雲斯食遊的個人專頁

食碗雲吞麵 🍜 收茶位費再收你加一服務費，（坐低斟杯茶記膠杯約250ml俾你，飲完侍應經過幾次都唔會refill俾你（何以收服務費？），碗麵🍜本身已經算收得貴（可能係因為我窮），湯清唔鮮，味淡麻油味重，雲吞標準大細，無金魚散尾，間野大把位（數過4成滿都無，有+-十張吉枱），仲要夾硬夾個內地男仔黎搭枱😥， 一碗算細既「大」蓉+杯淡而無味既茶，承惠$80.3…查看更多

路經見到有四川特色小食鍋盔，買左個麻辣牛肉味，雖然唔係剛造好，但外層好酥脆😋有驚喜，內層麻辣牛肉不多但幾惹味，價錢$15，一般口味好似$10都有，作為餐前街頭小食不錯啦。…查看更多

午市銅鑼灣區一向都比較爆滿，穩陣起見跟同事先打個電話預留座位，12:00上到去剛好滿座。但不用等位。入門見壽司🍣Bar枱已坐下不少客人，有日本築地場外市場壽司店的感覺，裝潢設計風格實在不過火，座位間隔舒適有致，不過於擠擁。今天來沒有食Omakaset,所以沒有坐在bar枱，卡位滿左 坐左入包廂🤗午餐有熟食定食，壽司🍣set分8件及12件，來到壽司店又不是居酒屋，我當然睇都冇睇到熟食Menu，揀壽司set la!! 叫了個12件壽司的set，選擇種類不算十分多，但有不少是精選高質的魚類。一來先上 前菜有沙律🥗蒸蛋幾滑例牌有個味贈湯。選了12件精選，唔係每一件都記得名，但重點有火炙拖羅又有海膽，亦都有一些可選季節限定鮮魚😋食完仲有個手卷幾高質 紫菜夠乾身夠脆證明飯打得夠鬆去夠濕氣、再上烏冬（烏冬/蕎麥面二選一）綠茶🍵蕨餅同餐飲，呢餐非常滿足飽暖😌…查看更多

星期五晚上厭倦了蘇豪區的嘈吵，黃金周尖沙咀的人滿為患，同朋友一齊來試一試呢間隱藏在土瓜灣不起眼一條街的西餐。到達現場見裝修有格調，坐位舒適，新潮的霓虹光管配上滿牆的花絕對係影相打卡的靚景，入內一位外籍服務員有笑容禮貌地安排好坐位，店內眼見大部分是外籍的員工及廚師，有一位香港的的女仔，餐牌是中英對照。今次我一行4人頭盤小吃叫了 牛油蝦配蜆跟多士，蝦同蜆都好鮮美，烘脆的麵包沾上有海鮮味的牛油好正， 雞肉沙律🥗 雞肉做到外脆內軟有汁有驚喜，薯條🍟係即炸熱辣辣，烤汁炸雞翼有水準但未見驚喜。到主菜先上一個時令的大虎蝦，廚師👨🏻‍🍳說是今日在海鮮檔見到很新鮮所以特別挑的，煎得剛剛好，蝦🦐外層煎香帶出蝦味，蝦肉爽彈夠大隻有滿足感好新鮮，伴有酸酸地的TaTa醬更開胃。第二款澳洲肉眼牛扒叫左medium rare，熟度控制得剛剛好，是我最愛的pan fry煎法，雖然無坑紋賣相咁靚，但整塊扒表面都有梅納反應外脆內軟，中心仲保留到Medium rare應有紅寶石色的嫩滑牛肉外表帶點焦香 好味，配埋個蘑菇汁有畫龍點睛之效。羊扒煎得也不錯，但我並不是十分好，所以切開後只吃了兩塊；再來就係個海鮮西班牙飯，飯煮得剛好有輕微咬口，索晒海鮮的精華，吃得出帶點點酒味😋👍🏻，最後以一個焦糖燉蛋作結，很完滿的一個星期五晚餐，叫左咁多野食埋單竟然每人只係2百幾😋我跟朋友覺得性價比很高。…查看更多