好又一餐's Profile

之前去過呢間酒店buffet嘅屯門店，今次荃灣店同預期一樣，用咗openrice 優惠後，性價比絕對ok， 只係想過下buffet隱，同小朋友玩下，就好啱喇，諗住食好野就千祈唔好揀呢間。酒店位置有啲啲隔涉，不過原來有專車由葵芳站去酒店，半個鐘頭一班，我食完先知 先講最喜歡嘅甜品區，雪糕係Haagendazs同另外兩款港版雪糕，有益力多味、港式奶茶味等，幾特別。呢個corner成日都有人排隊，因為有waffle機玩 小朋友就最鍾意玩，整幾大個餅都話自己食得晒 加埋雪糕上去 仲有朱古力噴泉 其他野就……一般啦，呢個價位，坐得又舒服，要求唔會太高。服務員姨姨都好nice，廚師叔叔就……可能人手唔夠啦。…Read More

歐國盃八強大戰，想搵間酒吧睇下波，原本諗住去旺角，點知無一間有波睇，唯有去太子。本身唔鍾意太子啲吧，好多人食煙，是旦行，入咗呢間，堅禁煙，正 點咗個拼盆同薯角，都唔錯，最鍾意食炸野，佢又整得幾好，炸物配啤酒，睇波必備啦！係有啲餐牌上嘅啤酒無，最後都係點啲大路野，呢兩款都係大路野，就點隻大路中嘅小路……Erdinger 黑啤 愛隊輸波好傷心，不過搵到呢間都好開心再有大戰會再黎睇 價位唔貴，睇返之前啲食評，可能可以試下晚餐。…Read More

假日食咗個自助午餐，加上openrice折扣，成人三百有找，好啱budget。要求要超多款色的就不要來，食物款色不是很多，但對不是食很多的人就剛好。每樣食少少，仲有位可以encore想食嘅。環境幾好，人不太多，傾到計，攞野食又唔洗排好耐。係飲品款式太少，好似唔見有汽水，有咖啡機、檸茶、檸水，其他唔多覺。另外有朱古力噴泉，小朋友會鍾意食同玩。雪糕就係主力，有haagendaze，又有movenpick，唔錯。…Read More

Omakase呢啲貴野，唔係好捨得食，朋友話豪一次，好啦！原來有得無限追加壽司，咁又感覺抵返 食物係逐樣上嘅，最初梗係相機食先，後尾掛住食都唔記得影。總括都好食，最緊要一定食得飽，係超飽，不過其實唔追加都飽嘅 茶碗蒸 + ？？(好似係肝，唔係好記得 )蝦刺身，之後會炸埋個頭，香口 刺身，最鍾意係個北寄貝(好似係，除非唔係)，鍾意佢爽口 呢條魚幾得意，有好多春，本身麻麻地呢類魚，但點咗綠色個醋又幾好味喎肥 壽司出場 仲有甜品…Read More

一行5人星期日睇完戲，想搵間C類餐廳食晚飯，打咗兩間都滿座，見到The One有呢間「煌苑」，打去問，有位，不過接電話個人好似講咗第二個名，唔理啦，去睇下先。去到確認，係唔同嘅，改咗名掛，見出面餐牌價錢都ok，試下啦。地方好舒服，樓底高，唔嘈，傾計一流。叫咗個4人餐，份量好足，碟頭大，味道都可以。龍蝦伊麵，兩隻龍蝦，足晒料，味道都ok :)個餐嘅其他菜都好足料，個燉湯好得 兩味魚都好食 再加咗餸，呢個話梅涼瓜，睇得又食得 最尾仲有杏仁茶，應該係磨嘅，唔係開粉，不太甜，好like 埋單位位兩百幾，以環境同食物黎計，抵吖，服務都唔錯，好有禮貌原本冇諗住寫食評，所以冇影好多相，點知有驚喜，臨尾補影幾張，同大家分享下。…Read More

復活節假期，出去食個飯，未到6點，原本想去11樓，點知冇訂位就冇位，咁是旦就揀了呢間，點知有意外收穫。好耐冇寫食評，睇返openrice睇下點解最初冇諗過食呢間，原來係因為太耐冇食評，所以一早排除了，咁就等我寫個簡單嘅食評啦。原本冇諗住寫，所以冇影相，只有張單所有餸都幾好食，孖寶係燒鵝＋焗蠔，油雞＋煎蝦，座位都舒適，環境亦不太嘈，服務員都親切。講返個意外收穫，就係送嘅甜品……蛋散 超開心 其實，如果之前睇咗呢度嘅食評就會知佢一向都送的，唔知就超驚喜 賣相同之前嘅食評啲相一樣，想知就睇其他食評參考下啦！最後聲明一下，人數5位係分兩張枱嘅，食完7點，全部枱都坐滿了，應該好多熟客，唔駛靠睇食評 …Read More

