DesmondLaw1993's Profile

象泰宴總括黎講係一間性價比都高嘅泰式餐廳，經常都爆滿人，有少量露天雅座，天氣好嘅話喺室外坐都會幾舒服。餐點碟碟都好大份，味道都可圈可點。咖哩軟殼蟹麵包有濃濃嘅椰香味，唔會太辣，厚厚嘅多士沾著咖哩食，十分唔錯。去骨海南雞嘅雞肉同雞皮十分之滑，冇住煮得過老。馬拉盞肉碎炒通菜炒得有鑊氣，鹹香辣味十足，十分之惹味。泰式明爐大蜆鍋 算係一個偏酸嘅湯品，鍾意食酸嘢嘅朋友可以試一試。個人最喜歡佢嘅菜品係蒜蓉麵包，麵包大大條 而且烤得好脆口，蒜蓉味十足，大大啖咁咬十分滿足。…Read More

金銀泰係喺廟街附近嘅一間泰式餐廳，因為朋友一直話呢間好好食，所以特登嚟試下。舖頭裝橫雖然比較普通，而且空間比較細，但係食物水準的確唔錯，係值得再次品嚐嘅餐廳。今次試咗好多唔同嘅食物，特別攞幾款嚟介紹。首先係佢嘅沙嗲串燒，有牛同雞，點樣配搭都冇問題，個人比較推薦食牛，牛肉口感紮實，配埋特製沙嗲醬，口感同味道都一流。跟住係佢嘅馬拉盞蝦乾炒通菜，鹹香味同辣到啱啱好，連我呢啲好少食菜嘅人都忍唔住係咁食，味道令人上癮。跟住叫咗個鹹魚炒飯，鹹香味都夠濃，飯炒得夠乾身，味道都唔錯。嘢飲主要推薦芒果沙冰，用咗真正嘅芒果蓉，口感一流亦都十分之涼爽，最啱喺天氣熱嘅時候飲番杯。…Read More

位於市中心繁華地段的麥金餐廳是一家非常受歡迎的咖啡廳，除了提供各式咖啡和輕食外，他們也有豐富的主食選擇。今天我來試試他們家的招牌菜喇沙。娘惹喇沙 $68喇沙是一道馬來風味的湯麵料理，通常使用椰漿、咖哩粉、辣椒等調味料烹煮而成。在麥金餐廳的喇沙裡，我可以看到整隻的蝦、漂亮的雞蛋、新鮮的魚片以及各種蔬菜，看起來非常豐富美味。第一口湯底帶著椰香和香料的味道，讓人胃口大開。麵條Q彈有嚼勁，蝦和魚片都非常新鮮美味。椰香咖央多士(半份) +$14一上桌，椰香咖央多士散發著誘人的香氣，金黃色的麵包慘的外脆內軟，拿在手上熱騰騰的，讓人垂涎欲滴。一口咬下去，首先感受到的是椰香濃烈的味道，緊接著是咖啡的苦中帶甜，相互融合在口中，帶來濃郁的滋味。咬開麵包，內部夾著醇厚的咖央醬，口感滑順，甜度適中。桔仔話梅水 $10一口喝下去，先是甜甜的味道，隨即是鮮明的話梅風味，再加上微微的酸味和微咸的滋味，整體味道非常平衡。喝起來清涼爽口，特別適合在炎熱的天氣裡享用。桔仔話梅水的口感頗有層次，甜甜酸酸的滋味中帶著微咸的風味，讓人回味無窮。整體來說，麥金餐廳的喇沙味道不錯，份量也十分足夠，是一道值得推薦的主食選擇。無論是單吃或者搭配其他小吃或飲料都非常適合，是一個值得一試的美食。我想下次再來一碗！…Read More

