Western bear's Profile

本身見呢間野網上有咁多好評，去開尖沙嘴就想試下係咪真係咁好，點知原來大部分係打手。嵐橋井飯同隔離間嵐橋日式料理應該係同一間公司，但嵐橋井飯鋪頭比較細，我地即使book左位去到都已經見鋪頭full曬，職員叫我地去隔離樓上既嵐橋日式料理坐，兩間餐廳menu一樣。呢個已經係第一樣餐廳安排上既問題。坐底既時候職員從來無講過有限時要交檯，咁星期五約得朋友食呢個價位既居酒屋都唔係想滾水淥腳咁食啦。食物質素幾差，價錢非常over price。重點黎啦，我同朋友食左一個鐘未夠，因為佢上菜快，已經食曬檯面既野，咁打算飲杯茶坐陣先埋單。經理好心急叫我地即刻埋單，咁我地都唔係想阻人做生意，覺得幫你埋左張單先好小事。埋完飲多杯茶咪走。點知個經理係咁催我地走，因為佢比左對男女係店鋪裏面既樓梯等位，而個男仔為左係個女仔面前表現就不斷催個職員幾時有位。呢個就好大問題，有咩可能餐廳等位唔係係門口，而係比佢地係間鋪頭入面等。感覺似係茶記後面企係度等位逼人走既感覺。對呢個價位既餐廳黎講不可接受。咁我地已經同經理表示左由入座到而家你催我都唔夠個半鐘，大佬出面平d既餐廳再chur都係限時個半鐘啦，更何況你一開始根本無講過要限時。個對等位男女覺得自己係餐廳等左10分鐘已經好耐，個女既係度講是非話我地‘厚面皮’好唔走，又係咁催個經理。講真經理比佢地入黎等呢個做法等同比壓力在座既食客，無理由比兩個咁無禮貌既等位男女騷擾仲在座既食客。我book完位，入座到離座within個半鐘，比人均差唔多四百蚊一個人，要比人催住走，職員態度極差，仲要比d等位既無禮貌食客比說話我地聽。唔好話四百一個人，免費都唔會去食。食物質素差之餘，但呢個價錢選擇多的是，無需要貼錢買咁差趕人走既服務態度。…Read More

同家人去左元朗牛舞食燒肉，揀左高級套餐，仲可以打邊爐同刺身，好多選擇，刺身都有三文魚，甜虾，帶子，北寄貝，都新鮮。燒肉梗係有日本牛，日本牛好多肉汁，入口即融。其他仲有澳洲和牛同美國和牛，豬肉羊肉，種類夠多，牛舌同豚肉莞茜卷都好味。海鮮有燒蠔，鮑魚，帆立貝，牛油蜆，虾同甲羅燒，我地專攻鮑魚同甲羅燒。出面有自助飲品吧，火煱配料同雪糕。另外，待應嘅服務都好勤快，主動幫我地個爐换網。我同家人都諗住下次再encore。呢道坐位幾舒服，兩人都安排卡位，water都算足夠，服務質素係香港小有…Read More

今日嚟到依家位於銅鑼灣利舞臺嘅牛舞燒肉放題，位置幾好，行街行到攰再過嚟食嘢都非常方便。兩個人安排咗一張四人卡位坐得好舒服。食物方面大部份都可以QR code自助落單，另設自助bar可以自選甜品，飲品，熟食。男朋友帶我去試呢間餐廳，餐牌裏面包含晒海鮮同埋日本和牛。先講海鮮方面種類都好齊全，連出面放題少見既甲羅燒，鮑魚都有。甲羅燒上面仲有蟹肉，另外配備蛋漿，加埋落去更鮮味。鍾意食甲羅燒既我忍唔住encore左幾次。至於主打既肉類不錯，和牛絕對唔欺場，望個油脂分佈都知正。主打薩摩牛食，和牛肉味好濃，油脂均勻，我地都忍唔住不停encore。另外仲有炸物同刺身，炸物有軟殼蟹，放題黎講出面都少見。刺身我就叫左希靈魚，正常發揮，好新鮮。我地食完熟食都飽到無食甜品，男朋友表示任飲啤酒已經好滿意🍻…Read More

