royin8771's Profile

係呢條邨住左30年，經歷過之前有大家樂、酒樓嘅年代，然後去到得返幾間老人院同埋呢間南豐餐廳，百佳同7仔都差啲頂唔住，全部都係拜領展一手所賜。終於幾年前換左手，商場煥然一新，而呢間南豐餐廳亦依然屹立不倒，之前咩質素唔想多講，淨係記得佢個蛋撻係超級好食，絕對係我食過既三甲之一，其他食物不值一提。聽人講餐廳最近換咗老闆，所以今日特登嚟試吓咩質素。咖喱牛肉飯，牛肉都幾多舊，有兩舊大薯仔，睇得出唔係hea，絕對正常，佢嗰啲咖喱汁係真係汁唔係水，淨係呢樣都打敗左出邊好多所謂嘅茶餐廳。另外再叫咗杯熱鴛鴦，佢杯野係偏向重茶味，但本人比較鍾意奶味多啲。…Read More

早排係旺角見到呢間野門口排晒長龍，先醒起原來沙田都有一間分店，睇過d 食評好似幾好咁，同埋都值得打卡，所以今晚同女友黎沙田試下。佢個位置比較特別，係正中間，好開揚，唔係一個鋪位咁，應該係特登間出黎。6點幾去到，得2檯人，睇完餐牌，舉手打算點餐，個男侍應掛住撩個女侍應傾偈完全無視我地，要後面另一個人出聲佢地先sense到，我地點左傳統飯團（推介）同肉醬芝士千層麵（推介），因為佢係標明推介，所以我地諗應該唔會太差掛。食完等於無食諗住埋單，點知個男侍應又係掛住同個女侍應傾偈，唉，好心佢啦，返緊工嫁，要我地走出去佢地先醒覺。…Read More

諗住去第一城睇下有咩食，見到呢間餐廳排係 openrice 第一位，就過黎試下。叫左個忌廉甜粟米吞拿魚意粉，明明聽到收銀話送野飲，咁我就點左個熱檸水，點知出黎張單要加$8，外賣仲要加$3，嘩，就咁一個意粉加杯野飲要成$60，值唔值真係見仁見智。嘩，呢碟野真係極品。成盒野叫做忌廉甜粟米吞拿魚意粉，但係係無忌廉咖！！變左真係要乾啃，其實無汁唔緊要，你煮得好食就得，問題係成盒野係無味，真係唔知食緊乜，吞拿魚又淨係得幾舊，真係唔推薦，無下次！…Read More

呢間野出晒名抵食，星期一至六下午茶時段半價，但係好難 book 位，同埋無得 walk in ，要有會員卡。平日因為要返工，所以得星期日先得閒，難得同屋企人飲茶，所以正價都無所謂。book 左12點，但都要等一陣先有位。佢沖茶果到係自助式，禁粒制會煲水，同一般酒樓唔同。大約12點15分到落左第一次單，點左我爸爸最愛食既牛肉球。過一陣點心陸續送上，講真味道同出面一般酒樓無乜分別，你話佢新鮮即場整我又唔覺特別好食，正正常常。過左大約半個鐘，所有點心食完，唯獨牛肉球仲未到，咁我就催左一次，問係咪漏左單(用手機點單，無理由會漏)，個 waitress 話整緊好快到，過多10分鐘都仲未到，咁我又催第二次，個 waitress 即刻同個上司講，話我個牛肉球都仲未到，我心諗，上司出馬應該好快到喇掛。再過多10分鐘，牛肉球終於到，但竟然唔係比我呢檯，係比隔離檯，真係講晒粗口。我即刻起身埋單，同個 cashier 投訴，乜今日無牛肉咩？你咁大間酒樓，漏單唔緊要，我等你整好，但我催左幾次你都 hea 我，服務真心差，唔會再去食…Read More