日式裝潢及環境光亮整潔，舒適感滿滿😍店內提供的燒肉選擇眾多，從和牛到豬肉到海鮮，應有盡有，滿足唔同食客既要求😁店內用QR code自助落單，方便簡單，上菜亦十分快捷。我們點了澳洲M9里脊肉+橫隔膜肉套餐🐮服務生很快就將新鮮的肉片送上桌。個人比較喜歡里脊肉，肉質鮮嫩多汁，配上店家特製燒汁，味道非常美味😋另外配有雞蛋撈飯，配上醬油，十分美味。另外叫咗一個四重奏套餐，肉類包含牛胸花、肩胛片、豬五花同雞腿肉。我最鍾意肩胛片，牛味夠重👍醬汁的味道亦都恰到好處。雞腿肉用柚子汁醃製，食落會有柚子嘅清香，都幾特別☺️另外套餐配咗冷面，冷麵清爽解膩，配有甜甜嘅蘋果片🥰喺食燒肉燒得㷫烚烚嘅時候食碗冷麵真係唔錯。整體來說，牛繁一人燒肉是一家值得推薦的燒肉店👌食材新鮮，味道美味，服務周到，讓人吃得滿足又放鬆。…Read More

香港懷舊特色車仔麵，新開一段時間先得閒黎食。裝修都幾有心思，用左香港懷舊風格，幾有特色。點餐都幾簡單，一張紙搞掂哂，專做車仔麵，配料同小食都算多樣。配料就其實都係正常嘢，冇咩特別就唔多講。特別啲就有得揀多蔥，我都冇試過食車仔麵會落咁多蔥，鍾意食蔥既話記住點多啲啦。其實食車仔麵主要食佢個醬汁同湯底，每一間嘅車仔麵檔都會有佢嘅秘製醬料，呢一間都唔例外。醬料會用個匙羹裝住畀你，因為驚你唔食得辣，咁你就視乎自己情況加落個湯底度，都幾貼心。我食車仔麵我都係點腩汁，佢味道都唔錯，都幾香濃，而 佢嘅秘製甜辣醬其實會有少少辣，味道都幾過癮，得閒過嚟食返碗都唔錯。…Read More

沙爹金菇粉絲肥牛煲 $98用料都幾足下，但係個汁就偏鹹少少，如果有碗白飯嚟送下，應該會好好胃口。個煲熱辣辣，天氣凍嘅時候叫返嚟食都唔錯。揚州炒飯 $86中規中矩嘅炒飯，有蛋香同鑊氣，飯炒到粒粒分明，而且夠乾身，算唔錯。鮑汁海皇福建炒飯 $99普普通通嘅福建炒飯，味道都係中規中舉，炒飯底配上鮑汁同各種配料，炒飯都夠乾身。椒鹽九肚魚 $94份量其實比較少，鋪滿咗好多炸蒜，本身滿懷期待，可惜食落口冇咩味，椒鹽味唔夠重。七味黃金炸一口金磚豆腐 $75本身好鍾意食豆腐，所以都專登叫返一碟嚟食，豆腐炸得好酥脆，口感一流，唯獨都係冇咩味。菠蘿生炒骨 $90比較出色嘅一碟餸，生炒骨夠咬口，肉大大舊，味道酸酸甜甜，都幾好食。甜品送咗每人一碗蕃薯糖水，番薯大大舊，糖水夠甜。…Read More

牛魔王小窩套餐 $64叫咗麻酸辣湯底，味道其實都唔錯，麻辣食得到過癮，酸味夠開胃，係辣度會辣少少。牛丸同牛腩都有牛味，牛丸夠彈牙，牛腩夠淋，係會再想食嘅選擇。春捲牛腩小窩套餐 $61肚腩同上一碗差唔多，一樣咁高質，春捲就係淋嗰隻，類似平時食開嘅齋肉條，春捲餡都夠結實，夠曬飽肚。呢碗嗌咗蕃茄湯，係我最推薦嘅湯底，蕃茄未夠香燶，食唔曬個粉都要飲曬個湯佢。香辣紫菜雞翼 套餐+$22 你半煎炸雞翼上面配上紫菜，老實講似兩樣食材夾硬放埋一齊，雞翼無紫菜味。不過其實兩樣都好好食，雞翼都夠脆，紫菜似韓式紫菜，有油香亦都夠脆，咸咸地，唔錯嘅小食。整得黎講所有嘢都好好食，價錢就感覺貴左少少。…Read More

