bebebee's Profile

係openrice見到Renaissance 做緊個high tea set discount.一到達即刻安排window sofa seat，舒服闊落，仲要係落地玻璃，望住個景食住high tea,非常enjoyable！自問鐘意鹹點多過甜點。假如你都一樣既話，呢個high tea set值得一試。前菜係西班牙腸加芝士platter,主食鹹點有好似松露芝士火腿三文治，炸馬介休球同好好食既欖油蒜香蝦等等。甜點唔太甜啱哂我，有churros,呢期hit既巴斯克蛋糕，好特別既香橙米布甸等等。當然有scones同餐茶。性價比高，值得再幫襯…Read More

呢度既早餐選擇都幾多，好似都有8-10款。我揀咗個"雞排杏飽菇炒蛋西蘭花蘑菇湯螺絲粉"，聽個名都知好足料，再配一杯熱飲，只係45蚊，與其排長龍食大型連鎖快餐店既早餐，不如安安靜靜坐係度慢慢嘆，反正度度早餐都已經咁既價。另外，再叫咗一個自選早餐，同全日早餐差唔多，揀咗牛角酥炒蛋粟米煙肉火腿排再配蘋果茶，只係52蚊，俾出面1份差唔多100蚊既全日早餐都唔差得遠。員工服務同態度亦好好。有服務又唔使另外加一好滿足既早晨，令你更有衝勁迎接一整日既工作…Read More

即使烈日當空都冇阻專登行20分鐘去試新餐廳。午飯時間，可能仲新，冇坐爆，所以食得幾舒服。仲要好好服侍，會走過黎問下好唔好食，又會推介野食，唔錯唔錯。叫咗乳豬，叉燒，咕嚕肉同蕃茄海鮮烏冬。個乳豬真係好正，好耐冇食過咁鬆脆既乳豬，唔算肥，不過食幾件都lau，記得忍口，食兩件就試咗其他野食先。叉燒就好腍，半肥瘦，食唔停口。蕃茄海鮮烏冬好足料，個蕃茄湯好新鮮，飲咗兩碗仲有大大粒帶子。猛咁望隔離枱食咩，睇見樣樣都好想試!!!埋單位位300，但真係值得食同encoreeee…Read More

成日黎幫襯。最鐘意佢地杯薑汁奶茶，可惜可能季節問題，依㗎冇得飲啦同埋好鐘意佢個地瓜條，夠哂脆同熱氣餐餐食唔停口。另外，佢個辣豆腐粒我都好like,重口味既朋友一定啱食。之後循例叫佢個半筋半牛麵，不過不失啦，其實就碗滷肉飯仲好吃（不過細碗）。佢仲有個滷肉麵線，好老實，啲油多都嚇親我。最後叫咗佢個珍珠雪糕多士。我食過哂兩隻味，其實就冇咩分別。不過，食完野大家share個甜品又幾滿足。唔係好甜，不過幾多cream,我反而覺得最好食既部份就係件多士…Read More

呢期去多咗北角匯，去買韓國野食又有一田可以逛下。行到攰想食個下午茶，搵到呢間星馬餐廳。一位你預70-80左右，包杯野飲，座位幾好坐，最重要係下午茶都係俾正常份量（其實一個女仔一份可能會識唔哂，特別係下午茶），的確要讚讚讚!叫咗個老鼠粉，好多配料。有我好like既豬肉碎，魚仔花生，脆脆同埋煎蛋。撈埋哂食香口又惹味又叫咗個巴東牛肉班蘭飯。其實就冇咩班蘭味，或者咁講，個巴東牛肉汁已經掩蓋咗啲班蘭味。鐘意重口味既我，係覺得好好食既老實講，放lunch黎一樣價錢冇杯野飲黎食都係化算既。下午茶包埋杯野飲當然更抵啦!!值得推介…Read More

專登早少少出去食個lunch,但竟然都會full哂！一於坐低睇下有咩食，我朋友就點咗burger,我就鐘意有啲米氣。我最後點咗佢個慢煮叉燒飯。朋友個burger望落冇咩特別，但我碗黯然銷魂飯真係超好味。首先個賣相睇落好豐富，有足2隻太陽蛋，再有菜有cha燒。慢煮既做法真係令到啲叉燒好腍好好食。另外，我再點咗杯choco blend cappuccino,真係唔講得笑，連一個平時唔多飲咖啡既我，都覺得好好飲。成個午餐真係令到我同個朋友好滿足，之後開開心心返去開工。…Read More

