khman的個人專頁

早上 大概 11:30 , 諗著食烏冬 , 不過 佢個烏冬係跟壽司 , 我怕佢唔夠衛生 , 所以 改嗌 叉燒拉麵 再加杯熱檸茶。熱檸茶先到 , 加咗3包糖都仲係有 d 苦 :( ! how come 啊 !?!?!叉燒拉麵 ... 嘩 ! 一入口 ..... 乜竟然會係 "涼" 嘅  !?!?!麵質有點 "實" , 好似未煮得夠咁 凍咗嘅湯 , 味道變得怪怪的 幾塊薄薄的豬肉 , 又鞋、又澀 , 仲帶有 d、d 豬肉腥氣 唉 ! 真夠失敗  !!!!早知走去 翠瓊樓 , 正正經經咁 食碗 河粉 冇咁嬲 。…查看更多

食過 Pierre Herme 嘅馬卡龍 , 總會對其他牌子的 馬卡龍 有些要求 .我嘅要求係 :味道方面 要能夠恰如其份的表達出嚟 .但味道的重要性唔及 texture 咁重要 .今天 我在 Paul Lafayet 試了 Rose、Raspberry、Vanilla 3種味道的 馬卡龍 .得出的結論係 ....味道方面 :Raspberry 的甜味太強 , 唔飲水的話 , 之後食乜都冇味 , 口中只有甜到化不開的甜 加小小酸.Rose 的味道 ok , 不過 要飲過玫瑰花茶嘅人 先至明白 這種味道 , 否則未必會接受.Vanilla 味道 唔係好特出 .texture 方面 (與 Pierre Herme 嘅 level 作 standard 嚟加以比較) :外層 : 脆得嚟 ...唔夠幼嫩 , 略嫌脆層較厚 , 咬落去係 "塊狀" 斷裂開 , 而不能 公整地留下牙齒印 .內層 : 軟韌度 ok , 只係略嫌有 d 啫喱 (膠質) 感 , 唔似正宗嘅蛋白霜 .…查看更多

我一直在香港各餅店尋找美味嘅牛角包 .....今次我就嚟到  麵包秀 Bread Show , 準備見識一吓佢哋嘅出品 , 佢哋個門面扮得有點 "專業" , 令我脅有幾分期許  ....我一入店鋪 , 就見到佢哋有小型牛角包出爐 , 於是我諗住呢個時候買牛角包 一定會有些少水準 ....但係 .... 我搵勻全間舖都只係見到一 d 縮水嘅 牛角包 , 仲賣成 十幾蚊 一隻 ?!?!我見呢間餅店嘅架勢 , 好似好鬼專業咁 , 價錢又唔平 , 仲改過招牌名叫 "麵包秀 Bread Show" 咁 ....於是 我以為佢哋 d 牛角包 雖然係縮哂水 , 但都應該唔會差得去邊呱 .... 於是 , 我明知佢 d 牛角包 唔係好正常 , 我都照買 ......唉 ! 當我走出店舖 , 咬了一口 縮水 牛角包 之後 ..... 竟然 哼 ! 竟然毫無 "酥皮" , 原來只係一個 牛角包型 嘅普通麵包仔嚟 真係豈有此理 , 估唔到呢 d 咁低級嘅錯誤 會出現喺一間咁 "專業"嘅麵包餅店內 , 簡直係難以置信呀 !!!!!我越食越氣頂 .... 可惡呀 !!! 這間餅店竟然夠膽用呢個價錢 賣 d 咁嘅 "偽" 牛角包 嚟 濫竽充數  !!!!於是 , 我在忍無可忍嘅情況下 折返該店 .....我再三睇清楚 , 店方明明係白紙黑字 標明 "Croissant" , 豈能如此兒戲呀 ?@?@?於是我質問佢哋 d sales , 但係那位哥哥仔 只懂得一味話會同餅店師傅反映 ...氣得我 ..... 同佢講 : 叫你哋個師傅去對面日本餅店買個牛角包嚟食吓 , 學吓咩叫做牛角包啦 !!!…查看更多