蔥花滑蛋三拼飯 $65今天我去了蘇杭冰室，點了他們的蔥花滑蛋三拼飯。這道菜非常美味，蔥花的香氣令人垂涎欲滴，滑蛋也炒得恰到好處，軟軟滑滑，給人一種愉悅的口感。每一味都讓人驚艷。叉燒也煮得非常好，唔會太柴太乾，配搭鼓油汁十分之美味。整體來說，這道三拼飯給人的感覺非常豐富多樣，每一口都帶著不同的滋味，值得一試。店裡的服務也非常親切周到，讓人感受到舒適與溫暖。價錢也相當親民，合理價格。下次再來蘇杭冰室，我肯定還會點這道菜！…Read More

蠔仔肉碎粥（大）$108成個蠔仔粥整體嚟講都幾好食同好夠味，用料都唔孤寒，有好多蠔仔同配料，成碗粥都夠四個大人分。唯一遺憾係個粥底唔夠綿，飯係一粒粒似湯飯多啲。蜜汁薯仔牛仔粒 $98另一款我覺得唔錯嘅小菜，味道甜甜地有少少黑椒味，牛仔粒同薯仔煮到個外皮有少少脆，口感一流。可惜成碟感覺份量唔夠，配菜類太多，肉類較少。潮州煎蠔餅（大）$108蠔餅畀想像中大份，亦都煎到十分之脆。每塊蠔餅都落足料，鍾意食蠔嘅人應該會好滿足。建議如果要食就嗌小份，大份太多慢慢食落就會覺得好滯， 而且放太耐未食就會開始慢慢出油同變淋影響口感。德國脆皮咸豬手 $148呢碟需要較長嘅時間烹煮，表皮都整到十分之脆， 咸道適中，肉質就偏柴少少，唔夠肉汁。沙拉骨$88一般餐廳水準，係煮好嘅肉排上面淋上沙拉醬，主要食沙拉醬味道。…Read More

海南雞飯 $48呢個價錢黎講，佢俾既雞份量都好滿意，而且質素都唔錯。雞肉係拆哂骨，入口啖啖都係肉，雞皮又滑，肉質唔柴夠嫰滑。油飯都係重中之重，一碟好既海南雞飯一定要有香而不膩既油飯。佢既油飯夠香，唔會過濕淋哂，加埋少少酸酸地既配菜，絕對開胃食唔停口。佢俾既酸辣汁味道偏酸，配雞唔錯，但唔建議倒落飯度，會破壞左油飯本身既油香口味。香茅炸雞翼 $20價錢尚算實惠，總共有5隻。整體黎講就一般般，食得出係香茅味，不過唔夠突出。肉質都算嫩，感覺似半煎炸，表皮唔夠脆口。…Read More

黑松露汁鴛鴦扒焗飯 $62揀左炒飯底，乾身得嚟有啲蛋香，口感唔錯。黑松露嗰種香氣真係好頂癮， 又香又吸引，估唔到配落焗飯度都幾夾。芝士都畀得足，係可以拉絲嘅。普通茶餐廳豬扒、雞扒，整體感覺幾好食。咖哩牛坑腩飯 $63牛腩俾得都幾多，入口都交軟淋，好好咬，牙力冇咁大嘅都唔怕。咖哩辣辣地，對我嚟講啱啱好，而且香味夠濃，配飯食一流。但係個飯比較濕身，感覺落得太多水，口感唔係咁好。牛乳草莓 $12加配咗個特色飲食品，牛奶用嚟解解辣都唔錯，少量果肉，味道偏甜，就係價錢略貴。…Read More