好食，同老公慶祝生日，諗住食下靚牛。閒日唔想去到Mortons咁遠，又唔想又係Ruth's Chris既話，Lawrys會係另一個好選擇。首先搭下佢架特別𨋢，感覺良好。叫咗lunch set，一個跟沙律，沙律會係你面前即撈即serve,正。牛又係直接係你面前cut.淨係食服務都值啦。另外一款係牛排加龍蝦，龍蝦就真係好普通。Btw,薯蓉好好食因為慶祝生日，有甜品送，仲有即影即有相。總括黎講，食物質素，環境氣氛，服務態度都係好，性價比高既餐廳…Read More

一定會再去既火鍋！揀咗好鐘意既鴨血火鍋，鴨血可以任加，超開心！我食得辣，所以就覺得唔多夠辣既。啲火鍋料好可愛，一定要點佢個企鵝丸，好多隻，打卡影相拍片一流，味道都ok㗎！又叫埋佢個如意滑，味道冇咩特別，但造型加分。另外叫咗個荔枝丸，唔推薦。又叫咗羊肉同牛肉，再點咗兩杯珍珠奶茶。珍珠奶茶大大杯，同埋味道唔錯。2個人去食，叫到成枱野，但因為好味，全部食哂又有加鴨血。成餐食完感覺好滿足。價錢中上，但值既，成班人食or兩個人撐枱腳都係好選擇。…Read More

平時黎北京樓都係食片皮鴨多，但因為黎lunch飲茶，所以只係叫點心同麵啦。佢呢度有兩款點心拼盤，我覺得2個都唔錯，一個蒸一個炸，叫哂咩都有啲啱啱好！蒸既有菠菜餃，燒賣，粉果，蝦餃；炸既就得3款，分別係cha燒酥，蘿蔔絲酥同春卷。我最鐘意食佢個菠菜餃，燒賣同春卷佢個炸甜心拼盤有少少high tea feel之後再叫炸銀絲卷(依㗎都少地方有得叫），同埋六必居炸醬麵（呢個就差過以前啦，有啲hea).4個人食夠哂。…Read More

之前網上見到佢係太古城附近新開，望到啲野食相好靚，所以即刻去試。閒日4點左右，估唔到都full full 地，可能疫情太耐悶得滯，又多咗留港放假啦，好多人見到有新野都去試下。話說我係慶祝生日既，同店員講咗，佢會幫你係個碟到寫Happy Birthday.野食的確賣相非常好，打卡一流。同人慶祝唔好食蛋糕咁悶，黎食梳乎厘啦！我本身唔好甜食，覺得佢個梳乎厘甜度適中。份量係大既，一人一碟都幾滯，細食既女仔可能share會好啲。價錢唔算平，不過以賣相同份量，都算ok,值得encore.…Read More

因為喺Murray staycation,個package就包咗一日三餐，都係喺The Tai Pan搞掂。3餐入邊其實早餐最正，之後就晚餐，最後就個Afternoon tea set.早餐係超豐富，真係成枱都係，個salmon egg benedict的確唔錯，反而菠菜果款egg benedict個味冇咁夾。又有雲吞呀粥呀牛角酥咁，總有一款啱你口味啦！晚餐方面，個package包咗個seafood platter,個鮑魚真心好食，又鯰又鮮甜反而main course普通啲。牛同魚係ok,但個意粉好鹹。最後食咗cheesecake.下午茶呢，就鹹點好食過甜點。我見好多人都放棄咗唔少甜點。不過呢，絕對係打卡able.…Read More

康怡最近開咗好幾間小食舖，隔離有炸雞同糖水舖，呢間就賣下蛋捲三文治同台式野飲。今期我見有教主Anson Lo應援物資派呀，基本上成間都貼哂poster講返野食先，我堂食試過紅豆酥餅同蘋果茶，都要等一段時間，味道係幾好既，個紅豆酥餅唔太甜但又夠香口。今次就外賣啦，試咗黑糖珍珠鹽厚奶茶，再encore蘋果茶，又叫咗個花生醬煙肉捲餅加泡菜豬肉三文治。又係等咗好一段時間，最好食既係個三文治，下次可以再叫，但個捲餅就真係普通咗少少。可能因為經外賣平台叫，價錢比堂食貴，兩個人份量總共160蚊左右。…Read More

同另一半慶祝生日，疫情冇得去日本旅行，唯有留港揀間高價少少既餐廳開心吓。專登望下啲食評，見到呢間懷石料理賣相唔錯，就book個lunch試下啦！事實的確係賣相非常好，打卡一流，每碟上枱都忍唔住狂影相，用黎氹另一半實冇得輸。用料同價錢都成正比既，味道就不過不失。至於地方呢，就比較窄既。建議大家有興趣就早啲book 師傅枱果邊，因為可以邊食邊睇師傅點慢慢細心擺盤，係好享受!Overall性價比算ok.同埋唔同季節有唔同食材同擺盤，我覺得慶祝既日子係值得再去。…Read More