這裏地點方便，位處商場嘅中心點，一出𨋢就見到，雖然週邊食肆林立但這裏仍然人山人海,證明質素有保證。職員非常貼心，安排咗個近窗邊嘅大枱，這裏嘅位置比一般嘅任食燒肉店闊落，很多亦都非常光猛，拿食物的位置都方便。出面櫃檯有沙律甜品同埋熟食任君選擇，其餘主嘅燒肉同埋火鍋配料均可以用q r code落單，不用顧客經常走來走去，十分貼心。燒肉方面，這類嘅薩摩牛係這個招牌，燒肉油脂分佈均勻，而且廚師師傅技術高，非常適合做燒肉，每一次點餐也是M5給質素，以680一個放題嚟講非常超值。此外，肉類嚟講呢就有數十款選擇，而且基本上都係高質素，燒肉跟出面散叫質素不妨多讓。另一方面，燒海鮮亦是這類嘅主打，非常化算，有蟹膏，鮑魚，大蝦，全部非常新鮮，食完一次都要即刻番點質素，比自己買嘅更加高，尤其以燒包磯燒鮑魚，師傅預先去除內臟，簡單燒一燒即食，味道清香，肉質鮮嫩。另一方面，這類亦有刺身可供選擇，多達十款，以三文魚甜蝦尤其出色，如果想要多元化選擇的話這裏絕對係首選。…Read More

呢家海南雞店係我喺觀塘食過咁多間之中最冇誠意肉質最鞋嘅一間。一般海南雞店安排雞髀同埋雞胸嘅份量都會比較平均，但呢一間佢係提供嘅位置係極之差，今次係安排咗一個全胸肉嘅位置，而且胸肉完全係冇切一嚿大雞胸唔在講，唔知以為我去做健身叫嚟食，雞肉切得差之餘亦都冇乜味道，分量又少，下面嘅配菜亦都唔夾嗰啲雞肉，不倫不類，不知為何，食完心情低落。粉絲方面，反而有驚喜，選用正宗韓國粉絲，口感非常堅韌，唯獨佢呢度招牌嘅海南雞係完全令人失望。…Read More

數碼港係一個環境非常之寧靜，配套方便，假日旅遊玩耍非常適合，但係相對呢一度嘅餐廳數量不多，如果要食日本嘢的話這間奧壽司係不二之選，質素高價錢超值，為慶祝結婚五週年紀念，決定同老婆食一餐好嘅，今次不惜工本，叫咗多樣名貴小菜，有海膽刺身，生蠔拼盤，火炙壽司，軟殼蟹牛油果卷，蟹粥和年糕。全部都非常高質，食到大家開開心心，食得出非常新鮮，蟹粥係用上新鮮嘅三點蟹，再配上多項嘅材料，令到個粥非常甜充滿蟹肉嘅鮮味，蟹肉啖啖肉，食完再食飽到上心口，十分滿足。…Read More

