eathoyea的个人专页

19.10.2017 #台灣ET鹽水雞大愛鹽水雞！去親台灣夜市，一定要叫鹽水雞！小黃瓜！最近妹妹介紹我食雞冠，口味好似食緊雞軟骨一樣～但香港無～唔緊要！.台灣ET鹽水雞進入荃灣第一戰線，店員介紹到一定要有少少辣先好食，就一試！成個調味係比較重！我最鍾意鹽水雞一定要加嘅就係蘋果！無論係青定紅，呢度就係青蘋果，我覺得個酸味係可以解膩同埋繼續狂食落去。仲有可以吊一吊個辣味～大家不妨一試！.好嘢指數︰👍🏻👍🏻👍🏻👍🏻（5👍🏻為滿分） .🚩🚩即刻Follow我哋【食好嘢 @eathoyea 】啦🤤🏃🏻💨…查看更多

開完會根本無心機再做嘢，食餐好啲就等收工啦！去咗鰂魚涌嘅新餐廳Favilla x Bless Cafe，絕對係畀佢個裝修吸引咗入去，因為佢好多嘢都用木再die-cut😍見到menu就知鰻魚係主角，今次就試個all day breakfast先，再用半價加杯Iced Matcha Latte！份量正常，鰻魚好肥美，但食落去無幼骨，唔錯！仲有炒蛋配多士，簡直係絕配👍🏻 不過iced Matcha Latte就有啲失望，淡味咗...蒲燒鰻魚味噌炒蛋吐司（$128）Iced Matcha Latte （$24）好嘢指數︰👍🏻👍🏻👍🏻（5👍🏻為滿分） 🚩🚩即刻Follow我哋啦🤤🏃🏻💨…查看更多

08.10.2017本身打去book位，點知要一個月先有位！！！我有的是時間，諗住試下walk-in，上到去有個操一口流利國語嘅店員話full晒啦，無得walkin。正想離開之際佢問唔知你哋介唔介意坐bar枱？.坐bar枱仲好，最鍾意睇住廚房做嘢，店員大部分應該都係台灣人，因為聽到有個店員話掛住男朋友😂.店家推介嘅椒鹽松阪豬（$70）果然唔錯，仲有專人幫你燒！另外，和牛肋條（$128）就燒得有啲靭，唔知係咪近根位。而味噌去骨雞腿肉（$80）味道最濃，我哋order前店員都話重口味喲😂 唔夠喉再加個椒鹽上等豬五花（$70），肉質爽口有油香，好似燒肉都係食豬比較正👍🏻食得太多肉，叫多個胡麻水菜沙律，食返啲菜令自己無咁有罪惡感🙈好嘢指數︰👍🏻👍🏻👍🏻👍🏻（5👍🏻為滿分） …查看更多

14.10.2017 #QuicheYoroizuka都出咗名一陣子先食，之前以為得sogo有，原來大埔超級城都已經有，但好可惜因為都比較夜，最出名龍蝦撻已經賣晒，所以叫甜食—芒果撻。撻底係最好食，比較硬身可口，芒果粒粒喺面，入面係芒果蓉，加藍莓醬，酸酸甜甜平衡唔會一味死甜。.好嘢指數︰👍🏻👍🏻👍🏻（5👍🏻為滿分） …查看更多

舊同事聚lunch，上黃竹坑工廈食🤤四品 加 飯/烏冬 加 蜜桃茶($82)都唔平喎豬主席！乜黃竹坑啲工廈好似嘢食貴咗咁多🙈🙈🙈環境係幾舒服，有screen播緊外國戲，又少人，避開咗正常時間，唔使逼！左上：鯖魚左下：南瓜右上：炒雜菌右下：腸..好嘢指數︰👍🏻👍🏻（5👍🏻為滿分） .…查看更多

週日一大早就起身，就係為咗食黃秋生無星推介嘅西貢金雞海南雞。（其實入到去都已經3pm）好好彩早少少迫到同前面外國人一齊入，唔係咁熱喺出面等位，真係面都黑埋🌚🌑。唔使多講，一坐低就叫半隻雞($95)嚟先，兩個人份量係啱啱好，唔一定叫碟頭飯。再叫多一個黃油飯($12)share，老老豆豆睇返個menu先發現原來我哋之前喺荃灣食過！！！不過唔知係咪總店，質素高過荃灣好多。個飯真係令我哋keep住食唔停～但個雞皮真係有少少偏咸，雞係滑過荃灣嗰間，但係仲未夠喺新加坡食天天個次咁滑，唯有等11月再戰！好嘢指數︰👍🏻👍🏻👍🏻👍🏻（5👍🏻為滿分） …查看更多

店家出面裝修其實都幾夢幻，又有插花又有歐陸色彩～我哋揀咗綠茶皮 加 綠茶雪糕 加 芒果！仲有超多極邪惡嘅creme！（其實有得揀走／小／多嘅份量）食得好滿足，綠茶味雪糕都好夠！食到底仲有店家有小心思：佢哋將芒果都放埋喺最底，令食客可以食到底唔好晒！.不得不提，雖然佢飲品只有兩款，但係！佢個益力多沙冰係一定要飲！因為好解到creme太膩個感覺！聽講學生食crepe加少少錢就有埋沙冰。（想回到過去…😭😭😭）.好嘢指數︰👍🏻👍🏻👍🏻👍🏻（5👍🏻為滿分） .…查看更多

雖然未有秋意，但食家一定要走在食界嘅尖端－打邊爐！今次試K11附近一間叫敍亨軒海鮮火鍋店。.店員推介胡椒豬肚花甲湯底（$108），真係要一試，好味到連湯都飲埋，好啱冬天用嚟暖下胃，同埋湯底非常足料，已經可以當一個餸！.估唔到火鍋店都有刺身食，叫咗個大刺身拼盤（$228）嚟試下佢質素，有五款刺身，厚切食落好肥美又新鮮！.到主菜啦！叫咗兩款肉類，有手切特級本地肥牛（$298）同日本黑豚肉（$128），肥牛淥幾秒，食到咀妙妙😍 好有牛肉味之餘仲唔韌添！.其實仲有其他配料，不得不提嘅係手打鮮蝦滑（$78）同新鮮炸腐皮（$58），見到蝦滑有粒粒蝦肉，無呃秤，同埋炸腐皮係即叫即炸，出到嚟熱辣辣！.好嘢指數︰👍🏻👍🏻👍🏻👍🏻👍🏻（5👍🏻為滿分） .…查看更多

我自己覺得綠茶味夠晒濃，最怕就係假綠茶味，唔好同我講咩淡淡，無人想食淡味嘅綠茶。豆腐雪糕轉vanilla好啲（我個人只愛食vanilla雪糕）。.綠茶心太軟 加 豆腐雪糕 （$62）.好嘢指數︰👍🏻👍🏻👍🏻（5👍🏻為滿分） …查看更多