去完天水圍醫院睇醫生，第一次晌天水圍搵食，去咗呢度飲茶。11點半左右到，要等位，3位唔搭枱，等咗十幾分鐘都冇枱，改等搭枱，5分鐘後有位。叫咗籠三色包，個樣幾靚仔，原來全部係甜包，外皮比較厚。另外仲有叫叉燒飯，28蚊碗，抵食，味道都唔錯。紅棗糕都唔錯，甜薄撐就普通，厚咗啲；仲有個菜煲就麻麻，放咗啲燒肉碎落去，個賣相真係一般，味道就可以啦。服務都還好，雖然唔可以話殷勤，但算可以，只係點心真係出得好慢。…Read More

上個月佛誕第一次來，食午餐，感覺很好，性價比高，食物質素好，環境舒服，價錢唔貴。父親節前一天來食個父親節午餐，這天沒有市集，沒有特別多人，餐牌也沒有因為父親節而變貴了，不過就和上個月有少許不同。上個月有少許不同。前菜有餐湯、麵包和沙律，賣相很好，味道也不錯。主菜最喜歡羊架，香軟嫩，有羊味 。牛扒也不錯，件頭十足，抵食。唯凍咖啡就麻麻地，淡淡的。食完再到外面走走，文化館的展館都很有趣，介紹這文化館前身的歷史，小朋友都很有興趣。環境也十分文青，打卡一流。…Read More

之前買過signature的sift chocolate cake，很好吃。又到要買生日蛋糕的時候，在網頁看到有新品，賣相很漂亮，小孩看到應該會很開心，加上說是64%的朱古力，就試試吧！實物和圖片一樣 👍🏻味道可以，但有點太"漏"。雖然只有6吋，但真係足夠12人吃。喜歡朱古力的朋友，還是選signature 那款好了，層次感多一點。…Read More

電視睇得多，終於有機會試Omakase(廚師發辦)，雖然是在香港…一向不太識食，這間新的樓上餐廳，唔係朋友帶都唔識黎。座位唔多，最好先訂位。食得Omakase，唔會平，呢間都係唔平，但CP值算高。一向慳妹底，冇幾可食咁豪，終於第一次貫徹相機食先玩法，再者，和廚師交流了一會，我給了Omakase另一解讀…下次食唔返，所以影底相，下次想encore的話，俾張相廚師睇就得(日藉廚師，睇相易溝通啲)。杯中的是生蠔，肥美。右邊白色的是鮮淮山，浸過wasabi 魚子醬、海膽都在這裡 旁邊的醬料都好味，朋友最愛前面那款，佢估係花椒造的，有新意。前面的是象拔蚌刺身，超 呢件拖羅要俾個特寫，超肥美 食完魚生，來個熱葷，其實仲有個似係湯嘅東東，唔記得咗俾相機食，朋友話係清口中餘味用。伴菜，好味，特別到壽司出場...唔同壽司，有唔同醬料和配菜，交足功課 呢個是最愛，放入口，有脆有軟，口感好正 最後，有味噌湯和日本生果，個柿 …Read More

先來個總結吧，食物水準是不錯的，環境也好，只是服務太差，短期內不會再去。星期四晚，提早做節。一行14人，晚上7時到，人不是很多，就點菜。沒有點太複雜的，招牌叉燒、冷盤海蜇、炸子雞、素鵝、蓮藕餅、豆腐、炒菜、炒飯、炒河等。原諒我沒拍到一張相，因為菜上得太太太慢，上的時候都不好意思讓相機食先。要知道14人個等餸，一碟餸上來，不到一分鐘都已分清。可這酒樓的上菜速度，大約15至20分鐘一道吧。而侍應生也少，完全應接不暇。可能被催得慘了，最後還問我們有沒有想要取消的菜。味道嘛，老爸其實很滿意，大多都不錯，就是炒飯最差，就一個濕炒飯 。也有叫那個楊枝甘露雪葩，好吃也好玩，只是份量少得很，一份才3個小球，湯圓般大。還有一個可取地方，免費泊車，只要預先告知車牌號碼就可以了。…Read More

生日飯，想食中菜，決定試下呢間評價唔錯但幾神秘的食肆，但好擔心唔識去。擔心的事發生了，看地圖找不到入口，望著個收押所入口，真係唔敢入。答案：原來真係收押所正門直入就是了。無得泊車，亦唔俾車入，不過好似見到的士可以入。想泊車，PCCW對面同警署隔離有露天停車場，步行約5分鐘。雖然話係對外開放，但始於晌好多閘嘅地方入面，加上幾經波折先搵到，坐底後個心都未定，冇心情影相，想睇相就參考其他食評啦。7大4小，星期五訂星期日晚食，有位。預定了杏汁豬肺湯、蒸沙巴斑、扇貝、豉油鷄同腰果露，全部都好食。尤其豉油鷄，老爸激讚，說食回以前住家豉油鷄的味道。老爸解說這種豉油雞功夫多，好少餐廳會煮，而且隻雞好大隻下，食唔晒。杏汁豬肺湯同腰果露都係比較難搵到嘅野食，一樣係功夫多，呢度都煮得好好食，可想大廚真係好有心煮。再叫多了幾個小菜，埋單$21xx。6點到，唔多人。8點半走時，見出口轉角仲有幾枱客，都係食生日飯，唔知係咪懲教職員呢? …Read More