屯門一間人來人往嘅pizza、炸雞、意粉食店，夜晚去到嘅時候都好多人排隊😎裝橫十分有現代感，有大屏幕投放歌舞影片，環境十分舒適👌值得一提嘅係佢哋服務人員都好友善，雖然佢地嘅服務員大多數係外籍人士，以英語溝通，英文口語唔係叻嘅我由排隊點餐到結帳過程都完全冇問題😆服務員用心服務，用餐過程愉快。肉食主義滿滿嘅肉類pizza，仲有芝士、泡菜、蛋黃醬等等🤗薄薄嘅餅底，滿滿既餡料，鍾意芝士既朋友更加會迷上佢芝士拉絲既畫面😋味道鹹中帶微辣，偏韓式泡菜辣醬嘅味道，十分之唔錯。半半炸雞揀左蒜香甜辣及蜂蜜牛油味。蒜香甜辣既香味十分之濃郁，微甜帶辣，係我比較喜歡食一種味道☺️蜂蜜牛油就偏甜少少，用調味粉嘅形式落喺炸雞上面，鍾意食甜味炸雞既會好鍾意🤤肉炸得幾出色，炸粉係薄嘅，完全唔油膩，肉質保持嫩滑嘅感覺，唔會炸得太耐。芒果熱情果紅茶味道十分之清新同清甜，甜到啱啱好，個紅底都十分之好飲😍亦都有用心咁裝飾，一啲都馬虎。…Read More

晚飯唔知食咩好，行黎行去最終都係入左呢間食。焗芝士蘑菇海鮮飯 $68叫即焗既焗飯，所以要等得耐少少，食物都算唔錯，等一陣都值得嘅。面頭鋪滿芝士，雞蛋炒飯底，熱辣辣撈埋一齊食幾好食。海鮮都應該係啲急凍海鮮，唔會話有咩鮮味，不過一般茶餐廳都係咁。大澳生炒牛肉飯 $60牛肉飯炒到粒粒分明，鹹度適中，不過都係有飯多餸少嘅通病，就咁望都唔覺得有啲咩配菜，不過味道就算係唔錯嘅。飲品都係一般茶餐廳飲品，凍飲要加三蚊，冇加一服務費。…Read More

工廠區裏面嘅一間餐廳，雖然冇華麗嘅裝修，只有最普通嘅茶餐廳裝橫，但係食物質素有驚喜，價錢亦都相當抵食，員工服務更加有人情味。招牌口水雞髀飯雞髀肉十分之大隻，肉質夠淋夠嫩滑，一啲都唔柴，麻辣未夠重，亦有足夠嘅香蒜同芫茜，夠曬惹味可口，令人食上癮。益力多雜果蜂蜜飲品其實都幾特別，有各種創意嘅特色飲品，跟餐送，完全唔使加錢。我呢杯雜果蜂蜜夠曬甜，主要係益力多嘅味道，淨係飲落都唔錯。有機會想再試下其他特色飲品。喳咋糖水都係隨餐附送嘅，佢真係好足料，亦都加咗一隻蛋，甜度適中，食哂佢啲嘢真係飽到上心口。叻外會送上是日靚湯，一個餐包咁多嘢食，大約$50一個午餐，唔怪得佢個場爆滿，相信回頭率應該會好高。…Read More

Massaman咖哩王牛肋條飯 $48第一次食就畀佢啲香氣吸引，濃沃嘅咖哩香吸引食慾，味道雖然偏辣，但係就食唔停口。牛肋條份量度足夠，而且口感軟淋，亦都炆得好入味，一啖肉配一啖飯，滿足感十足。咖哩飯上面有時會有香菜，唔抗拒香草既我冇咩所謂，但係如果唔食得香菜就記住出聲話佢知啦。佢啲嘢飲全部都好特別，我叫咗個特製黑糖燕麥，個餐包埋唔使加錢，黑糖嘅味道令人雀躍不已，甜度十足，燕麥增添唔少口感，十分特別，係我首推既飲料。外賣佢係用whatsapp落單，而且都回覆得幾快，態度亦都十分有禮，外賣準時，服務認真唔錯。…Read More