Catherinepks's Profile

沙律買全份成100蚊黎到似半份既份量、幾條生菜 幾片南瓜，三粒蝦，點解仲有人話價錢相宜？ 難怪d 人反曬大陸食野～管理又差 ，座位叫位時，餐廳有一張大檯（可分細檯） 唔拆擺係度，由得出面十幾人等2-3人位唔處理，出面人呆等半個中先分拆細檯俾人入去，真心痴線，到底為咩？要人呆等咁耐，有位都唔俾人入，同埋已非第一次，上次去又係咁； 服務員頭髮長長遮眼唔望人、要大叫先會睇到你，唔係只睇住杯碟同發呆，杯又污糟要換過，唉真心唔會再黎…Read More

大中有幾間海南雞飯，食過呢間暫時最好食最抵食首先係姐姐服務態度好，海南雞飯好足料，唔係得幾嚿就算，同埋飯係暖架仲有例湯配埋，佢嘅酸菜仲好好食！繼續Encore ! 之前食過大埔廣場樓下一間又係賣海南雞飯，首先紋身阿姐態度非常Hea顧住玩電話，講嘢又冇禮貌，明明間鋪冇乜人買個海南雞飯都要等好耐，等嘅時候又見到佢同廚房斬雞位呀哥一路講笑一路慢吞吞整就已經眼冤， 買到返去又凍又得幾嚿。唔明點解冇好評，可能大家已經知道呢間嘢好正！…Read More

第一次過黎早茶，食過幾間海港都幾好，唯獨呢間。一黎到已經見到顧客同出面知客阿嬋就安排坐位而嘈交，已大打折扣。首先出品已差，燒買乾蒸真蒸到又硬又乾， 鹹水角漏油又唔脆，福建炒飯又咸到 又漏單出貨慢， 樓面又冇禮貌， 問拎辣椒油喼汁，仲同我爭拗話啲點心車有叫我自己去拎，拎到就唔洗叫你啦， 仲係度黑面！ 男女樓面都係，反而點心姐姐仲有禮過佢地！ 唔會再去呢間野啦～ 大家睇路啦～本身睇到多差評但以為一次半次咁岩，點知唔係。…Read More

買左現金券，當然要用啦，之前食蒸海鮮，買左現金券，咁今次就試吓食川菜訂左位上去 店面細 位置少 都預左點左鮑魚雞煲，味道唔合格，冇味另外，貝類當中有臭既、送既兩碟蟹都梅最後煲雞煲食唔掂要轉 酸菜魚，酸菜魚好少少 但好攪笑，只聞到酸味食唔到酸味， 魚肉質感又係怪怪地，一夾就散～上菜慢 ， 一開始叫雞煲等左半個中，食3個鐘半個鐘都係等個煲 ，火鍋食物冇咩選擇，質素普通其實之前食蒸海鮮時好似好少少冇咁差 大家有現金券好快快用曬佢佢哋職員服務態度係幾好既 好友善，係食物味道、新鮮度差，我朋友一路食一路話煲野臭，我作為請客方真唔好意思😢😢😢…Read More

昨日先去完The Market , 今日黎到呢度，服務態度一d都唔輸酒店水準，親切、自動加水等等，Serve 我地係一位大叔，都態度好好，聲氣溫柔👍🏾 野食都唔錯，會再幫襯！…Read More

寫明星期一到五外賣自取有85折，冇寫唔包套餐，買個肉碎煎蛋飯套餐外賣連凍飲 76蚊，但散叫62蚊仲有85折， 完全冇同我講， 我話唔洗野飲轉散叫， 又話唔轉得話已經落左單，首先我唔明點解外賣套餐冇折， 又冇寫明； 好啦，我以為套餐有幾巴閉， 話有青瓜/木耳、唔叫都唔俾，要提先俾，一野鼓油咁細成盒掉比我，唔想俾咪唔好俾囉！ 永遠唔會再幫襯！ 呃錢！…Read More

疫情後再臨海港，過去黎過感覺唔錯再黎食。第一值得讚就係有辣油，呢d有渣既辣油先好食，之前去大埔既酒樓，都係俾橙色加工辣油，睇到即刻扣分，有間仲要冇，得辣椒醬，真係俾佢吹漲。食物方面，叫左好多樣，當中燒賣 ，Xo腸粉，蟹柳卷，腐皮蝦卷都唔錯，XO炒腸粉真係熱辣辣，好夠味，好食過翠x 。待應態度幾好，拎醬油都快手，轉頭即有，拎點心黎又會打招呼/ 同你傾兩句好友善。整體唔錯👍🏾👍🏾👍🏾…Read More

屋企冇煮飯 就落附近太子小廚 叫左粟米班腩飯，豆腐斑腩飯 ，咖喱牛腩飯 同埋 金菇肥牛炒出前一丁， 班腩係唔新鮮，有變味，碟碟都超咸；金菇肥牛炒公仔麵 直情咸到苦，話俾時應聽叫佢換，佢話拎入去叫師傅再炒炒佢，就走左去！我當堂O嘴，炒？ 再炒個公仔麵點會冇咁咸，我唔理解！仲食得架咩？之後嚟咗果碟野，完全係可以預料淋到不餅野公仔麵，麵既咸味冇少到，仲淋埋，肉又硬又冇味，完全敗筆！第一次食到咁難食既炒公仔麵！杯奶茶又苦澀。。。大家不妨睇相，我碟炒公仔麵係冇金菇。。。。我碟金菇肥牛炒公仔麵去左邊唔好再黎啦各位石籬街坊！…Read More