12點未夠 就約埋家姐去食 lunch , 勝在唔駛等位 家姐介紹食 "蛋包飯" ....well ~ 我之前都有上網 睇過日本仔 點樣煮蛋包飯 , 過程都幾簡單 , 製成品方面 會有 d 視覺享受 , 應該會幾有趣 ... 香港少有 , 甚至其他亞洲區嘅地方都難得一見呢 . 我亦從未食過 "蛋包飯" , 我估 .... "蛋包飯" 嘅味道都只係簡單的日本味 ; 不過 , 我個人就好接受呢種 "整色、整水" 嘅窩心效果嘞 ...當我去到汕頭街 , 離遠睇見 cat's eye 嘅舖位 , 突然眼前一亮 !! 原來係用咗 日式 "街坊食肆" 嘅設計 , 我個人對呢種格調 特別有好感 , 對我嚟講 相當吸引.....我再睇見佢嘅招牌 cat's eye 名字 , 咁就更加令我憶起 同名的日本漫畫/動漫 ..... 我印象中 該漫畫的內容頗精彩 , 這令我 不期然對呢間食店產生咗濃厚的 "簡單" 期望  .... 讓我有 非試不可 的衝動 !佢門前標明 , 係使用日本米 . 雖然我唔知佢用咗邊隻日本米 , anyway , 這令我覺得佢會著手在用料方面 落點心思 .我 order 嘅係 茄汁漢堡扒飯 $93我家姐就 order 白汁雞肉 + 茄汁牛肉飯 $78另外再加一個沙律 , 大概 $十幾蚊.蛋包飯 嘅造型 似隻眼睛 , 我睇見會有點會心微笑 , 不過 好似冇乜人留意得到 ~至於 味道方面 , 老實講 , 我去超市 買盒日本即食嘅 , 應該都係差唔多 .... 嘻嘻 , 咁即係 ok 、合格咯 ~不過 , 嗰塊 漢堡扒 d 牛肉 有 d 鞋口 feel , 唔及 超市嗰 d 生嘅(未熟嘅) 日本和牛 凍肉漢堡扒 咁正 .至於 我家姐 order 嗰份 嘅白汁雞肉 就幾好嘞 , d 雞肉有彈性嘅 .另外 , 沙律 一細兜、鮮明開朗 , 上面鋪咗些少麻醬 , 幾爽 .舖內環境 有點熱烘烘的感覺 , 我脫了兩件外衣 仍覺 興合合 ....我抬頭一望 , 原來係 鎢絲燈膽、係 輻射熱 嘅膨湃 "熱情"  -.-"此食店頗有 franchise 嘅商業原素 ....全店只供應 3 種醬汁(兩種肉類) , 應該會幾容易控制 , 相信佢會越做越出色 !…查看更多

香港好多麵包/餅店的 牛角包 的製成品 , 大多數都係近乎 "麵包" 多過 "牛角包" .凱施 牛角包 ($6.5) 嘅 水準 , 大致上 都算得係較其他同業出色了 ....他的 牛角包 :  中央(內層) , 氣孔/薄膜 明顯 廣闊好多 ,  表皮的脆度亦佳 .  唯一較為遜色嘅係 "爽"度略差 ("韌" 性過大) . 我估計這個問題 應該是麵團嘅筋性 "過強" 所致 .anyway , 在香港的眾多 麵包/餅店 之中 , 它的 牛角包 仍然算係頗為突出 , 以 $6.5 這個價錢來講 , 是值得推薦的 .…查看更多

香港唔似得法國人那裡 , 人家的 牛角包 用足上好材料 , 有國家支持 , 令價格仍能保持著平民化 ....在香港想搵件似樣的 牛角包 , 其實一 d 都唔容易 ....我試過灣仔那間標榜法國巴黎分店 Maison Eric Kayser 的牛角包 $16  , 咬落似麵包 , 教人非常之失望 ...而九龍灣的 Crostini , 牛角包只需 $9 , 卻有板有眼 :牛角包 的 脆度、牛油味度、中間氣孔的廣闊膨漲薄膜 ....只要一咬到落口 , 就可以感到絕冇欺場 !但 Crostini 嘅 danish , 我卻覺得普普通通 .其實 , 佢招牌 Crostini 就已經講明 牛角包 係佢嘅台枉 .去 Crostini 唔食 牛角包 就真係唔識寶 .其他食評 圖文並茂 , 縱使 非常吸引 , 但都唔係 Crostini 嘅重心 ....反而 冇乜人提過、外表平平無奇、價錢最便宜 嘅 牛角包 ($9) 先至係呢間 Crostini 嘅 拿手絕活 !!現今世界 , 都一味著重包裝 .去過法國 而唔懂得欣賞 牛角包 嘅人 , 大有人在 .其實 , 人嘅閱歷多咗 .... 就明白那些花枝招展嘅糕點 只係商業原素 , 大多都係 眼到 而 口胃不實 , 沒有甚麼好再期望 ....終究還是 .... 回歸基本嘅 牛角包 最能體現 Crostini 嘅實力 .…查看更多

