lllkitttyyylll's Profile

次次經過黃埔/土瓜灣都會想買返一碗芋圓返屋企食, 難得今日有時間, 就試下堂食一下~好多時我都會叫"四喜仙草", 岩哂我呢D 為食鬼, 又可以食芋圓, 又想健康少少食下桃膠, 又可以解下暑食下仙草~ 出面好多食芋圓的甜品店, 都係冰底. 但女生吾可以食呾凍, 佢呢碗係室溫既漿底, 岩哂我... 堂食有個小木盤, 一張卡仔, 同紙巾~ 滿滿的儀式感而朋友仔就點左 "黑糖珍寶仙草", 當中有芋圓, 珍珠, 小丸子, 樣樣都大大粒~ 總括: 陳茶館芋圓糖水真係好食, 食完之後會食尖左個咀, 再食其他既芋圓會覺得吾好味~ 陳茶館需要吾係好平, 但以呢個價錢, 佢真係有比足份量, 讚!! …Read More

Soi.29 係一直來試既餐廳 每次夜晚經過都大排長龍～ 今日未夠六點就到餐廳 可能食到第一輪 三個人食 樣樣都想試下～ 以下相片次序由最好食最必叫的食物排列：1） 燒牛肉 牛肉肉質好食 五成熟 配合燒汁一流 以$138 來講 有咁既質素 大大推介2） 皮蛋蝦餅一上枱時熱辣辣 好食既 但嚴蝦肉既部分比較少3&4）蔬菜同雞肉炒粉絲 味道一般 無麥驚喜 只可比合格分數 可叫可吾叫 吾食都吾可惜～5）蟹肉奄列 $108 上枱時都係熱既 店員仲叫我地襯熱食 但係食吾到有蟹肉 好似只係食緊蛋咁 以呢個價錢來講 就吾太吾抵總結： 用餐時間只有60-70 分鐘，雖然上菜時間都比較快 但如果係要排咁耐 食得咁趕 而味道只係一般既話～ 我就不會想再來了～…Read More

如果要來銅鑼灣食飯 我大多都會推介來食呢間高質小店 今次兩個人食飯 懶得諗叫咩好 就叫左佢五道菜二人餐 首先有一個是日餐湯配沙律🥗～ 雖然係話是日餐湯同沙律 但味道 賣相同份量 一d都吾少 今日的湯係薯仔湯 超濃厚 配搭軟熟既餐包食一流 今日個沙律係飛魚子中華沙律 勁大份 主食～ 有好多款可以揀 但因為小店做醉雞 醉鮑魚出哂名好食 好入味 所以呢個必點之選 👍🏻👍🏻主食2～黑毛豬鞍扒一上菜 已經比覺得佢賣相好靚仔 食豬扒最怕佢入面好嚡 但一切開嘅豬扒，一啲都唔嚡 配埋個汁同配菜一流最後當然要食埋甜品先完滿喇～ 今時今日$500 食到二人餐 仲要樣樣都咁高質既餐廳愈來愈少，我會返來再食架～🤪🤪🤪…Read More

係土瓜灣好似吾容易搵到一間環境靚又好食的中菜~屋企人想有一間環境高貴, 又好食的中茶去招呼一班親戚. 無意間search 到呢個餐廳, 見個名又幾得意, 又多好評, 就膽粗粗一試. 我地一行7個人, 原本餐廳職員安排我地坐出面的長枱, 但屋企人問有冇圓枱咁可以方便傾計... 餐廳職員就安排近門口的一間房仔比我地, 入面係圓枱, 又可以自成一角, 仲要無最低消費, 未食飯前已經可以滿足到屋企人對環境的要求~ 一坐低職員就比左一小杯welcome drink, 係椰子水配新鮮波羅~ 一人一少杯, 好好味~ (金沙鍋巴鳳尾蝦, 蝦肉好爽口彈牙, 亦都吾會被咸蛋的味道遮蓋蝦的鮮味. 配上底下的好脆的鍋巴, 好夾.. 以$68 來講, 好抵食呀!! )(嚐聚酸菜魚的貌相好吸引~ 好大碗, 雖然魚質只係一般, 但其他的配菜份量好多, 又大量的酸菜, 芽菜, 金菇, 用來送飯一流~) 整體: 餐廳環境, 服務同食物都非常好, 估吾到係呢個舊區都有一間高級的小店~ 下次一定會再來~…Read More

上星期屋企有喜事, 簽完紙後就去左倫敦大酒樓食晏. 由於都有兩枱親友, 所有一早就卜定兩圍, 打算招呼客人, 由於新朗新娘著住婚紗禮服, 加上想要有一個私人的空間, 所以要求要間房…訂好後, 同事最後仲話"恭喜哂". 點知去到當日正日, 只安排坐係酒樓最入的兩張大枱. 一個屏風都無, 於時即搵返負責人同我地傾下.. 點知.. 當日負責同事上到來, 怒氣沖沖同我地無安排, 又話單無寫, 無落簿要求, 講左一大堆解釋…一句道歉都無! 最終佢只提出兩個方法, 第一 “退訂要求我地走”,  第二 “留係到繼續食”.佢根本無心做出即時的解決方法, 只係叫我地走. 我都知可能係有溝通上的出錯, 但無打算做出任何的道歉, 一句吾好意思都無. 只係叫我地退訂. 由於著住婚紗禮服吾方便周圍走, 只好留係到繼續食. 野食都未到. 負責人再講“你地已經遲到, 5 點前一定要離開, 我地要落場” . 其實個陣3點都未到,我地個個到一肚氣, 又點會想再留係到呢.. 野食好一般, 態度超差, 貼錢都吾會再來, 令願行遠少少食連所酒樓!!!佢地既服務態度係吾會改變的. 最終我地知道負責人就係呢間酒樓的老闆, 同埋佢地間酒樓係買落的地方, 沒有加租的壓力, 做又36, 吾做又36.. 投訴都無用. 如非必要都吾會再去!! …Read More

呢間牧羊少年位於雅蘭中心, 地鐵站口一出就到, 地點超方便都吸引左吾少人但呢間分店勝在可以係 gulu app 上拎定飛, 所以等候時間吾算太耐, 好快就有位~ 必食之選 1  - 牛油果香芒烤雞沙律 (配胡麻醬)我最中意食佢的牛油果雞肉芒果沙律, 份量好足, 去親吾同分店的牧羊少年都會必點呢個沙津。佢既芒果係一d 都吾酸, 永遠都係好甜, 個雞肉係一D 都吾鞋口, 值得推介!!!必食之選 2  - 日落巴黎我好中意食窩夫 , 但確實無麥邊間整得好食既.. 除左牧羊少年~ 佢地的窩夫可以後上, 每一次食都好有水準。個窩夫暖暖地, 仲有一種好香的蛋味, 配上佢有的香蕉, 朱古力醬同埋雪糕, 呢個甜品都好夾!!! (心情吾好食佢, 食完成個人都開心返) …Read More