係時代廣場樓下打電話問有冇位，店員話有幾個人等，唔多，可以來等位。5分鐘後我同朋友就到，發現其實冇人等。落座後，落單落左15分鐘都冇搞定，因為佢地好忙，落時話我地知烤鴨冇，羊腩冇，唯有重新再睇過，落左圖片睇起來好味的幾味。結果，上來後，差距相當遠，我地以為自己失誤左一味餸，點知後面幾味一樣茶餐廳水準。200多蚊鮑魚雞煲，得4粒小鮑魚同10快細雞件，問店員，佢話罐頭鮑魚好貴，同埋一改之前笑容，答一句就唔睬我地。食完埋單，又係10分鐘先有一個男經理睬我地，話好，之後行開，再冇出現，當時只剩5或6檯，又等10分鐘終於女經理比我地買，結果比完我發現有酸菜20蚊，我地冇見到咩酸菜，好唔容易叫到一個侍應，反問我地，係花生，一坐落就有，我話我地冇，比你睇圖片。佢話好，幫你退，又等15分鐘。同埋，睇到水晶燈上吊滿灰塵吊吊，好驚吹落碗。總之，除左上菜阿姐服務好好之外，其他，難以恭維，唔明點解分店多，客都唔少…Read More

位置不錯，容易找，距離酒店很近。在海傍，看出去景色也靚。但服務態度差的離譜，一位店員迎接入門，比一張四人台我哋，未落座時，見到窗邊卡位有人埋單，我哋問可否坐，迎接的女店員不情願得讓我們去裡面坐四人卡位，我問是否窗邊不可以，女店員話要三人先可以，我問頭先埋單同一家另一台都係2位，女店員翻白眼，不回答，用workie talkie同同事抱怨：佢地要坐你個張台哦 ，唔睬我地。此時另一位女同事來，態度較好，話安排了，過去坐，只係比三人茶位，我地話ok，不過你個位同事好似不滿我地，我係唔係應該離開。店員話，冇，都已經安排好。我哋就坐落來。原來食物真係唔掂，五樣野，冇一個有驚喜，酸菜魚是唯一的安慰。最後，大家出街食飯，都係希望開心，如果座位有最低消費都可以理解，三人茶位我都接受，但可否態度好小小，可以話：唔好意思，個邊要比三人茶位，唔划算，不如坐入邊。又唔係無禮要求，點解唔可以好好講野…Read More

一家足球主題的餐廳，用餐環境舒適，雖然我不是球迷，但對內部的佈置還是很欣賞，感覺很溫馨。服務非常好，親切有禮。食物有驚喜，色香味俱全，特別喜歡腐皮蟹籽沙律，非常美味。香草義大利飯也很香。此外，焦糖布丁是常見的餐後甜點，但這家是我見過最特別的，一隻透明的蛋殼盛著布丁，看得出非常用心。而且這些美味高質素的食物價格非常合理，真是物美價廉，總之在這裡用餐很享受。下次朋友生日或者聚餐，都是一個很好的選擇。推薦。…Read More

位置很容易找，落地玻璃窗，看起來很像法國街頭。每一盤食物都很精美，配色，擺盤講究，味道中上。整個用餐環境優雅，服務也不錯。葡萄酒很出色，特別是白葡萄酒，推薦。生日聚餐，朋友傾計都很不錯。…Read More

東方宮拉麵連鎖開遍了內地大城市，香港開在銅鑼灣，很近地鐵。老闆是純正蘭州人，親自下廚。味道非常棒，不鹹，牛肉湯比日本拉麵湯健康多了，不油不膩。雖然入鄉隨俗加入了香港特色，但總體都很地道。面有多種選擇，從細到粗，非常齊全。辣子油香而不辣，蘭州特色。特別是牛肉，用地道牛腱子肉，非常難得，強烈推薦。特色酸菜也是甘肅的傳統做法，好吃。另外，在銅鑼灣這個地方，價格也特別合理，想想幾十塊的車仔麵⋯⋯強烈推薦，銅鑼灣上班族的福音…Read More