及第粥 $17豬潤 比 維記的好上一千倍豬心 浸過燒酒 , 鮮甜帶酒香粥底夠綿 有粥味 !豬肉丸 和 豬生腸 一向都係 不外如是 , 冇乜期望 .下次 , 一於要試埋 魚雲粥 和 艇仔粥 .…查看更多

粥底夠綿, 好味.....豬潤爽脆, 有豬潤味......豬心爽脆, 鮮甜, 有薑汁酒香.....豬粉腸, 唔錯, 只是有些微韌.....豬肉丸, 爽滑, 好味.....價錢$16 和公認一級的上環"生記" $18(非繁忙時段) 相差無幾.但我好肯定牛頭角這檔林泰的"及地粥" 在幾方面的表現都較為出色!!…查看更多

這檔"牛頭角碳爐" 的格仔餅, 外脆內軟, 以口感取勝.味道只是一般, 好似冇落煉奶, 較為乾身.與"北角雞蛋仔" 的電爐格仔餅($11)相比....味道是那檔"北角雞蛋仔" 較佳, 可能只是因為"北角雞蛋仔" 有落煉奶的原故.不過, 口感方面, 由於這檔"牛頭角碳爐" 能夠造到格仔餅(的餅芯)入面較為煙韌, 而且外皮有碳爐feel , 所以較好.而且, 這檔"牛頭角碳爐" 在價格方面仍是$10 , 比"北角雞蛋仔" 的$11 較容易接受. 所以我較喜歡牛頭角這一檔.…查看更多

年卅晚, 一行6 人, 叫了半圍套餐.1/ 半隻燒乳豬(加海浙配菜) . 都幾好食.2/ 蜜糖豆炒蝦仁. 蝦仁外面爽滑, 蝦仁入面也有少許蝦味. 個人估計... 外面爽滑係因為用o左硼砂.3/ 半隻炸子雞. ok4/ 蒸石斑(估計是一斤以下) . 十分鮮嫩. 頗有水準.5/ 燴海參鮑魚. 唔合格! (不過海參都ok.) 鮑魚有點韌不特止, 鮑魚本身的牙齒仍未清除, (恐怕鮑魚的內臟也未能完全清除) , 最離譜係... 我食果隻鮑魚的味道唔單止淡、 咬到中芯的時候, 汁液中竟然帶有頗強的苦澀味, 我吐了出來, 用水清洗口腔之後, 再咬第二啖, 一樣係咁苦, 卒之要投降, 棄掉了!6/ 燴江瑤柱髮菜蠔鼓生菜蒜子. 有點水準.7/ 蟹肉扒西蘭花. 蟹肉完全無味! 唔合格!8/ 碗仔翅. 一般.9/ 叉燒蘇, 很好吃、很有水準.10/ 壽包. 一般吧. (有點失望...) 大概是它的皮厚了一點吧, 也可能係我的口唔夠大...... 總之, 第一口咬落去,滿口盡是粉皮,十分冇癮... 而餡料也沒有甚麼驚喜, 那個溜油的蛋黃, 除o左有點看頭之外, 我並不覺得特別好吃.這個套餐亦有跟埋汽水、炒伊麵和糖水.至於侍應的招呼, 頗為體貼殷望. 值得一讚.總的來講, 這間東海自稱是"海鮮" 酒家, 但"鮑魚"、"蟹肉" ... 等"海鮮"的出品.... 竟然係如此欺場! 另外, "蝦" 和"壽包" 也教人失望. 故此, (我)之前未幫襯過它的, 今次總算是見識過了.....不過, 冇下次了.....…查看更多