兵庫生蠔🦪生蠔相當出色，新鮮不在話下，仲好creamy，食落去超鮮甜。好推薦啊，連我平時唔係特別好蠔既都要再encore時令魚刺身-馬面魚呢度既菜式興煮兩味，刺身味道偏淡，配埋柚子汁又幾易入口。除左刺身，職員仲話可以幫我地將魚骨熬湯，魚湯好鮮甜，個味比刺身仲出，而且會配埋雜菜。一個送兩個食法，超值又可以試多個食法。蟹膏甲羅燒呢個蟹膏甲羅燒相當出色，我平時去親日本餐廳都會叫，但一直覺得出面好多餐廳調味會好重手，好鹹。呢度既甲羅燒真係必試，調味適中唔死鹹，又帶得出蟹膏既鮮味，而且裏面仲有蟹肉同櫻花蝦。強推啊！重頭戲-龍蝦兩食-燒半熟龍蝦同時令刺身一樣，呢個龍蝦都係兩食，仲好打卡able。一開始會將龍蝦做成半熟刺身，半熟既口感剛剛好，好鮮嫩，表面亦有燒過，更能帶出龍蝦既鮮味。同時燒龍蝦配以海膽同金箔，海膽鮮甜，一啖食曬龍蝦同海膽簡直係一個享受，兩者相得益彰，更能帶出大家既鮮甜。龍蝦兩食-龍蝦粥第二食就係職員會將龍蝦頭拎去熬湯/粥，我地就揀左熬粥。粥既份量都好夠，龍蝦頭一開二，煮到兩碗粥。粥既湯底好濃，好鮮甜，個粥會保留返個龍蝦頭，一樣都好打卡able。龍蝦熬出黎既湯真係無得頂，超鮮甜，粥裏面仲有d菇。粥索曬d龍蝦湯，唔覺唔覺我就食曬成碗。我個人覺得個龍蝦粥真係無得頂，我鍾意個粥仲多過個燒龍蝦。雖然呢個龍蝦兩食價錢唔平，但好值得一試，一個價錢試到兩種煮法，各有特色。而且唔洗擔心個份量，絕對夠曬兩個人當main咁食！超推薦一定要試下…Read More

今日黎到呢間book mark左好耐既餐廳，之前見到其他blogger post d 海鮮船既相個陣已經好想黎試。可惜一直未有時間，今次終於約埋朋友一齊黎試，餐廳座位好闊落，最岩約埋三五知己一齊食野.鱘魚黑魚子三文魚他他見到餐牌既時候已經好期待，當上菜既時候我同朋友都‘哇’左出聲賣相完全無欺場，好似個蛋糕咁，顏色好鮮豔他他分左三層，面層係鱘魚子，中間係熟既三文魚，底層係紅菜頭，層次十足，好有誠意，正中睇得又食得，仲要價錢唔貴，百零蚊就可以食到呢個咁好食又賣相吸引既前菜，岩曬我呢d鍾意打卡既人脆皮豬手豬手既賣相好豐富，除左豬手本身，仲有薯蓉等配菜。最值得欣賞係餐廳本身已經切好曬d助手，唔洗我地自己狼狽咁拆肉，呢點好加分。豬手既皮好脆，調味亦唔係出面餐廳咁死鹹，仲配埋個芥末醬，整體質素都係我食過數一數二既脆皮豬手。豬手既份量絕無欺場，兩個人share 夠曬有突價錢亦唔貴，二百零蚊一個咁有質素既main course, 一定會回頭再黎啊…Read More

呢度既午餐都係行大眾化路線，由串烤，湯面，刺身都有選擇，今次媽咪生日，唯有食好點。刺身點了最有名的7色剌身，有三文魚，寄貝，scallop, ，octopus,甜蝦，賣相都幾靚，相當厚切，食得岀係齊全新鮮貨，元朗有呢個水平相常驚喜。串炸方面，分别點了厚牛舌同雞軟bone, 前者厚身又有大量肉汁，師傅特別少落調味令牛舌鮮味更岀，吃一串已經有點飽，雞軟骨有點硬身，但勝在即整夠熱。性價比不錯，可謂元朗平價食堂。…Read More

飲品選擇方面幾多選擇，啤酒都平均廿零蚊一支，有asaki, 青島，blue girl湯底幾有驚喜，有海鮮湯鍋，花膠菇鍋，幾足料，鍋size較大，可一次放很多配料。雪花牛肉幾厚身，有約二十多塊，牛肉味濃，脂肪分佈平均，是高質貨。扇貝清潔乾淨，很大粒，味道鮮甜，魚鰭新鮮魚味重，其他地方食不到。餃子即叫即包，有多款口味可選擇，今次點左人氣水餃，響鈴是現場即炸，不需落湯即食，現場客人大多預早訂位，熟客眾多，記得要預訂。…Read More