家中長老生日，想一家大小試吓新野。見到呢間食評唔錯，又有啲新意，諗住去試吓。明白星期五晚比較繁忙，諗住早食早散。幾天前打電話訂枱，接電話的人話可訂6點或6點半，用餐時間1個半鐘。1個半鐘對一個12人嘅生日飯黎講好似好趕，但搵咗好耐先揀到呢間，唔想再諗。訂咗6點半，諗住早少少去，都應該冇問題掛。另一個麻煩點係，10人以上訂枱要去落$500訂。雖然明白呢個做法用意，但只接受現金落訂，真係有難度。唯有當日下午打去問有冇枱，冇就轉場啦。當日早上佢哋打黎，confirm咗有枱，諗住計劃可以繼續，點知……有部分人比預期更早到了，雖入面唔多客，但門口話最早都要6點3先俾入。門口個人嘅態度真係…… 差到令人好唔舒服，(應該係想倒老細米)。6點左右，我哋有10個到咗，啲細路晌門口玩，可能佢覺得煩，先搵部長快啲安排座位。終於俾入，但一路keep住講入座起計1個半鐘交枱，好煩。成餐飯都成日睇錶，好有壓力。食物算唔錯，但趕住食，冇心情影相。佢都趕住出菜，等啲客快食快走，全無次序可言，飯出先，冷盤出尾……， 唉，明嘅！不過食到咁唔舒服，冇下次啦！太趕，想食真啲，食多啲都唔得。多半個鐘，兩個鐘交枱的話，餐飯會唔同好多。…Read More

買了相信係第一批嘅團購, 要$148, 但之後再見到有$88, 真係有啲唔開心, 不過見到我買嘅有送虎蝦同雪糕等, 感覺好番啲.訂枱分3個時段, 5:30, 7:30, 9:30. 由於9:30太夜, 就選了7:30, 但最後6個人, 得1個準時到, 亦即刻有位, 咁朋友就燒住等, 最後8點到齊, 開動!有漏單情況, 但唔算嚴重. 食物方面, 叫"1"係真係等如"1件", 如1片和牛, 1片牛舌等, 所以可以重手少少. 直得一讚的係送的虎蝦, 真係算大隻, 肉質都唔錯. 和牛只可以說還可以. :) 魚生, 壽司亦是. :)總的來說, 燒的有好有不好, 會建議先叫少少試試.最後半小時就可以叫haagen Dazs流心雪糕任食, 不過只得一種味...焦糖, 但, 係"畢"出黎嘅, 所以應該唔係在超市買的流心雪糕.能令我寫這食評讚的主要原因係... 這次是舊同事聚會, 可是大家遲到, 原本只可有個半小時相聚, 或之後要轉場, 但由於冇人等位, 時間到了, 服務員都只係自動送單黎, 而沒有趕我們走, 最後係我們傾到差不多11點, 自己走人, 真的很不錯. …Read More

家庭聚餐, 十個大人, 兩個B, 食咗餐豐富的海陸空大餐! 由於掛住食, 只係影得幾張相.招牌菜, 蟹, 叫咗兩隻中蟹, $350隻, 一隻避風塘, 一隻薑蔥炒, 兩隻都好食, 尤其避風塘炒蟹, 炸蒜餸粥一流. 椒鹽瀨尿蝦, $150隻, 算係中size掛, 煮得幾好食, 如果大隻啲仲好.海鮮仲叫咗椒鹽九肚魚, 炒蜆. 全家都好鍾意食椒鹽九肚魚, 外脆內滑, 正! 香蔥雞煲, 上枱時真係熱辣辣, 咋咋聲, 有煙出, 好香, 味道都唔錯.陸上的仲點咗咕嚕肉, 蒜片牛柳粒, 仲有菜, 不過啲菜的選擇就少啲.識飛嘅就點咗BB鴿, 都幾抵, $38隻, 香口, 有肉味, 都幾好味! 成餐大家都食得好開心, 餐廳唔嘈, 傾到計. 好多窗, 感覺舒服開揚. 尖沙咀黎講唔算貴, 可能唔多人知, 所以星期日都唔爆, 會同啲朋友再去.P.S. 家姐對味精好敏感, 但係食晒成餐飯, 返到屋企都冇唔舒服, 咁佢應該落得唔太多味精, 抵讚!…Read More