前菜有幾款，泡菜最好味!燒爐可加蛋漿，加埋D芝士仲正!單骨雞翼 - 肉質不錯!少少SPICY!五花肉 – 好香豬肉味.油份剛好~又好夠味! 田園拼盤 -秋葵同D菇用來燒都幾不錯！可解肥膩! 餡餅 -最正係芝士肉碎同個餅底好夾,好有口感! 芝士燉飯 -賣相一留!份量亦相當夠!建議最後先食!the decoration is perfectly fit to the Korean style ,  it looks colourful and comfortable, a great place for celebration with family and friends.…Read More

今日黎到元朗食泰國菜，here門口同餐廳內嘅佈置都好有泰國風情，我地叫左生蝦，生蝦新鮮配上酸辣青汁好開胃。酸辣泰式鳳瓜，好大碟，最鐘意好香嘅芹菜同紫洋蔥。另外有酥炸生蠔，用生菜包住食，點上特製嘅醬汁，好香脆！仲有白酒煮青口，青口夠大隻，青口數量多d更好，連d配菜青椒洋蔥都有白酒香味，配菜都掃埋！另外有半打沙嗲串燒，有豬肉牛肉羊肉選擇，燒得香！啖啖肉啱哂我地里d食肉獸！仲有叫左兩杯特飲，青檸疏打同巨峰疏打！個杯好高，睇落好靚！下次要再試下其他菜式！…Read More

呢間位置幾方便既放題店，一岀地鐵站就到，坐位很寬敞，感覺上不會太嘈雜不會，是約朋友見面既好地方。朋友不吃刺身的關係，今曰集中叫燒物同壽司，燒羊架外脆內含肉汁，羊蘇味不太重，番叫左幾輪。燒牛舌係呢道我既至愛，夠厚身，又燒得金黃，加一點黑胡椒，非常香口，燒菠蘿就大件夾抵食，連皮燒更保留大量菠蘿汁，好正。壽司細細件，方便試不同款式，最正係蟹柳同燒牛肉，同外邊散叫差不多。驚喜既係飲品有大量選擇，有涷有熱，全部免费架。…Read More

呢間朋友介紹既火鍋店位置幾方便，尖沙咀同佐敦站行去都方便，一上到去已經很多客人，但安排的位置都很舒服，抵讚。這裏的套餐幾抵食，一個價錢包火鍋餐飲，竹筒火鍋賣相很好，底部有熱石保温，裏面相當足料，一上枱已有濃濃藥材香味，完全不需點調味。一開始先黎碟靚牛，炸物和自包餃子，估不到送的食物質素如此高，牛肉係手切牛，味濃但口感相當好，餃子裏有貴材料如黑松露，鮮蝦等，全部新鮮，忍不住要追加。另外有三，四十款配料仼叫，雖然已很飽，但黎到的食材很高質，食到停晤到口，整體性價比高，要經常黎。…Read More

這間位於銅鑼灣鬧市的四川菜館，一開店已經很火紅，特別係很多內地旅客專門光顧， 今次慶祝好友生日，早一星期已訂定枱。頭盤先點了一個蟲草燉雞湯，火候足，亦無落味精，一飲落試得到食材鮮味。麻辣腰花用上傳統四川煮法，又香又鮮又辣，豬腰新鮮無膻味，抵讚，份量亦很大，要幾個人分享。主菜水煮魚，魚用上新鮮桂花魚，上碟時紅油仍熱辣辣起泡，即時感受到四川辣椒香，廚師用上很多款辣椒，層次十足，魚肉很滑，與辣味亦很夾。整體裝修與食物質素很高，黎食的朋友請預早訂枱。…Read More